လံာ်တၢ်ဂံၢ် 2:25 - Sgaw Karen Common Bible

^25-31 လၢကလံၤစိးတကပၤန့ၣ်, ပှၤလၢအအိၣ်လၢဒၣ်အကရူၢ်အနီၣ် တယၢ်အဖီလာ်ကပာ်လီၤအသူၣ်ဒဲလီၢ်လၢအကရူၢ်တဖၣ်ဒၣ်ဝဲ အပူၤ, လၢအခိၣ်အနၢ်တဖၣ်အဖီလာ်ဒ်လၢလာ်အံၤအသိးန့ၣ်လီၤ. ဒၣ်အကရူၢ်အပှၤအခိၣ်မ့ၢ် စီၤဧးမံၤၡးဒံၤအဖိခွါစီၤအဃံၤဧ့စ့ၢ်, ဒီးအပှၤ ဃုကလးခံကထိနွံကယၤဂၤ. အၤၡ့ၢ်အကရူၢ်အပှၤအခိၣ်မ့ၢ် စီၤဧးကရၣ်အဖိခွါစီၤပးကံၤအ့လး, ဒီးအပှၤ လွံၢ်ကလးတကထိယဲၢ်ကယၤဂၤ. နးသၤလံ အကရူၢ်အပှၤအခိၣ်မ့ၢ်စီၤဧ့နၣ်အဖိခွါစီၤအဃံရၤ, ဒီးအပှၤ ယဲၢ်ကလးသၢကထိလွံၢ်ကယၤဂၤ. ပှၤအနီၣ်ဂံၢ် ပာ်ဖှိၣ်ခဲလၢာ်မ့ၢ်ဝဲ, တကလီၢ်ယဲၢ်ကလးနွံကထိဃု ကယၤဂၤန့ၣ်လီၤ. ဒၣ်အကရူၢ်ကလဲၤထီၣ်ဝဲလၢလီၢ်ခံကတၢၢ်န့ၣ်လီၤ.

လံာ်တၢ်ဂံၢ် 2:25 Iomraidhean Croise

လံာ်တၢ်ဂံၢ် 10:25

လၢခံကတၢၢ်န့ၣ်, ပှၤတဖၣ်လၢအအိၣ်လၢစီၤဒၣ်အဒူၣ်အကရူၢ်အနီၣ်တယၢ် အဖီလာ်လၢအမၤတၢ်ဒ်ကရူၢ်ခဲလၢာ်အပှၤပၢၤတၢ်ကစးထီၣ်လဲၤတၢ်တဖု ဘၣ်တဖု, ဃုာ်ဒီးစီၤဧးမံၡဒံၤအဖိခွါစီၤအဃံဧ့စ့ၣ်ဒ်ပှၤပၢဆှၢတၢ် အသိးန့ၣ်လီၤ.

လံာ်တၢ်ဂံၢ် 3:35

ပှၤအဒူၣ်ထၢအံၤကဘၣ်သူၣ်ထီၣ်အဒဲလၢဒဲစီဆှံအကလံၤစိးတခီ, အိၣ်ဒီးစီၤအဘံဃယ့းလးအဖိခွါစီၤစူရံၤအ့လးဒ်ဒူၣ်ထၢ အံၤအခိၣ်အသိးန့ၣ်လီၤ.