လံာ်တၢ်ဂံၢ် 19:9 - Sgaw Karen Common Bible

⁹ အန့ၣ်ဝံၤဒီးပှၤတဂၤလၢအကဆှီဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်ကဘၣ်ထၢဖှိၣ်ဂီၤဖံးမိၢ်န့ၣ်အချါဒီးပာ်အီၤလၢတၢ်လီၢ်လၢ အကဆှီဝဲဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးအပူၤလၢဒဲအလီၢ် အချၢတၢ်လီၢ်ဖဲအဝဲသ့ၣ်ကဘၣ်တၢ်ပာ်အီၤလၢပှၤအံၣ်စရ့လးဖိ အကမျၢၢ်ဒီဖုကသူအီၤလၢတၢ်ကတဲာ်ကတီၤထံလၢတၢ်သ့ ကဆှီကွံာ်တၢ်တကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိး တဖၣ်အဂီၢ်လီၤ.

လံာ်တၢ်ဂံၢ် 19:9 Iomraidhean Croise

လံာ်တၢ်ဘူၣ်ထီၣ်ဘါထီၣ် 15:20

ကယဲၢ်တၢ်လီၢ်လၢအဝဲဆ့ၣ်နီၤဝဲမ့ၢ်ဂ့ၤမံလီၤဝဲမ့ၢ်ဂ့ၤန့ၣ်ကကဲ ထီၣ်တၢ်တကဆှီလီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်တၢ်ဂံၢ် 19:13

ပှၤတဂၤလၢ်လၢ်လၢအထိးဘၣ်တၢ်သံစိၣ်တခါဒီးတမၤကဆှီ ဘၣ်အသးဒၣ်ဝဲန့ၣ်ကအိၣ်လီၤတဲာ်တ့ၢ်တကဆှီဘၣ်မ့ၢ်လၢထံလၢ အမၤကဆှီတၢ်န့ၣ်တဘၣ်တၢ်လူလီၤဒံးအီၤလၢအလိၤဘၣ်အဃိန့ၣ်လီၤ. အဝဲမၤဘၣ်အၢယွၤအဒဲစီဆှံဒီး အဝဲတဘၣ်တၢ်ပာ်အီၤဒ်ယွၤအပှၤဂီၢ်မုၢ်အကျါတဂၤလၢၤဘၣ်န့ၣ်လီၤ.

လံာ်တၢ်ဂံၢ် 19:17

လၢတၢ်သုးကွံာ်တၢ်တကဆှီဘၣ်အဂီၢ်န့ၣ်, တၢ်ကဘၣ်ဟံးန့ၢ်ဂီၤဖံးမိၢ်ဂီၤလၢတၢ်ဆိၣ်ကဲၤတ့ၢ်အီၤဒ်သိးတၢ်ဒဲးဘး ကဘၣ်တၢ်ပျၢ်အီၤန့ၣ်အချါတနီၤဒီးဒၢနုာ်အီၤလၢထံသပၢၤတဖျၢၣ် အပူၤဒီးဃါဃုာ်အီၤဒီးထံအကဆှီန့ၣ်လီၤ.

လံာ်တၢ်ဂံၢ် 19:18

အဆိကတၢၢ်န့ၣ်, ပှၤတဂၤဂၤလၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အသိးန့ၣ်ကဘၣ်မၤန့ၢ်ကဖျီၣ်အ့စိးအဒ့ဖိတဒ့, ဘျုးလီၤအီၤလၢ ထံကျါဒီးဖှံဒဲန့ၣ်ဒီး ကယဲၢ်တၢ်ကိးမံၤဒဲးလၢအအိၣ်လၢဒဲပူၤ ဒီးပှၤကိးဂၤဒဲးလၢအအိၣ်ဖဲန့ၣ်လီၤ. ဝံၤဒီး, ပှၤလၢအကဆှီဝဲ ဒ်တၢ်ဘူၣ်တၢ်ဘါအလုၢ်အလၢ်အသိးတဂၤန့ၣ် ကဘၣ်ဖှံထံန့ၣ်လၢပှၤတဂၤ လၢအထိးဘၣ်ပှၤကညီအဃံမ့ၢ်ဂ့ၤ, ပှၤသံစိၣ်မ့ၢ်ဂ့ၤ, တၢ်သွၣ်ခိၣ်တခါမ့ၢ်ဂ့ၤအဖီခိၣ်န့ၣ်လီၤ.

လံာ်တၢ်ဂံၢ် 19:3

ဒီးဟ့ၣ်လီၤအီၤဆူပှၤလုၢ်တၢ်အခိၣ်စီၤအလၤဧစၢ်အအိၣ်တက့ၢ်. တၢ်န့ၣ်ကဘၣ်တၢ်လဲၤစိာ်အီၤဆူသူၣ်ဒဲလီၢ်အချၢဒီးမၤသံအီၤလၢ အဝဲအမဲာ်ညါန့ၣ်လီၤ.

လံာ်တၢ်ဂံၢ် 19:8

ပှၤလၢအဆိၣ်ကဲၤဂီၤဖံးမိၢ်န့ၣ်စ့ၢ်ကီးကဘၣ်ဆှုၣ်အကူအသိးတဖၣ် ဒီးလူလီၤထံလၢအနီၢ်ကစၢ်အဖီခိၣ်ဘၣ်ဆၣ်ဒီး အဝဲစ့ၢ်ကီးကမ့ၢ်တၢ်တကဆှီဘၣ်တုၤမုၢ်ဟါလီၤတစုန့ၣ်လီၤ.

လံာ်တၢ်ဂံၢ် 6:12

ဒီးကပာ်စီဆှံထီၣ်က့ၤကဒီးအတၢ်ဆၢကတီၢ်ဆူယွၤအအိၣ်ဒ်ပှၤနစၤ ရံဖိတဂၤအသိးန့ၣ်လီၤ. တၢ်ဆၢကတီၢ်လၢအပူၤကွံာ်န့ၣ်တဘၣ်တၢ်ဂံၢ်ဃုာ်အီၤဘၣ်. အဂ့ၢ်ဒ်အံၤ, အခိၣ်သူ, လၢအဘၣ်တၢ်ပာ်စီဆှံအီၤန့ၣ်ဘၣ်အၢကွံာ် လံအဃိလီၤ. လၢတၢ်လိးက့ၤအတၢ်လုၢ်တၢ်ပာ်အဂီၢ်အဝဲကဘၣ်ဟဲစိာ်သိဖိလၢ အသးအိၣ်တနံၣ်တဒုန့ၣ်လီၤ.

လံာ်တၢ်ဂံၢ် 8:7

ဖှံအီၤဒီးတၢ်မၤကဆှီထီၣ်တၢ်အထံဒီးတဲဘၣ်အဝဲသ့ၣ်လၢကလူၤ ကွံာ်အဆူၣ်ဒီဂၤညါ, ဒီးကဆှုၣ်ကွံာ်အတၢ်ကူတၢ်သိးဒၣ်ဝဲတဖၣ်တက့ၢ်. အန့ၣ်ဒီးအဝဲသ့ၣ်က, ကဆှီထီၣ်ဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်လီၤ.

လံာ်တၢ်ဂံၢ် 9:13

ဘၣ်ဆၣ်ဒီးပှၤတဂၤလၢ်လၢ်လၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးတအိၣ်ယံၤဘၣ်လၢတၢ်လဲၤတၢ်က့ၤ အဃိဘၣ်ဒီးမ့ၢ်ပှၤလၢတတိၢ်န့ၢ်ဘၣ်ဘူၣ်လဲၤကပာ်န့ၣ်တဘၣ် တၢ်ပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်, မ့ၢ်လၢအဝဲတလုၢ်ထီၣ်ဘၣ်တၢ်လုၢ်မၤဘူၣ်ဆူယအိၣ်ဘၣ်ဖဲဆၢ ကတီၢ်လၢအဘၣ်တၢ်ပာ်လီၤအီၤဘၣ်အဃိန့ၣ်လီၤ. အဝဲကဘၣ်တူၢ်တၢ်ဒ်အကြၢးဝဲဘၣ်ဝဲဒီးအတၢ်ဒဲးဘးအသိးန့ၣ် လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

ဧ့ၤဘြံၤ 9:13

မဲာ်တဲးလဲးဒီးဂီၤဖံးဖါအသွံၣ်ဒီးဂီၤဖံးမိၢ်လၢအဘၣ်တၢ်ဒွဲၣ် အူထီၣ်အီၤအဖၣ်ဆါအဘၣ်တၢ်ဖှံအီၤလၢပှၤဂီၢ်မုၢ်လၢ အတကဆှီဝဲဒ်တၢ်အလုၢ်အလၢ်အသိးတဖၣ်အလိၤလၢကမၤ ကဆှီထီၣ်အဝဲသ့ၣ်လၢကယဲၢ်မ့ၢ်တၢ်လၢအမၤ တကဆှီဘၣ်အဝဲသ့ၣ်န့ၣ်လီၤ.