လံာ်တၢ်ဂံၢ် 19:8 - Sgaw Karen Common Bible

⁸ ပှၤလၢအဆိၣ်ကဲၤဂီၤဖံးမိၢ်န့ၣ်စ့ၢ်ကီးကဘၣ်ဆှုၣ်အကူအသိးတဖၣ် ဒီးလူလီၤထံလၢအနီၢ်ကစၢ်အဖီခိၣ်ဘၣ်ဆၣ်ဒီး အဝဲစ့ၢ်ကီးကမ့ၢ်တၢ်တကဆှီဘၣ်တုၤမုၢ်ဟါလီၤတစုန့ၣ်လီၤ.

လံာ်တၢ်ဂံၢ် 19:8 Iomraidhean Croise

လံာ်တၢ်ဘူၣ်ထီၣ်ဘါထီၣ် 11:25

ဒီးပှၤတဂၤလၢ်လၢ်လၢအစိာ်ဘၣ်ဆၣ်ဖိကီၢ်ဖိအစိၣ်န့ၣ်ကဘၣ်ဆှုၣ် အကူအသိး, ဘၣ်ဆၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 16:28

ဒီးပှၤတဂၤလၢအဆူးကဲၤတၢ်န့ၣ်ကဘၣ်ဆှုၣ်အကူအသိးဒီးလုၢ်ထံ, တချုးလၢအက့ၤနုာ်ကဒါက့ၤဆူပှၤဂီၢ်မုၢ်သူၣ်ဒဲအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:15

ပှၤတဂၤလၢ်လၢ်လၢအမ့ၢ်ပှၤအံၣ်စရ့လးဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤ, မ့ၢ်အီၣ်ဆၣ်ဖိကီၢ်ဖိလၢအသံဒၣ်ဝဲ, မ့တမ့ၢ်လၢအဘၣ်တၢ်အ့ၣ်သံအီၤလၢတၢ်မံၤလာ်အ ညၣ်န့ၣ်ကဘၣ်ဆှုၣ်အကူအသိးတဖၣ်, ဒီးလုၢ်ထံလီၤ. ဒီးကကဲထီၣ်ဝဲတၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဂံၢ် 19:21

သုကဘၣ်တိၢ်န့ၢ်တၢ်သိၣ်တၢ်ဘျၢအံၤအစိၤစိၤအဃၣ်ဃၣ်လီၤ. ပှၤတဂၤလၢအဖှံထံမၤကဆှီတၢ်န့ၣ်ကဘၣ်ဆှုၣ်စ့ၢ်ကီး အတၢ်ကူတၢ်သိးတဖၣ်လီၤ. ပှၤတဂၤလၢ်လၢ်လၢအထိးဘၣ်ထံမၤကဆှီ တၢ်လၢအအိၣ်တ့ၢ်ဒံးန့ၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ အကတီၢ်န့ၣ်လီၤ.

လံာ်တၢ်ဂံၢ် 19:7

အန့ၣ်ဝံၤဒီးအဝဲကဘၣ်ဆှုၣ်အတၢ်ကူတၢ်သိးတဖၣ်ဒီးလူလီၤထံ လၢအနီၢ်ကစၢ်အဖီခိၣ်, ဝံၤဒီးအဝဲက့ၤနုာ်ဆူသူၣ်ဒဲအလီၢ်သ့ဝဲလီၤ. ဘၣ်ဆၣ်ဒီးအဝဲကမ့ၢ်ဒံးတၢ်တကဆှီဘၣ်ဒ်တၢ်ဘူၣ်တၢ်ဘါ အလုၢ်အလၢ်အိၣ်ဝဲအသိးတုၤမုၢ်ဟါတစုန့ၣ်လီၤ.

လံာ်တၢ်ဂံၢ် 19:9

အန့ၣ်ဝံၤဒီးပှၤတဂၤလၢအကဆှီဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်ကဘၣ်ထၢဖှိၣ်ဂီၤဖံးမိၢ်န့ၣ်အချါဒီးပာ်အီၤလၢတၢ်လီၢ်လၢ အကဆှီဝဲဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးအပူၤလၢဒဲအလီၢ် အချၢတၢ်လီၢ်ဖဲအဝဲသ့ၣ်ကဘၣ်တၢ်ပာ်အီၤလၢပှၤအံၣ်စရ့လးဖိ အကမျၢၢ်ဒီဖုကသူအီၤလၢတၢ်ကတဲာ်ကတီၤထံလၢတၢ်သ့ ကဆှီကွံာ်တၢ်တကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိး တဖၣ်အဂီၢ်လီၤ.