လံာ်တၢ်ဂံၢ် 19:6 - Sgaw Karen Common Bible

⁶ အန့ၣ်ဝံၤဒီးအဝဲကဘၣ်ဟံးန့ၢ်သ့ၣ်ဆှိးအ့ရ့းတနီၤ, ကဖျီၣ်အ့စိးအဒ့တဒ့, ဒီးပျံၤအလွဲၢ်ဂီၤတဘိဒီးကွံာ်နုာ်အီၤဆူမ့ၣ်အူကျါန့ၣ်လီၤ.

လံာ်တၢ်ဂံၢ် 19:6 Iomraidhean Croise

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်တၢ်ဘူၣ်ထီၣ်ဘါထီၣ် 14:4

ပှၤလုၢ်တၢ်အခိၣ်ကဘၣ်မၤလိာ်လၢပှၤကဘၣ်ဟဲစိာ်ထိၣ်အက ဆှီခံဘ့ၣ်လၢအမူဝဲဃုာ်ဒီးသ့ၣ်ဆှိအ့ရ့းတကူာ်, လုၣ်အဂီၤလုးတဘိ, ဒီးကဖျီၣ်အ့စိးအဒ့တဒ့လီၤ.

လံာ်တၢ်ဘူၣ်ထီၣ်ဘါထီၣ် 14:49

လၢတၢ်မၤကဆှီထီၣ်က့ၤဟံၣ်အဂီၢ်န့ၣ်ပှၤလုၢ်တၢ်အခိၣ်ကဘၣ်ဟံးန့ၢ်ဝဲထိၣ်ခံဘ့ၣ်, သ့ၣ်ဆှိအ့ရ့းတကူာ်, လုၣ်ပျံၤအဂီၤလုးတဘိ, ဒီးကဖျီၣ်အ့စိးအဒ့တဒ့လီၤ.

လံာ်တၢ်ဘူၣ်ထီၣ်ဘါထီၣ် 14:6

ဒီးပှၤလုၢ်တၢ်အခိၣ်ကဟံးန့ၢ်ထိၣ်လၢအမူဒံးတဘ့ၣ် ဒီးစုၣ်လီၤအီၤဃုာ်ဒီးသ့ၣ်ဆှိအ့ရ့းတကူာ်, လုၣ်အဂီၤလုးတဘိ, ဒီးကဖျီၣ်အ့စိးအဒ့တဒ့ဆူထိၣ်တဘ့ၣ်လၢအဘၣ်တၢ်မၤသံကွံာ်အီၤအသွံၣ်ကျါန့ၣ်လီၤ.