လံာ်တၢ်ဂံၢ် 19:3 - Sgaw Karen Common Bible

³ ဒီးဟ့ၣ်လီၤအီၤဆူပှၤလုၢ်တၢ်အခိၣ်စီၤအလၤဧစၢ်အအိၣ်တက့ၢ်. တၢ်န့ၣ်ကဘၣ်တၢ်လဲၤစိာ်အီၤဆူသူၣ်ဒဲလီၢ်အချၢဒီးမၤသံအီၤလၢ အဝဲအမဲာ်ညါန့ၣ်လီၤ.

လံာ်တၢ်ဂံၢ် 19:3 Iomraidhean Croise

လံာ်တၢ်ဘူၣ်ထီၣ်ဘါထီၣ် 16:27

ဂီၤဖံးဖါဒီးမဲာ်တဲးလဲးလၢအဘၣ်တၢ်သူအီၤလၢတၢ်လုၢ်တၢ်ပျၢ် တၢ်ဒဲးဘးအဂီၢ်အသွံၣ်လၢအဘၣ်တၢ်လဲၤစိာ်နုာ်အီၤဆူ တၢ်လီၢ်စီဆှံကတၢၢ်အပူၤလၢကစိာ်ကွံာ်တၢ်ဒဲးဘးအဂီၢ်န့ၣ်ကဘၣ် တၢ်စိာ်ကွံာ်အီၤဆူဒဲအချၢဒီးဆူးကဲၤထီၣ်ကွံာ်အီၤန့ၣ်လီၤ. အဖံး, အညၣ်ဒီးအအ့ၣ်ခဲလၢာ်ကဘၣ်တၢ်ဆူးကဲၤကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:11

ဘၣ်ဆၣ်ဒီးအဖံး, အညၣ်, အခိၣ်, အခီၣ်တဖၣ်ဒီးအပှံာ်အကဖုတဖၣ်,

လံာ်တၢ်ဘူၣ်ထီၣ်ဘါထီၣ် 4:12

ဒီးတၢ်အိၣ်လီၤတဲာ်တဖၣ်န့ၣ်ကဘၣ်စိာ်ကွံာ်ဝဲဆူသူၣ်ဒဲအလီၢ် အချၢဖဲတၢ်လီၢ်ကဆှီလၢအမ့ၢ်တၢ်ဂၢ်လီၤဖၣ်ဆါအလီၢ်ဒီးကဘၣ်ဆိၣ် ကဲၤထီၣ်ကွံာ်ဝဲလၢသ့ၣ်မုၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:21

အန့ၣ်ဝံၤဒီးအဝဲကဘၣ်လဲၤစိာ်ဂီၤဖံးဖါန့ၣ်ဆူဒဲအချၢဒီး ဆိၣ်ကဲၤထီၣ်ကွံာ်အီၤဒ်အဆိၣ်ကဲၤဝဲဂီၤဖံးဖါလၢတၢ်လုၢ်မၤ ဘူၣ်လၢအကစၢ်ဒၣ်ဝဲအတၢ်ဒဲးဘးအဂီၢ်အသိးန့ၣ်လီၤ. တၢ်အံၤမ့ၢ်တၢ်ပျၢ်တၢ်ဒဲးဘးအတၢ်လုၢ်လၢပှၤအံၣ်စရ့လးဖိဒီ တဖုအဂီၢ်န့ၣ်လီၤ.

လံာ်တၢ်ဂံၢ် 15:36

မၤသးဒ်န့ၣ်ဒီး, ကမျၢၢ်အိၣ်သကိးတပူၤဃီဒီတဖုညါထုးထီၣ်အီၤ ဆူသူၣ်ဒဲလီၢ်အချၢဒီးကွံာ်အီၤလၢလၢၢ်တုၤအသံတစု, ဒ်ယွၤမၤလိာ်ဝဲအသိးန့ၣ်လီၤ.

လံာ်တၢ်ဂံၢ် 19:9

အန့ၣ်ဝံၤဒီးပှၤတဂၤလၢအကဆှီဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်ကဘၣ်ထၢဖှိၣ်ဂီၤဖံးမိၢ်န့ၣ်အချါဒီးပာ်အီၤလၢတၢ်လီၢ်လၢ အကဆှီဝဲဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးအပူၤလၢဒဲအလီၢ် အချၢတၢ်လီၢ်ဖဲအဝဲသ့ၣ်ကဘၣ်တၢ်ပာ်အီၤလၢပှၤအံၣ်စရ့လးဖိ အကမျၢၢ်ဒီဖုကသူအီၤလၢတၢ်ကတဲာ်ကတီၤထံလၢတၢ်သ့ ကဆှီကွံာ်တၢ်တကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိး တဖၣ်အဂီၢ်လီၤ.

လံာ်တၢ်ဂံၢ် 3:4

ဘၣ်ဆၣ်ဒီးစီၤနၤဒးဒီးစီၤအဘံဟူၤတဖၣ်ဘၣ်တၢ်မၤသံကွံာ်အီၤ ဖဲအဝဲသ့ၣ်လုၢ်ထီၣ်တၢ်လုၢ်မ့ၣ်အူလၢအတစီဆှံဘၣ်ဆူယွၤအအိၣ် လၢကစၢၢ်စံၤနါအပှၢ်မုၢ်ကနၢပူၤအခါန့ၣ်လီၤ. အဝဲသ့ၣ်အဖိအလံၤတအိၣ်ဘၣ်နီတဂၤဘၣ်. လၢတၢ်န့ၣ်အဃိစီၤအလၤဧစၢ်ဒီးစီၤအံသမၢ်န့ၣ်မၤပှၤလုၢ်တၢ် အခိၣ်အတၢ်မၤဖဲစီၤအၤဟရိၣ်မူဒံးအဖၢမုၢ်န့ၣ်လီၤ.