လံာ်တၢ်ဂံၢ် 19:22 - Sgaw Karen Common Bible

²² တၢ်တမံၤလၢ်လၢ်လၢပှၤတကဆှီဘၣ်တဂၤထိးဘၣ်ဝဲန့ၣ်ကဲထီၣ်တၢ် တကဆှီဘၣ်ဒီးပှၤတဂၤလၢ်လၢ်လၢအထိးဘၣ်တၢ်န့ၣ်ကဲထီၣ်တၢ် တကဆှီဘၣ်တုၤမုၢ်ဟါအကတီၢ်န့ၣ်လီၤ.

လံာ်တၢ်ဂံၢ် 19:22 Iomraidhean Croise

လံာ်တၢ်ဘူၣ်ထီၣ်ဘါထီၣ် 15:1

ဒီးယွၤဟ့ၣ်လီၤစီၤမိၤၡ့ဒီးစီၤအၤဟရိၣ်လၢတၢ်သိၣ်တၢ်ဘျၢ တဖၣ်ဒ်လၢလာ်အသိး,

လံာ်တၢ်ဘူၣ်ထီၣ်ဘါထီၣ် 15:10

ကယဲၢ်ပှၤလၢအထိးဘၣ်တၢ်တမံၤမံၤလၢပှၤတဂၤန့ၣ်ဆ့ၣ်နီၤတ့ၢ်ဝဲ အလီၢ်န့ၣ်ဒီး, ကဲထီၣ်ပှၤတကဆှီဘၣ်တုၤမုၢ်ဟါလီၤန့ၣ်လီၤ. ဒီးကယဲၢ်ပှၤလၢအစိာ်တၢ်တမံၤမံၤလၢပှၤတဂၤ န့ၣ်ဆ့ၣ်နီၤတ့ၢ်ဝဲအလီၢ်န့ၣ်, ကဘၣ်ဆှုၣ်အကူအသိးဒီးလုၢ်ထံ, ဒီးကဲထီၣ်ပှၤတကဆှီဘၣ်တုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:11

ဒီးကယဲၢ်ပှၤလၢအဘၣ်တၢ်ထိးအီၤလၢပှၤလၢအအိၣ်ဒီးတၢ်ယွၤလီၤ လၢအတသ့ဘၣ်ဒံးအစုန့ၣ်, ကဘၣ်ဆှုၣ်အကူအသိးဒီးလုၢ်ထံ, ဒီးကဲထီၣ်ပှၤတကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:21

ဒီးကယဲၢ်ပှၤလၢအထိးဘၣ်အလီၢ်မံန့ၣ်ကဘၣ်ဆှုၣ်, အကူအသိး, ဒီးလုၢ်ထံ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:22

ဒီးကယဲၢ်ပှၤလၢအထိးဘၣ်တၢ်တမံၤလၢ်လၢ်လၢအဆ့ၣ်နီၤဝဲ လၢအဖီခိၣ်န့ၣ်ကဘၣ်ဆှုၣ်အကူအသိးဒီး လုၢ်ထံဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:23

ဒီးကယဲၢ်ပှၤလၢအထိးဘၣ်တၢ်လၢအမံလီၤဝဲလၢအလိၤမ့ၢ်ဂ့ၤ, ဆ့ၣ်နီၤဝဲလၢအလိၤမ့ၢ်ဂ့ၤန့ၣ်ကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:27

ဒီးကယဲၢ်ပှၤလၢအထိးဘၣ်တၢ်လီၢ်တဖၣ်န့ၣ်ကကဲထီၣ်တၢ်တကဆှီဘၣ်, ဒီးကဘၣ်ဆှုၣ်အကူအသိး, ဒီးလုၢ်ထံ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:5

ကယဲၢ်ပှၤလၢအထိးဘၣ်အလီၢ်မံမ့ၢ်ဂ့ၤ,

လံာ်တၢ်ဘူၣ်ထီၣ်ဘါထီၣ် 15:6

ဆ့ၣ်နီၤဘၣ်ဝဲလၢအဝဲဆ့ၣ်နီၤတ့ၢ်အလီၢ်မ့ၢ်ဂ့ၤန့ၣ်ကဘၣ်ဆှုၣ်အ တၢ်ကူတၢ်သိးဒီးလုၢ်ထံ, ဒီးကဲထီၣ်ပှၤတကဆှီဘၣ်တုၤမုၢ်ဟါ လီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:7

ကယဲၢ်ပှၤလၢအထိးဘၣ်ပှၤလၢအိၣ်ဒီးတၢ်ယွၤလီၤန့ၣ်ကဘၣ်ဆှုၣ်အကူ အသိးဒီးလုၢ်ထံ, ဒီးကဲထီၣ်ပှၤတကဆှီဘၣ်တုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:8

ဒီးပှၤလၢအအိၣ်ဒီးတၢ်ယွၤလီၤန့ၣ်မ့ၢ်ထူးပှဲာ်ဘၣ်ပှၤလၢအက ဆှီတဂၤန့ၣ်ဒီးပှၤအဝဲန့ၣ်ကဘၣ်ဆှုၣ်အကူအသိးဒီးလုၢ် ထံဒီးကဲထီၣ်ပှၤတကဆှီဘၣ်တုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:5

အဝဲထိးဘၣ်ဆၣ်ဖိကီၢ်ဖိလၢအတကဆှီဘၣ်မ့ၢ်ဂ့ၤ, ပှၤလၢအတကဆှီဘၣ်မ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:6

ပှၤလုၢ်တၢ်အခိၣ်တဂၤလၢ်လၢ်လၢအထိးဘၣ်တၢ်သ့ၣ်တဖၣ်န့ၣ်တကဆှီဘၣ် ဝဲတုၤမုၢ်ဟါလီၤန့ၣ်လီၤ. ဒီးအဝဲမ့ၢ်တလုၢ်ထံဘၣ်ဒီးတဘၣ်အီၣ်တၢ်လုၢ်စီဆှံတဖၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 5:2

ပှၤတဂၤဂၤမ့ၢ်ထိးဘၣ်တၢ်တကဆှီတ့ၢ်တမံၤမံၤဒ်ဆၣ်ဖိကီၢ်ဖိ အမံၤတကဆှီဘၣ်တဒုအသံစိၣ်, မ့တမ့ၢ်ဆၣ်ဖိကီၢ်ဖိအဒၢတက ဆှီဘၣ်တဒုအသံစိၣ်မ့ၢ်ဂ့ၤ, တၢ်အစွါအစွဲတဖၣ်လၢအတကဆှီ ဘၣ်အစိၣ်မ့ၢ်ဂ့ၤလၢတၢ်တတိာ်သူၣ်ပာ်သးအပူၤန့ၣ်ဒီး, အဝဲကဲထီၣ်ဝဲတၢ်တကဆှီဘၣ်ဒီးအတၢ်ဒဲးဘးအိၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 5:3

ပှၤတဂၤဂၤမ့ၢ်ထိးဘၣ်ပှၤအဂၤတဂၤအတၢ်တကဆှီဘၣ်တမံၤမံၤလၢတၢ် တတိာ်သူၣ်ပာ်သးအပူၤဘၣ်ဆၣ်, တုၤအသ့ၣ်ညါက့ၤဝဲန့ၣ်ဒီးအတၢ်ဒဲးဘးအိၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 7:19

ဒီးတၢ်ညၣ်လၢအထိးဘၣ်တၢ်တကဆှီဘၣ်တမံၤလၢ်လၢ်န့ၣ်, တဘၣ်တၢ်အီၣ်အီၤဘၣ်. မ့မ့ၢ်ကဘၣ်တၢ်ဆူးကဲၤကွံာ်အီၤန့ၣ်လီၤ. ဒီးပှၤလၢအကဆှီတဂၤလၢ်လၢ်န့ၣ်, အီၣ်တၢ်ညၣ်န့ၣ်သ့ဝဲလီၤ.

လံာ်တၢ်ဘူၣ်ထီၣ်ဘါထီၣ် 7:21

ဒ်န့ၣ်အသိး, ပှၤတဂၤလၢ်လၢ်လၢအထိးဘၣ်တ့ၢ်လံတၢ်တ ကဆှီဘၣ်လၢပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, တၢ်တကဆှီဘၣ်ထီရီၤတမံၤမံၤ ဒီးအီၣ်တၢ်လုၢ်မၤဃူမၤဖိးအတၢ်ညၣ်န့ၣ်, ကဘၣ်တၢ်ပာ်အီၤဒ်ပှၤ တမ့ၢ်လၢၤဘၣ်ယွၤအပှၤဂီၢ်မုၢ်အကျါတဂၤန့ၣ်လီၤ.

လံာ်ဃးကဲ 2:13

ဒီးစီၤဃးကဲသံကွၢ်ဝဲ, “ပစံးဒၣ်ကလိာ်, ပှၤတဂၤကဲထီၣ်ကွံာ်ပှၤတကဆှီဘၣ်မ့ၢ်လၢအထိး ဘၣ်ပှၤသံစိၣ်တဂၤအဃိလီၤ. အဝဲမ့ၢ်ထိးဘၣ်တၢ်အီၣ်တဖၣ်အံၤတမံၤမံၤန့ၣ်, တၢ်န့ၣ်ကဒုးကဲထီၣ်တၢ်အီၣ်တဖၣ်န့ၣ်လၢတၢ်တကဆှီဘၣ်စ့ၢ်ကီးဧါ.” ပှၤလုၢ်တၢ်အခိၣ်တဖၣ်စံးဆၢဝဲ, “မ့ၢ်လီၤ.”

လံာ်တၢ်ဂံၢ် 19:7

အန့ၣ်ဝံၤဒီးအဝဲကဘၣ်ဆှုၣ်အတၢ်ကူတၢ်သိးတဖၣ်ဒီးလူလီၤထံ လၢအနီၢ်ကစၢ်အဖီခိၣ်, ဝံၤဒီးအဝဲက့ၤနုာ်ဆူသူၣ်ဒဲအလီၢ်သ့ဝဲလီၤ. ဘၣ်ဆၣ်ဒီးအဝဲကမ့ၢ်ဒံးတၢ်တကဆှီဘၣ်ဒ်တၢ်ဘူၣ်တၢ်ဘါ အလုၢ်အလၢ်အိၣ်ဝဲအသိးတုၤမုၢ်ဟါတစုန့ၣ်လီၤ.