လံာ်တၢ်ဂံၢ် 19:20 - Sgaw Karen Common Bible

²⁰ ပှၤတဂၤလၢ်လၢ်လၢအကဲထီၣ်တၢ်တကဆှီဘၣ်ဒ်တၢ်ဘူၣ်တၢ်ဘါ အလုၢ်အလၢ်အသိးမ့ၢ်တမၤကဆှီဘၣ်အသးဒၣ်ဝဲန့ၣ်ကမ့ၢ်ဒံးဒၣ်တၢ် တကဆှီဘၣ်, မ့ၢ်လၢထံမၤကဆှီတၢ်န့ၣ်တဘၣ်တၢ်လူလီၤ အီၤလၢအဖီခိၣ်ဒံးဘၣ်အဃိလီၤ. အဝဲမၤဘၣ်အၢယွၤအဒဲစီဆှံဒီးတဘၣ်တၢ်ပာ်လၢၤအီၤဒ်ပှၤတဂၤ လၢယွၤအပှၤဂီၢ်မုၢ်အကျါနီတစုလၢၤဘၣ်န့ၣ်လီၤ.

လံာ်တၢ်ဂံၢ် 19:20 Iomraidhean Croise

လံာ်တၢ်ကဲထီၣ်အခီၣ်ထံး 17:14

ပှၤပိာ်ခွါတဂၤလၢ်လၢ်လၢအတဒိးဘၣ်တၢ်ကူးတရံးန့ၣ်တဘၣ်တၢ်ပာ် အီၤလၢအမ့ၢ်ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ. အဂ့ၢ်ဒ်အံၤ, အဝဲတဟံးဃာ်တၢ်အၢၣ်လီၤအီလီၤဒီးယၤအဃိန့ၣ်လီၤ.”

လံာ်တၢ်ဟးထီၣ်ကွံာ် 30:33

ပှၤတဂၤလၢ်လၢ်လၢအမၤဒိးအီၤမ့ၢ်ဂ့ၤ, သူအီၤတနီၤနီၤလၢပှၤ လၢတမ့ၢ်ဘၣ်ပှၤလုၢ်တၢ်အခိၣ်အဖီခိၣ်မ့ၢ်ဂ့ၤဒီး, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤဂီၢ်မုၢ်အကျါဘၣ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 15:31

ဒီးယွၤစံးဘၣ်စီၤမိၤၡ့လၢကဒုးပလီၢ်အံၣ်စရ့လး အပှၤဂီၢ်မုၢ်ဘၣ်ဃးဒီးအတၢ်တကဆှီဘၣ်အဂ့ၢ်ဒ်သိး, အသုတမၤဘၣ်အၢ ဘၣ်တၢ်ဘူၣ်ထီၣ်ဘါထီၣ်ယွၤအဒဲ လၢအအိၣ်လၢအဝဲသ့ၣ်အသူၣ်ဒဲအလီၢ် အခၢၣ်သးတဂ့ၤန့ၣ်လီၤ. မ့ၢ်မၤဘၣ်ဝဲဒီး ကဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:16

မ့တမ့ၢ်ဒ်န့ၣ်ဘၣ်ဒီးကဘၣ်တူၢ်တၢ်ဒ်အတၢ်ဒဲးဘးအိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:4

စီၤအၤဟရိၣ်အစၢၤအသွဲၣ်လၢအအိၣ်ဒီးတၢ်ဆါအၢမ့တမ့ၢ်တၢ်ယွၤ လီၤလၢအဆံၣ်ကျိၤတဂၤလၢ်လၢ်န့ၣ်တဘၣ်အီၣ်တၢ်လုၢ်စီဆှံတုၤလီၤ လၢအဝဲကဆှီထီၣ်က့ၤဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးနီ တဂၤဘၣ်. ပှၤလုၢ်တၢ်အခိၣ်တဂၤလၢ်လၢ်ကဲထီၣ်ပှၤတကဆှီဘၣ်ခီဖျိတၢ်ထိးဘၣ် တၢ်သံစိၣ်မ့ၢ်ဂ့ၤ, အနီၢ်ကစၢ်ဒၣ်ဝဲအိၣ်ဒီးတၢ်ယွၤလီၤလၢအဆံၣ်ကျိၤမ့ၢ်ဂ့ၤ,

လံာ်တၢ်ဂံၢ် 15:30

ဘၣ်ဆၣ်ဒီးပှၤတဂၤလၢ်လၢ်လၢအမၤတၢ်ဒဲးဘးလၢတၢ်တိာ်သူၣ်ပာ်သး အပူၤန့ၣ်, အဝဲမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤ, အတၢ်ကမၣ်အိၣ်လၢအမၤတရီတပါယွၤသတးဒီးကဘၣ်တၢ်မၤသံကွံာ်အီၤ န့ၣ်လီၤ.

လံာ်တၢ်ဂံၢ် 19:13

ပှၤတဂၤလၢ်လၢ်လၢအထိးဘၣ်တၢ်သံစိၣ်တခါဒီးတမၤကဆှီ ဘၣ်အသးဒၣ်ဝဲန့ၣ်ကအိၣ်လီၤတဲာ်တ့ၢ်တကဆှီဘၣ်မ့ၢ်လၢထံလၢ အမၤကဆှီတၢ်န့ၣ်တဘၣ်တၢ်လူလီၤဒံးအီၤလၢအလိၤဘၣ်အဃိန့ၣ်လီၤ. အဝဲမၤဘၣ်အၢယွၤအဒဲစီဆှံဒီး အဝဲတဘၣ်တၢ်ပာ်အီၤဒ်ယွၤအပှၤဂီၢ်မုၢ်အကျါတဂၤလၢၤဘၣ်န့ၣ်လီၤ.

လံာ်တၢ်ဂံၢ် 9:13

ဘၣ်ဆၣ်ဒီးပှၤတဂၤလၢ်လၢ်လၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးတအိၣ်ယံၤဘၣ်လၢတၢ်လဲၤတၢ်က့ၤ အဃိဘၣ်ဒီးမ့ၢ်ပှၤလၢတတိၢ်န့ၢ်ဘၣ်ဘူၣ်လဲၤကပာ်န့ၣ်တဘၣ် တၢ်ပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်, မ့ၢ်လၢအဝဲတလုၢ်ထီၣ်ဘၣ်တၢ်လုၢ်မၤဘူၣ်ဆူယအိၣ်ဘၣ်ဖဲဆၢ ကတီၢ်လၢအဘၣ်တၢ်ပာ်လီၤအီၤဘၣ်အဃိန့ၣ်လီၤ. အဝဲကဘၣ်တူၢ်တၢ်ဒ်အကြၢးဝဲဘၣ်ဝဲဒီးအတၢ်ဒဲးဘးအသိးန့ၣ် လီၤ.

လံာ်မၢ်ကူး 16:16

ပှၤတဂၤလၢ်လၢ်လၢအနာ်တၢ်သးခုအကစီၣ်အံၤဒီးဒိးဘျၢ အသးလၢထံန့ၣ်, ကဘၣ်တၢ်အုၣ်က့ၤခီၣ်က့ၤအီၤ, မ့မ့ၢ်ပှၤတဂၤလၢ်လၢ်လၢအတနာ်ဝဲဘၣ်န့ၣ် ကဘၣ်တၢ်စံၣ်ညီၣ်ဃၣ်အီၤလီၤ.

၂ ပ့းတရူး 3:14

လၢတၢ်န့ၣ်အဃိယတံၤသကိးသ့ၣ်ဧၢ, ဖဲသုအိၣ်ခိးကွၢ်လၢ် မုၢ်နံၤအဝဲန့ၣ်န့ၣ်, ကျဲးစၢးအဂ့ၤကတၢၢ်ဒ်သိးလၢကစၢ်ယွၤ အမဲာ်ညါန့ၣ်, သုကစီဆှံဒီးတၢ်ပာ်တၢ်ကမၣ်လၢသုလိၤအလီၢ် တအိၣ်ဘၣ်ဒီး, သုကအိၣ်ဃူအိၣ်ဖိးဒီးအီၤအဂီၢ်န့ၣ်တက့ၢ်.

လံာ်လီၣ်ဖျါ 22:11

ပှၤလၢအအၢအသီဝဲတဂၤလၢ်လၢ်န့ၣ်, ကအၢကသီဒၣ်ဝဲ, ဒီးပှၤလၢအဘၣ်အၢဘၣ်သီဝဲတဂၤလၢ်လၢ်န့ၣ်ကဘၣ်အၢဘၣ်သီ ဒၣ်ဝဲ, ပှၤလၢအဂ့ၤဝဲဝါဝဲတဂၤလၢ်လၢ်န့ၣ်, ကမၤဒၣ်ဝဲတၢ်ဂ့ၤတၢ်ဝါဒီးပှၤလၢအစီဝဲဆှံဝဲတဂၤလၢ်လၢ်န့ၣ်, ကစီဆှံဒၣ်ဝဲတက့ၢ်.