လံာ်တၢ်ဂံၢ် 19:19 - Sgaw Karen Common Bible

¹⁹ လၢသၢသီတသီဒီးနွံသီတသီန့ၣ် ပှၤတဂၤလၢအကဆှီ ဝဲဒ်တၢ်ဘူၣ်တၢ်ဘါအလုၢ်အလၢ်အသိးန့ၣ်ကဘၣ်ဖှံ ထံမၤကဆှီတၢ်လၢပှၤတကဆှီဘၣ်တဂၤအဖီခိၣ်လီၤ. လၢနွံသီတသီဖဲမုၢ်လီၤနုာ်န့ၣ်အဝဲဒၣ်ကဘၣ်မၤကဆှီပှၤ တဂၤန့ၣ်, ပှၤတဂၤလၢအဆှုၣ်အတၢ်ကူတၢ်သိးတဖၣ်ဒီး လူလီၤအသးလၢထံလၢအကစၢ်ဒၣ်ဝဲအလိၤဝံၤအလီၢ်ခံကဲ ထီၣ်က့ၤပှၤလၢအကဆှီလံဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်လီၤ.

လံာ်တၢ်ဂံၢ် 19:19 Iomraidhean Croise

လံာ်တၢ်ကဲထီၣ်အခီၣ်ထံး 2:2

ဒီးလၢမုၢ်နွံနံၤတနံၤန့ၣ်ကစၢ်ယွၤမၤဝံၤတၢ်လၢအမၤတ့ၢ်ဝဲဒီးဆိကတီၢ်လၢအတၢ်မၤန့ၣ်လီၤ.

လံာ်တၢ်ဟးထီၣ်ကွံာ် 19:10

ဒီးယွၤစံးဘၣ်အီၤ, “လဲၤဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်ဒ်သိးကမၤကဆှီအသးလၢမုၢ်တနံၤအံၤဒီးခဲမုၢ်ဆ့ၣ်တနံၤ လၢတၢ်ဘူၣ်ထီၣ်ဘါထီၣ်အဂီၢ်တက့ၢ်. အဝဲသ့ၣ်ကဘၣ်ဆှုၣ် အတၢ်ကူတၢ်သိးတဖၣ်လီၤ.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:7

ဒီးပှၤလၢအဘၣ်တၢ်မၤကဆှီထီၣ်က့ၤအီၤလၢတၢ်ဆါအၢန့ၣ်ကဘၣ်တၢ် ဖှံအီၤလၢတၢ်သွံၣ်နွံဘျီဒီးကဒုးသ့ၣ်ညါဝဲလၢအကဆှီထီၣ်လံန့ၣ်လီၤ. ဒီးကပျဲထိၣ်လၢအမူတဘ့ၣ်န့ၣ်ယူၤကွံာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:9

ဒီးလၢနွံသီတသီန့ၣ်ကဘၣ်လူၤကဒီးဝဲအ ခိၣ်ဆူၣ်အခၣ်ဆူၣ်ဒီးအမဲာ်တူၢ်, ဒီးအဆူၣ်ခဲလၢာ်လၢအလိၤန့ၣ်လီၤ. ဒီးကဘၣ်ဆှုၣ် အကူအသိးဒီးလုၢ်ထံန့ၣ်လီၤ. အန့ၣ်ဝံၤဒီးက ကဆှီထီၣ်ဝဲဒၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဂံၢ် 19:12

အဝဲကဘၣ်မၤကဆှီထီၣ်အသးဒၣ်ထဲလၢထံလၢတၢ်မၤ ကဆှီသးအဂီၢ်လၢသၢသီတသီဒီးလၢနွံသီတသီန့ၣ်လီၤ. အန့ၣ်ဝံၤဒီးအဝဲကကဆှီထီၣ်က့ၤဝဲဒၣ်လီၤ. ဘၣ်ဆၣ်ဒီးအဝဲမ့ၢ်တမၤကဆှီထီၣ်အသးဒၣ်ဝဲ လၢသၢသီတသီဒီးနွံသီတသီဘၣ်န့ၣ်အဝဲတကဆှီထီၣ်ဝဲဒၣ်ဘၣ်.

လံာ်တၢ်ဂံၢ် 19:13

ပှၤတဂၤလၢ်လၢ်လၢအထိးဘၣ်တၢ်သံစိၣ်တခါဒီးတမၤကဆှီ ဘၣ်အသးဒၣ်ဝဲန့ၣ်ကအိၣ်လီၤတဲာ်တ့ၢ်တကဆှီဘၣ်မ့ၢ်လၢထံလၢ အမၤကဆှီတၢ်န့ၣ်တဘၣ်တၢ်လူလီၤဒံးအီၤလၢအလိၤဘၣ်အဃိန့ၣ်လီၤ. အဝဲမၤဘၣ်အၢယွၤအဒဲစီဆှံဒီး အဝဲတဘၣ်တၢ်ပာ်အီၤဒ်ယွၤအပှၤဂီၢ်မုၢ်အကျါတဂၤလၢၤဘၣ်န့ၣ်လီၤ.

လံာ်တၢ်ဂံၢ် 19:18

အဆိကတၢၢ်န့ၣ်, ပှၤတဂၤဂၤလၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အသိးန့ၣ်ကဘၣ်မၤန့ၢ်ကဖျီၣ်အ့စိးအဒ့ဖိတဒ့, ဘျုးလီၤအီၤလၢ ထံကျါဒီးဖှံဒဲန့ၣ်ဒီး ကယဲၢ်တၢ်ကိးမံၤဒဲးလၢအအိၣ်လၢဒဲပူၤ ဒီးပှၤကိးဂၤဒဲးလၢအအိၣ်ဖဲန့ၣ်လီၤ. ဝံၤဒီး, ပှၤလၢအကဆှီဝဲ ဒ်တၢ်ဘူၣ်တၢ်ဘါအလုၢ်အလၢ်အသိးတဂၤန့ၣ် ကဘၣ်ဖှံထံန့ၣ်လၢပှၤတဂၤ လၢအထိးဘၣ်ပှၤကညီအဃံမ့ၢ်ဂ့ၤ, ပှၤသံစိၣ်မ့ၢ်ဂ့ၤ, တၢ်သွၣ်ခိၣ်တခါမ့ၢ်ဂ့ၤအဖီခိၣ်န့ၣ်လီၤ.

လံာ်တၢ်ဂံၢ် 31:19

ခဲကနံၣ်အံၤ, ကယဲၢ်သုဝဲကိးဂၤဒဲးလၢအမၤသံတ့ၢ်ပှၤတဂၤဂၤ မ့ၢ်ဂ့ၤထိးဘၣ်ပှၤသံစိၣ်တခါမ့ၢ်ဂ့ၤန့ၣ် ကဘၣ်အိၣ်လၢသူၣ်ဒဲလီၢ်အချၢနွံသီန့ၣ်လီၤ. လၢသၢသီတသီအနံၤဒီးနွံသီတသီအနံၤန့ၣ်မၤကဆှီထီၣ်သုသး ဃုာ်ဒီးပိာ်မုၣ်တဖၣ်လၢသုဖီၣ်န့ၢ်တ့ၢ်အီၤတက့ၢ်.

လံာ်တၢ်ဂံၢ် 31:24

လၢနွံသီတသီအနံၤန့ၣ်သုကဘၣ်ဆှုၣ်သုတၢ်ကူတၢ်သိးတဖၣ် လီၤ. အန့ၣ်ဝံၤဒီးသုကကဆှီထီၣ်က့ၤဒ်တၢ်ဘူၣ်တၢ်ဘါအလုၢ် အလၢ်အသိးဒီးသုကဒိးန့ၢ်တၢ်ပျဲလၢ သုကလဲၤနုာ်ဆူသူၣ်ဒဲလီၢ်န့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

ယူဒၤ 1:23

အုၣ်က့ၤခီၣ်က့ၤပှၤဂၤတဖၣ်ခီဖျိတၢ်ထုးထီၣ်ကွံာ်အဝဲသ့ၣ် လၢမ့ၣ်အူပူၤန့ၣ်တက့ၢ်. ဒီးပှၤအဂၤတဖၣ်န့ၣ်ဒုးနဲၣ်တၢ်သးကညီၤဃါဃုာ်ဒီးတၢ်ပျံၤတၢ်ဖုး, ဒီးသးဟ့ဒၣ်လဲာ်အဝဲသ့ၣ်အကူအသိးလၢ အဘၣ်တၢ်မၤဘၣ်အၢဘၣ်သီအီၤလၢအဝဲသ့ၣ်အနီၢ်ခိတၢ်ဒဲးဘး တဖၣ်န့ၣ်တက့ၢ်.