လံာ်တၢ်ဂံၢ် 19:17 - Sgaw Karen Common Bible

¹⁷ လၢတၢ်သုးကွံာ်တၢ်တကဆှီဘၣ်အဂီၢ်န့ၣ်, တၢ်ကဘၣ်ဟံးန့ၢ်ဂီၤဖံးမိၢ်ဂီၤလၢတၢ်ဆိၣ်ကဲၤတ့ၢ်အီၤဒ်သိးတၢ်ဒဲးဘး ကဘၣ်တၢ်ပျၢ်အီၤန့ၣ်အချါတနီၤဒီးဒၢနုာ်အီၤလၢထံသပၢၤတဖျၢၣ် အပူၤဒီးဃါဃုာ်အီၤဒီးထံအကဆှီန့ၣ်လီၤ.

လံာ်တၢ်ဂံၢ် 19:17 Iomraidhean Croise

လံာ်တၢ်ကဲထီၣ်အခီၣ်ထံး 26:19

ဒီးစီၤအံၤစဲးအခ့အပှၤသ့ၣ်တဖၣ်ခူၣ်ထံပူၤဖဲတၢ်တြီၤပူၤ ဒီးထံၣ်န့ၢ်ထံလီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:15

ထံမူထီၣ်ပၢၢ်တဖၣ်မၤဘၣ်စီၣ်တၤသၣ်လီၢ်, ထံကျိဖိတဖၣ်ယွၤလီၤဝဲ, ထံထီၣ်ပၢၢ်အပူၤတဖၣ်ပုာ်ထီၣ်ယွၤလီၤဟဲဝဲလၢလဘၤနိၣ်အကစၢၢ် ကလိတဖၣ်န့ၣ်လီၤ.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်တၢ်ဂံၢ် 19:18

အဆိကတၢၢ်န့ၣ်, ပှၤတဂၤဂၤလၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အသိးန့ၣ်ကဘၣ်မၤန့ၢ်ကဖျီၣ်အ့စိးအဒ့ဖိတဒ့, ဘျုးလီၤအီၤလၢ ထံကျါဒီးဖှံဒဲန့ၣ်ဒီး ကယဲၢ်တၢ်ကိးမံၤဒဲးလၢအအိၣ်လၢဒဲပူၤ ဒီးပှၤကိးဂၤဒဲးလၢအအိၣ်ဖဲန့ၣ်လီၤ. ဝံၤဒီး, ပှၤလၢအကဆှီဝဲ ဒ်တၢ်ဘူၣ်တၢ်ဘါအလုၢ်အလၢ်အသိးတဂၤန့ၣ် ကဘၣ်ဖှံထံန့ၣ်လၢပှၤတဂၤ လၢအထိးဘၣ်ပှၤကညီအဃံမ့ၢ်ဂ့ၤ, ပှၤသံစိၣ်မ့ၢ်ဂ့ၤ, တၢ်သွၣ်ခိၣ်တခါမ့ၢ်ဂ့ၤအဖီခိၣ်န့ၣ်လီၤ.

လံာ်တၢ်ဂံၢ် 19:9

အန့ၣ်ဝံၤဒီးပှၤတဂၤလၢအကဆှီဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်ကဘၣ်ထၢဖှိၣ်ဂီၤဖံးမိၢ်န့ၣ်အချါဒီးပာ်အီၤလၢတၢ်လီၢ်လၢ အကဆှီဝဲဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးအပူၤလၢဒဲအလီၢ် အချၢတၢ်လီၢ်ဖဲအဝဲသ့ၣ်ကဘၣ်တၢ်ပာ်အီၤလၢပှၤအံၣ်စရ့လးဖိ အကမျၢၢ်ဒီဖုကသူအီၤလၢတၢ်ကတဲာ်ကတီၤထံလၢတၢ်သ့ ကဆှီကွံာ်တၢ်တကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိး တဖၣ်အဂီၢ်လီၤ.

လံာ်တၢ်ဂံၢ် 31:23

ကဘၣ်တၢ်မၤကဆှီအီၤခီဖျိတၢ်ဒုးလဲၤခီအီၤလၢမ့ၣ်အူအပူၤ န့ၣ်လီၤ. ကယဲၢ်တၢ်အဂၤလၢအအိၣ်လီၤတဲာ်တဖၣ်န့ၣ်ကဘၣ်တၢ်မၤ ကဆှီအီၤလၢထံလၢကကဆှီထီၣ်အဂီၢ်န့ၣ်လီၤ.

လံာ်ယိၤဟၣ် 7:38

ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအစူၢ်က့ၤနာ် က့ၤယၤန့ၣ်, ထံမူကျိတဖၣ်ကယွၤလီၤလၢအသးပူၤလီၤ.”

ဧ့ၤဘြံၤ 9:13

မဲာ်တဲးလဲးဒီးဂီၤဖံးဖါအသွံၣ်ဒီးဂီၤဖံးမိၢ်လၢအဘၣ်တၢ်ဒွဲၣ် အူထီၣ်အီၤအဖၣ်ဆါအဘၣ်တၢ်ဖှံအီၤလၢပှၤဂီၢ်မုၢ်လၢ အတကဆှီဝဲဒ်တၢ်အလုၢ်အလၢ်အသိးတဖၣ်အလိၤလၢကမၤ ကဆှီထီၣ်အဝဲသ့ၣ်လၢကယဲၢ်မ့ၢ်တၢ်လၢအမၤ တကဆှီဘၣ်အဝဲသ့ၣ်န့ၣ်လီၤ.

လံာ်လီၣ်ဖျါ 7:17

အဂ့ၢ်ဒ်အံၤ, သိဖိတဒုလၢအအိၣ်ဝဲလၢလီၢ်ပစိာ်အခၢၣ်သးန့ၣ် ကမ့ၢ်အဝဲသ့ၣ်အပှၤကွၢ်သိ, ဒီးအဝဲဒၣ်ကဆှၢအဝဲသ့ၣ်ဆူထံ မူထီၣ်ပၢၢ်န့ၣ်လီၤ. ဒီးကစၢ်ယွၤကထွါကွံာ်မဲာ်ထံကိးဖျၢၣ်ဒဲးလၢ အမဲာ်ချံပူၤန့ၣ်လီၤ.”