လံာ်တၢ်ဂံၢ် 19:11 - Sgaw Karen Common Bible

¹¹ ပှၤတဂၤလၢ်လၢ်လၢအထိးဘၣ်တၢ်သံစိၣ်တခါန့ၣ်ကဲထီၣ်တၢ် တကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးနွံသီန့ၣ်လီၤ.

လံာ်တၢ်ဂံၢ် 19:11 Iomraidhean Croise

လံာ်ယၡါယၤ 52:11

ဟးထီၣ်ကွံာ်သပှၢ်ကတၢၢ်လၢကီၢ်ဘၤဘူၤလိၣ်, သုဝဲလၢအဝံစိာ်တၢ်လုၢ်ဟံၣ်အပီးအလီသ့ၣ်ဧၢ, တၢ်လၢတၢ်တြီအီၤတဖၣ်န့ၣ်ထိးအီၤနီတမံၤတဂ့ၤ. ပာ်စီပာ်ဆှံသုသးဒီးဟးထီၣ်တက့ၢ်.

လံာ်သးသယုၢ်တၢ် 4:14

အပှၤခိၣ်နၢ်တဖၣ်လဲၤဟးဝ့ၤဝီၤလၢကျဲတဖၣ်အပူၤဒ်ပှၤမဲာ်ဘျီၣ် တဖၣ်အသိးလီၤ. အဝဲသ့ၣ်ဘၣ်အၢဘၣ်သီလၢတၢ်သွံၣ်အါအါကလဲာ်တုၤပှၤ ကထိးဘၣ်အီၤတအိၣ်ဘၣ်နီတဂၤဘၣ်.

လံာ်ယဃ့းစက့လး 39:12

ပှၤအံၣ်စရ့လးဖိတဖၣ်ကဘၣ်ခူၣ်လီၤဘျၢလီၤပှၤအစိၣ်တဖၣ် တယံာ်ဝဲနွံလါဒီးမၤကဆှီထီၣ်က့ၤကဒီးထံဧိၤကီၢ်ဧိၤန့ၣ်လီၤ.

လံာ်ယဃ့းစက့လး 44:26

တုၤမ့ၢ်အဝဲကဆှီထီၣ်က့ၤကဒီးဝံၤန့ၣ်အဝဲကဘၣ်ခိးတၢ်နွံသီ,

လံာ်တၢ်ဘူၣ်ထီၣ်ဘါထီၣ် 11:31

ပှၤတဂၤလၢ်လၢ်လၢအထိးဘၣ်အီၤမ့ၢ်ဂ့ၤ, အသံစိၣ်မ့ၢ်ဂ့ၤန့ၣ်, ကကဲထီၣ်တၢ်တကဆှီတုၤမုၢ်ဟါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:1

ဒီးယွၤမၤလိာ်စီၤမိၤၡ့လၢကတဲဘၣ်ပှၤလုၢ်တၢ်အခိၣ်တဖၣ်လၢအလီၤစၢၤလၢစီၤအၤဟရိၣ်လၢ, “ပှၤလုၢ်တၢ်အခိၣ်တဘၣ်မၤတကဆှီအသးနီတဂၤဒ်တၢ်ဘူၣ်တၢ် ဘါအလုၢ်အလၢ်အိၣ်ဝဲအသိးလၢတၢ်မၤတၢ်တမံၤမံၤဖဲအဘူး အတံၢ်တဂၤအတၢ်သံအမူးအပူၤ,

လံာ်တၢ်ဘူၣ်ထီၣ်ဘါထီၣ် 21:11

ဒီးတဘၣ်လဲၤဆူတၢ်သံစိၣ်အဃၢၤမ့ၢ်ဂ့ၤ, တဘၣ်မၤဘၣ်အၢအသးလၢ အပၢ်မ့ၢ်ဂ့ၤအမိၢ်မ့ၢ်ဂ့ၤအဃိဒၣ်လဲာ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 22:4

စီၤအၤဟရိၣ်အစၢၤအသွဲၣ်လၢအအိၣ်ဒီးတၢ်ဆါအၢမ့တမ့ၢ်တၢ်ယွၤ လီၤလၢအဆံၣ်ကျိၤတဂၤလၢ်လၢ်န့ၣ်တဘၣ်အီၣ်တၢ်လုၢ်စီဆှံတုၤလီၤ လၢအဝဲကဆှီထီၣ်က့ၤဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးနီ တဂၤဘၣ်. ပှၤလုၢ်တၢ်အခိၣ်တဂၤလၢ်လၢ်ကဲထီၣ်ပှၤတကဆှီဘၣ်ခီဖျိတၢ်ထိးဘၣ် တၢ်သံစိၣ်မ့ၢ်ဂ့ၤ, အနီၢ်ကစၢ်ဒၣ်ဝဲအိၣ်ဒီးတၢ်ယွၤလီၤလၢအဆံၣ်ကျိၤမ့ၢ်ဂ့ၤ,

လံာ်တၢ်ဘူၣ်ထီၣ်ဘါထီၣ် 5:2

ပှၤတဂၤဂၤမ့ၢ်ထိးဘၣ်တၢ်တကဆှီတ့ၢ်တမံၤမံၤဒ်ဆၣ်ဖိကီၢ်ဖိ အမံၤတကဆှီဘၣ်တဒုအသံစိၣ်, မ့တမ့ၢ်ဆၣ်ဖိကီၢ်ဖိအဒၢတက ဆှီဘၣ်တဒုအသံစိၣ်မ့ၢ်ဂ့ၤ, တၢ်အစွါအစွဲတဖၣ်လၢအတကဆှီ ဘၣ်အစိၣ်မ့ၢ်ဂ့ၤလၢတၢ်တတိာ်သူၣ်ပာ်သးအပူၤန့ၣ်ဒီး, အဝဲကဲထီၣ်ဝဲတၢ်တကဆှီဘၣ်ဒီးအတၢ်ဒဲးဘးအိၣ်ဝဲလီၤ.

လံာ်ဃးကဲ 2:13

ဒီးစီၤဃးကဲသံကွၢ်ဝဲ, “ပစံးဒၣ်ကလိာ်, ပှၤတဂၤကဲထီၣ်ကွံာ်ပှၤတကဆှီဘၣ်မ့ၢ်လၢအထိး ဘၣ်ပှၤသံစိၣ်တဂၤအဃိလီၤ. အဝဲမ့ၢ်ထိးဘၣ်တၢ်အီၣ်တဖၣ်အံၤတမံၤမံၤန့ၣ်, တၢ်န့ၣ်ကဒုးကဲထီၣ်တၢ်အီၣ်တဖၣ်န့ၣ်လၢတၢ်တကဆှီဘၣ်စ့ၢ်ကီးဧါ.” ပှၤလုၢ်တၢ်အခိၣ်တဖၣ်စံးဆၢဝဲ, “မ့ၢ်လီၤ.”

လံာ်တၢ်ဂံၢ် 19:16

ပှၤတဂၤဂၤမ့ၢ်ထိးဘၣ်ပှၤတဂၤလၢတၢ်မၤသံအီၤမ့ၢ်ဂ့ၤသံဒၣ်ဝဲဒ်န့ ဆၢၣ်အသိးလၢဒဲအချၢမ့ၢ်ဂ့ၤ, ပှၤတဂၤဂၤမ့ၢ်ထိးဘၣ်ပှၤကညီတဂၤအဃံမ့ တမ့ၢ်တၢ်သွၣ်ခိၣ်တခါန့ၣ်အဝဲကဲထီၣ်တၢ်တကဆှီဘၣ်နွံသီန့ၣ်လီၤ.

လံာ်တၢ်ဂံၢ် 31:19

ခဲကနံၣ်အံၤ, ကယဲၢ်သုဝဲကိးဂၤဒဲးလၢအမၤသံတ့ၢ်ပှၤတဂၤဂၤ မ့ၢ်ဂ့ၤထိးဘၣ်ပှၤသံစိၣ်တခါမ့ၢ်ဂ့ၤန့ၣ် ကဘၣ်အိၣ်လၢသူၣ်ဒဲလီၢ်အချၢနွံသီန့ၣ်လီၤ. လၢသၢသီတသီအနံၤဒီးနွံသီတသီအနံၤန့ၣ်မၤကဆှီထီၣ်သုသး ဃုာ်ဒီးပိာ်မုၣ်တဖၣ်လၢသုဖီၣ်န့ၢ်တ့ၢ်အီၤတက့ၢ်.

လံာ်တၢ်ဂံၢ် 6:6

အဝဲအခိၣ်သူမ့ၢ်တၢ်ပာ်စီဆှံထီၣ်သးဆူယွၤအအိၣ်အတၢ်ပနီၣ်, ဒီးလၢတၢ်န့ၣ်အဃိ, အဝဲဒၣ်တဘၣ်မၤကဆှီအသးခီဖျိတၢ်လဲၤဘူးဒီးတၢ်သံစိၣ်,

လံာ်တၢ်ဂံၢ် 9:6

ဘၣ်ဆၣ်ဒီးပှၤအိၣ်ဝဲဒၣ်တနီၤလၢတကဆှီဘၣ်ဒ်တၢ်ဘူၣ်တၢ်ဘါအလုၢ် အလၢ်အသိးမ့ၢ်လၢအဝဲသ့ၣ်ထိးဘၣ်တ့ၢ်တၢ်သံစိၣ်တခါအဃိ, ဒီးအဝဲသ့ၣ်မၤဘူၣ်လဲၤကပာ်လၢမုၢ်တနံၤန့ၣ်တသ့ဘၣ်န့ၣ်လီၤ. အဝဲသ့ၣ်လဲၤဆူစီၤမိၤၡ့ဒီးစီၤအၤဟရိၣ်အအိၣ်,

မၤတၢ် 21:26

လၢတၢ်န့ၣ်အဃိစီၤပီလူးလဲၤဒီးပှၤလွံၢ်ဂၤန့ၣ်, ဒီးမုၢ်ဆ့ၣ်ထီၣ်တနံၤန့ၣ်မၤကဆှီအသးဒီးအဝဲသ့ၣ်ဒ်ယူဒၤ အလုၢ်အလၢ်အိၣ်ဝဲအသိးန့ၣ်လီၤ. အန့ၣ်ဝံၤအလီၢ်ခံ, အဝဲဒၣ်လဲၤဆူတၢ်လုၢ်ဟံၣ်အပူၤဒီးဟ့ၣ်ထီၣ်တၢ်ဘိးဘၣ် သ့ၣ်ညါလၢတၢ်မၤကဆှီထီၣ်ကယံာ်ဝဲအသီဆံးအါဒီးဖဲ အနံၤအသီပှဲၤထီၣ်န့ၣ်, တၢ်လုၢ်တၢ်ပာ်ကဘၣ်တၢ်မၤအီၤလၢအဝဲသ့ၣ်တဂၤဘၣ်တဂၤ အဂီၢ်န့ၣ်လီၤ.

မၤတၢ် 21:27

ဖဲနွံသီဘူးကပှဲၤထီၣ်န့ၣ်, ပှၤယူဒၤဖိလၢကီၢ်အၤစံတနီၤထံၣ်စီၤပီလူးလၢတၢ်လုၢ်ဟံၣ် အပူၤလီၤ. အဝဲသ့ၣ်မၤတၢထီၣ်တၢလီၤပှၤဂီၢ်မုၢ်ဒီဖုညါဒီးပှၤစှီၤ ဃာ်စီၤပီလူးလီၤ.

ရိမ့ၤ 5:12

တၢ်ဒဲးဘးဟဲနုာ်ဆူဟီၣ်ခိၣ်ခီဖျိပှၤတဂၤ, ဒီးအဝဲအတၢ်ဒဲးဘးဟဲစိာ်ဃုာ်တၢ်သံန့ၣ်လီၤ. လၢတၢ်န့ၣ်အဃိ, တၢ်သံတုၤအိၣ်ပှၤဟီၣ်ခိၣ်ဖိ ခဲလၢာ်မ့ၢ်လၢပှၤခဲလၢာ်မၤတ့ၢ်တၢ်ဒဲးဘးအဃိ လီၤ.

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.

အ့းဖ့းစူး 2:1

ဒီးအဝဲဒၣ်မၤမူထီၣ်က့ၤသု, ဖဲသုမ့ၢ်တ့ၢ်ပှၤအသံလၢသူၣ်လၢသးလၢသုတၢ်တစူၢ် တနာ်ယွၤအကလုၢ်ဒီးသုတၢ်ဒဲးဘးတဖၣ်အဃိန့ၣ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.