လံာ်တၢ်ဂံၢ် 19:10 - Sgaw Karen Common Bible

¹⁰ ပှၤတဂၤလၢအထၢဖှိၣ်ချါတဖၣ်န့ၣ်ကဘၣ်ဆှုၣ်အတၢ်ကူတၢ်သိးတဖၣ်, ဘၣ်ဆၣ်ဒီးအဝဲမ့ၢ်တၢ်တကဆှီဘၣ်တုၤမုၢ်ဟါလီၤအကတီၢ်န့ၣ်လီၤ. အအံၤမ့ၢ်တၢ်သိၣ်တၢ်ဘျၢအဂၢၢ်အကျၢၤအစိၤစိၤအဃၣ်ဃၣ်လၢပှၤ အံၣ်စရ့လးဖိတဖၣ်ဒီးပှၤတခီဘီမုၢ်ဖိလၢအအိၣ်ဆိးလၢအဝဲသ့ၣ် အကျါခံဖုလိာ်အဂီၢ်န့ၣ်လီၤ.

လံာ်တၢ်ဂံၢ် 19:10 Iomraidhean Croise

လံာ်တၢ်ဟးထီၣ်ကွံာ် 12:49

တၢ်သိၣ်တၢ်ဘျၢတဖၣ်အံၤဘၣ်ထွဲဒီးပှၤအံၣ်စရ့လးဖိလၢအအိၣ် ဖျဲၣ်လၢကီၢ်ပူၤမ့ၢ်ဂ့ၤပှၤတခီဘီမုၢ်ဖိလၢအအိၣ်အဆိးလၢသုကျါမ့ၢ်ဂ့ၤဒ်သိးသိးန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 11:25

ဒီးပှၤတဂၤလၢ်လၢ်လၢအစိာ်ဘၣ်ဆၣ်ဖိကီၢ်ဖိအစိၣ်န့ၣ်ကဘၣ်ဆှုၣ် အကူအသိး, ဘၣ်ဆၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 14:46

ပှၤတဂၤလၢ်လၢ်လၢအလဲၤနုာ်ဆူဟံၣ်တဖျၢၣ်လၢအဘၣ် တၢ်ကးတံၢ်အီၤန့ၣ်, ကမ့ၢ်တၢ်တကဆှီဘၣ်တုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:28

ဒီးပှၤတဂၤလၢအဆူးကဲၤတၢ်န့ၣ်ကဘၣ်ဆှုၣ်အကူအသိးဒီးလုၢ်ထံ, တချုးလၢအက့ၤနုာ်ကဒါက့ၤဆူပှၤဂီၢ်မုၢ်သူၣ်ဒဲအလီၢ်န့ၣ်လီၤ.

လံာ်တၢ်ဂံၢ် 19:19

လၢသၢသီတသီဒီးနွံသီတသီန့ၣ် ပှၤတဂၤလၢအကဆှီ ဝဲဒ်တၢ်ဘူၣ်တၢ်ဘါအလုၢ်အလၢ်အသိးန့ၣ်ကဘၣ်ဖှံ ထံမၤကဆှီတၢ်လၢပှၤတကဆှီဘၣ်တဂၤအဖီခိၣ်လီၤ. လၢနွံသီတသီဖဲမုၢ်လီၤနုာ်န့ၣ်အဝဲဒၣ်ကဘၣ်မၤကဆှီပှၤ တဂၤန့ၣ်, ပှၤတဂၤလၢအဆှုၣ်အတၢ်ကူတၢ်သိးတဖၣ်ဒီး လူလီၤအသးလၢထံလၢအကစၢ်ဒၣ်ဝဲအလိၤဝံၤအလီၢ်ခံကဲ ထီၣ်က့ၤပှၤလၢအကဆှီလံဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်လီၤ.

လံာ်တၢ်ဂံၢ် 19:21

သုကဘၣ်တိၢ်န့ၢ်တၢ်သိၣ်တၢ်ဘျၢအံၤအစိၤစိၤအဃၣ်ဃၣ်လီၤ. ပှၤတဂၤလၢအဖှံထံမၤကဆှီတၢ်န့ၣ်ကဘၣ်ဆှုၣ်စ့ၢ်ကီး အတၢ်ကူတၢ်သိးတဖၣ်လီၤ. ပှၤတဂၤလၢ်လၢ်လၢအထိးဘၣ်ထံမၤကဆှီ တၢ်လၢအအိၣ်တ့ၢ်ဒံးန့ၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ အကတီၢ်န့ၣ်လီၤ.

ကလီးစဲ 3:11

လၢတၢ်အိၣ်မူအသီအံၤအပူၤန့ၣ်, တၢ်ပာ်တၢ်အဒူၣ်အဆၢဒ် ပှၤကလုာ်အဂၤ, ဒီးပှၤယူဒၤဖိ, ပှၤဒိးတၢ်ကူးတရံးဒီးပှၤတဒိးဘၣ် တၢ်ကူးတရံး, ပှၤတခီထံတခီကီၢ်, ပှၤရၢၢ်ပှၤစၢၢ်, ပှၤကုၢ်ဖိဒီးပှၤသဘျ့ဖိတဖၣ်အိၣ်တသ့လၢၤဘၣ်. အဂ့ၢ်ဒ်အံၤ, ခရံာ်မ့ၢ်တၢ်ခဲလၢာ်ဒီးအိၣ်ဝဲဆိးဝဲလၢပှၤခဲလၢာ်အပူၤလီၤ.