လံာ်တၢ်ဂံၢ် 18:9 - Sgaw Karen Common Bible

⁹ လၢတၢ်လုၢ်စီဆှံကတၢၢ်တဖၣ်လၢတၢ်တဆိၣ်ကဲၤဘၣ်အီၤလၢတၢ်လုၢ် လီၢ်အဖီခိၣ်အကျါန့ၣ်, တၢ်လၢလာ်တဖၣ်အံၤဘၣ်ဃးဒီးနၤလီၤ. တၢ်လုၢ်ဘုဧိၤဟုဧိၤတဖၣ်, တၢ်လုၢ်တၢ်ပျၢ်တၢ်ဒဲးဘးတဖၣ်, ဒီးတၢ်လိးက့ၤအတၢ်လုၢ်တဖၣ်န့ၣ်လီၤ. တၢ်ကိးမံၤဒဲးလၢအဘၣ်တၢ်ဟ့ၣ်ထီၣ်ဆူ ယအိၣ်ဒ်တၢ်လုၢ်စီဆှံတဖၣ်န့ၣ်ဘၣ်ဃးဒီးနၤဒီးနဖိခွါတဖၣ်လီၤ.

လံာ်တၢ်ဂံၢ် 18:9 Iomraidhean Croise

လံာ်စီၤပၤခံဘ့ၣ်တဘ့ၣ် 12:17

ဖဲအဆၢကတီၢ်န့ၣ်ကီၢ်စူၤရံအစီၤပၤဃစ့လးလဲၤထီၣ်ဒုးဝ့ၢ်ကၤ သးဒီးမၤန့ၢ်အီၤန့ၣ်လီၤ. အန့ၣ်ဝံၤဒီးအဝဲပာ်လီၤအသးလၢကလဲၤထီၣ်ဒုးဝ့ၢ်ယရူၤၡလ့ၣ် န့ၣ်လီၤ.

လံာ်စီၤနဃ့မယၤ 10:36

ပဝဲတဂၤဘၣ်တဂၤစုာ်စုာ်, ပကဟဲစိာ်ပဖိဝဲၢ်ကိပိာ်ခွါလၢအအိၣ် ဖျဲၣ်ထီၣ်ဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ်အပူၤ ဒီးလုၢ်ထီၣ်အီၤဆူကစၢ်ယွၤအအိၣ်, ဒ်ယူဒၤအတၢ်သိၣ်တၢ်သီဃ့ဝဲအသိးန့ၣ်လီၤ. ဂီၤဖံးဖိအဆိကတၢၢ်လၢပဝဲတဂၤစုာ်စုာ်ပဂီၤဖံးမိၢ်တဖၣ်ဖှံလီၤဝဲ, ဒီးပသိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤလၢအဖှံလီၤအဆိက တၢၢ်န့ၣ်, ပကပာ်စီဆှံစ့ၢ်ကီးအီၤန့ၣ်လီၤ.

လံာ်ယဃ့းစက့လး 42:13

ပှၤတဂၤန့ၣ်စံးဘၣ်ယၤ, တၢ်သူၣ်ထီၣ်ခံဖျၢၣ်လၢာ်အံၤန့ၣ်စီဆှံ ဝဲလီၤ. လၢတၢ်သူၣ်ထီၣ်တဖၣ်အံၤအပူၤန့ၣ်, ပှၤလုၢ်တၢ်အဒိၣ်တဖၣ်လၢအလဲၤနုာ်ဆူယွၤအိၣ်ဝဲဆိးဝဲအလီၢ်န့ၣ်, အိၣ်ဝဲတၢ်လုၢ်အစီဆှံကတၢၢ်တဖၣ်န့ၣ်လီၤ. မ့ၢ်လၢဒၢးတဖၣ်စီဆှံဝဲအဃိ, ပှၤလုၢ်တၢ်အခိၣ်တဖၣ်ကပာ်ထီၣ် တၢ်လုၢ်အစီဆှံကတၢၢ်တဖၣ်ဖဲန့ၣ်လၢအမ့ၢ်ဝဲတၢ်လုၢ်ဘုဧိၤ ဟုဧိၤတဖၣ်ဒီးတၢ်လုၢ်တၢ်ပာ်တဖၣ်လၢတၢ်ပျၢ်တၢ်ဒဲးဘးအဂီၢ်မ့ၢ်ဂ့ၤတၢ် လုၢ်တၢ်ပာ်တဖၣ်လၢတၢ်ပျၢ်တၢ်ကမၣ်အဂီၢ်မ့ၢ်ဂ့ၤဖဲန့ၣ်လီၤ.

လံာ်ယဃ့းစက့လး 44:29

တၢ်လုၢ်ဘုဧိၤဟုဧိၤ, တၢ်လုၢ်တၢ်ဒဲးဘးဒီးတၢ်လုၢ်တၢ်ကမၣ်တဖၣ်က မ့ၢ်ပှၤလုၢ်တၢ်အခိၣ်တဖၣ်အတၢ်အီၣ်ဒီးအဝဲသ့ၣ်ကဒိးန့ၢ် ဘၣ်တၢ်ခဲလၢာ်လၢကီၢ်အံၣ်စရ့လးအပူၤလၢတၢ်ပာ်လီၤဆီအီၤလၢ ယဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:17

“ဘၣ်မနုၤလၢသုတအီၣ်တၢ်လုၢ်တၢ်ပျၢ်တၢ်ဒဲးဘးလၢတၢ်လီၢ်စီ ဆှံန့ၣ်လဲၣ်. တၢ်အံၤမ့ၢ်တၢ်လၢအစီဆှံဝဲဒိၣ်မးဒီးယွၤဟ့ၣ်လီၤသုဒ်သိး တၢ်ကစိာ်ကွံာ်ပှၤဂီၢ်မုၢ်အတၢ်ဒဲးဘးအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 14:13

ဒီးကဘၣ်မၤသံသိဖါတဒုန့ၣ်လၢတၢ်လီၢ်စီဆှံဖဲတၢ်မၤသံဆၣ်ဖိ ကီၢ်ဖိလၢတၢ်ပျၢ်တၢ်ဒဲးဘးအဂီၢ်ဒီးတၢ်လုၢ်မ့ၣ်အူအဂီၢ် န့ၣ်လီၤ. ကဘၣ်မၤဝဲတၢ်အံၤန့ၣ်မ့ၢ်လၢတၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ် ကမၣ်န့ၣ်, ဘၣ်ဃးဒီးပှၤလုၢ်တၢ်အခိၣ်ဒီးမ့ၢ်တၢ်စီဆှံဒိၣ်မးဒ်တၢ်လုၢ် တၢ်ပျၢ်တၢ်ဒဲးဘးအသိးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:10

ဒီးတၢ်အိၣ်လီၤတဲာ်လၢတၢ်လုၢ်မၤဘူၣ်န့ၣ်ဘၣ်ဃးဒီးပှၤလုၢ်တၢ် အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီတၢ်ဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤဆူယွၤ အအိၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:11

မ့မ့ၢ်ကုၢ်လၢပှၤလုၢ်တၢ်အခိၣ်ပှ့ၤအီၤလၢအတိၢ်ဒၣ်ဝဲဒ်အကုၢ် အသိးမ့ၢ်ဂ့ၤ, အိၣ်ဖျဲၣ်ထီၣ်လၢအဟံၣ်ပူၤမ့ၢ်ဂ့ၤကအီၣ်ဘၣ် တၢ်အီၣ်လၢပှၤလုၢ်တၢ်အခိၣ်ဒိးန့ၢ်ဘၣ်ဝဲတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:7

တုၤမုၢ်လီၤနုာ်ဝံၤဒီးအဝဲကကဆှီထီၣ်က့ၤဝဲဒီးကအီၣ်ဘၣ်ဝဲ တၢ်လုၢ်စီဆှံတဖၣ်လၢအမ့ၢ်တၢ်အီၣ်တၢ်အီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:22

ဒီးတုၤပှၤပၢတၢ်တဂၤမၤတၢ်ဒဲးဘးဒီးအတၢ်ကမၣ်အိၣ်ဝဲလၢအလဲၤ ကပာ်ဘၣ်တၢ်လၢယွၤမၤလိာ်အီၤမၤတဂ့ၤဒီးမၤတ့ၢ်ဝဲလၢတၢ်တတိာ်သူၣ်ပာ်သးအပူၤန့ၣ်,

လံာ်တၢ်ဘူၣ်ထီၣ်ဘါထီၣ် 4:27

ဒီးပှၤတဂၤဂၤလၢထံဖိကီၢ်ဖိအကျါမ့ၢ်မၤတၢ်ဒဲးဘးတမံၤမံၤ လၢယွၤမၤလိာ်ဝဲမၤတဂ့ၤ, ဒီးအတၢ်ကမၣ်အိၣ်ဝဲန့ၣ်,

လံာ်တၢ်ဘူၣ်ထီၣ်ဘါထီၣ် 5:1

ပှၤတဂၤဂၤမ့ၢ်ဘၣ်ကဲထီၣ်ပှၤအုၣ်အသးလၢတၢ်လၢအထံၣ်ဘၣ်ဝဲမ့ၢ်ဂ့ၤ, သ့ၣ်ညါဝဲမ့ၢ်ဂ့ၤ, အဂ့ၢ်ဒီးတတဲဖျါထီၣ်ဝဲလၢကွီၢ်ဘျီၣ်ပူၤန့ၣ်, ကဘၣ်တူၢ်အတၢ်ဒဲးဘးဒၣ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:6

ဒီးကဘၣ်ဟဲစိာ်သိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤ, အမိၢ်တဒု လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဆူယွၤအအိၣ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အဂီၢ်ဒီးအတၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:17

ယွၤဟ့ၣ်လီၤတၢ်အီၣ်အံၤဆူပှၤလုၢ်တၢ်အခိၣ်တဖၣ်အအိၣ်ဒ်တၢ်ဟ့ၣ် နီၤလီၤလၢအဂီၢ်အသိးန့ၣ်လီၤ. တၢ်အံၤစီဆှံဝဲဒ်တၢ်လုၢ်တၢ်ပျၢ်တၢ်ဒဲးဘးဒီးတၢ်ဟ့ၣ်ဆၢက့ၤ အတၢ်လုၢ်တၢ်ပျၢ်တၢ်ကမၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:19

ဒီးယွၤဟ့ၣ်လီၤစီၤမိၤၡ့လၢတၢ်သိၣ်တၢ်ဘျၢလၢလာ်အံၤ,

လံာ်တၢ်ဘူၣ်ထီၣ်ဘါထီၣ် 6:30

ဘၣ်ဆၣ်ဒီးတၢ်သွံၣ်တနီၤနီၤမ့ၢ်ဘၣ်တၢ်စိာ်နုာ်အီၤဆူတၢ်ဘူၣ် ထီၣ်ဘါထီၣ်ယွၤအဒဲအပူၤဒီးသူအီၤလၢ တၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်, ဆၣ်ဖိကီၢ်ဖိအံၤတၢ်တဘၣ်အီၣ်အီၤဘၣ်ဒီး ကဘၣ်တၢ်ဆူးကဲၤကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 7:1

တၢ်သိၣ်တၢ်ဘျၢဘၣ်ဃးဒီးတၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ်ကမၣ် လၢအစီဆှံဝဲဒိၣ်မးအဂီၢ်န့ၣ်, မ့ၢ်ဒ်လာ်အံၤအသိးလီၤ.

လံာ်တၢ်ဘူၣ်ထီၣ်ဘါထီၣ် 7:6

ဒီးပှၤပိာ်ခွါတဂၤလၢ်လၢ်လၢပှၤလုၢ်တၢ်အခိၣ်အဒူၣ်ဖိထၢဖိ အပူၤန့ၣ်, ကအီၣ်ဘၣ်ဝဲတၢ်လုၢ်အံၤလၢတၢ်လီၢ်စီဆှံအပူၤလီၤ. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:7

တၢ်သိၣ်တၢ်ဘျၢအိၣ်ဝဲတဘီလၢတၢ်လုၢ်တၢ်ပျၢ်တၢ်ဒဲးဘးဒီးတၢ် ဟ့ၣ်ဆၢက့ၤအတၢ်လုၢ်တၢ်ပျၢ်တၢ်ကမၣ်အဂီၢ်န့ၣ်, မ့ၢ်ဝဲတၢ်အညၣ်န့ၣ်ဘၣ်ဃးဒီးပှၤလုၢ်တၢ်အခိၣ်လၢအလုၢ်ထီၣ်ပာ် ထီၣ်တၢ်န့ၣ်လီၤ.

လံာ်တၢ်ဂံၢ် 18:10

နကဘၣ်အီၣ်တၢ်တဖၣ်အံၤလၢတၢ်အလီၢ်စီဆှံအပူၤ, ဒီးထဲပှၤပိာ်ခွါတဖၣ်ဧိၤအီၣ်တၢ်အံၤသ့ဝဲလီၤ. ပာ်သူၣ်ပာ်သးလၢတၢ်အံၤမ့ၢ်တၢ်စီဆှံတက့ၢ်.

လံာ်သိၣ်လီၤသီလီၤတၢ် 18:1

ပှၤလုၢ်တၢ်အခိၣ်တဖၣ်လၢလ့ၤဝံအဒူၣ်ပူၤန့ၣ်တဘၣ်ဒိးန့ၢ်ဟီၣ် ခိၣ်အလီၢ်ကဝီၤအတၢ်ဟ့ၣ်နီၤနီတမံၤလၢကီၢ်အံၣ်စရ့လးအပူၤန့ၣ် ဘၣ်. လၢတၢ်န့ၣ်အလီၢ်, အဝဲသ့ၣ်ကဘၣ်အိၣ်မူဒၣ်လၢတၢ်လုၢ်တၢ်ပာ်တဖၣ် ဒီးတၢ်မၤဘူၣ်အဂၤတဖၣ်လၢတၢ်ဟ့ၣ်အီၤဆူယွၤအအိၣ်အဖီခိၣ်န့ၣ် လီၤ.