လံာ်တၢ်ဂံၢ် 18:8 - Sgaw Karen Common Bible

⁸ ယွၤစံးဘၣ်စီၤအၤဟရိၣ်, “သ့ၣ်နီၣ်ထီၣ်လၢယဟ့ၣ်တ့ၢ်နၤတၢ် ဟ့ၣ်မၤဘူၣ်လီၤဆီခဲလၢာ်လၢအဘၣ်တၢ်လုၢ်ထီၣ်ပာ်ထီၣ်ဆူ ယအိၣ်, တၢ်လၢအတဘၣ်တၢ်ဆိၣ်ကဲၤထီၣ်အီၤဒ်တၢ်လုၢ်တၢ်ပာ် တဖၣ်အသိးန့ၣ်တက့ၢ်. ယဟ့ၣ်အီၤဆူနၤဒီးနစၢၤနသွဲၣ်တဖၣ်ဒ်တၢ်နီၤဖးလၢသုကဒိးန့ၢ် အီၤလီၤထူလီၤယိာ်န့ၣ်လီၤ.

လံာ်တၢ်ဂံၢ် 18:8 Iomraidhean Croise

လံာ်စီၤပၤခံဘ့ၣ်တဘ့ၣ် 12:16

စ့လၢအဘၣ်တၢ်ဟ့ၣ်အီၤလၢတၢ်မၤကမၣ်တၢ်အဂီၢ်ဒီးလၢတၢ်မၤတၢ် ဒဲးဘးအဂီၢ်န့ၣ်တဘၣ်တၢ်ဒၢနုာ်လီၤအီၤဆူတလါအပူၤဘၣ်. တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အတၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:4

အါန့ၢ်အန့ၣ်စီၤပၤစံးဘၣ်ပှၤဂီၢ်မုၢ်လၢဝ့ၢ်ယရူၤၡလ့ၣ်တဖၣ်ဒ် သိးကဟဲစိာ်တၢ်မၤဘူၣ်တဖၣ်လၢပှၤလုၢ်တၢ်အခိၣ်တဖၣ်ဒီးပှၤလ့ၤ ဝံဖိသ့ၣ်တဖၣ်ကြၢးဒိးန့ၢ်ဘၣ်ဝဲ, ဒ်သိးအဝဲသ့ၣ်ဟ့ၣ်အတၢ်ဆၢကတီၢ် ခဲလၢာ်ကသ့ဝဲဒ်ယူဒၤအတၢ်သိၣ်တၢ်သီလၢယွၤဟ့ၣ်ဝဲ, အတၢ်လိၣ်ဘၣ်အိၣ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:5

တုၤတၢ်ကလုၢ်ဘၣ်တၢ်ဟ့ၣ်လီၤအီၤဝံၤတဘျီဃီန့ၣ်, ကီၢ်အံၣ်စရ့လးအပှၤဂီၢ်မုၢ်ဟဲစိာ်တၢ်ဟ့ၣ်အဂ့ၤကတၢၢ်တဖၣ်လၢ အဝဲသ့ၣ်အဘုဧိၤဟုဧိၤ, စပံးထံ, သ့ၣ်စၤယံးအသိ, ကနဲစီဒီးစံာ်ဧိၤပှဲၤဧိၤအတၢ်ဟးထီၣ်တဖၣ်အကျါ, ဒီးအဝဲသ့ၣ်ဟဲစိာ်စ့ၢ်ကီးကယဲၢ်တၢ်လၢအဒိးန့ၢ်ဝဲခဲလၢာ်အတၢ် ဆံဆဲၣ်ပူတပူန့ၣ်လီၤ.

လံာ်တၢ်ဟးထီၣ်ကွံာ် 28:43

စီၤအၤဟရိၣ်ဒီးအဖိခွါတဖၣ်ကဘၣ်သိးအီၤတဘိယူၢ်ဃီဖဲ အလဲၤနုာ်ဆူယအိၣ်ယဆိးအဒဲစီဆှံအပူၤအခါမ့ၢ်ဂ့ၤ, ဖဲအသုးဘူးဃီၤအသးဆူတၢ်လုၢ်လီၢ်လၢအကမၤတၢ်ဒ်ပှၤလုၢ်တၢ် အခိၣ်ဖဲတၢ်အလီၢ်စီဆှံအပူၤအခါမ့ၢ်ဂ့ၤဒ်သိးအသု တဘၣ်တၢ်မၤသံအီၤလၢအတၢ်မဲာ်ဆှးအိၣ်ဖျါအဃိတဂ့ၤန့ၣ်လီၤ. တၢ်အံၤမ့ၢ်တၢ်သိၣ်တၢ်သီအဂၢၢ်အကျၢၤတမံၤလၢစီၤအၤဟရိၣ်ဒီး အစၢၤအသွဲၣ်တဖၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 29:21

ဟံးန့ၢ်တၢ်သွံၣ်တနီၤလၢအအိၣ်လၢတၢ်လုၢ်လီၢ်အဖီခိၣ်န့ၣ်ဒီး သိဖှူတၢ်တနီၤဒီးဖှံအီၤလၢစီၤအၤဟရိၣ်ဒီးအဖိခွါတဖၣ်အတၢ် ကူတၢ်သိးအလိၤတက့ၢ်. အန့ၣ်တစုအဝဲဒၣ်ဒီးအဖိခွါတဖၣ်ဒီးအတၢ်ကူတၢ်သိးတဖၣ်န့ၣ် ကဘၣ်တၢ်ပာ်စီဆှံအီၤဆူယအိၣ်န့ၣ်လီၤ.

လံာ်တၢ်ဟးထီၣ်ကွံာ် 29:28

တၢ်န့ၣ်မ့ၢ်ယတၢ်ပာ်လီၤသးလၢအတဆီတလဲအသးဘၣ်, လၢဖဲယပှၤဂီၢ်မုၢ်မၤအတၢ်လုၢ်မၤဃူမၤဖိးတဖၣ်န့ၣ်ဆၣ်ဖိကီၢ် ဖိအသးနါပှၢ်ဒီးအကံၣ်ဒုၣ်တဖၣ်အံၤဘၣ်ဃးဒီးပှၤလုၢ်တၢ်အခိၣ်တဖၣ်န့ၣ်လီၤ. အအံၤမ့ၢ်ပှၤဂီၢ်မုၢ်အတၢ်ဟ့ၣ်ဆူယၤ, ယွၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 29:29

စီၤအၤဟရိၣ်အပှၤလုၢ်တၢ်အခိၣ်အကူအသိးတဖၣ်န့ၣ်ကဘၣ်တၢ်ဟ့ၣ်လီၤ အီၤတဆီဘၣ်တဆီဆူအဖိခွါတဖၣ်အအိၣ်ဖဲ အဝဲသံအလီၢ်ခံလၢအဝဲသ့ၣ်ကသိးထီၣ်ဝဲဖဲအဘၣ်တၢ်ဖှူအီၤအခါန့ၣ်လီၤ.

လံာ်တၢ်ဟးထီၣ်ကွံာ် 40:13

ဒုးကူထီၣ်သိးထီၣ်စီၤအၤဟရိၣ်လၢပှၤလုၢ်တၢ်အခိၣ်အကူအသိးတဖၣ်, ဖှူအီၤဒီးလၢကျဲဒ်အံၤန့ၣ်ပာ်စီဆှံအီၤဒ်သိးအဝဲမၤယတၢ်မၤ ဒ်ပှၤလုၢ်တၢ်အခိၣ်တဂၤအသိးကသ့န့ၣ်တက့ၢ်.

လံာ်တၢ်ဟးထီၣ်ကွံာ် 40:15

အန့ၣ်ဝံၤဒီးဖှူအဝဲသ့ၣ်ဒ်နဖှူအပၢ်အသိးဒ်သိးအဝဲသ့ၣ်မၤယတၢ် မၤဒ်ပှၤလုၢ်တၢ်အခိၣ်တဖၣ်အသိးကသ့ဝဲန့ၣ်တက့ၢ်. တၢ်အံၤမ့ၢ်ဒ်သိးကဒုးကဲထီၣ်အဝဲသ့ၣ်လၢပှၤလုၢ်တၢ်အခိၣ်တဖၣ် ဆူညါထီဘိအဂီၢ်န့ၣ်တက့ၢ်.

လံာ်ယၡါယၤ 10:27

ဖဲတၢ်ဆၢကတီၢ်အဝဲန့ၣ်ဟဲတုၤဒီး, ယကမၤထူၣ်ဖျဲးထီၣ်နၤလၢ ကီၢ်အၤၡူၢ်အစိအကမီၤအဖီလာ်, ဒီးအဝဲသ့ၣ်အနီၣ်ယိးဘိ တမ့ၢ်တၢ်ဝံတၢ်ယိးလၢသုဖံဘၣ်ခိၣ်တဖၣ်အလိၤလၢၤဘၣ်.”

လံာ်တၢ်ဘူၣ်ထီၣ်ဘါထီၣ် 21:10

ပှၤလုၢ်တၢ်အခိၣ်အဒိၣ်ကတၢၢ်လၢအဘၣ်တၢ်ဖှူအခိၣ်လၢသိ ဒီးဘၣ်တၢ်ပာ်စီဆှံထီၣ်အီၤလၢကသိးပှၤလုၢ်တၢ်အခိၣ် အကူအသိးန့ၣ်, တဘၣ်ပာ်အခိၣ်တဖုတရုဘၣ်မ့ၢ်ဂ့ၤ, တဘၣ်ဖှီအဆ့လၢကပာ်ဖျါအတၢ်အိၣ်လၢတၢ်သးအုးအပူၤအဂီၢ်မ့ၢ်ဂ့ၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 23:20

ပှၤလုၢ်တၢ်အခိၣ်ကဘၣ်လုၢ်ထီၣ်ကိၣ်ဃုာ်ဒီး သိဖိခံဒုဒ်တၢ်လုၢ်လီၤဆီဆူယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်န့ၣ်လီၤ. တၢ်လုၢ်တဖၣ်အံၤစီဆှံဝဲလီၤ.

လံာ်တၢ်ဘူၣ်ထီၣ်ဘါထီၣ် 6:16

ဒီးတၢ်အိၣ်လီၤတဲာ်တဖၣ်န့ၣ်ပှၤလုၢ်တၢ်အခိၣ်တဖၣ်ကအီၣ်ဝဲလီၤ. ကဘၣ်ကုၢ်ဝဲကိၣ်လၢတအိၣ်ဘၣ်ဒီးကိၣ်မံၣ်ဒီးကဘၣ်အီၣ်ဝဲလၢတၢ် လီၢ်စီဆှံ, လၢအမ့ၢ်တၢ်ဘူၣ်ထီၣ်ဘါထီၣ်ယွၤအဒဲအဂၢၤပူၤလီၤ.

လံာ်တၢ်ဘူၣ်ထီၣ်ဘါထီၣ် 6:18

ကယဲၢ်ပိာ်ခွါလၢအလီၤစၢၤလၢစီၤအၤဟရိၣ်န့ၣ်ကအီၣ်ဘၣ်ဝဲ တၢ်အီၣ်လၢအဘၣ်တၢ်လုၢ်အီၤဆူယွၤအအိၣ်တဘိယူာ်ဃီ ဒ်တၢ်ဟ့ၣ်နီၤလီၤလၢအဂီၢ်အသိးန့ၣ်လီၤ. ဒီးပှၤတဂၤလၢ်လၢ်လၢအထိးဘၣ်တၢ်အီၣ်လၢတၢ်လုၢ်ထီၣ်အီၤန့ၣ်, ကဘၣ်တၢ်မၤဆါအီၤလၢတၢ်အီၣ်အံၤအတၢ်စီဆှံအစိကမီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:20

ဘၣ်ဃးဒီးတၢ်ဖှူပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ် န့ၣ်လီၤ. မုၢ်တနံၤလၢအဒိးဘၣ်တၢ်ဖှူအီၤန့ၣ်, ကဘၣ်ဟဲစိာ်ကိၣ်ကမူၣ်လၢအဂ့ၤတအ့ဖးဆံဆဲၣ်ပူတပူ (ပှဲၤသိးဒီးတနံၤအတၢ် လုၢ်ဘုဧိၤဟုဧိၤ) ဆူယွၤအအိၣ်, တဝာ်န့ၣ်ကဘၣ်လုၢ်ထီၣ်ဝဲလၢမုၢ်ဂီၤဒီးတဝာ်လၢ မုၢ်ဟါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:26

ပှၤလုၢ်တၢ်အခိၣ်လၢအလုၢ်ထီၣ်ဆၣ်ဖိကီၢ်ဖိန့ၣ်, ကဘၣ်အီၣ်ဝဲတၢ်လုၢ်န့ၣ်လၢတၢ်လီၢ်စီဆှံလၢအမ့ၢ်တၢ်ဘူၣ်ထီၣ်ဘါ ထီၣ်ယွၤအဒဲအဂၢၤပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:14

ဒီးကဘၣ်လုၢ်ထီၣ်ဝဲကိၣ်တနီၤလၢကိၣ်ခဲလၢာ်အကျါစုာ်စုာ်ဆူယွၤ အအိၣ်ဒ်တၢ်လုၢ်လီၤဆီတမံၤအသိးလီၤ. ဒီးကိၣ်အံၤန့ၣ်, ဘၣ်ဃးဒီးပှၤလုၢ်တၢ်အခိၣ်လၢအဟံးထီၣ်ဆၣ်ဖိကီၢ်ဖိအသွံၣ်ဒီး လူလီၤဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:28

ဒီးယွၤဟ့ၣ်လီၤတၢ်သိၣ်တၢ်ဘျၢတဖၣ်ဆူစီၤမိၤၡ့ဒ်လၢလာ်အသိး,

လံာ်တၢ်ဘူၣ်ထီၣ်ဘါထီၣ် 7:6

ဒီးပှၤပိာ်ခွါတဂၤလၢ်လၢ်လၢပှၤလုၢ်တၢ်အခိၣ်အဒူၣ်ဖိထၢဖိ အပူၤန့ၣ်, ကအီၣ်ဘၣ်ဝဲတၢ်လုၢ်အံၤလၢတၢ်လီၢ်စီဆှံအပူၤလီၤ. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:30

စီၤမိၤၡ့ဟံးန့ၢ်သိဖှူတၢ်တနီၤဒီးတၢ်သွံၣ်တနီၤလၢအအိၣ် လၢတၢ်လုၢ်လီၢ်ဖီခိၣ်ဒီးဖှံဝဲလၢစီၤအၤဟရိၣ်ဒီးအဖိခွါတဖၣ်အလိၤဒီးအဆ့ကၤအလိၤစ့ၢ်ကီးလီၤ. တၢ်အံၤမ့ၢ်စီၤမိၤၡ့ပာ်စီဆှံ အဝဲသ့ၣ်ဒီးအဆ့ကၤတဖၣ်ဆူယွၤအအိၣ်လီၤ.

လံာ်တၢ်ဂံၢ် 18:9

လၢတၢ်လုၢ်စီဆှံကတၢၢ်တဖၣ်လၢတၢ်တဆိၣ်ကဲၤဘၣ်အီၤလၢတၢ်လုၢ် လီၢ်အဖီခိၣ်အကျါန့ၣ်, တၢ်လၢလာ်တဖၣ်အံၤဘၣ်ဃးဒီးနၤလီၤ. တၢ်လုၢ်ဘုဧိၤဟုဧိၤတဖၣ်, တၢ်လုၢ်တၢ်ပျၢ်တၢ်ဒဲးဘးတဖၣ်, ဒီးတၢ်လိးက့ၤအတၢ်လုၢ်တဖၣ်န့ၣ်လီၤ. တၢ်ကိးမံၤဒဲးလၢအဘၣ်တၢ်ဟ့ၣ်ထီၣ်ဆူ ယအိၣ်ဒ်တၢ်လုၢ်စီဆှံတဖၣ်န့ၣ်ဘၣ်ဃးဒီးနၤဒီးနဖိခွါတဖၣ်လီၤ.

လံာ်တၢ်ဂံၢ် 5:9

ဒ်န့ၣ်အသိးကယဲၢ်တၢ်ဟ့ၣ်မၤဘူၣ်ဆီလၢပှၤအံၣ်စရ့လးဖိတဖၣ်ဟ့ၣ် ဆူယွၤအအိၣ်န့ၣ်ဘၣ်ဃးဒီးပှၤလုၢ်တၢ်အခိၣ်တဂၤလၢအဝဲ သ့ၣ်ဟ့ၣ်ဝဲဆူအအိၣ်န့ၣ်လီၤ.

1 ကရံၣ်သူး 9:13

သုကသ့ၣ်ညါကစီဒီလီၤ. ပှၤလၢအမၤတၢ်လၢတၢ်လုၢ်ဟံၣ်အပူၤ တဖၣ်ဒိးန့ၢ်ဘၣ်အတၢ်အီၣ်လၢတၢ်လုၢ်ဟံၣ်အပူၤ, ဒီးပှၤလၢအလုၢ်ထီၣ်တၢ်လုၢ်တၢ်ပာ်လၢတၢ်လုၢ်လီၢ်တဖၣ် ဒိးန့ၢ်ဘၣ်တၢ်နီၤဟ့ၣ်အီၤလၢတၢ်လုၢ်တၢ်ပာ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:6

ဒီးဖဲန့ၣ်သုကဘၣ်လုၢ်ထီၣ်တၢ်လုၢ်တၢ်ပာ်တဖၣ်လၢတၢ်ဆိၣ်ကဲၤထီၣ် အဂီၢ်ဒီးတၢ်လုၢ်တၢ်ပာ်အဂၤတဖၣ်ဒီးတၢ်မၤဘူၣ်တဖၣ်, သုတၢ်ဟ့ၣ်လၢသုအၢၣ်လီၤဒီးယွၤ, သုတၢ်သူၣ်အိၣ်သးအိၣ်အတၢ်မၤ ဘူၣ်တဖၣ်ဒီးသုဂီၤဘုၣ်ဂီၤဖံးဒီးသုသိအဝဲၢ်ကိတဖၣ်န့ၣ်လီၤ.

လံာ်သိၣ်လီၤသီလီၤတၢ် 18:1

ပှၤလုၢ်တၢ်အခိၣ်တဖၣ်လၢလ့ၤဝံအဒူၣ်ပူၤန့ၣ်တဘၣ်ဒိးန့ၢ်ဟီၣ် ခိၣ်အလီၢ်ကဝီၤအတၢ်ဟ့ၣ်နီၤနီတမံၤလၢကီၢ်အံၣ်စရ့လးအပူၤန့ၣ် ဘၣ်. လၢတၢ်န့ၣ်အလီၢ်, အဝဲသ့ၣ်ကဘၣ်အိၣ်မူဒၣ်လၢတၢ်လုၢ်တၢ်ပာ်တဖၣ် ဒီးတၢ်မၤဘူၣ်အဂၤတဖၣ်လၢတၢ်ဟ့ၣ်အီၤဆူယွၤအအိၣ်အဖီခိၣ်န့ၣ် လီၤ.

လံာ်သိၣ်လီၤသီလီၤတၢ် 26:13

စံးဘၣ်ယွၤ, တၢ်ဆံဆဲၣ်ပူတပူစီဆှံတအိၣ်တ့ၢ်လၢယဟံၣ်ပူၤနီ တမံၤဘၣ်. ယဟ့ၣ်လီၤအီၤဆူပှၤလ့ၤဝံဖိတဖၣ်, ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်အအိၣ် ဒ်နမၤလိာ်တ့ၢ်ယၤလၢယကမၤအီၤန့ၣ်လီၤ. နတၢ်မၤလိာ်ဘၣ်ဃးဒီးတၢ်ဆံဆဲၣ်ပူတပူန့ၣ်ယတလဲၤသဒၣ်အီၤမ့ၢ်ဂ့ၤ, သးပ့ၤနီၣ်အီၤမ့ၢ်ဂ့ၤဘၣ်.

ဧ့ၤဘြံၤ 1:9

နအဲၣ်တၢ်လၢအဘၣ်ဒီး နသးဟ့တၢ်လၢအတဘၣ်ဘၣ်န့ၣ်လီၤ. လၢတၢ်န့ၣ်အဃိကစၢ်ယွၤ, နကစၢ်ယွၤဃုထၢထီၣ် ဒီးဖှူနၤလၢတၢ်သးခုအသိ အါန့ၢ်ဒိၣ်န့ၢ်ဒံးနတံၤသကိးတဖၣ်တက့ၢ်လီၤ.”

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.