လံာ်တၢ်ဂံၢ် 18:5 - Sgaw Karen Common Bible

⁵ ထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်မူဒါတဖၣ်လၢ တၢ်အလီၢ်စီဆှံဂီၢ်ဒီးလၢတၢ်လုၢ်လီၢ်အဂီၢ်, ဒ်သိးယတၢ်သးဒိၣ်အသုတဟဲဖျိးထီၣ်ကဒီးထီဒါဘၣ်ကီၢ်အံၣ်စရ့ လးအပှၤဂီၢ်မုၢ်တဖၣ်တဂ့ၤအဂီၢ်န့ၣ်လီၤ.

လံာ်တၢ်ဂံၢ် 18:5 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:24

ပှၤသ့ၣ်တဖၣ်အံၤမ့ၢ်စီၤလ့ၤဝံအစၢၤအသွဲၣ်တဖၣ်ဒ်အဒူၣ်ထၢတဖၣ် ဒီးအဟံၣ်ဖိဃီဖိတဖၣ်အိၣ်ဝဲအသိး, ဒီးအဝဲသ့ၣ်ကိးဂၤဒဲးဘၣ်တၢ်ထၢဒီးကွဲးနီၣ်အမံၤဒ်အအိၣ်ဝဲ အသိးန့ၣ်လီၤ. အဝဲအစၢၤအသွဲၣ်တဖၣ်လၢအသးအိၣ်အနံၣ်ခံဆံဒီးအါန့ၢ်အန့ၣ်တဂၤ ဘၣ်တဂၤစုာ်စုာ်အိၣ်ဒီးအမူအဒါလၢအလီၤဘၣ်အီၤတဂၤတမံၤလၢ ယွၤအတၢ်လုၢ်ဟံၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:32

အဝဲသ့ၣ်ဘၣ်တၢ်ဟ့ၣ်မူဟ့ၣ်ဒါအီၤလၢကအံးထွဲကွၢ်ထွဲယွၤအဒဲ စီဆှံလၢယွၤအိၣ်ဝဲ, ဒီးယွၤအတၢ်လုၢ်ဟံၣ်, ဒီးကဘၣ်မၤစၢၤအဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်လၢ တၢ်ဘူၣ်တၢ်ဘါလၢတၢ်လုၢ်ဟံၣ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:5

မ့ၢ်လၢယွၤအတၢ်လုၢ်ဟံၣ်အပဒိၣ်ပပှၢ်တဖၣ်ဒီးသူၣ်ဂ့ၢ်သးကျိၤ အခိၣ်အနၢ်တဖၣ်, အိၣ်ဝဲလၢစီၤအလၤဧစၢ်မ့ၢ်ဂ့ၤ, စီၤအံသမၢ်မ့ၢ်ဂ့ၤအစၢၤအသွဲၣ်တဖၣ်အကျါအဃိ, မူဒါတဖၣ်ဘၣ်တၢ်ဟ့ၣ်လီၤအီၤခီဖျိတၢ်ဖီၣ်တၢ်ဖးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:19

စီၤၡၤလူၣ်လၢအမ့ၢ်စီၤကိၤရ့အဖိခွါဒီးစီၤအဘံယၤစာ်အလံၤခွါ, ဃုာ်ဒီးအဝဲအဒူၣ်ထၢအဟံၣ်ဖိဃီဖိကဒဲကဒဲလၢပှၤကိၤရးအဒူၣ် ထၢပူၤတဖၣ်, အိၣ်မူဒါလၢတၢ်ပၢၤကျဲစၢၤလဲၤနုာ်ဆူ ယွၤအိၣ်ဝဲဆိးဝဲအလီၢ်အဒဲ, ဒ်အဝဲသ့ၣ်အပၢ်ဖးဒိၣ်လၢပျၢၤ တဖၣ်မၤတ့ၢ်ဝဲ, ဖဲအဝဲသ့ၣ်မ့ၢ်ပှၤအခိၣ်တဖၣ်လၢယွၤသူၣ်ဒဲအလီၢ်အဂီၢ်အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:23

အဝဲသ့ၣ်ဒီးအစၢၤအသွဲၣ်တဖၣ်ပၢၤဒံးဒၣ်တြဲၤတဖၣ်လၢပှၤလဲၤနုာ် ဆူတၢ်လုၢ်ဟံၣ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:33

လ့ၤဝံအဟံၣ်ဒူၣ်ဃီထၢတနီၤအိၣ်မူအိၣ်ဒါလၢတၢ်လုၢ်ဟံၣ်အတၢ် သူၣ်ဝံၣ်သးဆၢအဂီၢ်န့ၣ်လီၤ. ဟံၣ်ဒူၣ်ဃီထၢတဖၣ်အံၤအခိၣ်အိၣ်ဆိးဝဲလၢတၢ်လုၢ်ဟံၣ်အတၢ်သူၣ် ထီၣ်တနီၤအပူၤ, ဒီးအိၣ်ပူၤအိၣ်ဖျဲးဝဲဒီးမူဒါအဂၤတဖၣ်မ့ၢ်လၢ, အဝဲသ့ၣ်ဘၣ်တၢ်ကိးထီၣ်အီၤလၢမုၢ်ဆါဒီးမုၢ်နၤအဃိန့ၣ်လီၤ.

လံာ်တၢ်ဟးထီၣ်ကွံာ် 27:21

စီၤအၤဟရိၣ်ဒီးအဖိခွါတဖၣ်ကဘၣ်ဒွဲၣ်ကပီၤထီၣ်မ့ၣ်အူဒၢလၢယ အိၣ်ယဆိးအဒဲစီဆှံပူၤဖဲယၣ်ဘျးသဒၢအချၢလၢအအိၣ်လၢတၢ်အၢၣ် လီၤအီလီၤတလါစီဆှံအမဲာ်ညါန့ၣ်လီၤ. ဖဲန့ၣ်ဖဲယအိၣ်ယဆိးအလီၢ်န့ၣ်မ့ၣ်အူဒၢကဘၣ်ဒွဲၣ်ကပီၤထီၣ်အီၤ စးထီၣ်လၢမုၢ်ဟါတုၤမုၢ်ဂီၤန့ၣ်လီၤ. တၢ်မၤလိာ်အံၤကဘၣ်တၢ်တိၢ်န့ၢ်ဖံးဃာ်အီၤလီၤထူလီၤယိာ်လၢပှၤ အံၣ်စရ့လးဖိတဖၣ်ဒီးအစၢၤအသွဲၣ်တဖၣ်န့ၣ်လီၤ.

လံာ်ယံးရမံယၤ 23:15

သတးဒီးတၢ်အံၤမ့ၢ်ယၤ, ယွၤသ့တၢ်လၢာ်, စံးတၢ်ဘၣ်ဃး ဝ့ၢ်ယရူၤၡလ့ၣ်အဝံတဖၣ်အဂ့ၢ်န့ၣ်လီၤ. ယကဟ့ၣ်အဝဲသ့ၣ်တၢ်မုၢ်တၢ်ဘိအခၣ်တဖၣ်လၢကအီၣ် ဝဲဒီးစုၣ်လၢကအီဝဲအဂီၢ်န့ၣ်လီၤ. အဂ့ၢ်ဒ်အံၤ, အဝဲသ့ၣ်ရၤလီၤတၢ်တယူးယီၣ်ယွၤလၢထံ ကီၢ်ဒီဘ့ၣ်ညါအဃိန့ၣ်လီၤ.”

လံာ်ယဃ့းစက့လး 44:15

ယွၤပၢဘၣ်တၢ်ခဲလၢာ်ကစၢ်စံးဝဲ, “မ့မ့ၢ်ပှၤလုၢ်တၢ်အခိၣ် တဖၣ်လၢအဘၣ်ဃးဒီးလ့ၤဝံအဒူၣ်လၢအဟဲလီၤစၢၤလီၤ သွဲၣ်လၢစီၤစၤဒိးန့ၣ်ဖဲကီၢ်အံၣ်စရ့လးအပှၤဂီၢ် မုၢ်အဂၤတဖၣ်ဃၣ်ကဒါကွံာ်အသးလၢယၤအခါန့ၣ် အဝဲသ့ၣ်မ့ၢ်ပှၤမၤထွဲဒံးတၢ်လၢယဂီၢ်လၢတၢ်သူၣ်တီသးရၤ အပူၤလၢယွၤအတၢ်လုၢ်ဟံၣ်အပူၤန့ၣ်လီၤ. အဃိ, ခဲကနံၣ်အံၤအဝဲသ့ၣ်မ့ၢ်ပှၤတဖၣ်လၢကဘၣ်မၤယတၢ်မၤ, ဒီးကဟဲနုာ်လၢယမဲာ်ညါဒ်သိးကလုၢ်ထီၣ်ယၤ လၢတၢ်လုၢ်တၢ်ပာ်တဖၣ်အသိဒီးအသွံၣ်န့ၣ်လီၤ.

လံာ်ယဃ့းစက့လး 44:16

ထဲအဝဲသ့ၣ်ဧိၤန့ၣ်ကဟဲနုာ်လၢယတၢ်လုၢ်ဟံၣ်အပူၤ, မၤတၢ်လၢယတၢ်လုၢ်လီၢ်ဒီးမၤတၢ်ဘူၣ်ထီၣ်ဘါထီၣ် တဖၣ်လၢယတၢ်လုၢ်ဟံၣ်အပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:6

အန့ၣ်ဝံၤဒီး, စီၤမိၤၡ့စံးဘၣ်စီၤအၤဟရိၣ်ဒီးအဖိခွါစီၤအလၤဧစၢ်, ဒီးစီၤအံသမၢ်, “ပာ်သုခိၣ်သူတဖုတရုဒီးဖှီသုဆ့တဖၣ်ဒ်သိးသုကပာ်ဖျါ သုတၢ်သးအုးန့ၣ်တဂ့ၤ. သုမ့ၢ်မၤဒ်န့ၣ်ဒီးသုကသံလီၤ. ဒီးယွၤကသးထီၣ်ဘၣ်ပှၤဂီၢ်မုၢ်ခဲလၢာ်လီၤ. မ့မ့ၢ်ပှၤအံၣ်စရ့လးဖိခဲလၢာ်ဟီၣ်ယၢၤဝဲသ့လၢတၢ်သံအံၤမၤအသးခီဖျိမ့ၣ်အူဟဲလၢယွၤအအိၣ် အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:3

ဒီးစီၤအၤဟရိၣ်ကဘၣ်ဒွဲၣ်ကပီၤ ထီၣ်အီၤတလါဘၣ်တလါတုၤမုၢ်ဆ့ၣ်ထီၣ်တစု, လၢယွၤအမဲာ်ညါ, လၢယၣ်ဘျးသဒၢအမဲာ်ညါ, လၢတၢ်အၢၣ်လီၤအီလီၤတလါအမဲာ်ညါ, လၢအမ့ၢ်တၢ်လီၢ်စီဆှံကတၢၢ်န့ၣ်လီၤ. တၢ်သိၣ်တၢ်ဘျၢအံၤသုကဘၣ်တိၢ်န့ၢ်အီၤအစိၤစိၤအဃၣ်ဃၣ်န့ၣ် လီၤ.

လံာ်စကၤရယၤ 10:3

ယွၤစံးဝဲဒၣ်, “ယသးဒိၣ်ထီၣ်ဘၣ်ပှၤတခီဘီမုၢ်ဖိတဖၣ်လၢအပၢ ယပှၤဂီၢ်မုၢ်, ဒီးယကစံၣ်ညီၣ်အဝဲသ့ၣ်လီၤ. ကီၢ်ယူဒၤအပှၤဂီၢ်မုၢ်တဖၣ်မ့ၢ်ယတၢ်, ဒီးယၤ, သ့တၢ်လၢာ်ယွၤကကွၢ်ထွဲကဟုကယာ်အဝဲသ့ၣ်လီၤ. အဝဲသ့ၣ်ကမ့ၢ်ယကသ့ၣ်ဒုးသုးတဖၣ်လၢအဂံၢ်ဆူၣ်ဘါဆူၣ်လီၤ.”

လံာ်တၢ်ဂံၢ် 1:50

အခိၣ်တလိာ်, ပာ်ပှၤလ့ၤဝံဖိတဖၣ်ဒ်ပှၤအံးထွဲကွၢ်ထွဲ ယအိၣ်ဝဲဆိးဝဲအဒဲစီဆှံဒီးကယဲၢ်အတၢ်ပီးတၢ်လီခဲလၢာ်အသိး တက့ၢ်. အဝဲသ့ၣ်ကဘၣ်စိာ်အီၤဃုာ်ဒီးအတၢ်ပီးတၢ်လီတဖၣ်, မၤတၢ်လၢအပူၤဒီးသူၣ်ထီၣ်အဒဲဝးတရံးအီၤန့ၣ်လီၤ.

လံာ်တၢ်ဂံၢ် 1:53

မ့မ့ၢ်ပှၤလ့ၤဝံဖိတဖၣ်ကဘၣ်သူၣ်ဒဲဝးတရံးဒဲစီဆှံလၢကကဟု ကယာ်အီၤအဂီၢ်, ဒ်သိးပှၤသုတဟဲဘူးအီၤနီတဂၤဒီးထိၣ်ဂဲၤယတၢ်သးထီၣ်လၢ ယကကျီကွံာ်အံၣ်စရ့လးအဒူၣ်အထၢတဂ့ၤအဂီၢ်န့ၣ်လီၤ.”

လံာ်တၢ်ဂံၢ် 16:46

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်နသပၢၤမ့ၣ်အူ, ဒၢနုာ်မ့ၣ်အူအ့ၣ်တဖၣ်လၢနမၤန့ၢ်လၢတၢ်လုၢ်လီၢ်န့ၣ် အပူၤဒီးပာ်ထီၣ်တၢ်နၢမူတနီၤလၢအဖီခိၣ်တက့ၢ်. အန့ၣ်ဝံၤဒီးလဲၤစိာ်အီၤချ့ချ့ဆူပှၤဂီၢ်မုၢ်အအိၣ်ဒီးမၤ တၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢအဝဲသ့ၣ်အဂီၢ်တက့ၢ်. မၤချ့ချ့တက့ၢ်. ယွၤအတၢ်သးဒိၣ်ဖျိးထီၣ်ဝဲလံဒီးတၢ်သံ သတြိာ်တမံၤစးထီၣ်မၤအသးလံ.”

လံာ်တၢ်ဂံၢ် 18:4

အဝဲသ့ၣ်ကဘၣ်မၤတၢ်ဒီးနၤဒီးမၤလၢထီၣ်ပှဲၤထီၣ်အမူအဒါတဖၣ် လၢကယဲၢ်တၢ်မၤလၢဒဲစီဆှံပူၤအဂီၢ်, ဘၣ်ဆၣ်ဒီးပှၤလၢတကြၢးတဘၣ်တဖၣ်တဘၣ်မၤဃုာ်တၢ်ဒီးနၤဘၣ်.

လံာ်တၢ်ဂံၢ် 4:18

“မ်စီၤကဃးအဒူၣ်ထၢ

လံာ်တၢ်ဂံၢ် 8:19

ဒီးယဟ့ၣ်လီၤပှၤလ့ၤဝံဖိတဖၣ်ဆူစီၤအၤဟရိၣ်ဒီးအဖိခွါတဖၣ် အအိၣ်ဒ်ပှၤအံၣ်စရ့လးဖိတဖၣ်အတၢ်ဟ့ၣ်လီၤဆီတမံၤ, ဒ်သိးအကမၤတၢ်လၢဒဲစီဆှံအပူၤလၢကီၢ်အံၣ်စရ့လးအပှၤဂီၢ် မုၢ်အဂီၢ်ဒီးလၢအကဒီဒၣ်အိၣ်ပှိၤပှၤအံၣ်စရ့လးဖိတဖၣ်လၢတၢ် တတၢးတနါလၢကလီၤဘၣ်အဝဲသ့ၣ်ဖဲအဝဲသ့ၣ်မ့ၢ်ဟဲဘူးဘၣ် ဒီးတၢ်အလီၢ်စီဆှံအခါန့ၣ်လီၤ.”

၁ တံၤမသ့း 1:18

ယဖိခွါစီၤတံၤမသ့းဧၢ, ယဟ့ၣ်လီၤနၤတၢ်မၤလိာ်အံၤမ့ၢ်ဒၣ်တၢ်မၤပိာ်ထွဲဝံအတၢ် ကတိၤတဖၣ်လၢအကတိၤတ့ၢ်ဝဲလၢအပူၤကွံာ်ဘၣ်ဃးဒီးနၤ န့ၣ်လီၤ. သူတၢ်ကတိၤတဖၣ်အံၤဒ်စုကဝဲၤတဖၣ်အသိး, ဒ်သိးနကဒုးတၢ်ဂ့ၤဂ့ၤဘၣ်ဘၣ်အဂီၢ်,

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

၁ တံၤမသ့း 5:21

လၢကစၢ်ယွၤ, ဒီးယ့ၣ်ၡူးခရံာ်, ဒီးကလူးစီဆှံတဖၣ်အမဲာ်ညါ န့ၣ်, ယမၤလိာ်နၤလၢတၢ်သညူးသပှၢ်အပူၤလၢနကစူၢ်တၢ်သိၣ် တၢ်သီတဖၣ်အံၤ, တအိၣ်ဘၣ်ဒီးတၢ်အဲၣ်ဒိၣ်ဆံးအါစှၤတၢ်ဒီး တၢ်ကွၢ်မဲာ်တၢ်လၢနမၤတၢ်တမံၤဂ့ၤတမံၤဂ့ၤအပူၤန့ၣ် ဘၣ်လီၤ.

၁ တံၤမသ့း 6:20

စီၤတံၤမသ့းဧၢ, ပၢၤဃာ်တၢ်လၢအဘၣ်တၢ်ဟ့ၣ်လီၤနၤ လၢနကအံးက့ၤကွၢ်က့ၤအီၤတဖၣ်ဂ့ၤဂ့ၤတက့ၢ်. ပဒ့ၣ်ဟးဆှဲးတၢ်ကတိၤတရီတပါတၢ်စီတၢ်ဆှံ ဒီးတၢ်ဂ့ၢ်လိာ်ဘှီလိာ်ကလီကလီတဖၣ်လၢပှၤတနီၤနီၤကိး ကမၣ်ဝဲလၢ “တၢ်သ့ၣ်ညါ” န့ၣ်တက့ၢ်.