လံာ်တၢ်ဂံၢ် 18:24 - Sgaw Karen Common Bible

²⁴ အဂ့ၢ်ဒ်အံၤ, ဟ့ၣ်လီၤတ့ၢ်လံအဝဲသ့ၣ်လၢတၢ်ဆံဆဲၣ်ပူတပူလၢပှၤ အံၣ်စရ့လးဖိတဖၣ်ဟ့ၣ်ထီၣ်ဆူယအိၣ်ဒ်တၢ်ဟ့ၣ်လီၤဆီတမံၤအသိး န့ၣ်လၢအဝဲသ့ၣ်အတၢ်န့ၢ်သါအဂီၢ်လံလီၤ. လၢတၢ်န့ၣ်အဃိယစံးတ့ၢ်အဝဲသ့ၣ်လၢအဝဲသ့ၣ်တဘၣ်အိၣ်ဒီးတၢ်စု လီၢ်ခီၣ်ခိၣ်အဂၢၢ်အကျၢၤနီတမံၤလၢကီၢ်အံၣ်စရ့လး အပူၤဘၣ်န့ၣ်လီၤ.”

လံာ်တၢ်ဂံၢ် 18:24 Iomraidhean Croise

လံာ်စီၤနဃ့မယၤ 10:38

ပှၤလုၢ်တၢ်အခိၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်တဖၣ် ကဘၣ်အိၣ်ဒီးပှၤလ့ၤဝံဖိတဖၣ်ဖဲတၢ်ဟ့ၣ်မၤဘူၣ်ဆံဆဲၣ်ပူတပူ တဖၣ်ဘၣ်တၢ်ပာ်ဖှိၣ်အီၤဒီးပှၤလ့ၤဝံဖိတဖၣ်ဘၣ်လဲၤစိာ်ဝဲ ကယဲၢ်တၢ်ဆံဆဲၣ်ပူတပူလၢတၢ်ထၢဖှိၣ်အီၤအကျါဆံဆဲၣ်ပူတပူ ဆူတၢ်လုၢ်ဟံၣ်အတၢ်ပာ်ဖှိၣ်အလီၢ်လၢတၢ်ကသူအီၤလၢယွၤအတၢ်လုၢ် ဟံၣ်အပူၤန့ၣ်လီၤ.

လံာ်စီၤနဃ့မယၤ 13:12

အန့ၣ်ဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်စးထီၣ်ဟဲ စိာ်က့ၤအဝဲသ့ၣ်အတၢ်ဆံဆဲၣ်ပူတပူလၢဘုဧိၤဟုဧိၤ, စပံးထံဒီးသ့ၣ်စၤယံးအသိဆူတၢ်လုၢ်ဟံၣ်အတၢ်ပာ်ဖှိၣ်အဒၢး တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:30

ဒီးတၢ်ဆံဆဲၣ်ပူတပူလၢကယဲၢ်ဟီၣ်ခိၣ်အတၤသၣ်ဒ် ဘုဧိၤဟုဧိၤမ့ၢ်ဂ့ၤ, တၤသူတၤသၣ်တဖၣ်မ့ၢ်ဂ့ၤန့ၣ်ဘၣ်ဃးဒီး ယွၤန့ၣ်လီၤ.

လံာ်တၢ်ဂံၢ် 18:25

ယွၤမၤလိာ်တ့ၢ်စီၤမိၤၡ့, လၢကတဲဘၣ်ပှၤလ့ၤဝံဖိတဖၣ်ဒ်အံၤ, “ဖဲသုဒိးန့ၢ်တၢ်ဆံဆဲၣ် ပူတပူလၢယွၤဟ့ၣ်သုဒ်သုတၢ်န့ၢ်သါအသိး, လၢပှၤအံၣ်စရ့လးဖိတဖၣ်အအိၣ်န့ၣ်, သုကဘၣ်ဟ့ၣ်ထီၣ်တၢ်ဆံဆဲၣ် ပူတပူဒ်တၢ်ဟ့ၣ်လီၤဆီတမံၤဆူယွၤအအိၣ်န့ၣ်လီၤ.

လံာ်တၢ်ဂံၢ် 26:62

ပှၤလ့ၤဝံဖိအပိာ်ခွါလၢအသးအိၣ်တလါဒီးဆူအဖီခိၣ်အနီၣ်ဂံၢ် အိၣ်ဝဲဒၣ် ခံကလးသၢကထိ ဂၤန့ၣ်လီၤ. အဝဲသ့ၣ်ဘၣ်တၢ်ကွဲးနီၣ်အီၤလီၤဆီဒီးပှၤအံၣ်စရ့လးဖိ အဂၤတဖၣ်, မ့ၢ်လၢအဝဲသ့ၣ်တဘၣ်တၢ်ဟ့ၣ်အီၤတၢ်စုလီၢ်ခီၣ်ခိၣ်နီ တမံၤလၢကီၢ်အံၣ်စရ့လးအပူၤအဃိန့ၣ်လီၤ.

လံာ်သိၣ်လီၤသီလီၤတၢ် 10:9

တၢ်န့ၣ်မ့ၢ်ဝဲဘၣ်မနုၤအဃိပှၤလ့ၤဝံဖိတဖၣ်တန့ၢ်ဘၣ်ဟီၣ်ခိၣ် နီတတီၤဒ်ပှၤအဒူၣ်အဂၤတဖၣ်ဒိးန့ၢ်ဝဲအသိးအဂ့ၢ်န့ၣ်လီၤ. တၢ်လၢအဝဲသ့ၣ်ဒိးန့ၢ်ဘၣ်ဝဲန့ၣ်, မ့ၢ်တၢ်ခွဲးတၢ်ယာ်လၢအကဲ ဘၣ်ယွၤအပှၤလုၢ်တၢ်အခိၣ်တဖၣ်, ဒ်ယွၤ, သုကစၢ်ယွၤအၢၣ်လီၤတ့ၢ် ဝဲအသိးန့ၣ်လီၤ.)

လံာ်သိၣ်လီၤသီလီၤတၢ် 26:12

သၢနံၣ်တဘျီကိးစုဒဲးန့ၣ်ဟ့ၣ်တၢ်ဆံဆဲၣ်ပူလၢအမ့ၢ် သုတၤသူတၤသၣ်ဆံဆဲၣ်ပူတပူဆူပှၤလ့ၤဝံဖိတဖၣ်, ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်အအိၣ်, ဒ်သိးလၢတၢ်အိၣ်မူကရူၢ်ကိးဖုဒဲးအပူၤအဝဲသ့ၣ်ကအိၣ်ဒီးတၢ်ခဲလၢာ်လၢအလိၣ်ဘၣ် ဝဲလၢကအီၣ်ဝဲအဂီၢ်တက့ၢ်. ဖဲသုမၤတၢ်ဒ်အံၤန့ၣ်,

လံာ်စီၤယိၤၡူ 13:14

စီၤမိၤၡ့တနီၤဖးလီၤကီၢ်လၢပှၤလ့ၤဝံဖိအဂီၢ်ဘၣ်. ဒ်ယွၤစံးဘၣ်တ့ၢ်စီၤမိၤၡ့အသိး, အဝဲသ့ၣ်ကဒိးန့ၢ်ဘၣ်အတၢ် န့ၢ်သါလၢအမ့ၢ်တၢ်လုၢ်တဖၣ်လၢတၢ်လုၢ်ထီၣ်ပာ်ထီၣ်အီၤလၢယွၤ အံၣ်စရ့လးအကစၢ်အတၢ်လုၢ်လီၢ်အဖီခိၣ်န့ၣ်လီၤ.