လံာ်တၢ်ဂံၢ် 18:21 - Sgaw Karen Common Bible

²¹ ယွၤစံးဝဲဒၣ်, “ကယဲၢ်တၢ်ဆံဆဲၣ်ပူၤတပူလၢကီၢ်အံၣ်စရ့လး အပှၤဂီၢ်မုၢ်ဟ့ၣ်ထီၣ်ယၤန့ၣ်ယဟ့ၣ်လီၤအီၤဆူပှၤလ့ၤဝံဖိတဖၣ် အအိၣ်လီၤ. တၢ်အံၤမ့ၢ်တၢ်အဘူးအလဲလၢအဝဲသ့ၣ်မၤတၢ်အခ့အပှၤအတၢ်မၤ လၢတၢ်အံးထွဲကွၢ်ထွဲယအိၣ်ယဆိးအဒဲစီဆှံအဂီၢ်န့ၣ်လီၤ.

လံာ်တၢ်ဂံၢ် 18:21 Iomraidhean Croise

လံာ်တၢ်ကဲထီၣ်အခီၣ်ထံး 14:20

မ်တၢ်ထီကတၢၢ်ကစၢ်ယွၤတဂၤလၢအဟ့ၣ်နၤတၢ်မၤနၢၤလၢနဒုၣ်နဒါ အဖီခိၣ်န့ၣ်ဘၣ်တၢ်စံးထီၣ်ပတြၢၤအီၤတက့ၢ်.” ဒီးစီၤအၤဘြၣ်ဟ့ၣ်ဝဲစီၤမးလကံစဒ့းလၢကယဲၢ်တၢ်ဂုာ်န့ၢ်လၢ အဘၣ်တၢ်မၤန့ၢ်ကဒါက့ၤအီၤအကျါဆံဆဲၣ်ပူတပူန့ၣ်လီၤ.

လံာ်တၢ်ကဲထီၣ်အခီၣ်ထံး 47:24

ဖဲကူးတၢ်အကတီၢ်န့ၣ်, သုကဘၣ်ဟ့ၣ်စီၤပၤယဲၢ်ပူတပူ န့ၣ်လီၤ. တၢ်လၢအအိၣ်လီၤတဲာ်တဖၣ်န့ၣ်, သုသူအီၤလၢတၢ်ချံ အဂီၢ်ဒီးလၢတၢ်အီၣ်တၢ်အီလၢသုကစၢ်ဒၣ်သုဝဲဒီးသုဒူၣ်ဖိထၢ ဖိတဖၣ်အဂီၢ်သ့ဝဲန့ၣ်လီၤ.”

လံာ်တၢ်ကဲထီၣ်အခီၣ်ထံး 47:26

လၢတၢ်န့ၣ်အဃိ, စီၤယိၤသးဒုးအိၣ်ထီၣ်တၢ်သိၣ်တၢ်သီတမံၤဘၣ် ထွဲဒီးကီၢ်အဲၤကူပတူးအဟီၣ်ခိၣ်တဖၣ်လၢ, တၢ်ကူးက့ၤလၢအန့ၢ်ယဲၢ်ပူတပူန့ၣ်ကြၢးမ့ၢ်စီၤပၤအတၢ်လီၤ. တၢ်သိၣ်တၢ်သီအံၤအိၣ်ဂၢၢ်ဝဲကျၢၤဝဲတုၤလၢမုၢ်မဆါတနံၤအံၤ လီၤ. ထဲပှၤလုၢ်တၢ်အခိၣ်တဖၣ်အဟီၣ်ခိၣ်ဧိၤန့ၣ်တကဲထီၣ်စီၤပၤအတၢ်စု လီၢ်ခီၣ်ခိၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 31:12

ဒီးဒၢနုာ်ကယဲၢ်တၢ်ဟ့ၣ်ခဲလၢာ်ဒီးတၢ်မၤဘူၣ်ဆံဆဲၣ်ပူတပူ လၢတၢ်ပာ်ဖှိၣ်အဒၢးတဖၣ်န့ၣ်အပူၤလၢတၢ်ကပၢၤဃာ်အီၤအဂီၢ်န့ၣ် လီၤ. အဝဲသ့ၣ်ပာ်လီၤပှၤလ့ၤဝံဖိစီၤကနၤနယၤလၢပှၤအခိၣ်လၢကကွၢ် ထွဲတၢ်အဂီၢ်, ဒီးဒုးကဲထီၣ်အဝဲအဒီပုၢ်ဝဲၢ်ခွါစီၤၡံမံၤလၢပှၤကမၤစၢၤ အီၤန့ၣ်လီၤ.

လံာ်စီၤနဃ့မယၤ 10:29

ဖဲအံၤပပာ်ဖှိၣ်ပသးဒီးပခိၣ်ပနၢ်တဖၣ်ဒီးမၤတၢ်ဆိၣ်တမံၤ, လၢပမ့ၢ်မၤဟးဂီၤအီၤဒီးပကန့ၢ်ဘၣ်အဘူးအလဲလၢတၢ်ဆိၣ်အၢတ မံၤ, လၢပကအိၣ်မူဒ်ကစၢ်ယွၤအတၢ်သိၣ်တၢ်သီလၢပှၤယူဒၤဖိအဂီၢ်, လၢကစၢ်ယွၤဟ့ၣ်လီၤအီၤခီဖျိအခ့အပှၤစီၤမိၤၡ့, လၢပကစူၢ်တၢ်ခဲလၢာ်လၢယွၤ, ပကစၢ်မၤလိာ်ပှၤဒီးလၢပက တိၢ်န့ၢ်ဖံးဃာ်ကယဲၢ်အတၢ်သိၣ်တၢ်သီခဲလၢာ်ဒီးတၢ်လၢအဃ့ ဝဲတဖၣ်န့ၣ်လီၤ.

လံာ်စီၤနဃ့မယၤ 10:37

ကိၣ်လၢပမၤအီၤအဆိကတၢၢ်ခီဖျိဘုခ့လၢပကူးဘၣ်အီၤကိးနံၣ် ဒဲး, ဒီးပတၢ်မၤဘူၣ်အဂၤလၢအမ့ၢ်စပံးထံ, သ့ၣ်စၤယံးအသိ, ဒီးကယဲၢ်သ့ၣ်သၣ်အကလုာ်ကလုာ်န့ၣ်, ပကလဲၤစိာ်အီၤဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ် အပူၤန့ၣ်လီၤ. တၢ်မုၢ်တၢ်ဘိလၢပသူၣ်အီၤလၢပဟီၣ်ခိၣ်အပူၤဆံဆဲၣ်ပူတပူ တဖၣ်န့ၣ်, ပကလဲၤစိာ်အီၤဆူပှၤလ့ၤဝံဖိတဖၣ်လၢအထၢဖှိၣ်တၢ်ဆံ ဆဲၣ်ပူတပူတဖၣ်လၢပဒူသဝီတဖၣ်အစံာ်ပျီပူၤအအိၣ်န့ၣ်လီၤ.

လံာ်စီၤနဃ့မယၤ 10:38

ပှၤလုၢ်တၢ်အခိၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်တဖၣ် ကဘၣ်အိၣ်ဒီးပှၤလ့ၤဝံဖိတဖၣ်ဖဲတၢ်ဟ့ၣ်မၤဘူၣ်ဆံဆဲၣ်ပူတပူ တဖၣ်ဘၣ်တၢ်ပာ်ဖှိၣ်အီၤဒီးပှၤလ့ၤဝံဖိတဖၣ်ဘၣ်လဲၤစိာ်ဝဲ ကယဲၢ်တၢ်ဆံဆဲၣ်ပူတပူလၢတၢ်ထၢဖှိၣ်အီၤအကျါဆံဆဲၣ်ပူတပူ ဆူတၢ်လုၢ်ဟံၣ်အတၢ်ပာ်ဖှိၣ်အလီၢ်လၢတၢ်ကသူအီၤလၢယွၤအတၢ်လုၢ် ဟံၣ်အပူၤန့ၣ်လီၤ.

လံာ်စီၤနဃ့မယၤ 12:44

ဖဲအကတီၢ်န့ၣ်, ပှၤပိာ်ခွါတဖၣ်ဘၣ်တၢ်ပာ်လီၤအီၤလၢပှၤကွၢ်ထွဲ တၢ်ပာ်ဖှိၣ်အဒၢးတဖၣ်လၢတၢ်ဟ့ၣ်မၤဘူၣ်တဖၣ်လၢအဘၣ် တၢ်ဟ့ၣ်အီၤဆူယွၤအတၢ်လုၢ်ဟံၣ်, ဘၣ်တၢ်ပာ်အီၤအိၣ်ဒီးတၢ်မၤဘူၣ်ဆံဆဲၣ်ပူတပူတဖၣ်ဒီးဘုခ့ လၢတၢ်ကူးအီၤအဆိကတၢၢ်ဒီးတၤသူတၤသၣ်လၢတၢ်ဒဲးအီၤအဆိ ကတၢၢ်ကိးနံၣ်ဒဲးန့ၣ်လီၤ. ပှၤတဖၣ်အံၤအိၣ်မူအိၣ်ဒါလၢတၢ်ထၢဖှိၣ်တၢ်လၢပှၤလုၢ်တၢ်အခိၣ် တဖၣ်ဒီးပှၤလ့ၤဝံဖိတဖၣ်အဂီၢ်ဒ်ယူဒၤတၢ်သိၣ်တၢ်သီဃ့ဝဲ အသိးဖဲစံာ်ပျီတဖၣ်လၢအအိၣ်ဘူးဒီးဝ့ၢ်တဖၣ်န့ၣ်လီၤ. ကယဲၢ်ကီၢ်ယူဒၤအပှၤဂီၢ်မုၢ်ခဲလၢာ်ဘၣ်သူၣ်ဘၣ်သးပှၤလုၢ်တၢ် အခိၣ်တဖၣ်ဒီးပှၤလ့ၤဝံဖိတဖၣ်န့ၣ်လီၤ.

လံာ်စီၤနဃ့မယၤ 12:47

လၢစီၤစရူၤဘၤဘ့လးဒီးစီၤနဃ့မယၤအမုၢ်နံၤတဖၣ်အပူၤန့ၣ် ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဟ့ၣ်မၤဘူၣ်တၢ်လၢတၢ် မၤစၢၤပှၤသးဝံၣ်တၢ်ဖိတဖၣ်ဒီးပှၤခိးတၢ်လုၢ်ဟံၣ်ဖိတဖၣ်အဂီၢ် ကိးနံၤဒဲးန့ၣ်လီၤ. ပှၤဂီၢ်မုၢ်ဟ့ၣ်တၢ်မၤဘူၣ်စီဆှံဆူပှၤလ့ၤဝံဖိတဖၣ် အအိၣ်, ဒီးပှၤလ့ၤဝံဖိသ့ၣ်တဖၣ်ဟ့ၣ်နီၤတၢ်ဆူပှၤလုၢ်တၢ်အခိၣ်သ့ၣ် တဖၣ်ဒ်အကြၢးဝဲလၢကဘၣ်ဟ့ၣ်ဝဲအသိးန့ၣ်လီၤ.

လံာ်စီၤနဃ့မယၤ 13:12

အန့ၣ်ဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်စးထီၣ်ဟဲ စိာ်က့ၤအဝဲသ့ၣ်အတၢ်ဆံဆဲၣ်ပူတပူလၢဘုဧိၤဟုဧိၤ, စပံးထံဒီးသ့ၣ်စၤယံးအသိဆူတၢ်လုၢ်ဟံၣ်အတၢ်ပာ်ဖှိၣ်အဒၢး တဖၣ်န့ၣ်လီၤ.

လံာ်စီၤနဃ့မယၤ 13:5

အဝဲပျဲတ့ၢ်စီၤတိၤဘံယၤလၢကသူဝဲဒၢးဖးဒိၣ်တဖျၢၣ်လၢတၢ် ပာ်လီၤဆီအီၤထဲဒၣ်လၢတၢ်ကပာ်တၢ်မၤဘူၣ်လၢဘုဧိၤဟုဧိၤဒီး တၢ်နၢမူ, တၢ်ပီးတၢ်လီလၢတၢ်သူအီၤလၢယွၤအတၢ်လုၢ်ဟံၣ်အပူၤ, တၢ်မၤဘူၣ်တဖၣ်လၢပှၤလုၢ်တၢ်အဒိၣ်တဖၣ်အဂီၢ်, ဒီးတၢ်ဆံဆဲၣ်ပူတပူတဖၣ်လၢဘုဧိၤဟုဧိၤ, စပံးထံ, သ့ၣ်စၤယံးအသိလၢအဘၣ်တၢ်ဟ့ၣ်အီၤဆူပှၤလ့ၤဝံဖိ တဖၣ်ဆူတၢ်လုၢ်ဟံၣ်အပှၤသးဝံၣ်တၢ်ဖိတဖၣ်ဒီးဆူပှၤခိးတၢ်လုၢ် ဟံၣ်တဖၣ်အဂီၢ်န့ၣ်လီၤ.

လံာ်မၤလကံ 2:4

တုၤနုၤတစုသု, ကသ့ၣ်ညါလၢယဟ့ၣ်တ့ၢ်သုတၢ်မၤလိာ်အံၤ, ဒ်သိးယတၢ်အၢၣ်လီၤအီလီၤဒီးပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိအစၢၤအသွဲၣ်တဖၣ်အသုတဘၣ် တၢ်မၤဟးဂီၤအီၤတဂ့ၤန့ၣ်လီၤ.

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

လံာ်တၢ်ဂံၢ် 18:6

ယမ့ၢ်ပှၤတဂၤလၢအဃုထၢတ့ၢ်နဘူးနတံၢ်ပှၤလ့ၤဝံဖိတဖၣ်လၢပှၤ အံၣ်စရ့လးဖိတဖၣ်အကျါဒ်တၢ်ဟ့ၣ်တမံၤဆူနအိၣ်လီၤ. အဝဲသ့ၣ်ဘၣ်တၢ်ပာ်စီဆှံထီၣ်အီၤဆူယအိၣ်, ဒ်သိးအဝဲသ့ၣ်မၤအမူအဒါတဖၣ်လၢဒဲစီဆှံအပူၤကသ့ဝဲဒၣ်န့ၣ် လီၤ.

လံာ်တၢ်ဂံၢ် 31:28

လၢတၢ်ဘၣ်ဃးဒီးပှၤသုးဖိတဖၣ်အတၢ်နီၤဖးအပူၤန့ၣ်, ပှၤဃိာ်ဖိယဲၢ်ကယၤဂၤအကျါဟံးဃာ်အီၤတဂၤဒ်တၢ်ခိ တၢ်သွဲတမံၤလၢယွၤအဂီၢ်ဒီးဒ်န့ၣ်အသိးလၢဂီၤဘုၣ်ဂီၤဖံး, ကသ့ၣ်ယီၤတဖၣ်, သိတဖၣ်, ဒီးမဲာ်တဲးလဲးတဖၣ်အကျါန့ၣ်နီၤဖး ဟံးန့ၢ်စ့ၢ်ကီးတမံၤဃီဒ်န့ၣ်တက့ၢ်.

ကလၤတံ 6:6

ပှၤတဂၤလၢအဘၣ်တၢ်သိၣ်လိအီၤလၢတၢ်အကလုၢ်ကထါန့ၣ်, ကြၢးနီၤဟ့ၣ်လီၤကယဲၢ်တၢ်အဂ့ၤလၢအအိၣ်ဒီးအီၤခဲလၢာ်ဆူ အသရၣ်လၢအသိၣ်လိအီၤတဖၣ်အအိၣ်လီၤ.

လံာ်သိၣ်လီၤသီလီၤတၢ် 18:8

အဝဲကဘၣ်ဒိးန့ၢ်တၢ်အီၣ်ပှဲၤသိးသိးဒၣ်ဒီးပှၤလုၢ်တၢ်အခိၣ်အဂၤ တဖၣ်, ဒီးအဝဲပာ်ဃးတၢ်တမံၤဂ့ၤတမံၤလၢအဟံၣ်ဖိဃီဖိ ဆှၢလီၤန့ၢ်အီၤန့ၣ်သ့ဝဲလီၤ.

ဧ့ၤဘြံၤ 7:5

ဒီးပှၤလၢ အဟဲလီၤစၢၤလၢ စီၤလ့ၤဝံ, လၢအမ့ၢ်ပှၤလုၢ်တၢ် အခိၣ်တဖၣ်န့ၣ်, တၢ်သိၣ်တၢ်သီမၤလိာ်အီၤလၢအကဟံးန့ၢ်တၢ်ဆံဆဲၣ်ပူ တပူလၢအံၣ်စရ့လးအပှၤဂီၢ်မုၢ်အအိၣ်, ဒ်ပစံးတၢ်အသိး လၢအထံဖိကီၢ်ဖိကဒဲကဒဲအအိၣ်, ဖဲအထံဖိကီၢ်ဖိကဒဲ ကဒဲမ့ၢ်ပှၤဟဲလီၤစၢၤစ့ၢ်ကီးလၢစီၤအၤဘြၤဟၣ်အအိၣ်န့ၣ်လီၤ.