လံာ်တၢ်ဂံၢ် 18:2 - Sgaw Karen Common Bible

² ဟဲကိးနုာ်နဘူးနတံၢ်တဖၣ်, ပှၤလ့ၤဝံဖိအဒူၣ်, လၢအကမၤတၢ်ဒီးနၤဒီးမၤစၢၤနၤဖဲနၤဒီးနဖိခွါတဖၣ်မၤတၢ် လၢဒဲစီဆှံအပူၤအခါတက့ၢ်.

လံာ်တၢ်ဂံၢ် 18:2 Iomraidhean Croise

လံာ်တၢ်ကဲထီၣ်အခီၣ်ထံး 29:34

ဒီးဒၢထီၣ်ကဒီးဝဲဒီးဆံးစၢ်ထီၣ်အဖိခွါတဂၤန့ၣ်လီၤ. ဒီးစံးဝဲ, “ဒီးခဲကနံၣ်အံၤ, ယဝၤကဘျုးအသးအါထီၣ်ဒီးယၤ လီၤ. အဂ့ၢ်ဒ်အံၤ, ယဆံးစၢ်န့ၢ်အဖိခွါသၢဂၤအဃိလီၤ.” ဒီးယုၢ်အမံၤလၢစီၤလ့ၤဝံလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:16

အဝဲသ့ၣ်ဟံးန့ၢ်အလီၢ်တဖၣ်လၢယွၤအတၢ်လုၢ်ဟံၣ်အပူၤဒ်တၢ်သိၣ်လိ နဲၣ်ယုၤအိၣ်ဝဲလၢကစၢ်ယွၤအပှၤကညီစီၤမိၤၡ့ အတၢ်သိၣ်တၢ်သီအပူၤအသိးန့ၣ်လီၤ. တၢ်လုၢ်တၢ်ပာ်တဖၣ်အသွံၣ်န့ၣ်, ပှၤလ့ၤဝံဖိတဖၣ်ဟ့ၣ်လီၤဝဲဆူပှၤလုၢ်တၢ်အခိၣ်တဖၣ်အစုပူၤဒီး အဝဲသ့ၣ်ဖှံလီၤအီၤလၢတၢ်လုၢ်လီၢ်အဖီခိၣ်န့ၣ်လီၤ.

လံာ်ယဃ့းစက့လး 44:11

အဝဲသ့ၣ်ကမၤယတၢ်မၤလၢယွၤအတၢ်လုၢ်ဟံၣ်အပူၤခီဖျိလၢ တၢ်ပၢၤတြဲၤဖးဒိၣ်တဖၣ်ဒီးခီဖျိတၢ်မၤယွၤအတၢ်လုၢ်ဟံၣ် အတၢ်မၤန့ၣ်လီၤ. အဝဲသ့ၣ်ကဘၣ်မၤသံဆၣ်ဖိကီၢ်ဖိတဖၣ်လၢ ပှၤဂီၢ်မုၢ်လုၢ်ထီၣ်အီၤဒ်တၢ်ဆိၣ်ကဲၤအတၢ်လုၢ်တဖၣ် ဒီးတၢ်လုၢ်တၢ်ပာ်တဖၣ်အသိးဒီးအဝဲသ့ၣ်ကဘၣ်အိၣ်မူအိၣ်ဒါ လၢကမၤန့ၢ်ပှၤဂီၢ်မုၢ်အတၢ်အဂီၢ်န့ၣ်လီၤ.

လံာ်ယဃ့းစက့လး 44:15

ယွၤပၢဘၣ်တၢ်ခဲလၢာ်ကစၢ်စံးဝဲ, “မ့မ့ၢ်ပှၤလုၢ်တၢ်အခိၣ် တဖၣ်လၢအဘၣ်ဃးဒီးလ့ၤဝံအဒူၣ်လၢအဟဲလီၤစၢၤလီၤ သွဲၣ်လၢစီၤစၤဒိးန့ၣ်ဖဲကီၢ်အံၣ်စရ့လးအပှၤဂီၢ် မုၢ်အဂၤတဖၣ်ဃၣ်ကဒါကွံာ်အသးလၢယၤအခါန့ၣ် အဝဲသ့ၣ်မ့ၢ်ပှၤမၤထွဲဒံးတၢ်လၢယဂီၢ်လၢတၢ်သူၣ်တီသးရၤ အပူၤလၢယွၤအတၢ်လုၢ်ဟံၣ်အပူၤန့ၣ်လီၤ. အဃိ, ခဲကနံၣ်အံၤအဝဲသ့ၣ်မ့ၢ်ပှၤတဖၣ်လၢကဘၣ်မၤယတၢ်မၤ, ဒီးကဟဲနုာ်လၢယမဲာ်ညါဒ်သိးကလုၢ်ထီၣ်ယၤ လၢတၢ်လုၢ်တၢ်ပာ်တဖၣ်အသိဒီးအသွံၣ်န့ၣ်လီၤ.

လံာ်မၤလကံ 2:4

တုၤနုၤတစုသု, ကသ့ၣ်ညါလၢယဟ့ၣ်တ့ၢ်သုတၢ်မၤလိာ်အံၤ, ဒ်သိးယတၢ်အၢၣ်လီၤအီလီၤဒီးပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိအစၢၤအသွဲၣ်တဖၣ်အသုတဘၣ် တၢ်မၤဟးဂီၤအီၤတဂ့ၤန့ၣ်လီၤ.

လံာ်တၢ်ဂံၢ် 1:53

မ့မ့ၢ်ပှၤလ့ၤဝံဖိတဖၣ်ကဘၣ်သူၣ်ဒဲဝးတရံးဒဲစီဆှံလၢကကဟု ကယာ်အီၤအဂီၢ်, ဒ်သိးပှၤသုတဟဲဘူးအီၤနီတဂၤဒီးထိၣ်ဂဲၤယတၢ်သးထီၣ်လၢ ယကကျီကွံာ်အံၣ်စရ့လးအဒူၣ်အထၢတဂ့ၤအဂီၢ်န့ၣ်လီၤ.”

လံာ်တၢ်ဂံၢ် 16:40

အဝဲအံၤမ့ၢ်တၢ်ဟ့ၣ်ပလီၢ်သးတမံၤဆူပှၤအံၣ်စရ့လးဖိတဖၣ်ဒ် သိးပှၤလၢအတမ့ၢ်ဘၣ်စီၤအၤဟရိၣ်အစၢၤအသွဲၣ်တဖၣ်အသု တဟဲဘူးဒီးတၢ်လုၢ်လီၢ်နီတဂၤလၢကဆိၣ်ကဲၤတၢ်နၢမူဆူယွၤ အဂီၢ်တဂ့ၤန့ၣ်လီၤ. မ့တမ့ၢ်ဘၣ်ဒ်န့ၣ်ဒီး, အဝဲကဘၣ်တၢ်မၤဟးဂီၤကွံာ်အီၤဒ်စီၤကိၤရးဒီးအပှၤတဖၣ်အသိး န့ၣ်လီၤ. တၢ်ခဲလၢာ်အံၤဘၣ်တၢ်မၤဝံၤအီၤဒ်ယွၤမၤလိာ်တ့ၢ်စီၤအ့လၤ ဧစၢ်ခီဖျိစီၤမိၤၡ့အသိးန့ၣ်လီၤ.

လံာ်တၢ်ဂံၢ် 17:7

အန့ၣ်ဝံၤဒီးစီၤမိၤၡ့ပာ်ကယဲၢ်နီၣ်ထိးဘိတဖၣ်န့ၣ်လၢဒဲစီ ဆှံအပူၤဖဲယွၤအတၢ်အၢၣ်လီၤအီလီၤအတလါအမဲာ်ညါန့ၣ်လီၤ.

လံာ်တၢ်ဂံၢ် 18:4

အဝဲသ့ၣ်ကဘၣ်မၤတၢ်ဒီးနၤဒီးမၤလၢထီၣ်ပှဲၤထီၣ်အမူအဒါတဖၣ် လၢကယဲၢ်တၢ်မၤလၢဒဲစီဆှံပူၤအဂီၢ်, ဘၣ်ဆၣ်ဒီးပှၤလၢတကြၢးတဘၣ်တဖၣ်တဘၣ်မၤဃုာ်တၢ်ဒီးနၤဘၣ်.

လံာ်တၢ်ဂံၢ် 3:5

ဒီးယွၤစံးဘၣ်စီၤမိၤၡ့, “ဟဲကိးဃီၤပှၤလ့ၤဝံဖိအဒူၣ်ဒီးဃုထၢပာ်လီၤအဝဲသ့ၣ်ဒ် ပှၤလုၢ်တၢ်အခိၣ်စီၤအၤဟရိၣ်အခ့အပှၤတဖၣ်အသိးတက့ၢ်.

လံာ်တၢ်ဂံၢ် 4:15

တုၤတၢ်အဆၢကတီၢ်ဘၣ်လၢတၢ်ရူၢ်လီၤပှီၢ်သူၣ်ဒဲတဖၣ်ဒီးစီၤကဃး အဒူၣ်ထၢကစိာ်ထီၣ်တၢ်စီဆှံအပီးအလီတဖၣ်ဖဲဒၣ်စီၤအၤဟရိၣ် ဒီးအဖိခွါတဖၣ်ကျၢၢ်ဘၢတၢ်ခဲလၢာ်ဒီးအတၢ်ပီးတၢ်လီတဖၣ်ဝံၤ ဝဲအခါန့ၣ်လီၤ. စီၤကဃးအဒူၣ်ထၢတဘၣ်ထိးဘၣ်တၢ်စီဆှံအပီးအလီတဖၣ်အံၤဘၣ်. မ့ၢ်ထိးဘၣ်ဒီးအဝဲသ့ၣ်ကသံဝဲလီၤ. တၢ်တဖၣ်အံၤမ့ၢ်စီၤကဃးအဒူၣ်ထၢအမူအဒါတဖၣ်တဘျီ လၢ်လၢ်ဖဲဒဲစီဆှံဘၣ်တၢ်သုးအီၤန့ၣ်လီၤ.

လံာ်တၢ်ဂံၢ် 8:19

ဒီးယဟ့ၣ်လီၤပှၤလ့ၤဝံဖိတဖၣ်ဆူစီၤအၤဟရိၣ်ဒီးအဖိခွါတဖၣ် အအိၣ်ဒ်ပှၤအံၣ်စရ့လးဖိတဖၣ်အတၢ်ဟ့ၣ်လီၤဆီတမံၤ, ဒ်သိးအကမၤတၢ်လၢဒဲစီဆှံအပူၤလၢကီၢ်အံၣ်စရ့လးအပှၤဂီၢ် မုၢ်အဂီၢ်ဒီးလၢအကဒီဒၣ်အိၣ်ပှိၤပှၤအံၣ်စရ့လးဖိတဖၣ်လၢတၢ် တတၢးတနါလၢကလီၤဘၣ်အဝဲသ့ၣ်ဖဲအဝဲသ့ၣ်မ့ၢ်ဟဲဘူးဘၣ် ဒီးတၢ်အလီၢ်စီဆှံအခါန့ၣ်လီၤ.”

လံာ်တၢ်ဂံၢ် 8:22

ပှၤဂီၢ်မုၢ်မၤတၢ်ကိးမံၤဒဲးဒ်ယွၤမၤလိာ်တ့ၢ်စီၤမိၤၡ့ အသိးလၢတၢ်ဘၣ်ဃးဒီးပှၤလ့ၤဝံဖိတဖၣ်န့ၣ်လီၤ. မၤသးဒ်န့ၣ်ဒီး, ပှၤလ့ၤဝံဖိတဖၣ်န့ၣ်ကြၢးဝဲဘၣ်ဝဲဒီးတၢ်ဖံး တၢ်မၤလၢဒဲစီဆှံအပူၤလၢစီၤအၤဟရိၣ်ဒီးအဖိခွါတဖၣ်အဖီ လာ်န့ၣ်လီၤ.

ဧ့ၤဘြံၤ 9:6

တၢ်သ့ၣ်တဖၣ်အံၤဘၣ်တၢ်ကတဲာ်ကတီၤပာ်အီၤဒ်န့ၣ်ဝံၤဒီး, ပှၤလုၢ်တၢ်အခိၣ်တဖၣ်လဲၤနုာ်ဆူဒဲလၢတၢ်ချၢတတီၤ အပူၤကိးနံၤဒဲးဒီးမၤဝဲအမူအဒါလၢအဘၣ်ဃးဒီးလုၢ်လၢ် တဖၣ်န့ၣ်လီၤ.