လံာ်တၢ်ဂံၢ် 18:13 - Sgaw Karen Common Bible

¹³ တၢ်န့ၣ်ဘၣ်ဃးဒီးနၤလီၤ. ပှၤကိးဂၤဒဲးလၢနဟံၣ်ဖိဃီဖိတဖၣ်အကျါလၢအကဆှီဝဲဒ်တၢ်ဘူၣ် တၢ်ဘါအလုၢ်အလၢ်အသိးန့ၣ်အီၣ်အီၤသ့ဝဲလီၤ.

လံာ်တၢ်ဂံၢ် 18:13 Iomraidhean Croise

လံာ်စီၤပၤခံဘ့ၣ်တဘ့ၣ် 4:42

မၤကဒီးအဂၤတဘျီန့ၣ်, ပှၤတဂၤဟဲဝဲလၢဘဧၤလးၡလံၡၤ, ဟဲစိာ်န့ၢ်စီၤအလံၤၡါလၢကိၣ်အလိၣ်ခံဆံ, လၢအဘၣ်တၢ်မၤအီၤလၢဘုမုယီၤလၢတၢ်ကူးအီၤအဆိကတၢၢ်ဖဲနံၣ် အဝဲန့ၣ်ဒီးဘုစဲၤလၢတၢ်ကူးအီၤသီသီတနီၤန့ၣ်လီၤ. စီၤအလံၤၡါတဲဘၣ်အခ့အပှၤလၢကဒုးအီၣ်ဝံတဖုအံၤလၢတၢ်သ့ၣ် တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:5

တုၤတၢ်ကလုၢ်ဘၣ်တၢ်ဟ့ၣ်လီၤအီၤဝံၤတဘျီဃီန့ၣ်, ကီၢ်အံၣ်စရ့လးအပှၤဂီၢ်မုၢ်ဟဲစိာ်တၢ်ဟ့ၣ်အဂ့ၤကတၢၢ်တဖၣ်လၢ အဝဲသ့ၣ်အဘုဧိၤဟုဧိၤ, စပံးထံ, သ့ၣ်စၤယံးအသိ, ကနဲစီဒီးစံာ်ဧိၤပှဲၤဧိၤအတၢ်ဟးထီၣ်တဖၣ်အကျါ, ဒီးအဝဲသ့ၣ်ဟဲစိာ်စ့ၢ်ကီးကယဲၢ်တၢ်လၢအဒိးန့ၢ်ဝဲခဲလၢာ်အတၢ် ဆံဆဲၣ်ပူတပူန့ၣ်လီၤ.

လံာ်တၢ်ဟးထီၣ်ကွံာ် 22:29

ဟ့ၣ်ယၤတၢ်လုၢ်မၤဘူၣ်တဖၣ်လၢသုဘုဧိၤဟုဧိၤအကျါ, သုစပံးထံ, ဒီးသုသ့ၣ်စၤယံးအသိအကျါ, ဖဲအကတီၢ်ဘၣ်ဝဲန့ၣ်တက့ၢ်. ဟ့ၣ်ယၤလၢသုဖိဝဲၢ်ကိပိာ်ခွါတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 23:19

တၤသၣ်ဆိလၢသုကူးက့ၤအီၤန့ၣ်, ဟဲစိာ်အီၤဆူယွၤ, သုကစၢ်ယွၤအဟံၣ်ကိးနံၣ်ဒဲးတက့ၢ်. ဖီသိဖိအစၢ်မ့ၢ်ဂ့ၤမဲာ်တဲးလဲးဖိမ့ၢ်ဂ့ၤလၢအမိၢ်အနုၢ်ထံ အပူၤတဂ့ၤ.

လံာ်တၢ်ဟးထီၣ်ကွံာ် 34:26

ဟဲစိာ်ထီၣ်တၤသၣ်ဆိလၢသုကူးအီၤန့ၣ်ဆူယွၤအဟံၣ်, ကိးနံၣ်ဒဲးတက့ၢ်. သိဖိမ့ၢ်ဂ့ၤမဲာ်တဲးလဲးဖိမ့ၢ်ဂ့ၤဖဲအအီအမိၢ်အနုၢ်ထံအကတီၢ်န့ၣ်ဖီအီၣ်အညၣ်တဂ့ၤ.”

လံာ်ယံးရမံယၤ 24:2

နာ်အခီၣ်ထံးတဖျၢၣ်အိၣ်ဒီးချၢၣ်ဒၢသၣ်လၢအဂ့ၤတဖၣ်လၢအမံဆိ ဝဲန့ၣ်လီၤ. မ့မ့ၢ်နာ်အဂၤတဖျၢၣ်န့ၣ်အိၣ်ဒီးချၢၣ်ဒၢသၣ်လၢအတဂ့ၤ တဖၣ်, တဂ့ၤဝဲၤတုၤဒၣ်လဲာ်နအီၣ်တသ့ဘၣ်န့ၣ်လီၤ.

လံာ်ယဃ့းစက့လး 44:30

ပှၤလုၢ်တၢ်အခိၣ်တဖၣ်ကဘၣ်မၤန့ၢ်တၢ်အဂ့ၤကတၢၢ်လၢတၤသၣ်ဆိ တဖၣ်ဒီးတၢ်ခဲလၢာ်လၢတၢ်လုၢ်ထီၣ်ယၤအကျါန့ၣ်လီၤ. တဘျီလၢ်လၢ်ဖဲပှၤဂီၢ်မုၢ်ကုၢ်ကိၣ်န့ၣ်အဝဲသ့ၣ်ကဘၣ်ဟ့ၣ် ကိၣ်အဆိကတၢၢ်တဖျၢၣ်ဆူပှၤလုၢ်တၢ် အခိၣ်တဖၣ်အအိၣ်ဒ်တၢ်လုၢ်တၢ်ပာ်တမံၤ အသိးဒီးယတၢ်ဆိၣ်ဂ့ၤကလီၤဘၣ်လၢအဝဲ သ့ၣ်အဟံၣ်တဖၣ်အလိၤန့ၣ်လီၤ.

လံာ်ဟိၤၡ့ 9:10

ယွၤစံးဝဲဒၣ်, ဖဲယထံၣ်ကီၢ်အံၣ်စရ့လးအဆိကတၢၢ်အခါန့ၣ် လီၤဂာ်ဒ်တၢ်ထံၣ်န့ၢ်စပံးသၣ်တဖၣ်မဲထီၣ်လၢပှၢ် မုၢ်ကနၢအပူၤအသိးန့ၣ်လီၤ. ဖဲယထံၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဆိကတၢၢ် အခါန့ၣ်, လီၤဂာ်ဒ်တၢ်ထံၣ်ဘၣ်သ့ၣ်ချၢၣ်ဒၢသၣ်အမံဆိလၢအဆၢကတီၢ်ဘၣ်ဝဲ အခါန့ၣ်လီၤ. ဘၣ်ဆၣ်တုၤအဝဲသ့ၣ်ဟဲဆူကစၢၢ်ဘဧၤလးပဧိၤန့ၣ်စး ထီၣ်ဘါထီၣ်သီဘဧၤလး, ဒီးတယံာ်ဘၣ်န့ၣ်မၤအသးလီၤသးဘၣ်အၢဒ် ယွၤတဖၣ်လၢအဝဲသ့ၣ်အဲၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:7

တုၤမုၢ်လီၤနုာ်ဝံၤဒီးအဝဲကကဆှီထီၣ်က့ၤဝဲဒီးကအီၣ်ဘၣ်ဝဲ တၢ်လုၢ်စီဆှံတဖၣ်လၢအမ့ၢ်တၢ်အီၣ်တၢ်အီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:17

ဒူၣ်ဖိထၢဖိတဒူၣ်စုာ်စုာ်ကဘၣ်ဟဲစိာ်ကိၣ် ခံလိၣ်ဒီးလုၢ်ထီၣ်အီၤဆူယွၤအအိၣ်ဒ်တၢ်ဟ့ၣ်လီၤဆီတမံၤအသိး န့ၣ်လီၤ. ကိၣ်တလိၣ်စုာ်စုာ်ကဘၣ်တၢ်မၤအီၤလၢကိၣ်ကမူၣ်လီၤတယၢၢ်ခံအ့ စရိၣ်ဒီးကုၢ်အီၤလၢကိၣ်မံၣ်, ဒီးလုၢ်ထီၣ်အီၤဆူယွၤအအိၣ်ဒ်တၤသၣ်ဆိအသိးန့ၣ်လီၤ.

လံာ်မံကၤ 7:1

တၢ်မုၢ်လၢ်တအိၣ်လၢၤဘၣ်. ယလီၤဂာ်ဒ်ပှၤလီၤဒိတဂၤလၢတထံၣ်န့ၢ်ဘၣ်သ့ၣ်သၣ်နီတဖျၢၣ်လၢ သ့ၣ်တဖၣ်အလိၤဒီးစပံးသၣ်နီတဖျၢၣ်လၢစပံးမုၢ်အလိၤအသိးန့ၣ် လီၤ. ကယဲၢ်စပံးသၣ်ခဲလၢာ်ဒီးချၢၣ်ဒၢသၣ်လၢအဝံၣ်တဖၣ်ဘၣ်တၢ်ဒဲး ကွံာ်အီၤခဲလၢာ်လံ.

လံာ်သိၣ်လီၤသီလီၤတၢ် 18:4

အဝဲသ့ၣ်ကဘၣ်ဒိးန့ၢ်ဘၣ်ဘုဧိၤဟုဧိၤ, စပံးထံ, သ့ၣ်စၤယံးအသိဒီးသိဆူၣ်အတၢ်ဟ့ၣ်နီၤအဆိကတၢၢ်တမံၤန့ၣ်လီၤ.

လံာ်သိၣ်လီၤသီလီၤတၢ် 26:2

သုဝဲကိးဂၤဒဲးသုကဘၣ်ဒၢနုာ်သုတၤသူတၤသၣ်လၢသုထၢဖှိၣ် က့ၤအီၤအခီၣ်ထံးတပူန့ၣ်ဆူနာ်တဖျၢၣ်အပူၤဒီးလဲၤစိာ်အီၤဆူ တၢ်ဘူၣ်ထီၣ်ဘါထီၣ်အလီၢ်တတီၤန့ၣ်လီၤ.