လံာ်တၢ်ဂံၢ် 18:10 - Sgaw Karen Common Bible

¹⁰ နကဘၣ်အီၣ်တၢ်တဖၣ်အံၤလၢတၢ်အလီၢ်စီဆှံအပူၤ, ဒီးထဲပှၤပိာ်ခွါတဖၣ်ဧိၤအီၣ်တၢ်အံၤသ့ဝဲလီၤ. ပာ်သူၣ်ပာ်သးလၢတၢ်အံၤမ့ၢ်တၢ်စီဆှံတက့ၢ်.

လံာ်တၢ်ဂံၢ် 18:10 Iomraidhean Croise

လံာ်ယဃ့းစက့လး 42:13

ပှၤတဂၤန့ၣ်စံးဘၣ်ယၤ, တၢ်သူၣ်ထီၣ်ခံဖျၢၣ်လၢာ်အံၤန့ၣ်စီဆှံ ဝဲလီၤ. လၢတၢ်သူၣ်ထီၣ်တဖၣ်အံၤအပူၤန့ၣ်, ပှၤလုၢ်တၢ်အဒိၣ်တဖၣ်လၢအလဲၤနုာ်ဆူယွၤအိၣ်ဝဲဆိးဝဲအလီၢ်န့ၣ်, အိၣ်ဝဲတၢ်လုၢ်အစီဆှံကတၢၢ်တဖၣ်န့ၣ်လီၤ. မ့ၢ်လၢဒၢးတဖၣ်စီဆှံဝဲအဃိ, ပှၤလုၢ်တၢ်အခိၣ်တဖၣ်ကပာ်ထီၣ် တၢ်လုၢ်အစီဆှံကတၢၢ်တဖၣ်ဖဲန့ၣ်လၢအမ့ၢ်ဝဲတၢ်လုၢ်ဘုဧိၤ ဟုဧိၤတဖၣ်ဒီးတၢ်လုၢ်တၢ်ပာ်တဖၣ်လၢတၢ်ပျၢ်တၢ်ဒဲးဘးအဂီၢ်မ့ၢ်ဂ့ၤတၢ် လုၢ်တၢ်ပာ်တဖၣ်လၢတၢ်ပျၢ်တၢ်ကမၣ်အဂီၢ်မ့ၢ်ဂ့ၤဖဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:13

အီၣ်အီၤလၢတၢ်လီၢ်စီဆှံအပူၤတက့ၢ်ဒီးတၢ်အံၤမ့ၢ်ဝဲတၢ်နီၤ ဖးလၢအဘၣ်ဃးဒီးနၤဒီးနဖိခွါတဖၣ်, လၢတၢ်လုၢ်မၤဘူၣ်ဆူယွၤအအိၣ်န့ၣ်လီၤ. တၢ်န့ၣ်မ့ၢ်ယွၤမၤလိာ်ယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:17

“ဘၣ်မနုၤလၢသုတအီၣ်တၢ်လုၢ်တၢ်ပျၢ်တၢ်ဒဲးဘးလၢတၢ်လီၢ်စီ ဆှံန့ၣ်လဲၣ်. တၢ်အံၤမ့ၢ်တၢ်လၢအစီဆှံဝဲဒိၣ်မးဒီးယွၤဟ့ၣ်လီၤသုဒ်သိး တၢ်ကစိာ်ကွံာ်ပှၤဂီၢ်မုၢ်အတၢ်ဒဲးဘးအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 14:13

ဒီးကဘၣ်မၤသံသိဖါတဒုန့ၣ်လၢတၢ်လီၢ်စီဆှံဖဲတၢ်မၤသံဆၣ်ဖိ ကီၢ်ဖိလၢတၢ်ပျၢ်တၢ်ဒဲးဘးအဂီၢ်ဒီးတၢ်လုၢ်မ့ၣ်အူအဂီၢ် န့ၣ်လီၤ. ကဘၣ်မၤဝဲတၢ်အံၤန့ၣ်မ့ၢ်လၢတၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ် ကမၣ်န့ၣ်, ဘၣ်ဃးဒီးပှၤလုၢ်တၢ်အခိၣ်ဒီးမ့ၢ်တၢ်စီဆှံဒိၣ်မးဒ်တၢ်လုၢ် တၢ်ပျၢ်တၢ်ဒဲးဘးအသိးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:22

ဒီးအဝဲကအီၣ်ဘၣ်တၢ်အီၣ်လၢအဘၣ်တၢ်လုၢ်ထီၣ်အီၤဆူယအိၣ်, တၢ်အီၣ်လၢအစီအဆှံဒီးအစီဆှံကတၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:16

ဒီးတၢ်အိၣ်လီၤတဲာ်တဖၣ်န့ၣ်ပှၤလုၢ်တၢ်အခိၣ်တဖၣ်ကအီၣ်ဝဲလီၤ. ကဘၣ်ကုၢ်ဝဲကိၣ်လၢတအိၣ်ဘၣ်ဒီးကိၣ်မံၣ်ဒီးကဘၣ်အီၣ်ဝဲလၢတၢ် လီၢ်စီဆှံ, လၢအမ့ၢ်တၢ်ဘူၣ်ထီၣ်ဘါထီၣ်ယွၤအဒဲအဂၢၤပူၤလီၤ.

လံာ်တၢ်ဘူၣ်ထီၣ်ဘါထီၣ် 6:18

ကယဲၢ်ပိာ်ခွါလၢအလီၤစၢၤလၢစီၤအၤဟရိၣ်န့ၣ်ကအီၣ်ဘၣ်ဝဲ တၢ်အီၣ်လၢအဘၣ်တၢ်လုၢ်အီၤဆူယွၤအအိၣ်တဘိယူာ်ဃီ ဒ်တၢ်ဟ့ၣ်နီၤလီၤလၢအဂီၢ်အသိးန့ၣ်လီၤ. ဒီးပှၤတဂၤလၢ်လၢ်လၢအထိးဘၣ်တၢ်အီၣ်လၢတၢ်လုၢ်ထီၣ်အီၤန့ၣ်, ကဘၣ်တၢ်မၤဆါအီၤလၢတၢ်အီၣ်အံၤအတၢ်စီဆှံအစိကမီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:26

ပှၤလုၢ်တၢ်အခိၣ်လၢအလုၢ်ထီၣ်ဆၣ်ဖိကီၢ်ဖိန့ၣ်, ကဘၣ်အီၣ်ဝဲတၢ်လုၢ်န့ၣ်လၢတၢ်လီၢ်စီဆှံလၢအမ့ၢ်တၢ်ဘူၣ်ထီၣ်ဘါ ထီၣ်ယွၤအဒဲအဂၢၤပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:29

ဒီးပိာ်ခွါတဂၤလၢ်လၢ်လၢပှၤလုၢ်တၢ်အခိၣ်အဒူၣ်ဖိထၢဖိအပူၤ န့ၣ်, ကအီၣ်ဘၣ်ဝဲတၢ်လုၢ်အံၤလီၤ. တၢ်အံၤမ့ၢ်တၢ်စီဆှံဒိၣ်မးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:6

ဒီးပှၤပိာ်ခွါတဂၤလၢ်လၢ်လၢပှၤလုၢ်တၢ်အခိၣ်အဒူၣ်ဖိထၢဖိ အပူၤန့ၣ်, ကအီၣ်ဘၣ်ဝဲတၢ်လုၢ်အံၤလၢတၢ်လီၢ်စီဆှံအပူၤလီၤ. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်တၢ်ဂံၢ် 18:11

လၢတၢ်န့ၣ်အမဲာ်ညါ, တၢ်မၤဘူၣ်လီၤဆီအဂၤတဖၣ်လၢပှၤအံၣ်စရ့လး ဖိတဖၣ်ဟ့ၣ်ထီၣ်ဆူယအိၣ်န့ၣ်ကမ့ၢ်နတၢ်လီၤ. ယဟ့ၣ်တၢ်တဖၣ်န့ၣ်ဆူနၤဒီးနဖိခွါတဖၣ်ဒီးနဖိမုၣ်တဖၣ်အစိၤ စိၤအဃၣ်ဃၣ်န့ၣ်လီၤ. ပှၤကိးဂၤဒဲးလၢနဟံၣ်ဖိဃီဖိအကျါလၢအကဆှီဝဲဒ်တၢ်ဘူၣ်တၢ် ဘါအလုၢ်အလၢ်အိၣ်ဝဲအသိးန့ၣ်အီၣ်အီၤသ့လီၤ.

လံာ်တၢ်ဂံၢ် 18:9

လၢတၢ်လုၢ်စီဆှံကတၢၢ်တဖၣ်လၢတၢ်တဆိၣ်ကဲၤဘၣ်အီၤလၢတၢ်လုၢ် လီၢ်အဖီခိၣ်အကျါန့ၣ်, တၢ်လၢလာ်တဖၣ်အံၤဘၣ်ဃးဒီးနၤလီၤ. တၢ်လုၢ်ဘုဧိၤဟုဧိၤတဖၣ်, တၢ်လုၢ်တၢ်ပျၢ်တၢ်ဒဲးဘးတဖၣ်, ဒီးတၢ်လိးက့ၤအတၢ်လုၢ်တဖၣ်န့ၣ်လီၤ. တၢ်ကိးမံၤဒဲးလၢအဘၣ်တၢ်ဟ့ၣ်ထီၣ်ဆူ ယအိၣ်ဒ်တၢ်လုၢ်စီဆှံတဖၣ်န့ၣ်ဘၣ်ဃးဒီးနၤဒီးနဖိခွါတဖၣ်လီၤ.