လံာ်တၢ်ဂံၢ် 17:9 - Sgaw Karen Common Bible

⁹ စီၤမိၤၡ့ဟံးထီၣ်ကယဲၢ်နီၣ်ထိးဘိတဖၣ်န့ၣ်ဒီးဒုးနဲၣ်အီၤ ဆူပှၤအံၣ်စရ့လးဖိတဖၣ်န့ၣ်လီၤ. အဝဲသ့ၣ်ထံၣ်ဘၣ်တၢ်မၤတ့ၢ်အသးတဖၣ်ဒီးပှၤခိၣ်ပှၤနၢ်တဂၤစုာ် စုာ်ဟံးန့ၢ်ကဒါက့ၤအနီၣ်ထိးဘိဒၣ်ဝဲန့ၣ်လီၤ.

လံာ်တၢ်ဂံၢ် 17:9 Iomraidhean Croise

လံာ်တၢ်ဂံၢ် 17:10

ယွၤစံးဘၣ်စီၤမိၤၡ့, “ပာ်က့ၤစီၤအၤဟရိၣ်အနီၣ်ထိးဘိ လၢတၢ်အၢၣ်လီၤအီလီၤအတလါစီဆှံအမဲာ်ညါတက့ၢ်. တၢ်န့ၣ်ကဘၣ်တၢ်ပာ်အီၤဒ်တၢ်ဟ့ၣ်ပလီၢ်တမံၤဆူပှၤပူထီၣ်ထီ ဒါတၢ်အံၣ်စရ့လးဖိတဖၣ်လၢအဝဲသ့ၣ်အတၢ်ကဒူးကဒ့ၣ်မ့ၢ်တဆိ ကတီၢ်ဘၣ်ဒီးကဘၣ်သံဝဲန့ၣ်တက့ၢ်.”

လံာ်တၢ်ဂံၢ် 17:8

မုၢ်ဆ့ၣ်ထီၣ်တနံၤဖဲစီၤမိၤၡ့လဲၤနုာ်လီၤဆူဒဲစီဆှံအပူၤ န့ၣ်, အဝဲထံၣ်လၢစီၤအၤဟရိၣ်အနီၣ်ထိးဘိလၢအမ့ၢ်ပှၤလ့ၤဝံဖိ တဖၣ်အခၢၣ်စးတဘိန့ၣ်ဒိးစၢ်ထီၣ်ဝဲလီၤ. နီၣ်ထိးဘိန့ၣ်ဘိၣ်ထီၣ်ဖီထီၣ်ဒီးဟ့ၣ်ထီၣ် ၡၤကးအတၤသၣ်အမံဘီတဖၣ်လီၤ.