လံာ်တၢ်ဂံၢ် 17:5 - Sgaw Karen Common Bible

⁵ အန့ၣ်ဒီးပှၤလၢယဃုထၢအီၤတဂၤအနီၣ်ထိးဘိန့ၣ်ကဒိးစၢ်ထီၣ်ဝဲလီၤ. လၢကျဲဒ်အံၤန့ၣ်ယကဆိကတီၢ်ကွံာ်ပှၤအံၣ်စရ့လးဖိတဖၣ်အံၤ အတၢ်ကဒူးကဒ့ၣ်ထီဒါသုတဘိယူၢ်ဃီန့ၣ်လီၤ.”

လံာ်တၢ်ဂံၢ် 17:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 26:16

ဘၣ်ဆၣ်, တုၤစီၤပၤစီၤဧူးစံယါအဂံၢ်အဘါဆူၣ်ထီၣ်ဝဲန့ၣ်, အဝဲအတၢ်သးထီၣ်ထီဒိၣ်ထီၣ်ဝဲ, ဒီးတၢ်န့ၣ်ဆှၢဃီၤအီၤဆူ အတၢ်ဟးဂီၤအပူၤန့ၣ်လီၤ. အဝဲခီၣ်ဆၢယွၤ, ကစၢ်ယွၤ, ခီဖျိအတၢ်လဲၤနုာ်ဆူယွၤအတၢ်လုၢ်ဟံၣ်လၢအကဆူးကဲၤ တၢ်နၢမူဖဲတၢ်လုၢ်လီၢ်လၢတၢ်ဆူးကဲၤတၢ်နၢမူန့ၣ်လီၤ.

လံာ်စီၤဧ့စြၤ 2:62

မ့ၢ်လၢအဝဲသ့ၣ်ဃုထံၣ်တၢ်အုၣ်အသးဘၣ်ထွဲဒီးအမိၢ်ပၢ်ဖံဖု လၢပျၢၤမ့ၢ်မတၤတဖၣ်တသ့ဘၣ်အဃိ, အဝဲသ့ၣ်တဘၣ်တၢ်တူၢ်လိာ်အီၤ ဒ်ပှၤလုၢ်တၢ်အခိၣ်တဖၣ်အသိးဘၣ်.

စံးထီၣ်ပတြၢၤ 105:26

အန့ၣ်ဒီး, အဝဲမၢလီၤအခ့အပှၤစီၤမိၤၡ့ ဒီးစီၤအၤဟရိၣ်လၢအဃုထၢတ့ၢ်ဝဲန့ၣ်လီၤ.

လံာ်တၢ်ဟးထီၣ်ကွံာ် 16:7

လၢမုၢ်ဂီၤန့ၣ်သုကထံၣ်ဘၣ်ယွၤအိၣ်ဝဲဆိးဝဲအတၢ်ကပီၤကပြုၢ် ကပြီၤန့ၣ်လီၤ. အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤလီၤ. မ့ၢ်သုထီဒါအီၤလီၤ. အဂ့ၢ်ဒ်အံၤ, ထဲပဝဲဒၣ်ဧိၤပမ့ၢ်ပှၤလၢအမၤတၢ်ဒ်အတၢ်မၤလိာ်တဖၣ်အသိးန့ၣ်လီၤ.”

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 13:11

ယွၤစံးဝဲဒၣ်, “ယကဟဲစိာ်န့ၢ်ဟီၣ်ခိၣ်လၢတၢ်ဟးဂီၤဒီးစံၣ်ညီၣ် ပှၤအၢပှၤသီခဲလၢာ်လၢအတၢ်ဒဲးဘးတဖၣ်အဃိလီၤ. ယကဆီၣ် လီၤပှၤကိးဂၤဒဲးလၢအပာ်ထီၣ်ထီအသး, ဒီးစံၣ်ညီၣ် ပှၤကိးဂၤဒဲးလၢအသးထီၣ်ထီဒီးအၢဝဲသီဝဲန့ၣ်လီၤ.

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယဃ့းစက့လး 16:41

အဝဲသ့ၣ်ကဒွဲၣ်အူထီၣ်ကွံာ်နဟံၣ်တဖၣ်ဒီးပျဲပှၤပိာ်မုၣ်ဂီၢ် မုၢ်တဖုထံၣ်ဘၣ်တၢ်စံၣ်ညီၣ်နၤန့ၣ်လီၤ. ယကဒုးဆိကတီၢ်နၤလၢနတၢ်မ့ၢ်ပှၤဃဲသဲမုၣ်တဂၤ, ဒီးဆိကတီၢ်နၤလၢနတၢ်ဟ့ၣ်တဖၣ်ဆူပှၤလၢနအဲၣ်အီၤတဖၣ်န့ၣ်လီၤ.

လံာ်ယဃ့းစက့လး 23:27

ယကမၤကတၢၢ်ကွံာ်နတၢ်သူၣ်ကတၢသးကတၢ, နတၢ်ကလုာ်ကလိၤအတၢ်မၤလၢအလီၤသးဘၣ်အၢတဖၣ်လၢနမၤတ့ၢ်နဲ စးထီၣ်လၢနအိၣ်ဆိးတ့ၢ်လၢကီၢ်အဲၤကူပတူးအပူၤလံၤလံၤန့ၣ် လီၤ. နတကွၢ်ကဒီးလၢၤတၢ်ဂီၤတၢ်ဖီၣ်တဖၣ်မ့ၢ်ဂ့ၤ, ဆိကမိၣ်ထီၣ်က့ၤကဒီးကီၢ်အဲၤကူပတူးအဂ့ၢ်မ့ၢ်ဂ့ၤနီတဘျီ လၢၤဘၣ်.”

လံာ်ဟိၤၡ့ 14:5

ယကမ့ၢ်တၢ်လၢအလီၤဂာ်ဒီးတၢ်စူၤထံလၢဟီၣ်ခိၣ်ဃ့ထီ အလိၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. အဝဲသ့ၣ်ကဘိၣ်ထီၣ်ဖးထီၣ်ဒ်ဖီတဖၣ်အသိးအဝဲသ့ၣ်ကသူၣ်လီၤ အသးကျၢၤကျၢၤဒ်ကီၢ်လဘၤနိၣ်အသ့ၣ်တဖၣ်အသိးန့ၣ်လီၤ.

လံာ်တၢ်ဂံၢ် 1:51

ဖဲသုသုးသုသူၣ်ဒဲအလီၢ်တဘျီလၢ်လၢ်န့ၣ်, ပှၤလ့ၤဝံဖိတဖၣ်ကရူၢ်လီၤဒဲစီဆှံဒီးသူၣ်ထီၣ်ကဒီးအီၤဖဲ တၢ်သူၣ်ထီၣ်ဒဲအလီၢ်အသီတတီၤကဒီးစုာ်စုာ်န့ၣ်လီၤ. ပှၤအဂၤတဂၤလၢ်လၢ်လၢအဟဲဘူးဒီးဒဲစီဆှံန့ၣ်ကဘၣ်တၢ်မၤသံ ကွံာ်အီၤန့ၣ်လီၤ.

လံာ်တၢ်ဂံၢ် 11:1

ဒီးပှၤဂီၢ်မုၢ်စးထီၣ်ကဒူးကဒ့ၣ်တၢ်ဆူယွၤအအိၣ်ဘၣ်ဃးဒီးအဝဲ သ့ၣ်အတၢ်ကိၢ်တၢ်ဂီၤတဖၣ်အဂ့ၢ်လီၤ. ဖဲယွၤနၢ်ဟူအဝဲသ့ၣ်ဒီးအဝဲသးဒိၣ်ထီၣ်ဒီးဆှၢလီၤမ့ၣ်အူ လၢပှၤဂီၢ်မုၢ်အဖီခိၣ်န့ၣ်လီၤ. မ့ၣ်အူအီၣ်တၢ်လၢအဝဲသ့ၣ်အကျါဒီးမၤဟးဂီၤကွံာ်တၢ်သူၣ်ဒဲ အလီၢ်တကပၤလီၤ.

လံာ်တၢ်ဂံၢ် 16:11

ဖဲနကဒူးကဒ့ၣ်တၢ်ထီဒါစီၤအၤဟရိၣ်န့ၣ်မ့ၢ်နၤဒီးပှၤပိာ်နခံ တဖၣ်ပူထီၣ်ယွၤနီၢ်နီၢ်န့ၣ်လီၤ.”

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.

လံာ်တၢ်ဂံၢ် 17:10

ယွၤစံးဘၣ်စီၤမိၤၡ့, “ပာ်က့ၤစီၤအၤဟရိၣ်အနီၣ်ထိးဘိ လၢတၢ်အၢၣ်လီၤအီလီၤအတလါစီဆှံအမဲာ်ညါတက့ၢ်. တၢ်န့ၣ်ကဘၣ်တၢ်ပာ်အီၤဒ်တၢ်ဟ့ၣ်ပလီၢ်တမံၤဆူပှၤပူထီၣ်ထီ ဒါတၢ်အံၣ်စရ့လးဖိတဖၣ်လၢအဝဲသ့ၣ်အတၢ်ကဒူးကဒ့ၣ်မ့ၢ်တဆိ ကတီၢ်ဘၣ်ဒီးကဘၣ်သံဝဲန့ၣ်တက့ၢ်.”

လံာ်တၢ်ဂံၢ် 17:6

မၤသးဒ်န့ၣ်ဒီး, စီၤမိၤၡ့ကတိၤတၢ်ဒီးပှၤအံၣ်စရ့လးဖိတဖၣ်, ဒီးအဝဲသ့ၣ်အခိၣ်အနၢ်တဂၤစုာ်စုာ်န့ၣ်ဟ့ၣ်အီၤလၢနီၣ်ထိးဘိ တဘိစုာ်စုာ်လၢပှၤတဒူၣ်စုာ်စုာ်အဂီၢ်, ခဲလၢာ်အိၣ်ဝဲတဆံခံဘိ, ဒီးစီၤအၤဟရိၣ်အနီၣ်ထိးဘိန့ၣ်ဘၣ်တၢ်ပာ်ဃုာ်အီၤလၢအကျါ န့ၣ်လီၤ.

လံာ်တၢ်ဂံၢ် 17:8

မုၢ်ဆ့ၣ်ထီၣ်တနံၤဖဲစီၤမိၤၡ့လဲၤနုာ်လီၤဆူဒဲစီဆှံအပူၤ န့ၣ်, အဝဲထံၣ်လၢစီၤအၤဟရိၣ်အနီၣ်ထိးဘိလၢအမ့ၢ်ပှၤလ့ၤဝံဖိ တဖၣ်အခၢၣ်စးတဘိန့ၣ်ဒိးစၢ်ထီၣ်ဝဲလီၤ. နီၣ်ထိးဘိန့ၣ်ဘိၣ်ထီၣ်ဖီထီၣ်ဒီးဟ့ၣ်ထီၣ် ၡၤကးအတၤသၣ်အမံဘီတဖၣ်လီၤ.

1 ကရံၣ်သူး 10:10

ပတဘၣ်ကအုကစွါဒ်အဝဲသ့ၣ်တနီၤမၤဝဲအသိးဘၣ်. ဒီးအဝဲသ့ၣ်ဘၣ်တၢ်မၤဒၢၣ်ကွံာ်အီၤလၢတၢ်သံ အကလူးန့ၣ်လီၤ.

လံာ်စီၤယိၤၡူ 4:7

သုကစံးဘၣ်အဝဲသ့ၣ်လၢထံကျိယၢ်ဒ့ၣ်အထံ လၢအယွၤလီၤန့ၣ်အိၣ်ပတုာ်ဝဲဖဲယွၤအတၢ်အၢၣ်လီၤအီလီၤအတလါ ခီဂာ်ထံကျိအကတီၢ်န့ၣ်လီၤ. လၢၢ်တဖၣ်အံၤထီဘိကဒုးသ့ၣ်နီၣ်ထီၣ်ပှၤအံၣ်စရ့လးဖိတဖၣ်လၢ တၢ်လၢအမၤတ့ၢ်အသးအံၤန့ၣ်လီၤ.”