လံာ်တၢ်ဂံၢ် 17:13 - Sgaw Karen Common Bible

¹³ ပှၤတဂၤဂ့ၤတဂၤဂ့ၤမ့ၢ်လဲၤဘူးဘၣ်ထဲဒဲစီဆှံဧိၤဒီးကဘၣ်သံဝဲဒီး, ဂ့ၤလၢပသံခဲလၢာ်န့ၣ်လီၤ.

လံာ်တၢ်ဂံၢ် 17:13 Iomraidhean Croise

လံာ်တၢ်ကဲထီၣ်အခီၣ်ထံး 3:3

ဘၣ်ဆၣ်ဒီးသ့ၣ်အိၣ်လၢတၤသၣ်လီၢ်အခၢၣ်သးန့ၣ်ပတဘၣ်အီၣ်အီၤဘၣ်. ကစၢ်ယွၤတဲပှၤလၢပတဘၣ်အီၣ်သ့ၣ်န့ၣ်အသၣ်ဘၣ်. ပတဘၣ်ထိးဒၣ်လဲာ်အီၤဘၣ်. ပမ့ၢ်အီၣ်ဒီးပကသံလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:25

အန့ၣ်ဝံၤဒီးအဝဲမၤထီၣ်တၢ်လုၢ်ထီၣ်တခါလၢယွၤအဂီၢ် ဒီးလုၢ်ထီၣ်တၢ်လုၢ်မ့ၣ်အူတဖၣ်ဒီး တၢ်လုၢ်မၤဃူမၤဖိးတဖၣ်န့ၣ်လီၤ. ယွၤစံးဆၢအဝဲအတၢ်ထုကဖၣ်ဒီးတၢ်သံသတြိာ် လၢကီၢ်အံၣ်စရ့လးအပူၤန့ၣ်ဆိကတီၢ်ဝဲဒၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:13

အဂ့ၢ်ဒ်အံၤ, လၢအခီၣ်ထံးကတၢၢ်တဘျီန့ၣ်, သုတအိၣ်ဘၣ်ဖဲန့ၣ်လၢ သုကစိာ်အီၤအဃိ, ယွၤ, ပကစၢ်ယွၤစံၣ်ညီၣ်တ့ၢ်ပှၤ, လၢပတဘူၣ်ထီၣ်ဘါထီၣ်ဘၣ်အီၤဒ်ပကြၢးမၤတ့ၢ်အီၤအသိးဘၣ်အဃိ န့ၣ်လီၤ.”

စံးထီၣ်ပတြၢၤ 90:7

ပဘၣ်တၢ်မၤဟးဂီၤတ့ၢ်လံပှၤလၢနတၢ်သးထီၣ် ဒီးပဘၣ်တၢ်မၤပျံၤမၤဖုးပှၤလၢနတၢ်သးဒိၣ်လီၤ.

လံာ်ယၡါယၤ 28:22

နံၤဘၣ်ဖၣ်လဲတၢ်ဟ့ၣ်ပလီၢ်လၢယဟ့ၣ်လီၤနၤအံၤတဂ့ၤ. နမ့ၢ်မၤဒ်န့ၣ်ဒီး, နကပူၤဖျဲးအဂီၢ်ကမ့ၢ်တၢ်ကီဒိၣ်တက့ၢ်န့ၣ်လီၤ. ယနၢ်ဟူတ့ၢ်လံယွၤသ့တၢ်လၢာ်အတၢ်ပာ်လီၤအသးလၢကမၤ ဟးဂီၤထံကီၢ်ဒီဘ့ၣ်ညါန့ၣ်လီၤ.

လံာ်တၢ်ဂံၢ် 16:26

အဝဲဒၣ်စံးဘၣ်ပှၤဂီၢ်မုၢ်, “ဆၢထၢၣ်ယံၤဒီးပှၤတတီတလိၤတဖၣ် အံၤအဒဲတဖၣ်ဒီးထိးဘူးတၢ်ဘၣ်ဃးဒီးအဝဲသ့ၣ်န့ၣ်နီတမံၤတ ဂ့ၤ. မ့တမ့ၢ်ဘၣ်ဒီး, သုကဘၣ်တၢ်တြူာ်ကွံာ်သုဃုာ်ဒီးအဝဲသ့ၣ်အတၢ် ဒဲးဘးတဖၣ်န့ၣ်လီၤ.”

လံာ်တၢ်ဂံၢ် 18:1

ယွၤစံးဘၣ်စီၤအၤဟရိၣ်, “နၤဒီးနဖိခွါတဖၣ်, ဒီးပှၤလ့ၤဝံဖိတဖၣ်ကဘၣ်တူၢ်တၢ်ဒ်အကြၢးဝဲဘၣ်ဝဲဒီးတၢ်ကမၣ် တမံၤဂ့ၤတမံၤဂ့ၤလၢအဘၣ်ထွဲဒီးတၢ်မၤတၢ်လၢယအိၣ်ယဆိးအဒဲ စီဆှံအပူၤန့ၣ်လီၤ. ဘၣ်ဆၣ်ဒီးထဲနၤဒီးနဖိခွါတဖၣ်ဧိၤန့ၣ်ကတူၢ်ဘၣ်တၢ်ဒ်အကြၢး ဝဲဘၣ်ဝဲဒီးတၢ်မၤလၢအဘၣ်ထွဲဒီးပှၤလုၢ်တၢ်အခိၣ်န့ၣ်လီၤ.

လံာ်တၢ်ဂံၢ် 25:8

လဲၤပိာ်ထွဲပှၤတဂၤန့ၣ်ဒီးပိာ်မုၣ်တဂၤန့ၣ်အခံဆူဒဲပူၤဒီး ဆဲးဖျိကွံာ်ပှၤခံဂၤလိာ်န့ၣ်လၢဘီန့ၣ်လီၤ. လၢကျဲဒ်သိးအံၤန့ၣ်တၢ်သံသတြိာ်လၢအမၤဟးဂီၤကီၢ်အံၣ်စရ့လး န့ၣ်ဆိကတီၢ်အသး

လံာ်တၢ်ဂံၢ် 32:13

ယွၤသးဒိၣ်ပှၤဂီၢ်မုၢ်ဒီးမၢအဟးဝ့ၤဝီၤလၢပှၢ်မုၢ်ကနၢအနံၣ် လွံၢ်ဆံ, တုၤလၢပှၤဒီတစိၤလၢအမၤတမုာ်အဝဲအသးန့ၣ် သံကွံာ်ဝဲခဲလၢာ်လီၤ.

မၤတၢ် 5:5

တုၤစီၤအနၤနံနၢ်ဟူဘၣ်တၢ်အံၤဒီးတဘျီဃီလီၤဃံၤသံဝဲဒၣ်လီၤ. ဒီးပှၤခဲလၢာ်လၢအနၢ်ဟူဘၣ်တၢ်ဂ့ၢ်အံၤပျံၤတၢ်ဒိၣ်ဒိၣ်ကလဲာ်လီၤ.

အ့းဖ့းစူး 2:13

ဘၣ်ဆၣ်ဒီးအခဲအံၤ, လၢသုမူလၢယ့ၣ်ၡူးခရံာ်အပူၤအဃိန့ၣ်, သုဝဲသ့ၣ်လၢအအိၣ်ယံၤဒီးယွၤန့ၣ်, သုဘၣ်တၢ်ဆှၢသုဘူး ထီၣ်ဒီးယွၤခီဖျိခရံာ်အတၢ်သံန့ၣ်လီၤ.

လံာ်သိၣ်လီၤသီလီၤတၢ် 2:16

ဖဲအဝဲသ့ၣ်သံကွံာ်ခဲလၢာ်န့ၣ်, ယွၤစံးဘၣ်ပှၤ, ‘တနံၤအံၤသုကဘၣ်လဲၤခီဂာ်ကီၢ်မိၤအးအလီၢ်ကဝီၤခီဖျိ ဝ့ၢ်ဧၢ်န့ၣ်လီၤ.