လံာ်တၢ်ဂံၢ် 17:11 - Sgaw Karen Common Bible

¹¹ စီၤမိၤၡ့မၤဝဲဒ်ယွၤမၤလိာ်အီၤအသိးန့ၣ်လီၤ.

လံာ်တၢ်ဂံၢ် 17:11 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 19:10

တဘျီလၢ်လၢ်ဖဲသုထံဖိကီၢ်ဖိကဒဲကဒဲလၢဝ့ၢ်တဖျၢၣ်လၢ်လၢ် အပူၤဟဲစိာ်ကွီၢ်ဘၣ်ထွဲဒီးတၢ်မၤသံမၤဝီမ့ၢ်ဂ့ၤ, တၢ်လုၢ်သ့ၣ်ခါပတာ်တၢ်ဘူၣ်တၢ်ဘါအတၢ်သိၣ်တၢ်သီမ့တမ့ၢ်တၢ်မၤ လိာ်တမံၤမံၤမ့ၢ်ဂ့ၤန့ၣ်, သုကဘၣ်သိၣ်လိနဲၣ်ယုၤအဝဲသ့ၣ်လီၤတံၢ်လီၤဆဲးလၢအဝဲသ့ၣ်ကဘၣ် ပာ်အသးဒ်လဲၣ်ဖဲကွီၢ်အကတီၢ်, ဒ်သိးအဝဲသ့ၣ်သုတကဲထီၣ်ပှၤမၤကမၣ်တၢ်ခီဖျိတၢ်မၤတၢ်ဒဲးဘး ထီဒါယွၤတဂ့ၤန့ၣ်လီၤ. သုမ့ၢ်တမၤဒ်န့ၣ်ဘၣ်ဒီး, သုဒီးသုပှၤထံဖိကီၢ်ဖိ ကဒဲကဒဲ, ကကလၢၢ်ဘၣ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ. မ့မ့ၢ်သုမ့ၢ်မၤသုမူသုဒါဒီးသုတၢ်ကမၣ်တအိၣ်ဝဲဘၣ်.

လံာ်တၢ်ဘူၣ်ထီၣ်ဘါထီၣ် 16:15

အန့ၣ်ဝံၤဒီးကဘၣ်မၤသံဝဲမဲာ်တဲးလဲးတဒုလၢတၢ်လုၢ်တၢ်ပျၢ်တၢ်ဒဲးဘး လၢပှၤဂီၢ်မုၢ်အဂီၢ်န့ၣ်လီၤ. ဒီးကဘၣ်လဲၤစိာ်နုာ်တၢ်သွံၣ်တနီၤဆူတၢ်လီၢ်စီဆှံကတၢၢ်ဒီး ဖှံအီၤလၢတၢ်အၢၣ်လီၤအီလီၤတလါအခိၣ်ကၢၢ်အလိၤတနီၤဒီးလၢ တၢ်အၢၣ်လီၤအီလီၤတလါအမဲာ်ညါဒ်အမၤတ့ၢ်ဝဲလၢဂီၤဖံးဖါတဒု အသွံၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:16

အအံၤမ့ၢ်တၢ်မၤတၢ်ဘူၣ်တၢ်ဘါအလုၢ်အလၢ်ဘၣ်ဃးတၢ်မၤကဆှီ ထီၣ်တၢ်လီၢ်စီဆှံကတၢၢ်လၢအံၣ်စရ့လးအပှၤ ဂီၢ်မုၢ်အတၢ်တကဆှီဒီးအတၢ်ဒဲးဘးတဖၣ်အဂီၢ်န့ၣ်လီၤ. ဒီးကဘၣ်မၤဝဲလၢတၢ်ဘူၣ်ထီၣ်ဘါထီၣ်ယွၤအဒဲအဂီၢ်မ့ၢ်လၢအအိၣ် လၢပှၤဂီၢ်မုၢ်အတၢ်သူၣ်ဒဲအလီၢ်ခၢၣ်သးလၢအမ့ၢ်တၢ်တကဆှီ ဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးအဃိန့ၣ်လီၤ.

လံာ်တၢ်ဂံၢ် 11:33

ဖဲအဝဲသ့ၣ်အိၣ်ဒံးဒီးတၢ်ဖံးတၢ်ညၣ်လၢကအီၣ်ဝဲအါအါဂီၢ်ဂီၢ် အဖၢမုၢ်ဒၣ်လဲာ်န့ၣ်ယွၤအသးဒိၣ်ထီၣ်ပှၤဂီၢ်မုၢ်ဒီးဒုးလီၤဘၣ်တၢ် သံသတြိာ်လၢအဝဲသ့ၣ်အကျါန့ၣ်လီၤ.

လံာ်တၢ်ဂံၢ် 17:10

ယွၤစံးဘၣ်စီၤမိၤၡ့, “ပာ်က့ၤစီၤအၤဟရိၣ်အနီၣ်ထိးဘိ လၢတၢ်အၢၣ်လီၤအီလီၤအတလါစီဆှံအမဲာ်ညါတက့ၢ်. တၢ်န့ၣ်ကဘၣ်တၢ်ပာ်အီၤဒ်တၢ်ဟ့ၣ်ပလီၢ်တမံၤဆူပှၤပူထီၣ်ထီ ဒါတၢ်အံၣ်စရ့လးဖိတဖၣ်လၢအဝဲသ့ၣ်အတၢ်ကဒူးကဒ့ၣ်မ့ၢ်တဆိ ကတီၢ်ဘၣ်ဒီးကဘၣ်သံဝဲန့ၣ်တက့ၢ်.”

လံာ်တၢ်ဂံၢ် 17:12

ကီၢ်အံၣ်စရ့လးအပှၤဂီၢ်မုၢ်စံးဘၣ်စီၤမိၤၡ့, “မ့မ့ၢ်ဒ်န့ၣ်ဒီးတၢ်န့ၣ်မ့ၢ်တၢ်လၢအမၤကတၢၢ်ပှၤန့ၣ်ဧါ.”