လံာ်တၢ်ဂံၢ် 17:10 - Sgaw Karen Common Bible

¹⁰ ယွၤစံးဘၣ်စီၤမိၤၡ့, “ပာ်က့ၤစီၤအၤဟရိၣ်အနီၣ်ထိးဘိ လၢတၢ်အၢၣ်လီၤအီလီၤအတလါစီဆှံအမဲာ်ညါတက့ၢ်. တၢ်န့ၣ်ကဘၣ်တၢ်ပာ်အီၤဒ်တၢ်ဟ့ၣ်ပလီၢ်တမံၤဆူပှၤပူထီၣ်ထီ ဒါတၢ်အံၣ်စရ့လးဖိတဖၣ်လၢအဝဲသ့ၣ်အတၢ်ကဒူးကဒ့ၣ်မ့ၢ်တဆိ ကတီၢ်ဘၣ်ဒီးကဘၣ်သံဝဲန့ၣ်တက့ၢ်.”

လံာ်တၢ်ဂံၢ် 17:10 Iomraidhean Croise

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

လံာ်တၢ်ဟးထီၣ်ကွံာ် 16:32

ဒီးစီၤမိၤၡ့စံးဝဲဒၣ်, “ယွၤမၤလိာ်ပှၤလၢပကပာ်ဃးကိၣ်မၤ နၤတနီၤလၢပစၢၤပသွဲၣ်လၢခံတဖၣ်အဂီၢ်ဒ်သိးအဝဲသ့ၣ်ကထံၣ်ဘၣ် တၢ်အီၣ်လၢယွၤဟ့ၣ်ဒုးအီၣ်ပှၤလၢပှၢ်မုၢ်ကနၢအပူၤဖဲအထုးထီၣ် ပှၤလၢကီၢ်အဲၤကူပတူးအပူၤန့ၣ်လီၤ.”

လံာ်တၢ်ဟးထီၣ်ကွံာ် 16:34

ဒီးဒ်ယွၤမၤလိာ်စီၤမိၤၡ့အသိးန့ၣ်, စီၤအၤဟရိၣ်ပာ်လီၤအီၤ လၢယွၤအတၢ်အၢၣ်လီၤအီလီၤအတလါအမဲာ်ညါဒ်သိးတၢ်ကပာ်ဃးအီၤ အဂီၢ်လီၤ.

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ဟိၤၡ့ 10:9

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်တဆိကတီၢ်မၤတၢ် ဒဲးဘးထီဒါယၤ, စးထီၣ်ဒၣ်လၢအဝဲသ့ၣ်အတၢ်ဒဲးဘးဖဲဝ့ၢ်ကံးဘဧးအခါလံၤလံၤန့ၣ်လီၤ. လၢတၢ်န့ၣ်အဃိ တၢ်ဒုးဖဲဝ့ၢ်ကံးဘဧးန့ၣ်ကလူၤပိာ်ထွဲအဝဲသ့ၣ်အခံန့ၣ်လီၤ.

လံာ်တၢ်ဂံၢ် 14:5

အန့ၣ်ဒီးစီၤမိၤၡ့ဒီးစီၤအၤဟရိၣ်တီၤလီၤလၢဟီၣ်ခိၣ်လိၤ လၢပှၤဂီၢ်မုၢ်အမဲာ်ညါလီၤ.

လံာ်တၢ်ဂံၢ် 16:38

အဝဲသ့ၣ်ကဲထီၣ်တ့ၢ်တၢ်စီဆှံဖဲအဘၣ်တၢ်ဟ့ၣ်ထီၣ်အီၤဆူယွၤ အတၢ်လုၢ်လီၢ်အကတီၢ်န့ၣ်လီၤ. မၤသးဒ်န့ၣ်ဒီး, ဟံးထီၣ်ကွံာ်ပှၤတဖၣ်လၢအဘၣ်တၢ်မၤသံအီၤအ သပၢၤမ့ၣ်အူလၢအဝဲသ့ၣ်အတၢ်ဒဲးဘးအဂီၢ်ဒီးပိာ်ကဲထီၣ်အီၤဆူ လီခီအဘူဒီးမၤတၢ်ခိၣ်ကျၢၢ်တခါလၢတၢ်လုၢ်လီၢ်အဂီၢ်တက့ၢ်. တၢ်န့ၣ်ကမ့ၢ်တၢ်ဟ့ၣ်ပလီၢ်တမံၤဆူကီၢ်အံၣ်စရ့လးအပှၤဂီၢ်မုၢ် န့ၣ်လီၤ.”

လံာ်တၢ်ဂံၢ် 16:40

အဝဲအံၤမ့ၢ်တၢ်ဟ့ၣ်ပလီၢ်သးတမံၤဆူပှၤအံၣ်စရ့လးဖိတဖၣ်ဒ် သိးပှၤလၢအတမ့ၢ်ဘၣ်စီၤအၤဟရိၣ်အစၢၤအသွဲၣ်တဖၣ်အသု တဟဲဘူးဒီးတၢ်လုၢ်လီၢ်နီတဂၤလၢကဆိၣ်ကဲၤတၢ်နၢမူဆူယွၤ အဂီၢ်တဂ့ၤန့ၣ်လီၤ. မ့တမ့ၢ်ဘၣ်ဒ်န့ၣ်ဒီး, အဝဲကဘၣ်တၢ်မၤဟးဂီၤကွံာ်အီၤဒ်စီၤကိၤရးဒီးအပှၤတဖၣ်အသိး န့ၣ်လီၤ. တၢ်ခဲလၢာ်အံၤဘၣ်တၢ်မၤဝံၤအီၤဒ်ယွၤမၤလိာ်တ့ၢ်စီၤအ့လၤ ဧစၢ်ခီဖျိစီၤမိၤၡ့အသိးန့ၣ်လီၤ.

လံာ်တၢ်ဂံၢ် 17:11

စီၤမိၤၡ့မၤဝဲဒ်ယွၤမၤလိာ်အီၤအသိးန့ၣ်လီၤ.

လံာ်တၢ်ဂံၢ် 17:4

လဲၤစိာ်တၢ်တဖၣ်န့ၣ်ခဲလၢာ်ဆူယအိၣ်ယဆိးအဒဲစီဆှံ ပာ်လီၤအီၤဖဲတၢ်အၢၣ်လီၤအီလီၤအတလါစီဆှံ, အမဲာ်ညါဖဲ ယသဂၢၢ်သုအလီၢ်န့ၣ်တက့ၢ်.

လံာ်တၢ်ဂံၢ် 17:9

စီၤမိၤၡ့ဟံးထီၣ်ကယဲၢ်နီၣ်ထိးဘိတဖၣ်န့ၣ်ဒီးဒုးနဲၣ်အီၤ ဆူပှၤအံၣ်စရ့လးဖိတဖၣ်န့ၣ်လီၤ. အဝဲသ့ၣ်ထံၣ်ဘၣ်တၢ်မၤတ့ၢ်အသးတဖၣ်ဒီးပှၤခိၣ်ပှၤနၢ်တဂၤစုာ် စုာ်ဟံးန့ၢ်ကဒါက့ၤအနီၣ်ထိးဘိဒၣ်ဝဲန့ၣ်လီၤ.

လံာ်တၢ်ဂံၢ် 20:9

စီၤမိၤၡ့လဲၤဒီးဟံးန့ၢ်နီၣ်ထိးဘိန့ၣ်ဒ်ယွၤမၤလိာ်ဝဲအသိးန့ၣ်လီၤ.

လံာ်တၢ်ဂံၢ် 4:18

“မ်စီၤကဃးအဒူၣ်ထၢ

1 ကရံၣ်သူး 10:10

ပတဘၣ်ကအုကစွါဒ်အဝဲသ့ၣ်တနီၤမၤဝဲအသိးဘၣ်. ဒီးအဝဲသ့ၣ်ဘၣ်တၢ်မၤဒၢၣ်ကွံာ်အီၤလၢတၢ်သံ အကလူးန့ၣ်လီၤ.

အ့းဖ့းစူး 5:6

တဘၣ်ပျဲပှၤနီတဂၤလီန့ၢ်သုလၢတၢ်ကတိၤဟးဂူာ်ဟးဂီၤ တဖၣ်တဂ့ၤ. မ့ၢ်လၢတၢ်တဖၣ်အံၤအဃိ, ကစၢ်ယွၤအတၢ်သးဒိၣ်လီၤဘၣ်ပှၤလၢအတစူၢ်အကလုၢ် တဖၣ်န့ၣ်လီၤ.

လံာ်သိၣ်လီၤသီလီၤတၢ် 9:24

စးထီၣ်လၢယသ့ၣ်ညါသုလံၤလံၤန့ၣ်သုပူထီၣ်တ့ၢ်တၢ်ထီဒါယွၤ န့ၣ်လီၤ.

လံာ်သိၣ်လီၤသီလီၤတၢ် 9:7

သုမၤသးဒိၣ်ထီၣ်တ့ၢ်ယွၤသုကစၢ်ယွၤလၢပှၢ်မုၢ်ကနၢအပူၤန့ၣ် သးပ့ၤနီၣ်ကွံာ်အီၤနီတစုတဂ့ၤ. စးထီၣ်မုၢ်တနံၤလၢသု ဟးထီၣ်ကွံာ်လၢကီၢ်အဲၤကူပတူးတုၤလၢဖဲအံၤအမုၢ်တနံၤန့ၣ်, သုပူထီၣ်တၢ်ထီဒါအီၤအခါန့ၣ်လီၤ.

ဧ့ၤဘြံၤ 9:4

လၢဒဲအံၤအပူၤတၢ်လုၢ်လီၢ်လၢအဘၣ်တၢ်မၤအီၤအိၣ်ဝဲလၢထူ ဖဲပှၤဆူးကဲၤတၢ်နၢမူဒီးတၢ်အၢၣ်လီၤအီလီၤအတလါစီဆှံ လၢအကပၤဘၣ်တၢ်ဖှူအီၤလၢထူန့ၣ်လီၤ. လၢတလါစီဆှံအံၤအပူၤတၢ်တ့ၢ်နုာ်ဝဲသပၢၤထူပှဲၤဒီးကိၣ်မၤ နၤ, ဒီးစီၤအၤဟရိၣ်အနီၣ်ထိးဘိလၢအလၣ်ဒိးထီၣ်တဘိ, ဒီးတၢ်မၤလိာ်အလၢၢ်ဘ့ၣ်ဘၣ်ခံဘ့ၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:12

စီၤဧ့လံၤအဖိခွါတဖၣ်န့ၣ်မ့ၢ်ပှၤတတီတလိၤတဖၣ်လီၤ. အဝဲသ့ၣ်တပာ်ကဲယွၤအကလုၢ်မ့ၢ်ဂ့ၤ,

လံာ်စီၤၡမူၤအ့လးအခီၣ်ထံးတဘ့ၣ် 30:22

ဘၣ်ဆၣ်ဒီးပှၤအအၢအသီဒီးပှၤအလုၢ်အပှ့ၤတအိၣ်တဖၣ် လၢအလဲၤပိာ်တ့ၢ်စီၤဒၤဝံးအခံန့ၣ်စံးဝဲ, “အဝဲသ့ၣ်တလဲၤဃုာ်ဒီးပှၤဘၣ်. အဃိဒီးပတဟ့ၣ်အဝဲသ့ၣ်တၢ်ဂုာ်ဆူၣ်ပျိဆူၣ်တဖၣ်လၢပဒိးန့ၢ်အီၤန့ၣ်ဘၣ်. အဝဲသ့ၣ်ဟံးန့ၢ်က့ၤအဖိအမါတဖၣ်ဒီးဟးထီၣ်ကွံာ်ဝဲသ့လီၤ.”