လံာ်တၢ်ဂံၢ် 16:40 - Sgaw Karen Common Bible

⁴⁰ အဝဲအံၤမ့ၢ်တၢ်ဟ့ၣ်ပလီၢ်သးတမံၤဆူပှၤအံၣ်စရ့လးဖိတဖၣ်ဒ် သိးပှၤလၢအတမ့ၢ်ဘၣ်စီၤအၤဟရိၣ်အစၢၤအသွဲၣ်တဖၣ်အသု တဟဲဘူးဒီးတၢ်လုၢ်လီၢ်နီတဂၤလၢကဆိၣ်ကဲၤတၢ်နၢမူဆူယွၤ အဂီၢ်တဂ့ၤန့ၣ်လီၤ. မ့တမ့ၢ်ဘၣ်ဒ်န့ၣ်ဒီး, အဝဲကဘၣ်တၢ်မၤဟးဂီၤကွံာ်အီၤဒ်စီၤကိၤရးဒီးအပှၤတဖၣ်အသိး န့ၣ်လီၤ. တၢ်ခဲလၢာ်အံၤဘၣ်တၢ်မၤဝံၤအီၤဒ်ယွၤမၤလိာ်တ့ၢ်စီၤအ့လၤ ဧစၢ်ခီဖျိစီၤမိၤၡ့အသိးန့ၣ်လီၤ.

လံာ်တၢ်ဂံၢ် 16:40 Iomraidhean Croise

လံာ်စီၤဧ့စြၤ 2:62

မ့ၢ်လၢအဝဲသ့ၣ်ဃုထံၣ်တၢ်အုၣ်အသးဘၣ်ထွဲဒီးအမိၢ်ပၢ်ဖံဖု လၢပျၢၤမ့ၢ်မတၤတဖၣ်တသ့ဘၣ်အဃိ, အဝဲသ့ၣ်တဘၣ်တၢ်တူၢ်လိာ်အီၤ ဒ်ပှၤလုၢ်တၢ်အခိၣ်တဖၣ်အသိးဘၣ်.

စံးထီၣ်ပတြၢၤ 115:10

သုဝဲကစၢ်ယွၤအပှၤလုၢ်တၢ်အခိၣ်သ့ၣ်ဧၢ, သန့ၤသုသးလၢယွၤတက့ၢ်. အဝဲဒၣ်မၤစၢၤသုဒီးကဟုဘံၣ်ကယာ်ဘၢသုလီၤ.

လံာ်ယဃ့းစက့လး 40:46

ဒီးဒၢးတဖျၢၣ်လၢအကွၢ်ဃီၤတၢ်ဆူကလံၤစိးန့ၣ်မ့ၢ်လၢပှၤလုၢ်တၢ်အ ခိၣ်တဖၣ်လၢအမၤတၢ်လၢတၢ်လုၢ်လီၢ်အဂီၢ်လီၤ. ပှၤလုၢ်တၢ်အခိၣ်ခဲ လၢာ်လီၤစၢၤလီၤသွဲၣ်လၢစီၤစၤဒိးန့ၣ်လီၤ. မ့ၢ်ပှၤလ့ၤဝံအဒူၣ်, အဟံၣ်ဖိဃီဖိလၢတၢ်ဟ့ၣ်အီၤအခွဲးလၢကလဲၤနုာ်ဆူ ယွၤအိၣ်ဝဲဆိးဝဲအလီၢ်အပူၤဒီးကမၤအတၢ်အဂီၢ်န့ၣ်လီၤ.

လံာ်ယဃ့းစက့လး 43:19

ပှၤလုၢ်တၢ်အခိၣ်တဖၣ်လၢအဘၣ်ဃးဒီးလ့ၤဝံအဒူၣ်လၢအမ့ၢ်ဒၣ်ထဲ စီၤစၤဒိးအစၢၤအသွဲၣ်တဖၣ်ဧိၤန့ၣ်ကဟဲနုာ်ဘၣ်ဆူအမဲာ်ညါလၢ ကမၤယတၢ်အဂီၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ် ဟ့ၣ်လီၤတၢ်ကလုၢ်အံၤန့ၣ်လီၤ. နကဘၣ်ဟ့ၣ်လီၤအဝဲသ့ၣ်လၢ ဂီၤဖံးဖါဖိတဒုလၢကလုၢ်ထီၣ်ဝဲဒ်တၢ်လုၢ်တၢ်ပာ်တမံၤအသိး လၢတၢ်လုၢ်တၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:10

ထဲပှၤလုၢ်တၢ်အခိၣ်အဒူၣ်ဖိထၢဖိတဖၣ်ဧိၤကအီၣ်ဘၣ်တၢ်လုၢ်စီဆှံတဖၣ်န့ၣ်လီၤ. မ့မ့ၢ်ပှၤအဂၤလၢအမ့ၢ်ပှၤလၢအအိၣ်ဒီးပှၤလုၢ်တၢ်အခိၣ်တဂၤဂၤမ့ၢ်ဂ့ၤ, ပှၤဘၣ်တၢ်ဒိးလဲအီၤလၢပှၤလုၢ်တၢ်အခိၣ်မ့ၢ်ဂ့ၤတဘၣ်အီၣ်ဝဲဘၣ်.

လံာ်တၢ်ဂံၢ် 1:51

ဖဲသုသုးသုသူၣ်ဒဲအလီၢ်တဘျီလၢ်လၢ်န့ၣ်, ပှၤလ့ၤဝံဖိတဖၣ်ကရူၢ်လီၤဒဲစီဆှံဒီးသူၣ်ထီၣ်ကဒီးအီၤဖဲ တၢ်သူၣ်ထီၣ်ဒဲအလီၢ်အသီတတီၤကဒီးစုာ်စုာ်န့ၣ်လီၤ. ပှၤအဂၤတဂၤလၢ်လၢ်လၢအဟဲဘူးဒီးဒဲစီဆှံန့ၣ်ကဘၣ်တၢ်မၤသံ ကွံာ်အီၤန့ၣ်လီၤ.

လံာ်တၢ်ဂံၢ် 16:39

မၤသးဒ်န့ၣ်ဒီး, ပှၤလုၢ်တၢ်အခိၣ်စီၤအလၤဧစၢ်ဟံးန့ၢ်သပၢၤမ့ၣ် အူတဖၣ်ပိာ်ကဲထီၣ်လီခီအဘူဖိဒ်သိးကဒုးကဲထီၣ်အီၤလၢတၢ် ခိၣ်ကျၢၢ်တခါလၢတၢ်လုၢ်လီၢ်အဂီၢ်န့ၣ်လီၤ.

လံာ်တၢ်ဂံၢ် 3:10

နကဘၣ်ဃုထၢပာ်လီၤစီၤအၤဟရိၣ်ဒီးအဖိခွါတဖၣ်လၢကမၤပှၤလုၢ် တၢ်အခိၣ်အတၢ်မၤတဖၣ်အဂီၢ်န့ၣ်လီၤ. ဒီးပှၤအဂၤတဂၤလၢ်လၢ်လၢအဂုာ်မၤအဝဲသ့ၣ်အတၢ်မၤန့ၣ် ကဘၣ်တၢ်မၤသံကွံာ်အီၤန့ၣ်လီၤ.”

လံာ်တၢ်ဂံၢ် 3:38

စီၤမိၤၡ့, စီၤအၤဟရိၣ်ဒီးအဖိခွါတဖၣ်န့ၣ်ကဘၣ်သူၣ်ထီၣ်အဒဲ လၢဒဲစီဆှံအမဲာ်ညါလၢအမုၢ်ထီၣ်တခီန့ၣ်လီၤ. အဝဲသ့ၣ်အမူအဒါအိၣ်ဝဲလၢကမၤတၢ်ခ့တၢ်ပှၤအတၢ်မၤတဖၣ်လၢတၢ် အလီၢ်စီဆှံအပူၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. ပှၤအဂၤတဂၤလၢ်လၢ်လၢအဂုာ်မၤအဝဲသ့ၣ်အတၢ်မၤတဖၣ်န့ၣ်ကဘၣ်တၢ်မၤ သံကွံာ်အီၤန့ၣ်လီၤ.

ဧ့ၤဘြံၤ 5:4

တၢ်လၤကပီၤဘၣ်ဃးဒီးတၢ်ကဲထီၣ်ပှၤလုၢ်တၢ်အခိၣ်အဒိၣ် ကတၢၢ်အံၤပှၤလၢအဃုထၢန့ၢ်အီၤလၢအဂီၢ်ဒၣ်ဝဲတအိၣ်နီ တဂၤဘၣ်. မ့ၢ်ဒၣ်တၢ်လၢအဟဲခီဖျိကစၢ်ယွၤအတၢ်ကိးဒ် တၢ်ကိးန့ၢ်စီၤအၤဟရိၣ်အသိးန့ၣ်လီၤ.

လံာ်စီၤယိၤၡူ 4:7

သုကစံးဘၣ်အဝဲသ့ၣ်လၢထံကျိယၢ်ဒ့ၣ်အထံ လၢအယွၤလီၤန့ၣ်အိၣ်ပတုာ်ဝဲဖဲယွၤအတၢ်အၢၣ်လီၤအီလီၤအတလါ ခီဂာ်ထံကျိအကတီၢ်န့ၣ်လီၤ. လၢၢ်တဖၣ်အံၤထီဘိကဒုးသ့ၣ်နီၣ်ထီၣ်ပှၤအံၣ်စရ့လးဖိတဖၣ်လၢ တၢ်လၢအမၤတ့ၢ်အသးအံၤန့ၣ်လီၤ.”

ယူဒၤ 1:11

မ့ၢ်တၢ်လီၤပျံၤလီၤဖုးလၢအဝဲသ့ၣ်အဂီၢ်ဆံးဒိၣ်လဲၣ်. အဝဲသ့ၣ်ပိာ်ကျဲလၢစီၤကၤယံၣ်ပိာ်ဝဲန့ၣ်လီၤ. လၢကျိၣ်စ့အဃိအဝဲသ့ၣ်ဟ့ၣ်လီၤကွံာ်အသး ဆူတၢ်ကမၣ်လၢစီၤဘံးလၣ်မၤတ့ၢ်ဝဲအပူၤန့ၣ်လီၤ. အဝဲသ့ၣ်ပူထီၣ်တၢ်ဒ်စီၤကိၤရးပူထီၣ်တ့ၢ်တၢ် အသိး, ဒီးအဝဲသ့ၣ်ဘၣ်တၢ်မၤဟးဂီၤအီၤဒ်အဝဲအသိးလီၤ.