လံာ်တၢ်ဂံၢ် 16:35 - Sgaw Karen Common Bible

³⁵ အန့ၣ်ဒီးယွၤဆှၢလီၤမ့ၣ်အူတခါလၢအကပျီၤထီၣ်ဒီးအီၣ်ကွံာ် ပှၤအဂၤခံကယၤယဲၢ်ဆံလၢအဟ့ၣ်ထီၣ်တၢ်လုၢ်နၢမူန့ၣ်လီၤ.

လံာ်တၢ်ဂံၢ် 16:35 Iomraidhean Croise

စံးထီၣ်ပတြၢၤ 106:18

မ့ၣ်အူဟဲလီၤလၢပှၤပိာ်အဝဲသ့ၣ်အခံတဖၣ် အသိးအကျါ, ဒီးအီၣ်ကွံာ် ပှၤအအၢအသီတဖၣ်န့ၣ်လီၤ.

စံးထီၣ်ပတြၢၤ 50:3

ပကစၢ်ယွၤဟဲ, ဘၣ်ဆၣ်တမ့ၢ်လၢတၢ်ဘှ့ၣ်တၢ်ဘှီၣ်အပူၤဘၣ်. မ့ၣ်အူအီၣ်တၢ်လၢအမဲာ်ညါဒီး ကလံၤမုၢ်တွၤဆူၣ်ဆူၣ်ကလဲာ်အိၣ်ဝးတရံးအီၤလီၤ.

လံာ်ယဃ့းစက့လး 8:11

ကီၢ်အံၣ်စရ့လးအခိၣ်အနၢ်အဂၤနွံဆံအိၣ်ဝဲဖဲန့ၣ်, အိၣ်ဃုာ်ဒီးစီၤၡၤဖၣ်အဖိခွါစီၤယၤစါနယၤလီၤ. တဂၤစုာ်စုာ်ဟံးဃာ်တၢ်နၢမူအသပၢၤမ့ၣ်အူ, ဒီးတၢ်နၢမူအမ့ၣ်အူလုၣ်ခုၣ်ထီၣ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:2

ဒီးမ့ၣ်အူဟဲလီၤလၢယွၤအအိၣ်သတူၢ်ကလာ်ဒီးအီၣ်ကွံာ်အဝဲ သ့ၣ်တုၤအသံဝဲဖဲန့ၣ်လၢယွၤအမဲာ်ညါန့ၣ်လီၤ.

လံာ်တၢ်ဂံၢ် 14:37

မၤသးဒ်န့ၣ်ဒီးယွၤတီၢ်အဝဲသ့ၣ်လၢတၢ်ဆူးတၢ်ဆါတမံၤဒီး အဝဲသ့ၣ်သံဝဲလီၤ.

လံာ်တၢ်ဂံၢ် 16:17

သုဝဲတဂၤစုာ်စုာ်န့ၣ်ကဘၣ်ဟံးန့ၢ်အသပၢၤမ့ၣ်အူ, ပာ်တၢ်နၢမူလၢအလိၤဒီးဟ့ၣ်ထီၣ်အီၤဖဲတၢ်လုၢ်လီၢ်န့ၣ်လီၤ.”

လံာ်တၢ်ဂံၢ် 16:2

ဃုာ်ဒီးပှၤအံၣ်စရ့လးဖိအဂၤတဖၣ်ခံကယၤယဲၢ်ဆံဂၤ, လၢအမ့ၢ်ခိၣ်နၢ်မံၤဟူသၣ်ဖျါတဖၣ်လၢဘၣ်တၢ်ဃုထၢထီၣ်အီၤလၢ ကမျၢၢ်ဒီကရူၢ်န့ၣ်လီၤ.

လံာ်တၢ်ဂံၢ် 16:34

ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ထွးထီၣ်ဃ့ၢ်ကွံာ်ဝဲ ဖဲအနၢ်ဟူဘၣ်ပှၤတဖၣ်အတၢ်ကိးပသူန့ၣ်လီၤ. အဝဲသ့ၣ်ကိးထီၣ်ဝဲ, “ဃ့ၢ်တက့ၢ်. ဟီၣ်ခိၣ်ကယူၢ်လီၤကွံာ်စ့ၢ်ကီးပှၤဘၣ်ဖုးလီၤ.”

လံာ်တၢ်ဂံၢ် 16:36

အန့ၣ်ဝံၤဒီးယွၤစံးဘၣ်စီၤမိၤၡ့, ဒီးစံးဝဲဒၣ်, “တဲဘၣ်, ပှၤလုၢ်တၢ်အခိၣ်စီၤအၤဟရိၣ်အဖိခွါစီၤအလၤဧစၢ်လၢ ကသုးကွံာ်ပှၤတဖၣ်လၢမ့ၣ်အူအီၣ်ကွံာ်အီၤအသပၢၤမ့ၣ်အူတိၢ်ဘီ တဖၣ်လၢအအိၣ်တ့ၢ်န့ၣ်ဒီးဖှံကွံာ်သွဲၣ်လးတဖၣ်လၢအအိၣ်လၢသပၢၤ မ့ၣ်အူတဖၣ်အပူၤဆူတၢ်လီၢ်အဂၤတတီၤတက့ၢ်. အဂ့ၢ်ဒ်အံၤ, သပၢၤမ့ၣ်အူတဖၣ်န့ၣ်စီဆှံဝဲလီၤ.

လံာ်တၢ်ဂံၢ် 16:49

ပှၤဂီၢ်မုၢ်လၢအသံဝဲအနီၣ်ဂံၢ်မ့ၢ် တကလးလွံၢ်ကထိနွံကယၤ ဂၤ, လၢတဘၣ်တၢ်ဂံၢ်ဃုာ်အီၤဒီးပှၤတဖၣ်လၢအသံဝဲလၢစီၤကိးရးအတၢ် ပူထီၣ်အပူၤဘၣ်န့ၣ်လီၤ.

လံာ်တၢ်ဂံၢ် 26:10

ဟီၣ်ခိၣ်အိးထီၣ်အသးဒီးယူၢ်လီၤကွံာ်အဝဲသ့ၣ်ဒီးအဝဲသ့ၣ်သံဃုာ် ဒီးစီၤကိၤရးဒီးပှၤပိာ်အခံတဖၣ်, ဖဲမ့ၣ်အူမၤဟးဂီၤကွံာ် ပှၤပိာ်ခွါအဂၤခံကယၤယဲၢ်ဆံ န့ၣ်လီၤ. အဝဲသ့ၣ်ကဲထီၣ်တၢ်ဟ့ၣ်ပလီၢ်တမံၤလၢပှၤဂီၢ်မုၢ်အဂီၢ်န့ၣ်လီၤ.

လံာ်တၢ်ဂံၢ် 3:4

ဘၣ်ဆၣ်ဒီးစီၤနၤဒးဒီးစီၤအဘံဟူၤတဖၣ်ဘၣ်တၢ်မၤသံကွံာ်အီၤ ဖဲအဝဲသ့ၣ်လုၢ်ထီၣ်တၢ်လုၢ်မ့ၣ်အူလၢအတစီဆှံဘၣ်ဆူယွၤအအိၣ် လၢကစၢၢ်စံၤနါအပှၢ်မုၢ်ကနၢပူၤအခါန့ၣ်လီၤ. အဝဲသ့ၣ်အဖိအလံၤတအိၣ်ဘၣ်နီတဂၤဘၣ်. လၢတၢ်န့ၣ်အဃိစီၤအလၤဧစၢ်ဒီးစီၤအံသမၢ်န့ၣ်မၤပှၤလုၢ်တၢ် အခိၣ်အတၢ်မၤဖဲစီၤအၤဟရိၣ်မူဒံးအဖၢမုၢ်န့ၣ်လီၤ.

လံာ်လီၣ်ဖျါ 11:5

ပှၤတဂၤဂၤမ့ၢ်ဂုာ်ကျဲးစၢးမၤဆါအဝဲသ့ၣ်န့ၣ်, မ့ၣ်အူဟဲဖျိးထီၣ်လၢအဝဲသ့ၣ်အကိာ်ပူၤ, ဒီးအီၣ်ကွံာ် အဒုၣ်အဒါတဖၣ်, ဒီးလၢကျဲဒ်အံၤအပူၤ, ပှၤတဂၤလၢ်လၢ်လၢအဂုာ်ကျဲးစၢးမၤဆါအဝဲသ့ၣ်န့ၣ်, ကဘၣ်တၢ်မၤသံကွံာ်အီၤလီၤ.