လံာ်တၢ်ဂံၢ် 16:13 - Sgaw Karen Common Bible

¹³ နထုးထီၣ်ကွံာ်ပှၤလၢကီၢ်အဲၤကူပတူးလၢအပှဲၤဒီးဟီၣ်ခိၣ်ညၣ် ထ့ၣ်တဘ့ၣ်အပူၤဒ်သိးနကမၤသံကွံာ်ပှၤဖဲအံၤလၢပှၢ်မုၢ်ကနၢ အပူၤန့ၣ်တဘၣ်ဒံးဘၣ်ဧါ. မ့ၢ်နအဲၣ်ဒိးလိာ်ကစၢ်နသးလၢပဖီခိၣ်ဒံးဧါ.

လံာ်တၢ်ဂံၢ် 16:13 Iomraidhean Croise

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 1:22

လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

လံာ်တၢ်ဟးထီၣ်ကွံာ် 16:3

ဒီးစံးဘၣ်အဝဲသ့ၣ်, “ပဆၢလၢယွၤကမၤသံတ့ၢ်ပှၤလၢကီၢ်အဲၤကူပတူးအပူၤလီၤ. အစှၤကတၢၢ်ပဆ့ၣ်နီၤဒီးအီၣ်တၢ်ဖံးတၢ်ညၣ်ဒီးတၢ်အီၣ်တၢ်အီအဂၤလၢပအဲၣ်ဒိးအီၣ်ဖဲန့ၣ်သ့ဝဲလီၤ. မ့မ့ၢ်သုဟဲကိးပှၤဆူပှၢ်မုၢ်ကနၢအံၤအပူၤဒ်သိးပကသၣ်ဝံၤလီၤဒိသံခဲလၢာ်လီၤ.”

လံာ်တၢ်ဟးထီၣ်ကွံာ် 17:3

ဘၣ်ဆၣ်ဒီးပှၤဂီၢ်မုၢ်အသးသူထံနးနးကလဲာ်အဃိကဒူးကဒ့ၣ်တၢ် အါထီၣ်လၢစီၤမိၤၡ့အလိၤလီၤ. အဝဲသ့ၣ်စံးဝဲ, “ဘၣ်မနုၤလၢနထုးထီၣ်ပှၤလၢကီၢ်အဲၤကူပတူး အပူၤန့ၣ်လဲၣ်. မ့ၢ်ဒ်သိးနကမၤသံပှၤဒီးပဖိပလံၤဒီးပဆၣ်ဖိကီၢ်ဖိတဖၣ် လၢတၢ်သူအသးလၢထံအဂီၢ်န့ၣ်ဧါ.”

လံာ်တၢ်ဟးထီၣ်ကွံာ် 2:14

ပှၤတဂၤန့ၣ်စံးဆၢဝဲ, “မ့ၢ်မတၤပာ်နၤလၢပဒိၣ်ဒီးစံၣ်ညီၣ် ကွီၢ်တဂၤလၢပဖီခိၣ်န့ၣ်လဲၣ်. မ့ၢ်နဆိကမိၣ်လၢနကမၤသံယၤဒ်နမၤသံပှၤအဲၤကူပတူးဖိတဂၤ အသိးစ့ၢ်ကီးဧါ.” တုၤနုၤတစုစီၤမိၤၡ့ပျံၤတၢ်ဒီးဆိကမိၣ်လၢအသးပူၤ, “ပှၤသ့ၣ်ညါတၢ်လၢယမၤတ့ၢ်အီၤန့ၣ်လံ.”

လံာ်တၢ်ဟးထီၣ်ကွံာ် 2:23

အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်ယဃ့းစက့လး 34:18

သုဝဲတနီၤ, သုတသးမံလၢတၢ်အီၣ်ဘၣ်နီၣ်အဂ့ၤကတၢၢ် အဃိဘၣ်. သုယီၢ်တံၢ်လီၤဒၣ်လဲာ်တၢ်လၢသု အီၣ်တဖၣ်န့ၣ်လီၤ. သုအိထံအဆှံဒီးသုမၤဒုထီၣ်တၢ် လၢသုတအိအီၤန့ၣ်လီၤ.

လံာ်တၢ်ဂံၢ် 11:20

မ့မ့ၢ်ကမ့ၢ်လၢဒီလါညါအဂီၢ်တုၤအဟဲဖျိးထီၣ်လၢသုနၢ်ပူၤ, တုၤသုသးကလဲၤအီၤတစုန့ၣ်လီၤ. တၢ်အံၤကမၤအသးမ့ၢ်လၢသုညိကွံာ်ယွၤလၢအအိၣ်ဖဲအံၤလၢသု ကျါဒီးကဒူးကဒ့ၣ်တၢ်ဆူအအိၣ်လၢတကြၢးသုဟးထီၣ်ကွံာ်ဘၣ်နီ တစုလၢကီၢ်အဲၤကူပတူးအဂ့ၢ်အဃိန့ၣ်လီၤ.”

လံာ်တၢ်ဂံၢ် 11:4

ပှၤတခီဘီမုၢ်ဖိအိၣ်ဝဲတနီၤလၢအလဲၤဃုာ်တၢ်ဒီးပှၤအံၣ်စရ့ လးဖိတဖၣ်န့ၣ်လီၤ. အဝဲသ့ၣ်အသးအိၣ်အီၣ်ဘၣ်တၢ်ဖံးတၢ်ညၣ်ဒိၣ်ဒိၣ်ကလဲာ်ဒီးပှၤအံၣ် စရ့လးဖိတဖၣ်ဒၣ်လဲာ်စးထီၣ်ကဒူးကဒ့ၣ်ထီၣ်တၢ်ဒီးစံးဝဲဒၣ်, “မ့ၢ်မတၤကဒုးအီၣ်ပှၤလၢတၢ်ဖံးတၢ်ညၣ်လဲၣ်.

လံာ်တၢ်ဂံၢ် 11:5

လၢကီၢ်အဲၤကူပတူးအပူၤန့ၣ်ပအီၣ်ဘၣ်ညီနုၢ်ကယဲၢ်ညၣ်လၢပသး အိၣ်အီၣ်အီၤ, ဒီးအပှ့ၤအကလံၤတအိၣ်ဘၣ်. သ့ၣ်နီၣ်ထီၣ်ဒံသၣ်တဖၣ်, တဲာ်တီသၣ်တဖၣ်, ပကျၢတဖၣ်, ပသၢသၣ်ဂီၤတဖၣ်, ဒီးပသၢသၣ်ဝါတဖၣ်လၢအအိၣ်ဒီးပှၤတက့ၢ်.

လံာ်တၢ်ဂံၢ် 13:27

အဝဲသ့ၣ်စံးဘၣ်စီၤမိၤၡ့, “ပလဲၤဃုထံၣ်သ့ၣ်ညါတ့ၢ်ကီၢ်န့ၣ် ဒီးပထံၣ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲလီၤ. ဒီးအအံၤမ့ၢ်အတၤသူတၤသၣ်တနီၤန့ၣ်လီၤ.

လံာ်တၢ်ဂံၢ် 14:3

ဘၣ်မနုၤလၢယွၤဆှၢပှၤဆူကီၢ်အဝဲန့ၣ်အပူၤလဲၣ်. ပကဘၣ်တၢ်မၤသံပှၤလၢတၢ်ဒုးတၢ်ယၤအပူၤ, ဒီးပမါတဖၣ်ဒီးပဖိတဖၣ်ကဘၣ်တၢ်ဖီၣ်န့ၢ်အီၤလီၤ. တဂ့ၤဒိၣ်လၢပက့ၤကဒါက့ၤဆူကီၢ်အဲၤကူပတူးဘၣ်ဧါ.”

လံာ်တၢ်ဂံၢ် 16:12

အန့ၣ်ဝံၤဒီးစီၤမိၤၡ့မၤလိာ်စီၤဒၤသၣ်ဒီးစီၤအဘံရၣ်ဘၣ် ဆၣ်ဒီးအဝဲသ့ၣ်စံးဝဲဒၣ်, “ပတဟဲဘၣ်.

လံာ်လူၤကၣ် 19:14

တၢ်မၤအသးလၢ, အဝဲဒၣ်အထံဖိကီၢ်ဖိတဖၣ်သးဟ့အီၤ, သတးဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒ်သိးအကစံးဝဲ, ‘ပတအဲၣ်ဒိးလၢပှၤတဂၤအံၤကကဲပစီၤပၤဘၣ်’ န့ၣ်လီၤ.

မၤတၢ် 7:35

စီၤမိၤၡ့မ့ၢ်ပှၤတဂၤဃီလၢအဘၣ်တၢ်ညိကွံာ်အီၤလၢပှၤ အံၣ်စရ့လးဖိခီဖျိတၢ်ကတိၤလၢအစံးဝဲ, ‘မ့ၢ်မတၤတဂၤဟ့ၣ်စိဟ့ၣ်ကမီၤနၤလၢနကပၢဘၣ်ဒီးစံၣ်ညီၣ်ပဝဲ ဒၣ်အံၤန့ၣ်လဲၣ်’ လီၤ. အဝဲမ့ၢ်ပှၤတဂၤဃီလၢကစၢ်ယွၤမၢလီၤအီၤလၢအကပၢဘၣ်ပှၤဂီၢ် မုၢ်ဒီးမၤထူၣ်ဖျဲးထီၣ်အီၤခီဖျိကလူးလၢအလီၣ်ဖျါထီၣ်အသး လၢတပှီာ်လၢမ့ၣ်အူအီၣ်အီၤတလိၣ်အပူၤတဂၤအတၢ်မၤစၢၤအီၤန့ၣ် လီၤ.