လံာ်တၢ်ဂံၢ် 15:9 - Sgaw Karen Common Bible

⁹ ကိၣ်ကမူၣ်အဃၢလီၤတယၢၢ်သၢအ့စရိၣ်ဃါဃုာ်ဒီးသ့ၣ်စၤယံး အသိဖးဖီဟံၣ်ကဘၣ်တၢ်ဟ့ၣ်ထီၣ်စ့ၢ်ကီးအီၤဒ်တၢ်လုၢ်ဘုဧိၤဟုဧိၤ,

လံာ်တၢ်ဂံၢ် 15:9 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 21:23

စီၤအၤရနၤစံးဝဲ, “တၢ်ဒိၣ်ကစၢ်စီၤပၤဧၢ, ဟံးန့ၢ်အီၤဒီးမၤတၢ်လၢအဘၣ်နသးတမံၤလၢ်လၢ်န့ၣ်တက့ၢ်. ဖဲအံၤဂီၤဘုၣ်ဂီၤဖံးတဖၣ်အံၤအိၣ်ဝဲလၢတၢ်ကဆူးကဲၤအီၤဒ် တၢ်လုၢ်တၢ်ပာ်တမံၤလၢတၢ်လုၢ်လီၢ်အဖီခိၣ်, ဒီးအအံၤမ့ၢ်နီၣ်တီၢ်ဘုတဖၣ်လၢနကသူအီၤဒ်သ့ၣ်မုၣ်အသိး, ဒီးဘုကၠူၣ်တဖၣ်လၢနကဟ့ၣ်ထီၣ်အီၤဒ်တၢ်လုၢ်တၢ်ပာ်တမံၤအသိး အဂီၢ်န့ၣ်လီၤ. ယဟ့ၣ်လီၤနၤတၢ်တဖၣ်အံၤခဲလၢာ်လီၤ.”

လံာ်စီၤနဃ့မယၤ 10:33

လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ်ပူၤအဂီၢ်န့ၣ်, ပကဟ့ၣ်ကိၣ်စီဆှံတၢ်လုၢ်ဘုဧိၤဟုဧိၤကိးနံၤဒဲး, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤကိးနံၤဒဲးဒ်တၢ် လုၢ်တၢ်ပာ်တဖၣ်, တၢ်လုၢ်စီဆှံတဖၣ်လၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်, ဒီးမူးအဂၤတဖၣ်အဂီၢ်, တၢ်လုၢ်စီဆှံအဂၤတဖၣ်, တၢ်လုၢ်လၢကစိာ်ကွံာ်ပှၤအံၣ်စရ့လးဖိ တဖၣ်အတၢ်ဒဲးဘးအဂီၢ်ဒီးကယဲၢ်တၢ်လိၣ်အဂၤတဖၣ်လၢယွၤတၢ်လုၢ် ဟံၣ်အဂီၢ်န့ၣ်လီၤ.

လံာ်ယဃ့းစက့လး 42:13

ပှၤတဂၤန့ၣ်စံးဘၣ်ယၤ, တၢ်သူၣ်ထီၣ်ခံဖျၢၣ်လၢာ်အံၤန့ၣ်စီဆှံ ဝဲလီၤ. လၢတၢ်သူၣ်ထီၣ်တဖၣ်အံၤအပူၤန့ၣ်, ပှၤလုၢ်တၢ်အဒိၣ်တဖၣ်လၢအလဲၤနုာ်ဆူယွၤအိၣ်ဝဲဆိးဝဲအလီၢ်န့ၣ်, အိၣ်ဝဲတၢ်လုၢ်အစီဆှံကတၢၢ်တဖၣ်န့ၣ်လီၤ. မ့ၢ်လၢဒၢးတဖၣ်စီဆှံဝဲအဃိ, ပှၤလုၢ်တၢ်အခိၣ်တဖၣ်ကပာ်ထီၣ် တၢ်လုၢ်အစီဆှံကတၢၢ်တဖၣ်ဖဲန့ၣ်လၢအမ့ၢ်ဝဲတၢ်လုၢ်ဘုဧိၤ ဟုဧိၤတဖၣ်ဒီးတၢ်လုၢ်တၢ်ပာ်တဖၣ်လၢတၢ်ပျၢ်တၢ်ဒဲးဘးအဂီၢ်မ့ၢ်ဂ့ၤတၢ် လုၢ်တၢ်ပာ်တဖၣ်လၢတၢ်ပျၢ်တၢ်ကမၣ်အဂီၢ်မ့ၢ်ဂ့ၤဖဲန့ၣ်လီၤ.

လံာ်ယဃ့းစက့လး 46:11

ဒီးလၢတၢ်မၤဘူၣ်အမုၢ်နံၤတဖၣ်ဒီးဖဲမူးတဖၣ်အခါန့ၣ်တၢ်လုၢ် မၤဘူၣ်ဘုဧိဟုဧိၤကဘၣ်မ့ၢ်တအ့ဖးလၢဂီၤဖံးဖါတဒုစုာ်စုာ်မ့ၢ်ဂ့ၤ, သိဖါတဒုစုာ်စုာ်မ့ၢ်ဂ့ၤအဂီၢ်ဒီးလၢသိဖိတဒုအဂီၢ်န့ၣ်ကမ့ၢ် ဖဲပှၤဘူၣ်ထီၣ်ဘါထီၣ်တၢ်အဲၣ်ဒိးဟ့ၣ်ဝဲန့ၣ်လီၤ. သ့ၣ်စၤယံးအသိတအ့ဖးကဘၣ်တၢ်လုၢ် ထီၣ်အီၤဃုာ်ဒီးတၢ်လုၢ်မၤဘူၣ်ဘုဧိၤဟုဧိၤဒ်န့ၣ်အသိးတမံၤန့ၣ်လီၤ.

လံာ်ယဃ့းစက့လး 46:15

သိဖိ, ကိၣ်ကမူၣ်ဒီးသ့ၣ်စၤယံးအသိတဖၣ်န့ၣ်ကဘၣ်တၢ်လုၢ်ထီၣ် အီၤဆူယွၤအအိၣ်ကိးမုၢ်ဂီၤဒဲးလီၤထူလီၤယိာ်န့ၣ်လီၤ.”

လံာ်ယဃ့းစက့လး 46:5

ဃုာ်ဒီးသိဖါတဒုစုာ်စုာ်န့ၣ်, အဝဲကဘၣ်ဟဲစိာ်တၢ်လုၢ်မၤဘူၣ် တမံၤလၢအမ့ၢ်ဘုဧိၤဟုဧိၤတအ့ဖး, ဒီးဃုာ်ဒီးသိဖိတဒုစုာ်စုာ် န့ၣ်အဝဲကဘၣ်ဟဲစိာ်တၢ်တမံၤလၢ်လၢ်လၢအအဲၣ်ဒိးဟ့ၣ် ဝဲန့ၣ်လီၤ. လၢတၢ်လုၢ်မၤဘူၣ်ဘုဧိၤဟုဧိၤဒ်န့ၣ်အသိးတ ခါစုာ်စုာ်အဂီၢ်န့ၣ်အဝဲကဘၣ်ဟဲစိာ်သ့ၣ်စၤယံးအသိတအ့ဖးန့ၣ်လီၤ.

လံာ်ယဃ့းစက့လး 46:7

ဃုာ်ဒီးဂီၤဖံးဖါတဒုစုာ်စုာ်န့ၣ်, တၢ်လုၢ်မၤဘူၣ်ကဘၣ်မ့ၢ်ဝဲ ဘုဧိၤဟုဧိၤတအ့ဖး, ဒီးဃုာ်ဒီးသိဖိတဒုစုာ်စုာ်န့ၣ်, တၢ်လုၢ်မၤဘူၣ်ကဘၣ်မ့ၢ် တၢ်တမံၤလၢ်လၢ်လၢစီၤပၤဖိခွါအဲၣ်ဒိးဟ့ၣ်ဝဲန့ၣ်လီၤ. သ့ၣ်စၤယံး အသိတအ့ဖးန့ၣ်ကဘၣ်တၢ်မၤဘူၣ်အီၤဃုာ်ဒီးတၢ်လုၢ်မၤဘူၣ် ဘုဧိၤဟုဧိၤဒ်န့ၣ်အသိးတမံၤန့ၣ်လီၤ.

လံာ်ယိၤအ့လး 1:9

ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤလၢတၢ်လုၢ်ဟံၣ် အပူၤန့ၣ်ဘၣ်. ပှၤလုၢ်တၢ်အခိၣ်တဖၣ်သူၣ်အုးသးအုးဝဲဒၣ်လၢတအိၣ်ဘၣ်ဒီးတၢ် လုၢ်တၢ်ပာ်နီတမံၤလၢကလုၢ်ထီၣ်ဝဲလၢကစၢ်အဂီၢ်ဘၣ်အဃိလီၤ.

လံာ်ယိၤအ့လး 2:14

ဘၣ်သ့ၣ်သ့ၣ်ယွၤ, သုကစၢ်ယွၤကလဲလိာ်အတၢ်ပာ်လီၤသး ဒီးဆိၣ်ဂ့ၤသုလၢတၢ်မုၢ်တၢ်ဘိအါအါဂီၢ်ဂီၢ်န့ၣ်လီၤ. တုၤနုၤတစုသုလုၢ်ထီၣ်အီၤလၢဘုဧိၤဟုဧိၤဒီးစပံးထံကသ့ ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:10

ဒီးလၢဃိးသီတသီန့ၣ်ကဘၣ်ဟဲစိာ်ဝဲသိဖါခံဒုဒီးသိ အမိၢ်ဖိတဒုလၢအသးအိၣ်တနံၣ်လၢမဲၣ်သူမဲၣ်ဂီၤတအိၣ်ဘၣ်လၢအလိၤ, ဒီးကိၣ်ကမူၣ်အဃၢလီၤတယၢၢ်သၢအ့စရိၣ်လၢအဃါဃုာ်ဒီးသ့ၣ်စၤ ယံးအသိဒီးသိတလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:14

တၢ်သိၣ်တၢ်ဘျၢလီၤဆီဘၣ်ဃးတၢ်လုၢ်ဘုဧိၤဟုဧိၤန့ၣ်, မ့ၢ်ဒ်လၢလာ်အသိးလီၤ. ပှၤလုၢ်တၢ်အခိၣ်လၢအလီၤစၢၤလၢစီၤအၤ ဟရိၣ်န့ၣ်, ကလုၢ်ထီၣ်တၢ်လုၢ်ဘုဧိၤဟုဧိၤဆူ ယွၤအအိၣ်လၢတၢ်လုၢ်လီၢ်အမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:37

တၢ်တဖၣ်အံၤမ့ၢ်တၢ်သိၣ်တၢ်ဘျၢတဖၣ်လၢတၢ်လုၢ်မ့ၣ်အူတဖၣ်, တၢ်လုၢ်ဘုဧိၤဟုဧိၤတဖၣ်, တၢ်လုၢ်တၢ်ပျၢ်တၢ်ဒဲးဘးတဖၣ်, တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ်ကမၣ်တဖၣ်, တၢ်လုၢ်တၢ်ဖှူ လၢသိဒီးတၢ်လုၢ်မၤဃူမၤဖိးတဖၣ်အဂီၢ်န့ၣ်လီၤ.

လံာ်တၢ်ဂံၢ် 15:10

ဃုာ်ဒီးစပံးထံဖးဖီဟံၣ်စ့ၢ်ကီးန့ၣ်လီၤ. တၢ်လုၢ်တၢ်ပာ်တဖၣ်အံၤအတၢ်နၢမူန့ၣ်မ့ၢ်တၢ်ဘၣ်ယွၤအသးန့ၣ် လီၤ.

လံာ်တၢ်ဂံၢ် 15:8

ဖဲဂီၤဖံးဖါတဒုဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်မ့ၣ်အူ မ့တမ့ၢ်တၢ်လုၢ်တၢ်ပာ်တမံၤလၢတၢ်မၤလၢထီၣ်ပှဲၤထီၣ်တၢ်ဆိၣ် တမံၤအဂီၢ်မ့ၢ်ဂ့ၤ, ဒ်တၢ်လုၢ်မၤဃူမၤဖိးတမံၤအဂီၢ်န့ၣ်,

လံာ်တၢ်ဂံၢ် 28:12

ဒ်တၢ်လုၢ်ဘုဧိၤဟုဧိၤတမံၤအသိးန့ၣ်လုၢ်ထီၣ်ကိၣ်ကမူၣ် ဃါဃုာ်အသးဒီးသ့ၣ်စၤယံးအသိဃုာ်ဒီးကျီၢ်ဖါတဒုစုာ်စုာ်န့ၣ်, ကိၣ်ကမူၣ်အဃၢလီၤတယၢၢ်သၢအ့စရိၣ်, ဃုာ်ဒီးသိဖါတဒုစုာ်စုာ်န့ၣ်ကိၣ်ကမူၣ်အဃၢလီၤတယၢၢ်ခံအ့စရိၣ်,

လံာ်တၢ်ဂံၢ် 28:14

တၢ်လုၢ်စပံးထံအနီၣ်ထိၣ်နီၢ်နီၢ်မ့ၢ်ဝဲကျီၢ်ဖါတဒုစုာ်စုာ် ဃုာ်ဒီးစပံးထံတဟံၣ်ခံပူတပူ, သိဖါတဒုစုာ်စုာ်ဃုာ်ဒီးစပံးထံတဟံၣ်သၢပူတပူ, ဒီးသိဖါဖိတဒုစုာ်စုာ်ဃုာ်ဒီးစပံးထံတဟံၣ်လွံၢ်ပူတပူ န့ၣ်လီၤ. တၢ်သိၣ်တၢ်သီအံၤမ့ၢ်လၢတၢ်လုၢ်မ့ၣ် အူလၢလါကိးဘ့ၣ်ဒဲးအခီၣ်ထံးတသီလၢဒီတနံၣ်ညါ အတီၢ်ပူၤအဂီၢ်န့ၣ်လီၤ.

လံာ်တၢ်ဂံၢ် 29:6

လုၢ်ထီၣ်တၢ်သ့ၣ်တဖၣ်အံၤဒ်တၢ်လုၢ်အါထီၣ်ဃုာ်ဒီးတနံၤဘၣ်တနံၤ အတၢ်လုၢ်မ့ၣ်အူလၢလါတလါထီၣ်အခီၣ်ထံးကတၢၢ်တသီဃုာ်ဒီး အတၢ်လုၢ်ဘုဧိၤဟုဧိၤတဖၣ်ဒီးတၢ်လုၢ်စပံးထံတက့ၢ်. တၢ်လုၢ်တၢ်အီၣ်တၢ်အီတဖၣ်အံၤမ့ၢ်ဝဲတၢ်နၢမူတမံၤလၢ အဘၣ်ကစၢ်ယွၤအသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:24

ဖဲအဝဲထုးဖှၣ်အနုၢ်လၢအီၤဝံၤန့ၣ်, ပိာ်မုၣ်အံၤလဲၤစိာ်အီၤ ဆူဝ့ၢ်ၡံလိၤ, ဃုာ်ဒီးကျီၢ်ဖါအသးအိၣ်သၢနံၣ်တဒု, ကိၣ်ကမူၣ်သၢသလိးဒီးထၢၣ်တၢ်ဖံးပှဲၤဒီးစပံးထံတဖျၢၣ်န့ၣ်လီၤ. ပိာ်မုၣ်န့ၣ်လဲၤစိာ်စီၤၡမူၤအ့လးဖဲအမ့ၢ်ဒံးဖိသၣ်ဆံးအခါ န့ၣ်ဆူယွၤအဟံၣ်လၢဝ့ၢ်ၡံလိၤန့ၣ်လီၤ.