လံာ်တၢ်ဂံၢ် 15:4 - Sgaw Karen Common Bible

⁴ ပှၤတဂၤလၢ်လၢ်လၢအဟ့ၣ်ထီၣ်သိတဒုမ့ၢ်ဂ့ၤ, မဲာ်တဲးလဲးတဒုမ့ၢ် ဂ့ၤဒ်တၢ်လုၢ်မ့ၣ်အူတမံၤဆူယွၤအအိၣ်န့ၣ်ကဘၣ်ဟဲစိာ်ကိၣ်ကမူၣ် အဃၢလီၤတယၢၢ်တအ့စရိၣ်ဃါဃုာ်အသးဒီးသ့ၣ်စၤယံးအသိ တဟံၣ်လွံၢ်ပူတပူဃုာ်ဒီးဆၣ်ဖိကီၢ်ဖိတဒုစုာ်စုာ်, ဒ်တၢ်လုၢ်ဘု ဧိၤဟုဧိၤအသိး,

လံာ်တၢ်ဂံၢ် 15:4 Iomraidhean Croise

လံာ်စီၤဧ့စြၤ 7:17

နကဘၣ်သူကျိၣ်ဧိၤစ့ဧိၤအံၤလၢတၢ်ပလီၢ်ပဒီသးအပူၤဒီးပှ့ၤ ကျီၢ်ဖါတဖၣ်, သိဖါတဖၣ်, သိဖိတဖၣ်, ဘုဧိၤဟုဧိၤဒီးစပံးထံဒီးလုၢ် ထီၣ်အီၤလၢတၢ်လုၢ်လီၢ်အဖီခိၣ်လၢတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤန့ၣ်လီၤ.

လံာ်တၢ်ဟးထီၣ်ကွံာ် 29:40

ဃုာ်ဒီးသိဖိအခီၣ်ထံးတဒုန့ၣ်မၤဘူၣ်ဘုကၠူၣ်အကမူၣ်အဂ့ၤ ကတၢၢ်လၢအဃၢတအ့စရိးဃါဃုာ်အသးလၢသ့ၣ်စၤယံးအသိတဟံၣ်လွံၢ် ပူတပူတက့ၢ်. လူလီၤစပံးထံဟံၣ်လွံၢ်ပူတပူဒ်တၢ်မၤဘူၣ်တမံၤအသိးတက့ၢ်.

လံာ်ယၡါယၤ 66:20

အဝဲသ့ၣ်ကဟဲစိာ်ကဒါက့ၤသုထံဖိကီၢ်ဖိခဲလၢာ်လၢပှၤကလုာ် တဖၣ်အအိၣ်ဒ်အမ့ၢ်တၢ်ဟ့ၣ်တမံၤလၢယဂီၢ်အသိးန့ၣ်လီၤ. အဝဲသ့ၣ်ကဟဲစိာ်ပှၤတဖၣ်န့ၣ်ဆူယကစၢၢ်စီဆှံလၢဝ့ၢ်ယရူၤၡလ့ၣ် အပူၤလၢကသ့ၣ်တဖၣ်, ကသ့ၣ်လၤတဖၣ်ဒီးကီၤလၤအူးတဖၣ် အလိၤ, ဒီးလၢလ့ၣ်ကဟၣ်တဖၣ်ဒီးလ့ၣ်တဖၣ်အပူၤ, ဒ်ပှၤအံၣ်စရ့လးဖိတဖၣ်ဟဲစိာ်တၢ်မၤဘူၣ်ဘုဧိၤ ဟုဧိၤဆူတၢ်လုၢ်ဟံၣ်, လၢတလါဒၢဖးဒိၣ်တဖၣ်လၢ တၢ်မၤကဆှီတ့ၢ်လံအီၤအပူၤအသိးန့ၣ်လီၤ.

လံာ်ယဃ့းစက့လး 46:14

တၢ်လုၢ်မၤဘူၣ်တမံၤလၢအမ့ၢ်ကိၣ်ကမူၣ်တအ့ဖးဃုပူတပူကဘၣ် တၢ်မၤဘူၣ်စ့ၢ်ကီးအီၤကိးမုၢ်ဂီၤဒဲးဃုာ်ဒီးသ့ၣ်စၤယံးအသိတအ့ဖး သၢပူတပူလၢတၢ်ကဃါဃုာ်ဒီးကိၣ်ကမူၣ်အဂီၢ်န့ၣ်လီၤ. တၢ်သိၣ် တၢ်သီတဖၣ်လၢအဘၣ်ထွဲဒီးတၢ်လုၢ်မၤဘူၣ်ဆူယွၤအအိၣ်အံၤ မ့ၢ်တၢ်လၢကဘၣ်တၢ်မၤအီၤသပှၢ်ကတၢၢ်လီၤထူလီၤယိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:10

ဒီးလၢဃိးသီတသီန့ၣ်ကဘၣ်ဟဲစိာ်ဝဲသိဖါခံဒုဒီးသိ အမိၢ်ဖိတဒုလၢအသးအိၣ်တနံၣ်လၢမဲၣ်သူမဲၣ်ဂီၤတအိၣ်ဘၣ်လၢအလိၤ, ဒီးကိၣ်ကမူၣ်အဃၢလီၤတယၢၢ်သၢအ့စရိၣ်လၢအဃါဃုာ်ဒီးသ့ၣ်စၤ ယံးအသိဒီးသိတလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:1

ပှၤတဂၤလၢ်လၢ်မ့ၢ်လုၢ်ထီၣ်အဘုဧိၤဟုဧိၤဆူယွၤအအိၣ်န့ၣ်, ကဘၣ်ဂံာ်ကမူၣ်ဝဲလၢညါဒီးကဘၣ်လူလီၤသ့ၣ်စၤယံးအသိ ဒီးပာ်တၢ်နၢမူလၢအဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:15

ဒီးကဘၣ်လူလီၤသ့ၣ်စၤယံးအသိ, ဒီးပာ်တၢ်နၢမူလီၢ်ဘၣ်လၢအလိၤလီၤ. ဒီးတၢ်အံၤမ့ၢ်တၢ်လုၢ်မၤဘူၣ်ဘုဧိၤဟုဧိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:13

ဃုာ်ဒီးတၢ်န့ၣ်သုကဘၣ်လုၢ်ထီၣ်ကိၣ်ကမူၣ်အဃၢလီၤတယၢၢ် ခံအ့စရိၣ်ဃါဃုာ်ဒီးသ့ၣ်စၤယံးအသိးဒ်တၢ်လုၢ်တၢ်မၤဘူၣ်ကိၣ်တမံၤ, တၢ်နၢမူလၢအဘၣ်ယွၤအသးန့ၣ်လီၤ. သုကဘၣ်လုၢ်ထီၣ်ဃုာ်စပံးထံတဟံၣ်လွံၢ်ပူတပူန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:7

ဒီးပှၤတဂၤဂၤမ့ၢ်လုၢ်ထီၣ်အသိတဒုန့ၣ်,

လံာ်တၢ်ဘူၣ်ထီၣ်ဘါထီၣ် 6:14

တၢ်သိၣ်တၢ်ဘျၢလီၤဆီဘၣ်ဃးတၢ်လုၢ်ဘုဧိၤဟုဧိၤန့ၣ်, မ့ၢ်ဒ်လၢလာ်အသိးလီၤ. ပှၤလုၢ်တၢ်အခိၣ်လၢအလီၤစၢၤလၢစီၤအၤ ဟရိၣ်န့ၣ်, ကလုၢ်ထီၣ်တၢ်လုၢ်ဘုဧိၤဟုဧိၤဆူ ယွၤအအိၣ်လၢတၢ်လုၢ်လီၢ်အမဲာ်ညါန့ၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်တၢ်ဂံၢ် 28:12

ဒ်တၢ်လုၢ်ဘုဧိၤဟုဧိၤတမံၤအသိးန့ၣ်လုၢ်ထီၣ်ကိၣ်ကမူၣ် ဃါဃုာ်အသးဒီးသ့ၣ်စၤယံးအသိဃုာ်ဒီးကျီၢ်ဖါတဒုစုာ်စုာ်န့ၣ်, ကိၣ်ကမူၣ်အဃၢလီၤတယၢၢ်သၢအ့စရိၣ်, ဃုာ်ဒီးသိဖါတဒုစုာ်စုာ်န့ၣ်ကိၣ်ကမူၣ်အဃၢလီၤတယၢၢ်ခံအ့စရိၣ်,

လံာ်တၢ်ဂံၢ် 28:4

လုၢ်ထီၣ်သိအခီၣ်ထံးတဒုလၢမုၢ်ဂီၤဒီးခံဒုတဒုလၢမုၢ်ဟါ အကတီၢ်,

လံာ်တၢ်ဂံၢ် 29:6

လုၢ်ထီၣ်တၢ်သ့ၣ်တဖၣ်အံၤဒ်တၢ်လုၢ်အါထီၣ်ဃုာ်ဒီးတနံၤဘၣ်တနံၤ အတၢ်လုၢ်မ့ၣ်အူလၢလါတလါထီၣ်အခီၣ်ထံးကတၢၢ်တသီဃုာ်ဒီး အတၢ်လုၢ်ဘုဧိၤဟုဧိၤတဖၣ်ဒီးတၢ်လုၢ်စပံးထံတက့ၢ်. တၢ်လုၢ်တၢ်အီၣ်တၢ်အီတဖၣ်အံၤမ့ၢ်ဝဲတၢ်နၢမူတမံၤလၢ အဘၣ်ကစၢ်ယွၤအသးန့ၣ်လီၤ.

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

ဧ့ၤဘြံၤ 13:16

တဘၣ်သးပ့ၤနီၣ်မၤဂ့ၤတၢ်ဒီးဟ့ၣ်နီၤတၢ်ဒီးပှၤဂၤတဂ့ၤ. အဂ့ၢ်ဒ်အံၤတၢ်လုၢ်ဒ်န့ၣ်တဖၣ်န့ၣ်ဘၣ်ကစၢ်ယွၤအသး လီၤ.

လံာ်ပှၤစံၣ်ညီၣ်ကွီၢ် 9:9

ဒီးသ့ၣ်စၤယံးစံးဆၢဝဲဒၣ်, ဒ်သိးယကပၢသုအဂီၢ်န့ၣ်ယကဘၣ်ဆိ ကတီၢ်ယတၢ်ဟ့ၣ်ထီၣ်ယသိလၢ တၢ်သူအီၤလၢတၢ်မၤလၤကပီၤယွၤတဖၣ် ဒီးပှၤကညီတဖၣ်အဂီၢ်န့ၣ်လီၤ.