လံာ်တၢ်ဂံၢ် 15:30 - Sgaw Karen Common Bible

³⁰ ဘၣ်ဆၣ်ဒီးပှၤတဂၤလၢ်လၢ်လၢအမၤတၢ်ဒဲးဘးလၢတၢ်တိာ်သူၣ်ပာ်သး အပူၤန့ၣ်, အဝဲမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤ, အတၢ်ကမၣ်အိၣ်လၢအမၤတရီတပါယွၤသတးဒီးကဘၣ်တၢ်မၤသံကွံာ်အီၤ န့ၣ်လီၤ.

လံာ်တၢ်ဂံၢ် 15:30 Iomraidhean Croise

လံာ်တၢ်ကဲထီၣ်အခီၣ်ထံး 17:14

ပှၤပိာ်ခွါတဂၤလၢ်လၢ်လၢအတဒိးဘၣ်တၢ်ကူးတရံးန့ၣ်တဘၣ်တၢ်ပာ် အီၤလၢအမ့ၢ်ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ. အဂ့ၢ်ဒ်အံၤ, အဝဲတဟံးဃာ်တၢ်အၢၣ်လီၤအီလီၤဒီးယၤအဃိန့ၣ်လီၤ.”

လံာ်စီၤယိၤဘး 38:15

မုၢ်ဆါအတၢ်ကပီၤန့ၣ်ကပီၤဆူၣ်ကဲၣ်ဆိးလၢပှၤတတီတလိၤ အဂီၢ်ဒီးတြီဃာ်အဝဲသ့ၣ်လၢကမၤတၢ်စုဆူၣ်ခီၣ်တကးအတၢ် မၤန့ၣ်လီၤ.

စံးထီၣ်ပတြၢၤ 19:13

တြီဃာ်စ့ၢ်ကီးနခ့နပှၤလၢတၢ်ဒဲးဘးအဒူတက့ၢ်. မ်အသုတပၢယၤတဂ့ၤ, မ့မ့ၢ်ဒ်န့ၣ်ဒီး, တၢ်ပာ်တၢ်ကမၣ်လၢယလိၤအလီၢ်တအိၣ်ဘၣ်ဒီး ယကပူၤဖျဲးဒီးတၢ်ကမၣ်အဒိၣ်အယိာ်န့ၣ်လီၤ.

စံးထီၣ်ပတြၢၤ 69:9

အဂ့ၢ်ဒ်အံၤ, ယတၢ်သးဆူၣ်လၢနဟံၣ်အဂီၢ်န့ၣ် အီၣ်ကွံာ်ယၤဒ်မ့ၣ်အူအသိး ဒီးပှၤအတၢ်ဒုၣ်ဒွဲၣ်နၤန့ၣ် လီၤဘၣ်လၢယလိၤလီၤ.

စံးထီၣ်ပတြၢၤ 74:18

ကစၢ်ယွၤဧၢ, သ့ၣ်နီၣ်ထီၣ်က့ၤတၢ်အံၤ, လၢနဒုၣ်နဒါဒုၣ်ဒွဲၣ်နၤဒ်လဲၣ်, ဒီးပှၤဂီၢ်မုၢ်လၢအတစီတဆှံ မၤတရီတပါနမံၤဒ်လဲၣ်န့ၣ်တက့ၢ်.

စံးထီၣ်ပတြၢၤ 74:22

ကစၢ်ယွၤဧၢ, ထိၣ်ဂဲၤထီၣ်နသးဒီး ဒီဒၣ်နကွီၢ်န့ၣ်တက့ၢ်. သ့ၣ်နီၣ်ထီၣ်က့ၤပှၤလၢအတအိၣ်ဒီးယွၤ နံၤဘၣ်ဖၣ်လဲနၤဒီတနံၤညါန့ၣ်တက့ၢ်.

စံးထီၣ်ပတြၢၤ 79:12

ယွၤဧၢ, ပှၤလၢပဃၢၤ, ပှၤကတိၤဒုၣ်ဒွဲၣ်တၢ်သ့ၣ်တဖၣ်န့ၣ်ဟ့ၣ်ကၣ်အီၤနွံစးလၢ အသးနါပှၢ်အပူၤ, လၢအကတိၤဒုၣ်ဒွဲၣ်နၤအဃိန့ၣ်တက့ၢ်.

စံးထီၣ်ပတြၢၤ 89:51

ယွၤဧၢ, နဒုၣ်နဒါတဖၣ်ဒုၣ်ဒွဲၣ်စီၤပၤလၢနဃုထၢအီၤလီၤ. အဝဲသ့ၣ်ဒုၣ်ဒွဲၣ်အီၤဖဲ အလဲၤတၢ်တပူၤလၢ်လၢ်န့ၣ်လီၤ.

လံာ်တၢ်ဟးထီၣ်ကွံာ် 21:14

ဘၣ်ဆၣ်, ဖဲပှၤတဂၤအသးဒိၣ်ထီၣ်ဒီးမၤသံပှၤအဂၤတဂၤလၢတၢ်ကူၣ် ထီၣ်ဖးလီၤဆိပာ်ဝဲအပူၤန့ၣ်, အဝဲမ့ၢ်ဃ့ၢ်ဆူယတၢ်လုၢ်လီၢ်လၢတၢ်ပူၤဖျဲးအဂီၢ်ဒၣ်လဲာ်ကဘၣ်တၢ် မၤသံကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 30:33

ပှၤတဂၤလၢ်လၢ်လၢအမၤဒိးအီၤမ့ၢ်ဂ့ၤ, သူအီၤတနီၤနီၤလၢပှၤ လၢတမ့ၢ်ဘၣ်ပှၤလုၢ်တၢ်အခိၣ်အဖီခိၣ်မ့ၢ်ဂ့ၤဒီး, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤဂီၢ်မုၢ်အကျါဘၣ်န့ၣ်လီၤ.”

တၢ်ကတိၤဒိ. 14:31

နမ့ၢ်မၤအၢမၤနးပှၤဖှီၣ်ဖိယာ်ဖိန့ၣ်, နဒုၣ်ဒွဲၣ်ယွၤလၢအတ့ လီၤအီၤန့ၣ်လီၤ. မ့မ့ၢ်တၢ်ဒုးနဲၣ်တၢ်သးကညီၤဆူပှၤဖှီၣ်ဖိယာ်ဖိန့ၣ်, မ့ၢ်တၢ်ဘူၣ်ထီၣ်ဘါထီၣ်ယွၤအက့ၢ်အဂီၤတမံၤလီၤ.

လံာ်ယဃ့းစက့လး 20:27

ဒီးခဲကနံၣ်အံၤပှၤကညီလၢအသံသ့ဧၢ, တဲဘၣ်ပှၤအံၣ်စရ့လးဖိ တဖၣ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်အဝဲသ့ၣ်ဒ်အံၤတက့ၢ်. အအံၤမ့ၢ်ကျဲအဂၤတဘိလၢအဝဲသ့ၣ်အပၢ်တဖၣ်ဒုၣ်ဒွဲၣ်ယၤခီဖျိ အဝဲသ့ၣ်အတၢ်ကလုၢ်ကတိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:10

ဒီးပှၤလၢအအဲၣ်ဘၢအမါဒီးမံဃုာ်ဒီးပှၤလၢအဃၢၤအမါန့ၣ်, ကဘၣ်တၢ်မၤသံကွံာ်အီၤခံဂၤလိာ်လီၤ.

လံာ်တၢ်ဘူၣ်ထီၣ်ဘါထီၣ် 20:3

ကယဲၢ်ပှၤတဂၤလၢ်လၢ်လၢအဟ့ၣ်လီၤအဖိတဂၤဂၤဆူကစၢ်မိလးဒီးမၤ တကဆှီယလီၢ်စီဆှံဒီးမၤဘၣ်အၢယမံၤစီဆှံန့ၣ်ယ ကထီဒါအီၤဒီးကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤ ဂီၢ်မုၢ်အကျါလၢၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:6

ဒီးကယဲၢ်ပှၤတဂၤဂၤလၢအလဲၤဃ့တၢ်ဟ့ၣ်ကူၣ်ဟ့ၣ်ဖးလၢပှၤကတိၤ တၢ်ဒီးပှၤသံအကလၤတဖၣ်န့ၣ်ယကထီဒါအီၤဒီးယ တပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်.

လံာ်တၢ်ဂံၢ် 15:29

တၢ်သိၣ်တၢ်ဘျၢတမံၤဃီအံၤမ့ၢ်ဝဲလၢပှၤကိးဂၤဒဲးလၢအမၤဘၣ် တၢ်ဒဲးဘးတမံၤလၢတၢ်တပာ်သူၣ်ပာ်သးအပူၤအဂီၢ်ပှၤအံၣ်စရ့လး အထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိလၢအဟဲအိၣ်ဖဲထံကီၢ်အံၤအပူၤမ့ၢ်ဂ့ၤန့ၣ် လီၤ.

လံာ်တၢ်ဂံၢ် 9:13

ဘၣ်ဆၣ်ဒီးပှၤတဂၤလၢ်လၢ်လၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးတအိၣ်ယံၤဘၣ်လၢတၢ်လဲၤတၢ်က့ၤ အဃိဘၣ်ဒီးမ့ၢ်ပှၤလၢတတိၢ်န့ၢ်ဘၣ်ဘူၣ်လဲၤကပာ်န့ၣ်တဘၣ် တၢ်ပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်, မ့ၢ်လၢအဝဲတလုၢ်ထီၣ်ဘၣ်တၢ်လုၢ်မၤဘူၣ်ဆူယအိၣ်ဘၣ်ဖဲဆၢ ကတီၢ်လၢအဘၣ်တၢ်ပာ်လီၤအီၤဘၣ်အဃိန့ၣ်လီၤ. အဝဲကဘၣ်တူၢ်တၢ်ဒ်အကြၢးဝဲဘၣ်ဝဲဒီးအတၢ်ဒဲးဘးအသိးန့ၣ် လီၤ.

လံာ်မးသဲ 12:32

ပှၤတဂၤလၢ်လၢ်လၢအကတိၤထီဒါပှၤကညီဖိခွါန့ၣ်, ယွၤပျၢ်အတၢ်ကမၣ်သ့လီၤ. မ့မ့ၢ်ပှၤတဂၤလၢ်လၢ်လၢအကတိၤထီဒါကစၢ်ယွၤအသးစီဆှံန့ၣ်, အအံၤတဃၣ်မ့ၢ်ဂ့ၤ, ခဲကိာ်တဃၣ်မ့ၢ်ဂ့ၤ, ယွၤတပျၢ်အတၢ်ကမၣ်ဘၣ်.

လံာ်သိၣ်လီၤသီလီၤတၢ် 1:43

ယတဲဘၣ်တ့ၢ်သုတၢ်လၢယွၤစံးတ့ၢ်ဝဲတဖၣ်, ဘၣ်ဆၣ်ဒီးသုတပာ်ကဲ အီၤနီတစဲးဘၣ်. သုပူထီၣ်တၢ်ထီဒါယွၤ, ဒီးလၢသုတၢ်ပာ်ထီၣ်ထီသးအပူၤန့ၣ်သုလဲၤထီၣ်ဆူကီၢ်လၢအပှဲၤ ဒီးတၢ်လူၢ်တၢ်တြီၤအပူၤလၢသုကဒုးတၢ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:27

ဘၣ်ဆၣ်ယတပျဲဘၣ်အဝဲသ့ၣ်အဒုၣ်အဒါတဖၣ်ကကတိၤဒိၣ်ကတိၤသွါလီၤ အသးလၢအဝဲသ့ၣ်မၤနၢၤကွံာ်ယပှၤဂီၢ်မုၢ်အဃိ, ဖဲတၢ်န့ၣ်မ့ၢ်ဒၣ်ယကစၢ်ဒၣ်ယဲလၢအမၤလီၤကလဲကွံာ်အဝဲသ့ၣ်တခီလီၤ, အဃိန့ၣ်ဘၣ်.

ဧ့ၤဘြံၤ 10:26

အဂ့ၢ်ဒ်အံၤ, ပတူၢ်လိာ်ဒိးန့ၢ်တၢ်မ့ၢ်တၢ်တီဝံၤအလီၢ်ခံ, ပမ့ၢ်မၤတၢ်ဒဲးဘးလၢတၢ်လူၤဘၣ်ပသးအပူၤန့ၣ်, တၢ်လုၢ်လၢပတၢ်ဒဲးဘးအဂီၢ်တအိၣ်လၢၤဘၣ်.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

၂ ပ့းတရူး 2:10

လီၤဆီဒၣ်တၢ်ပှၤတဖၣ်လၢအပိာ်ထွဲအနီၢ်ခိအတၢ်သူၣ် ကတၢသးကတၢလၢအလီၤသးဘၣ်အၢတဖၣ်အခံ, ဒီးမၤတရီတပါယွၤအစိကမီၤန့ၣ်လီၤ. သရၣ်အဘျၣ်တဖၣ်အံၤမ့ၢ်ပှၤအဒူဒီးပာ်ကဖၢလၢအသး, ဒီးတဒုးနဲၣ်တၢ်ယူးယီၣ်တၢ်အစိအကမီၤလၢထးတဖၣ်ဘၣ်, မ့မ့ၢ်ကတိၤဒုၣ်ဒွဲၣ်အဝဲသ့ၣ်တခီန့ၣ်လီၤ.

၁ ယိၤဟၣ် 5:16

ပှၤတဂၤဂၤမ့ၢ်ထံၣ်အဒီပုၢ်ဝဲၢ်မၤတၢ်ဒဲးဘးလၢ အတမ့ၢ်ဘၣ်တၢ်ဒဲးဘးလၢအဆှၢပှၤဆူတၢ်သံန့ၣ်, အဝဲကြၢးဃ့တၢ်လၢကစၢ်ယွၤဒီးကစၢ်ယွၤ ကဟ့ၣ်ပှၤလၢအမၤတၢ်ဒဲးဘးန့ၣ်လၢတၢ်မူလီၤ. အဝဲအံၤဘၣ်ဃးဒၣ်ဒီးပှၤလၢအတၢ်ဒဲးဘးတမ့ၢ်ဘၣ် တၢ်ဒဲးဘးလၢအဆှၢပှၤဆူတၢ်သံတဖၣ်န့ၣ်လီၤ. ဘၣ်ဆၣ်ဒီးတၢ်ဒဲးဘးလၢအဆှၢပှၤဆူတၢ်သံန့ၣ်အိၣ် ဝဲဒၣ်, ဒီးယတစံးလၢသုကြၢးဃ့တၢ်လၢကစၢ်ယွၤ လၢတၢ်ဒဲးဘးဒ်သိးန့ၣ်တဖၣ်အဂီၢ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:25

ပှၤတဂၤမ့ၢ်မၤတၢ်ဒဲးဘးထီဒါပှၤအဂၤတဂၤဒီးကစၢ်ယွၤဒီဒၣ် အိၣ်ပှိၤအီၤသ့လီၤ. ဘၣ်ဆၣ်ဒီးမ့ၢ်မတၤတဂၤဒီဒၣ်အိၣ်ပှိၤပှၤတဂၤလၢအမၤတၢ်ဒဲးဘး ထီဒါယွၤကသ့ဝဲန့ၣ်လဲၣ်.” ဘၣ်ဆၣ်ဒီးအဝဲသ့ၣ်တဒိကနၣ်အပၢ်ဘၣ်. အဂ့ၢ်ဒ်အံၤ, ယွၤပာ်လီၤအသးလၢကမၤသံကွံာ်အဝဲသ့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:14

မၤသးဒ်န့ၣ်ဒီးယဘိးဘၣ်သ့ၣ်ညါတၢ်, ဆူစီၤဧ့လံၤအဟံၣ်ဖိဃီ ဖိလၢတၢ်လုၢ်တၢ်ပာ်မ့ၢ်ဂ့ၤ, တၢ်လုၢ်မၤဘူၣ်မ့ၢ်ဂ့ၤသုးကွံာ်တၢ်ဒဲးဘးလီၤပျံၤလီၤဖုး အံၤအဘူးအလဲတန့ၢ်ဘၣ်အဂ့ၢ်န့ၣ်လီၤ.”