လံာ်တၢ်ဂံၢ် 15:3 - Sgaw Karen Common Bible

³ ဂီၤဖံးဖါတဒု, သိဖါတဒု, သိတဒု, မ့တမ့ၢ်မဲာ်တဲးလဲးတ ဒုကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ်တၢ်လုၢ်တၢ်ပာ်တမံၤလၢတၢ်မၤ လၢထီၣ်ပှဲၤထီၣ်တၢ်ဆိၣ်တမံၤမ့ၢ်ဂ့ၤ, တၢ်သူၣ်အိၣ်သးအိၣ်အတၢ်ဟ့ၣ်တမံၤမ့ၢ်ဂ့ၤ, ဒ်တၢ်လုၢ်တၢ်ပာ်လၢသု ညီနုၢ်မၤအီၤဖဲတၢ်ဘူၣ်တၢ်ဘါအမူးတဖၣ်အကတီၢ်မ့ၢ်ဂ့ၤ အသိးန့ၣ်လီၤ. တၢ်အီၣ်အတၢ်လုၢ်တၢ်ပာ်တဖၣ်အံၤအတၢ်နၢမူန့ၣ် မ့ၢ်တၢ်လၢအဘၣ်ယွၤအသးန့ၣ်လီၤ.

လံာ်တၢ်ဂံၢ် 15:3 Iomraidhean Croise

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်စီၤဧ့စြၤ 7:17

နကဘၣ်သူကျိၣ်ဧိၤစ့ဧိၤအံၤလၢတၢ်ပလီၢ်ပဒီသးအပူၤဒီးပှ့ၤ ကျီၢ်ဖါတဖၣ်, သိဖါတဖၣ်, သိဖိတဖၣ်, ဘုဧိၤဟုဧိၤဒီးစပံးထံဒီးလုၢ် ထီၣ်အီၤလၢတၢ်လုၢ်လီၢ်အဖီခိၣ်လၢတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤန့ၣ်လီၤ.

စံးထီၣ်ပတြၢၤ 54:6

ယွၤဧၢ, ယကလုၢ်ထီၣ်နၤတၢ်လုၢ်လၢတၢ်သးခုအပူၤ, ယကစံးဘျုးနၤမ့ၢ်လၢနမ့ၢ်တၢ်ဂ့ၤအဃိလီၤ.

လံာ်တၢ်ဟးထီၣ်ကွံာ် 29:18

ဆူးကဲၤထီၣ်သိဖါဒီဒုန့ၣ်လၢတၢ်လုၢ်လီၢ်အဖီခိၣ်ဒ်တၢ်လုၢ် ထီၣ်ပာ်ထီၣ်တၢ်အိၣ်တမံၤအသိးတက့ၢ်. တၢ်လုၢ်မၤဘူၣ်အံၤအတၢ်နၢမူန့ၣ်မၤမုာ်ယသးလီၤ.

လံာ်တၢ်ဟးထီၣ်ကွံာ် 29:25

အန့ၣ်ဝံၤဒီးဟံးန့ၢ်တၢ်တဖၣ်အံၤလၢအဝဲသ့ၣ်အအိၣ်ဒီးဆူးကဲၤ ထီၣ်အီၤလၢတၢ်လုၢ်လီၢ်အဖီခိၣ်, ပာ်အီၤလၢတၢ်လုၢ်မ့ၣ်အူ ခဲလၢာ်အဖီခိၣ်ဒ်တၢ်လုၢ်တၢ်အီၣ်တမံၤလၢယဂီၢ်တက့ၢ်. တၢ်လုၢ်အံၤအတၢ်နၢမူမၤမုာ်ယသးလီၤ.

လံာ်တၢ်ဟးထီၣ်ကွံာ် 29:41

လုၢ်ထီၣ်ပာ်ထီၣ်သိဖိခံဒုတဒုန့ၣ်လၢမုၢ်ဟါခီဒီးမၤဘူၣ် ဃုာ်ကိၣ်ကမူၣ်, သ့ၣ်စၤယံးအသိဒီးစပံးထံပှဲၤသိးသိးလၢမုၢ်ဂီၤအကတီၢ်န့ၣ် တက့ၢ်. တၢ်အံၤမ့ၢ်တၢ်လုၢ်တၢ်အီၣ်တၢ်အီဆူယၤ, ယွၤအအိၣ်ဒီးတၢ်လုၢ်အတၢ်နၢမူန့ၣ်မၤမုာ်ယသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:13

အီၣ်အီၤလၢတၢ်လီၢ်စီဆှံအပူၤတက့ၢ်ဒီးတၢ်အံၤမ့ၢ်ဝဲတၢ်နီၤ ဖးလၢအဘၣ်ဃးဒီးနၤဒီးနဖိခွါတဖၣ်, လၢတၢ်လုၢ်မၤဘူၣ်ဆူယွၤအအိၣ်န့ၣ်လီၤ. တၢ်န့ၣ်မ့ၢ်ယွၤမၤလိာ်ယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:16

ဘၣ်ဆၣ်ဒီးပှၤတဂၤမ့ၢ်ဟဲစိာ်အတၢ်လုၢ်မၤဃူမၤဖိးလၢအက မၤလၢပှဲၤအတၢ်အၢၣ်လီၤအီလီၤတမံၤမ့ၢ်ဂ့ၤ, လၢအသးအိၣ်မၤဒၣ်ဝဲအဃိမ့ၢ်ဂ့ၤန့ၣ်, တဘၣ်အီၣ်လၢာ်ဝဲလၢတၢ် လုၢ်ထီၣ်အီၤအနံၤန့ၣ်ဘၣ်. မ့မ့ၢ်တၢ်အိၣ်လီၤတဲာ်န့ၣ်, အီၣ်ကဒီးဝဲလၢမုၢ်ဆ့ၣ်ထီၣ်တနံၤသ့စ့ၢ်ကီးန့ၣ်လီၤ.

လံာ်တၢ်ဂံၢ် 28:27

လုၢ်ထီၣ်တၢ်လုၢ်မ့ၣ်အူတခါ, ဒ်တၢ်နၢမူတမံၤလၢအမၤမုာ်ယွၤ အသးတက့ၢ်. ကျီၢ်ဖါသးစၢ်ခံဒု, သိဖါတဒုဒီး, သိဖါဖိအသးအိၣ်တနံၣ်နွံဒုလၢအပူၤဒီးတၢ်သံၣ်သူမီၣ်ကျာ် တဖၣ်ကိးဒုဒဲးန့ၣ်လီၤ.

လံာ်တၢ်ဂံၢ် 29:8

လုၢ်ထီၣ်တၢ်လုၢ်မ့ၣ်အူတမံၤဆူယွၤအအိၣ်, တၢ်နၢမူတမံၤလၢ အဘၣ်ယွၤအသးလၢအမ့ၢ်ကျီၢ်ဖါသးစၢ်တဒု, သိဖါတဒုဒီးသိဖါ ဖိအသးအိၣ်တနံၣ်န့ၣ်နွံဒုတက့ၢ်. ဒီးကဘၣ်ပူၤဖျဲးဒီးတၢ်လီၤတူာ်လီၤကာ်ခဲလၢာ်လီၤ.

လံာ်တၢ်ဂံၢ် 6:15

အဝဲကဘၣ်လုၢ်ထီၣ်စ့ၢ်ကီးကိၣ်ပှဲၤကုတဒုလၢတဘၣ်တၢ်မၤအီၤလၢ ကိၣ်မံၣ်, ကိၣ်အဖျၢၣ်ဖးဒိၣ်တဖၣ်လၢအဘၣ်တၢ်မၤအီၤလၢကိၣ်ကမူၣ်ဃါဃုာ် အသးဒီးသ့ၣ်စၤယံးအသိဒီးကိၣ်ဘ့ၣ်ဘၣ်ဘူတဖၣ်လၢ အဘၣ်တၢ်ဒွါအီၤလၢသ့ၣ်စၤယံးအသိ, ဒီးလၢန့ၣ်အမဲာ်ညါတၢ်လုၢ်ဘုဧိၤဟုဧိၤဒီးစပံးထံဒ်တၢ်မၤလိာ် အီၤအသိးန့ၣ်လီၤ.

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

၂ ကရံၣ်သူး 2:15

အဂ့ၢ်ဒ်အံၤ, ပလီၤဂာ်ဒီးတၢ်နၢမူနၢဆှီတမံၤလၢခရံာ်လုၢ်ထီၣ် ပာ်ထီၣ်ဝဲဆူကစၢ်ယွၤအအိၣ်, ဒီးရၤလီၤအသးဆူပှၤဒိးန့ၢ်တၢ်အုၣ်က့ၤခီၣ်က့ၤဒီးပှၤလီၤ မၢ်တဖၣ်အသိးအကျါလီၤ.

၂ ကရံၣ်သူး 2:16

လၢပှၤလီၤမၢ်တဖၣ်အဂီၢ်န့ၣ်, အဝဲအံၤမ့ၢ်တၢ်နၢအုၣ်နၢ ပူးလၢအဒုးအိၣ်ထီၣ်တၢ်သံတၢ်ပှၢ်, မ့မ့ၢ်လၢပှၤဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်, မ့ၢ်ဝဲတၢ်နၢမူနၢဆှီလၢအဟဲစိာ်တၢ်နၢမူလီၤ. မ့မ့ၢ်ဒ်န့ၣ်ဒီး, မ့ၢ်မတၤမၤတၢ်မၤဒ်သိးအံၤတမံၤသ့ဝဲတဂၤလဲၣ်.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:17

လၢတၢ်လီၢ်တဖၣ်ဖဲသုအိၣ်ဆိးန့ၣ်, သုတဘၣ်အီၣ်တၢ်လၢသုလုၢ်ထီၣ် အီၤဆူယွၤအအိၣ်နီတမံၤဘၣ်. သုဘုဧိၤဟုဧိၤအဆံဆဲၣ်ပူ တပူမ့ၢ်ဂ့ၤ, သုစပံးထံမ့ၢ်ဂ့ၤ, သုသ့ၣ်စၤယံးအသိမ့ၢ်ဂ့ၤ, သုဂီၤဘုၣ်ဂီၤဖံးဒီးသုသိအဝဲၢ်ကိမ့ၢ်ဂ့ၤ, သုတၢ်ဟ့ၣ်တဖၣ်လၢသု အၢၣ်လီၤဒီးယွၤမ့ၢ်ဂ့ၤ, သုတၢ်သူၣ်အိၣ်သးအိၣ်အတၢ်မၤဘူၣ်တဖၣ် မ့ၢ်ဂ့ၤ, ဒီးတၢ်လုၢ်အဂၤတဖၣ်မ့ၢ်ဂ့ၤ, သုတဘၣ်အီၣ်အီၤဘၣ်.

လံာ်သိၣ်လီၤသီလီၤတၢ် 12:6

ဒီးဖဲန့ၣ်သုကဘၣ်လုၢ်ထီၣ်တၢ်လုၢ်တၢ်ပာ်တဖၣ်လၢတၢ်ဆိၣ်ကဲၤထီၣ် အဂီၢ်ဒီးတၢ်လုၢ်တၢ်ပာ်အဂၤတဖၣ်ဒီးတၢ်မၤဘူၣ်တဖၣ်, သုတၢ်ဟ့ၣ်လၢသုအၢၣ်လီၤဒီးယွၤ, သုတၢ်သူၣ်အိၣ်သးအိၣ်အတၢ်မၤ ဘူၣ်တဖၣ်ဒီးသုဂီၤဘုၣ်ဂီၤဖံးဒီးသုသိအဝဲၢ်ကိတဖၣ်န့ၣ်လီၤ.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.