လံာ်တၢ်ဂံၢ် 15:24 - Sgaw Karen Common Bible

²⁴ လၢကမျၢၢ်ဒီဒူၣ်တပာ်သူၣ်ပာ်သးအဃိဒီး, တၢ်ကမူၤကမၣ်မ့ၢ်မၤဘၣ် ဖုးအသးန့ၣ်, အဝဲသ့ၣ်ကဘၣ်လုၢ်ထီၣ်ဂီၤဖံးဖါတဒုဒ်တၢ်လုၢ်မ့ၣ်အူလၢ အသိး, တၢ်နၢမူလၢအဘၣ်ယွၤအသး, ဃုာ်ဒီးတၢ်လုၢ်ဘုဧိၤဟုဧိၤဒီးတၢ်လုၢ်စပံးထံလီၤတံၢ်လီၤ ဆဲးန့ၣ်လီၤ. လၢန့ၣ်အမဲာ်ညါ, အဝဲသ့ၣ်ကဘၣ်လုၢ်စ့ၢ်ကီးမဲာ်တဲးလဲးဖါတဒုဒ် တၢ်လုၢ်တၢ်ပျၢ်တၢ်ဒဲးဘးအသိးန့ၣ်လီၤ.

လံာ်တၢ်ဂံၢ် 15:24 Iomraidhean Croise

လံာ်စီၤဧ့စြၤ 6:17

လၢတၢ်ပာ်စီဆှံအဂီၢ်န့ၣ်, အဝဲသ့ၣ်လုၢ်ထီၣ်ပာ်ထီၣ်ကျီၢ်ဖါဖိ တကယၤ, သိအဒု ခံကယၤဒီး, သိဖိအဒုလွံၢ်ကယၤ, ဒ်တၢ်လုၢ်တၢ်ပာ်တဖၣ်အသိး, ဒီးမဲာ်တဲးလဲးဖါတဆံခံဒု ဒ်တၢ်လုၢ်တၢ်ဒဲးဘးအသိး, တဒုလၢပှၤအံၣ်စရ့လးဖိတဒူၣ်စုာ် စုာ်အဂီၢ်န့ၣ်လီၤ.

လံာ်စီၤဧ့စြၤ 8:35

ကယဲၢ်ပှၤခဲလၢာ်လၢအဟဲက့ၤကဒါက့ၤလၢတၢ်စိာ်မၢကဲကုၢ်အလီၢ် န့ၣ်ဟဲစိာ်ဃီၤတၢ်မၤဘူၣ်တဖၣ်ဒ်တၢ်လုၢ်တၢ်ပာ်တဖၣ်လၢကဘၣ်တၢ် ဆိၣ်ကဲၤထီၣ်အီၤဆူပှၤအံၣ်စရ့လးဖိအကစၢ်ယွၤအအိၣ်န့ၣ်လီၤ. အဝဲသ့ၣ်မၤဘူၣ်လီၤဂီၤဖံးဖါတဆံခံဒုလၢပှၤအံၣ်စရ့လးဖိ ခဲလၢာ်အဂီၢ်, သိဖါခွံဆံဃုဒုဒီးသိဖိနွံဆံနွံဒု, ဒီးမဲာ်တဲးလဲးတဆံခံဒုစ့ၢ်ကီးလၢကမၤကဆှီထီၣ်က့ၤအသးလၢ တၢ်ဒဲးဘးအဂီၢ်န့ၣ်လီၤ. ကယဲၢ်ဆၣ်ဖိကီၢ်ဖိခဲလၢာ်အံၤဘၣ်တၢ်ဆိၣ်ကဲၤအီၤဒ်တၢ်လုၢ်တၢ် ပာ်တဖၣ်အသိးဆူယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:19

ဒီးသုကဘၣ်လုၢ်ထီၣ်မဲာ်တဲးလဲးဖါတဒုလၢတၢ်လုၢ်တၢ်ဒဲးဘး, ဒီးသိဖါတနံၣ်ဖိခံဒုလၢတၢ်လုၢ်တၢ်မၤဃူမၤဖိးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:22

ဒီးတုၤပှၤပၢတၢ်တဂၤမၤတၢ်ဒဲးဘးဒီးအတၢ်ကမၣ်အိၣ်ဝဲလၢအလဲၤ ကပာ်ဘၣ်တၢ်လၢယွၤမၤလိာ်အီၤမၤတဂ့ၤဒီးမၤတ့ၢ်ဝဲလၢတၢ်တတိာ်သူၣ်ပာ်သးအပူၤန့ၣ်,

လံာ်တၢ်ဘူၣ်ထီၣ်ဘါထီၣ် 4:23

တုၤအတၢ်ဒဲးဘးလၢအမၤတ့ၢ်ဝဲအံၤဘၣ်တၢ်ဒုးသ့ၣ်ညါက့ၤအီၤ ဒီးအဝဲကဘၣ်ဟဲစိာ်မဲာ်တဲးလဲးဖါလၢမဲၣ်သူမဲၣ်ဂီၤဒၣ်လဲာ် တအိၣ်ဘၣ်တဒု, ဒ်အတၢ်လုၢ်မၤဘူၣ်,

လံာ်တၢ်ဘူၣ်ထီၣ်ဘါထီၣ် 5:15

ပှၤတဂၤဂၤမ့ၢ်မၤဘၣ်တၢ်ဒဲးဘးလၢတၢ်တတိာ်သူၣ်ပာ်သးအပူၤခီ ဖျိတၢ်တဟ့ၣ်ဆၢက့ၤတၢ်လၢအစီဝဲဆှံဝဲလၢယွၤအမဲာ်ညါန့ၣ်, ကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢမဲၣ်သူ မဲၣ်ဂီၤတအိၣ်ဘၣ်ဒ်တၢ်ဟ့ၣ်ဆၢက့ၤအသိးလၢတၢ်လုၢ်တၢ်ပျၢ်တၢ်ကမၣ် ဆူယွၤအအိၣ်, ဒီးတၢ်ကပာ်အပှ့ၤအနီၣ်ထိၣ်အိၣ်ဝဲအသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ကမၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:18

ဒီးကဘၣ်ဟဲစိာ်ဝဲသိဖါတဒု မ့တမ့ၢ်မဲာ်တဲးလဲးဖါတဒုလၢမဲၣ်သူမဲၣ်ဂီၤတအိၣ်ဘၣ်, ဒ်တၢ်ဟ့ၣ်ဆၢက့ၤအသိးဆူပှၤလုၢ်တၢ်အခိၣ်အအိၣ်န့ၣ်လီၤ. ဒီးအပှ့ၤအနီၣ်ထိၣ်တၢ်ပာ်ကအီၤ ဒ်တၢ်လုၢ်တၢ်ပာ်အလုၢ်အပှ့ၤကဘၣ်အိၣ်ဝဲအသိးလၢတၢ်လုၢ်တၢ်ပျၢ်တၢ်ကမၣ် လၢအမၤဘၣ်ဝဲ လၢတၢ်တတိာ်သူၣ်ပာ်သးအပူၤအဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဂံၢ် 15:23

ဒီးပစံးဒၣ်ကလိာ်လၢခါဆူညါအပူၤကမျၢၢ်ဒီဒူၣ်လီၤတိၢ်လၢ ကမၤတၢ်ကိးမံၤဒဲးဒ်ယွၤမၤလိာ်တ့ၢ်တၢ်ခီဖျိစီၤမိၤၡ့န့ၣ်လီၤ.

လံာ်တၢ်ဂံၢ် 15:26

ကီၢ်အံၣ်စရ့လးအကမျၢၢ်ဒီဒူၣ်ဒီထၢဒီးပှၤတခီဘီမုၢ်ဖိတဖၣ် လၢအအိၣ်လၢအဝဲသ့ၣ်အကျါကဘၣ်တၢ်ပျၢ်ကွံာ်အီၤန့ၣ်လီၤ. အဂ့ၢ်ဒ်အံၤ, ပှၤကိးဂၤဒဲးန့ၣ်ဘၣ်တၢ်ဂံၢ်ဃုာ်အီၤလၢတၢ်ကမူၤ ကမၣ်အံၤအပူၤန့ၣ်လီၤ.

လံာ်တၢ်ဂံၢ် 28:15

ဒီးလၢတနံၤဘၣ်တနံၤအတၢ်လုၢ်မ့ၣ်အူဃုာ်ဒီးတၢ်လုၢ်စပံးထံ အမဲာ်ညါန့ၣ်, လုၢ်ထီၣ်မဲာ်တဲးလဲးဖါတဒုလၢတၢ်လုၢ်တၢ်ဒဲးဘး တမံၤအဂီၢ်တက့ၢ်.