လံာ်တၢ်ဂံၢ် 15:20 - Sgaw Karen Common Bible

²⁰ ဖဲသုစိၢ်ဘျဲးကိၣ်န့ၣ်ကိၣ်အဆိကတၢၢ်တလိၣ်လၢတၢ်မၤအီၤအဆိ ကတၢၢ်လၢဘုအသီန့ၣ်ကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ် တၢ်မၤဘူၣ်လီၤဆီတမံၤအသိးန့ၣ်လီၤ. တၢ်အံၤကဘၣ်တၢ်ဟ့ၣ်ထီၣ်အီၤလၢကျဲတဘိဃီဒ်သိးဒၣ်တၢ်မၤဘူၣ် လီၤဆီလၢသုဟ့ၣ်ထီၣ်အီၤလၢဘုဧိၤဟုဧိၤလၢသုယီၢ်လီၤအီၤ အသိးန့ၣ်လီၤ.

လံာ်တၢ်ဂံၢ် 15:20 Iomraidhean Croise

လံာ်စီၤနဃ့မယၤ 10:37

ကိၣ်လၢပမၤအီၤအဆိကတၢၢ်ခီဖျိဘုခ့လၢပကူးဘၣ်အီၤကိးနံၣ် ဒဲး, ဒီးပတၢ်မၤဘူၣ်အဂၤလၢအမ့ၢ်စပံးထံ, သ့ၣ်စၤယံးအသိ, ဒီးကယဲၢ်သ့ၣ်သၣ်အကလုာ်ကလုာ်န့ၣ်, ပကလဲၤစိာ်အီၤဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ် အပူၤန့ၣ်လီၤ. တၢ်မုၢ်တၢ်ဘိလၢပသူၣ်အီၤလၢပဟီၣ်ခိၣ်အပူၤဆံဆဲၣ်ပူတပူ တဖၣ်န့ၣ်, ပကလဲၤစိာ်အီၤဆူပှၤလ့ၤဝံဖိတဖၣ်လၢအထၢဖှိၣ်တၢ်ဆံ ဆဲၣ်ပူတပူတဖၣ်လၢပဒူသဝီတဖၣ်အစံာ်ပျီပူၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 23:19

တၤသၣ်ဆိလၢသုကူးက့ၤအီၤန့ၣ်, ဟဲစိာ်အီၤဆူယွၤ, သုကစၢ်ယွၤအဟံၣ်ကိးနံၣ်ဒဲးတက့ၢ်. ဖီသိဖိအစၢ်မ့ၢ်ဂ့ၤမဲာ်တဲးလဲးဖိမ့ၢ်ဂ့ၤလၢအမိၢ်အနုၢ်ထံ အပူၤတဂ့ၤ.

လံာ်တၢ်ဟးထီၣ်ကွံာ် 34:26

ဟဲစိာ်ထီၣ်တၤသၣ်ဆိလၢသုကူးအီၤန့ၣ်ဆူယွၤအဟံၣ်, ကိးနံၣ်ဒဲးတက့ၢ်. သိဖိမ့ၢ်ဂ့ၤမဲာ်တဲးလဲးဖိမ့ၢ်ဂ့ၤဖဲအအီအမိၢ်အနုၢ်ထံအကတီၢ်န့ၣ်ဖီအီၣ်အညၣ်တဂ့ၤ.”

လံာ်ယဃ့းစက့လး 44:30

ပှၤလုၢ်တၢ်အခိၣ်တဖၣ်ကဘၣ်မၤန့ၢ်တၢ်အဂ့ၤကတၢၢ်လၢတၤသၣ်ဆိ တဖၣ်ဒီးတၢ်ခဲလၢာ်လၢတၢ်လုၢ်ထီၣ်ယၤအကျါန့ၣ်လီၤ. တဘျီလၢ်လၢ်ဖဲပှၤဂီၢ်မုၢ်ကုၢ်ကိၣ်န့ၣ်အဝဲသ့ၣ်ကဘၣ်ဟ့ၣ် ကိၣ်အဆိကတၢၢ်တဖျၢၣ်ဆူပှၤလုၢ်တၢ် အခိၣ်တဖၣ်အအိၣ်ဒ်တၢ်လုၢ်တၢ်ပာ်တမံၤ အသိးဒီးယတၢ်ဆိၣ်ဂ့ၤကလီၤဘၣ်လၢအဝဲ သ့ၣ်အဟံၣ်တဖၣ်အလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:12

ဒီးတၤသၣ်ဆိအတၢ်လုၢ်မၤဘူၣ်တဖၣ်န့ၣ်တၢ်ဟဲစိာ်အီၤဆူယွၤအအိၣ်သ့လီၤ. ဘၣ်ဆၣ်ဒီးတၢ်တဘၣ်ဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်ဘၣ်.

လံာ်တၢ်ဘူၣ်ထီၣ်ဘါထီၣ် 2:14

ဒီးပှၤမ့ၢ်ဟဲစိာ်တၤသၣ်ဆိအတၢ်လုၢ်မၤဘူၣ်ဆူယွၤအအိၣ်န့ၣ် ကဘၣ်ဟဲစိာ်ဘုဆိလၢအဘၣ်တၢ်ဝဲာ်မံအီၤမ့တမ့ၢ်ဘၣ်တၢ်တိၢ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:20

ပှၤလုၢ်တၢ်အခိၣ်ကဘၣ်လုၢ်ထီၣ်ကိၣ်ဃုာ်ဒီး သိဖိခံဒုဒ်တၢ်လုၢ်လီၤဆီဆူယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်န့ၣ်လီၤ. တၢ်လုၢ်တဖၣ်အံၤစီဆှံဝဲလီၤ.

လံာ်တၢ်ဂံၢ် 15:21

တၢ်ဟ့ၣ်လီၤဆီအံၤကဘၣ်တၢ်ဟ့ၣ်အီၤဆူယွၤအအိၣ်လၢကိၣ်လၢသု ကုၢ်အီၤအစိၤစိၤအဃၣ်ဃၣ်န့ၣ်လီၤ.

လံာ်တၢ်ဂံၢ် 18:12

ကယဲၢ်တၤသၣ်ဆိအဂ့ၤကတၢၢ်လၢပှၤအံၣ်စရ့လးဖိတဖၣ်ဟ့ၣ်ထီၣ်ယၤ ကိးနံၣ်ဒဲးလၢအမ့ၢ်သ့ၣ်စၤယံးအသိ, စပံးထံ, ဒီးဘုဧိၤဟုဧိၤတဖၣ်န့ၣ်ယဟ့ၣ်နၤလီၤ.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

ရိမ့ၤ 11:16

ကိၣ်ကမူၣ်ကျဲအသးဒီးထံအဆိကတၢၢ်တစှီၤမ့ၢ်ဘၣ်တၢ်လုၢ် ထီၣ်အီၤဆူကစၢ်ယွၤအအိၣ်ဒီး, ကိၣ်ဒီလိၣ်မ့ၢ်အတၢ်စ့ၢ်ကီး လီၤ. ဒီးသ့ၣ်တထူၣ်အဂံၢ်တဖၣ်မ့ၢ်ဘၣ်တၢ်ဟ့ၣ်လီၤကစၢ်ယွၤဒီး, သ့ၣ်အဒ့တဖၣ်မ့ၢ်အတၢ်စ့ၢ်ကီးန့ၣ်လီၤ.

1 ကရံၣ်သူး 15:20

ဘၣ်ဆၣ်ဒီး, တၢ်မ့ၢ်တၢ်တီန့ၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ် သမူထီၣ်တ့ၢ်လံအီၤဒ်အမ့ၢ်တၢ်အုၣ်ခီၣ်အသးလၢပှၤမံလၢတၢ်သံ အပူၤတဖၣ်ကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤစ့ၢ်ကီး န့ၣ်လီၤ.

လံာ်သိၣ်လီၤသီလီၤတၢ် 14:22

ပာ်လီၤဆီတၢ်ဆံဆဲၣ်ပူတပူလၢကယဲၢ်တၢ်လၢသုစံာ်ဧိၤပှဲၤဧိၤ ဟ့ၣ်ထီၣ်ဝဲကိးနံၣ်ဒဲးအပူၤတက့ၢ်.

လံာ်သိၣ်လီၤသီလီၤတၢ် 14:23

အန့ၣ်ဝံၤဒီးလဲၤဆူတၢ်လီၢ်တတီၤဖဲယွၤသုကစၢ်ယွၤဃုထၢအီၤ လၢတၢ်ကဘူၣ်ထီၣ်ဘါထီၣ်အီၤအဂီၢ်ဒီးဖဲန့ၣ်လၢယွၤအမဲာ်ညါန့ၣ် အီၣ်သုတၢ်ဆံဆဲၣ်ပူတပူဘၣ်ဃးဒီးဘုဧိၤဟုဧိၤသုစပံးထံ ဒီးသုသ့ၣ်စၤယံးအသိ, သုဂီၤဘုၣ်ဂီၤဖံးဒီးသုသိအဝဲၢ်ကိန့ၣ်တက့ၢ်. မၤတၢ်အံၤဒ်သိးဒီးသုကမၤလိန့ၢ်တၢ်အိၣ်ဒီး တၢ်ယူးယီၣ်ပာ်ကဲယွၤသုကစၢ်ယွၤထီဘိတထံၣ်ဃီန့ၣ်တက့ၢ်.

လံာ်သိၣ်လီၤသီလီၤတၢ် 16:13

တုၤသုယီၢ်သုဘုဧိၤဟုဧိၤခဲလၢာ်ဒီးသုစံၢ်လီၤသုစပံးသၣ် တဖၣ်ဝံၤခဲလၢာ်န့ၣ်မၤဘူၣ်ဒဲလၢနွံသီအတီၢ်ပူၤတက့ၢ်.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.