လံာ်တၢ်ဂံၢ် 15:15 - Sgaw Karen Common Bible

¹⁵ တၢ်သိၣ်တၢ်ဘျၢတဖၣ်တမံၤဃီအံၤမ့ၢ်တၢ်ဂၢၢ်ဂၢၢ်ကျၢၤကျၢၤလၢသု ဂီၢ်အစိၤစိၤအဃၣ်ဃၣ်ဒီးလၢပှၤတခီဘီမုၢ်ဖိလၢအအိၣ်လၢသု ကျါအဂီၢ်စ့ၢ်ကီးန့ၣ်လီၤ. သုဝဲဒီးအဝဲသ့ၣ်မ့ၢ်တၢ်ဒ်သိးသိးလၢယွၤအမဲာ်ညါန့ၣ်လီၤ.

လံာ်တၢ်ဂံၢ် 15:15 Iomraidhean Croise

လံာ်နီၢ်အ့ၤစတၢ် 9:27

ပှၤယူဒၤဖိတဖၣ်ဒုးကဲထီၣ်အီၤဒ်တၢ်သိၣ်တၢ်သီတမံၤလၢအဂီၢ်, အစၢၤအသွဲၣ်တဖၣ်အဂီၢ်, ဒီးပှၤတဂၤလၢ်လၢ်လၢအကကဲထီၣ်ပှၤ ယူဒၤဖိအဂီၢ်လၢအကတိၢ်န့ၢ်မုၢ်နံၤခံနံၤန့ၣ်လၢအဆၢကတီၢ် ဒၣ်ဝဲဒ်စီၤမၢ်ဒကဲၤအတၢ်ပိာ်လီၤနဲၣ်လီၤအသိးကိးနံၣ်ဒဲးဘၣ်ဆၢဘၣ် ကတီၢ်န့ၣ်လီၤ.

လံာ်တၢ်ဟးထီၣ်ကွံာ် 12:14

သုကဘၣ်မၤလၤကပီၤမုၢ်နံၤအံၤဒ်တၢ်ဘူၣ်တၢ်ဘါအဘူၣ်တဘူၣ်ဒ်သိး ကဒုးသ့ၣ်နီၣ်ထီၣ်က့ၤသုတၢ်လၢယၤ, ယွၤမၤတ့ၢ်အီၤန့ၣ်လီၤ. မၤလၤကပီၤအီၤလၢဆၢကတီၢ်လၢအကဟဲထီဘိတက့ၢ်.”

လံာ်တၢ်ဟးထီၣ်ကွံာ် 12:24

သုဝဲဒီးသုဖိသုလံၤတဖၣ်ကဘၣ်တိၢ်န့ၢ်တၢ်သိၣ်တၢ်ဘျၢတဖၣ်အံၤ လီၤထူလီၤယိာ်လီၤ.

လံာ်တၢ်ဟးထီၣ်ကွံာ် 12:43

ဒီးယွၤစံးဘၣ်စီၤမိၤၡ့ဒီးစီၤအၤဟရိၣ်, “တၢ်တဖၣ်အံၤမ့ၢ်ဘူၣ်လဲၤကပာ်အကတၢ်သိၣ်တၢ်ဘျၢတဖၣ်လီၤ. ပှၤတခီဘီမုၢ်ဖိတဘၣ်အီၣ်ဘူၣ်လဲၤကပာ်အတၢ်အီၣ်နီတဂၤဘၣ်.

လံာ်တၢ်ဟးထီၣ်ကွံာ် 12:49

တၢ်သိၣ်တၢ်ဘျၢတဖၣ်အံၤဘၣ်ထွဲဒီးပှၤအံၣ်စရ့လးဖိလၢအအိၣ် ဖျဲၣ်လၢကီၢ်ပူၤမ့ၢ်ဂ့ၤပှၤတခီဘီမုၢ်ဖိလၢအအိၣ်အဆိးလၢသုကျါမ့ၢ်ဂ့ၤဒ်သိးသိးန့ၣ်လီၤ.”

လံာ်တၢ်ဟးထီၣ်ကွံာ် 28:43

စီၤအၤဟရိၣ်ဒီးအဖိခွါတဖၣ်ကဘၣ်သိးအီၤတဘိယူၢ်ဃီဖဲ အလဲၤနုာ်ဆူယအိၣ်ယဆိးအဒဲစီဆှံအပူၤအခါမ့ၢ်ဂ့ၤ, ဖဲအသုးဘူးဃီၤအသးဆူတၢ်လုၢ်လီၢ်လၢအကမၤတၢ်ဒ်ပှၤလုၢ်တၢ် အခိၣ်ဖဲတၢ်အလီၢ်စီဆှံအပူၤအခါမ့ၢ်ဂ့ၤဒ်သိးအသု တဘၣ်တၢ်မၤသံအီၤလၢအတၢ်မဲာ်ဆှးအိၣ်ဖျါအဃိတဂ့ၤန့ၣ်လီၤ. တၢ်အံၤမ့ၢ်တၢ်သိၣ်တၢ်သီအဂၢၢ်အကျၢၤတမံၤလၢစီၤအၤဟရိၣ်ဒီး အစၢၤအသွဲၣ်တဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:22

ဒီးတၢ်သိၣ်တၢ်ဘျၢအံၤမ့ၢ်လၢပှၤအံၣ်စရ့လးဖိတဖၣ်အဂီၢ်ဒီးပှၤ တခီဘီမုၢ်ဖိတဖၣ်အဂီၢ်န့ၣ်လီၤ. အဂ့ၢ်ဒ်အံၤ, ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.”

လံာ်တၢ်ဂံၢ် 10:8

ကွဲၤတဖၣ်န့ၣ်ကဘၣ်တၢ်အူထီၣ်အီၤလၢစီၤအၤဟရိၣ်အဖိခွါတဖၣ်လၢ အမ့ၢ်ပှၤလုၢ်တၢ်အခိၣ်တဖၣ်န့ၣ်လီၤ. တၢ်သိၣ်တၢ်ဘျၢလၢလာ်တဖၣ်အံၤကဘၣ်တၢ်မၤထွဲအီၤအစိၤစိၤအဃၣ် ဃၣ်န့ၣ်လီၤ.

လံာ်တၢ်ဂံၢ် 15:14

ဒီးတဘျီလၢ်လၢ်ဖဲပှၤတခီဘီမုၢ်ဖိတဂၤလၢသုကျါလၢအအိၣ် တစိၢ်တလီၢ်မ့ၢ်ဂ့ၤအိၣ်ဂၢၢ်အိၣ်ကျၢၤမ့ၢ်ဂ့ၤမၤတၢ်လုၢ်မၤဘူၣ် တၢ်အီၣ်တၢ်အီလၢအတၢ်နၢမူမ့ၢ်တၢ်ဘၣ်ယွၤအသးတမံၤန့ၣ်, အဝဲကဘၣ်တိၢ်န့ၣ်တၢ်သိၣ်တၢ်ဘျၢတမံၤဃီန့ၣ်လီၤ.

လံာ်တၢ်ဂံၢ် 15:29

တၢ်သိၣ်တၢ်ဘျၢတမံၤဃီအံၤမ့ၢ်ဝဲလၢပှၤကိးဂၤဒဲးလၢအမၤဘၣ် တၢ်ဒဲးဘးတမံၤလၢတၢ်တပာ်သူၣ်ပာ်သးအပူၤအဂီၢ်ပှၤအံၣ်စရ့လး အထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိလၢအဟဲအိၣ်ဖဲထံကီၢ်အံၤအပူၤမ့ၢ်ဂ့ၤန့ၣ် လီၤ.

လံာ်တၢ်ဂံၢ် 18:8

ယွၤစံးဘၣ်စီၤအၤဟရိၣ်, “သ့ၣ်နီၣ်ထီၣ်လၢယဟ့ၣ်တ့ၢ်နၤတၢ် ဟ့ၣ်မၤဘူၣ်လီၤဆီခဲလၢာ်လၢအဘၣ်တၢ်လုၢ်ထီၣ်ပာ်ထီၣ်ဆူ ယအိၣ်, တၢ်လၢအတဘၣ်တၢ်ဆိၣ်ကဲၤထီၣ်အီၤဒ်တၢ်လုၢ်တၢ်ပာ် တဖၣ်အသိးန့ၣ်တက့ၢ်. ယဟ့ၣ်အီၤဆူနၤဒီးနစၢၤနသွဲၣ်တဖၣ်ဒ်တၢ်နီၤဖးလၢသုကဒိးန့ၢ် အီၤလီၤထူလီၤယိာ်န့ၣ်လီၤ.

လံာ်တၢ်ဂံၢ် 9:14

ပှၤတခီဘီမုၢ်ဖိတဂၤလၢအအိၣ်လၢသုကျါမ့ၢ်သးအိၣ်မၤဘူၣ်လဲၤ ကပာ်န့ၣ်, အဝဲကဘၣ်မၤအီၤဒ်တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢ တဖၣ်အိၣ်ဝဲအသိးန့ၣ်လီၤ. ယူဒၤအတၢ်သိၣ်တၢ်သီတမံၤဃီအံၤဘၣ်ထွဲဒီးပှၤကိးဂၤဒဲးလၢ အမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤန့ၣ်လီၤ.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

ကလီးစဲ 3:11

လၢတၢ်အိၣ်မူအသီအံၤအပူၤန့ၣ်, တၢ်ပာ်တၢ်အဒူၣ်အဆၢဒ် ပှၤကလုာ်အဂၤ, ဒီးပှၤယူဒၤဖိ, ပှၤဒိးတၢ်ကူးတရံးဒီးပှၤတဒိးဘၣ် တၢ်ကူးတရံး, ပှၤတခီထံတခီကီၢ်, ပှၤရၢၢ်ပှၤစၢၢ်, ပှၤကုၢ်ဖိဒီးပှၤသဘျ့ဖိတဖၣ်အိၣ်တသ့လၢၤဘၣ်. အဂ့ၢ်ဒ်အံၤ, ခရံာ်မ့ၢ်တၢ်ခဲလၢာ်ဒီးအိၣ်ဝဲဆိးဝဲလၢပှၤခဲလၢာ်အပူၤလီၤ.

လံာ်စီၤယိၤၡူ 8:33

ပှၤအံၣ်စရ့လးဖိတဖၣ်, ဃုာ်ဒီးအခိၣ်အနၢ်တဖၣ်, အသုးခိၣ်သုးနၢ်တဖၣ်, ဒီးစံၣ်ညီၣ်ကွီၢ်တဖၣ်, ဃုာ်ဒီးပှၤတခီဘီမုၢ်ဖိလၢအကျါတဖၣ်, ဆၢထၢၣ်လၢယွၤအတၢ်အၢၣ်လီၤအီလီၤအတလါအကပၤခံကပၤလိာ်ဒီး ကွၢ်ဃီၤတၢ်ဆူပှၤလ့ၤဝံဖိပှၤလုၢ်တၢ်အခိၣ်တဖၣ်လၢအစိာ်တလါ အအိၣ်န့ၣ်လီၤ. ပှၤတဝာ်ဆၢထၢၣ်ဝဲဒီးဒီအချၢဆူကစၢၢ်ကရံးစံၣ်ဒီး အဂၤတဝာ်ဒီအချၢဆူကစၢၢ်ဧ့ၤဘါလးန့ၣ်လီၤ. ယွၤအခ့အပှၤစီၤမိၤၡ့မၤလိာ်တ့ၢ်အဝဲသ့ၣ်လၢကမၤတၢ်အံၤဖဲ တၢ်ဆၢကတီၢ်တုၤဃီၤဝဲလၢအဝဲသ့ၣ်ကဒိးန့ၢ်ဘၣ်တၢ်ဆိၣ်ဂ့ၤအဂီၢ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:25

စီၤဒၤဝံးဒုးကဲထီၣ်တၢ်အံၤလၢတၢ်သိၣ်တၢ်ဘျၢတခါ, ဒီးတၢ်န့ၣ်ဘၣ်တၢ်မၤထွဲအီၤလၢကီၢ်အံၣ်စရ့လးအပူၤ စးထီၣ်ဖဲတနံၤန့ၣ်လံၤလံၤလီၤ.