လံာ်တၢ်ဂံၢ် 14:8 - Sgaw Karen Common Bible

⁸ ယွၤမ့ၢ်ဘၣ်အသးလၢပှၤဒီးအဝဲကဆှၢပှၤဆူန့ၣ်, ဒီးဟ့ၣ်ပှၤလၢကီၢ်အထူးအတီၤဒီးကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ န့ၣ်လီၤ.

လံာ်တၢ်ဂံၢ် 14:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:20

အဝဲမၤစၢၤယၤလၢယကပူၤဖျဲးထီၣ်လၢတၢ်လီၤပျံၤလီၤဘၣ်ယိၣ် အပူၤန့ၣ်လီၤ. အဝဲအုၣ်က့ၤခီၣ်က့ၤယၤမ့ၢ်လၢအဝဲဘၣ်သူၣ်ဘၣ်သးယၤအဃိ န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:9

စံးထီၣ်ပတြၢၤယွၤ, နကစၢ်ယွၤတက့ၢ်. အဝဲဒုးနဲၣ်တ့ၢ်လၢအဘၣ်သူၣ်ဘၣ်သးနၤထဲလဲၣ်ခီဖျိဒုးကဲနၤ လၢကီၢ်အံၣ်စရ့လးအစီၤပၤန့ၣ်လီၤ. မ့ၢ်လၢအဝဲအတၢ်အဲၣ်ကီၢ်အံၣ်စရ့လးမ့ၢ်တၢ်အထူအယိာ်အဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိးနပၢၤဃာ်တၢ်သိၣ်တၢ် သီဒီးတၢ်စံၣ်ညီၣ်တီကသ့ဝဲအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:32

တုၤတၢ်ဆၢကတီၢ်လၢစီၤပၤဖးဒိၣ်သူၣ်လီၤကဒါက့ၤန့ၢ်သုအိၣ် သုဆိးအလီၢ်လၢထံကီၢ်တဘ့ၣ်လၢအလီၤဂာ်ဒီးသုကီၢ်ဒၣ်သု ဝဲအပူၤ, တၢ်လီၢ်ဖဲစပံးလီၢ်တဖၣ်ဟ့ၣ်ထီၣ်စပံးထံ, ဒီးဖဲန့ၣ်ဘုဧိၤဟုဧိၤအိၣ်ဝဲလၢတၢ်ကမၤကိၣ်အဂီၢ်န့ၣ်လီၤ. မ့ၢ်ကီၢ်တဘ့ၣ်လၢအပှဲၤဒီး, သ့ၣ်စၤယံး, သ့ၣ်စၤယံးအသိဒီးကနဲ စီန့ၣ်လီၤ. သုမ့ၢ်မၤတၢ်ဒ်အဝဲမၤလိာ်ဝဲန့ၣ်, သုတသံဘၣ်ဒီးသုကမူလီၤ. ပျဲစီၤဃံးစကံယၤမၤပျုၢ်သုဒီးဒုးဆိကမိၣ်သုလၢယွၤကမၤ ပူၤဖျဲးသုန့ၣ်တဂ့ၤ.

စံးထီၣ်ပတြၢၤ 22:8

အဝဲသ့ၣ်စံးဝဲ, “နသန့ၤနသးလၢယွၤလီၤ. ဘၣ်မနုၤလၢအဝဲတမၤပူၤဖျဲးနၤလဲၣ်. ယွၤမ့ၢ်ဘၣ်သူၣ်ဘၣ်သးလၢနၤဒီး ဘၣ်မနုၤလၢအဝဲတမၤစၢၤနၤန့ၣ်လဲၣ်.”

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်ယၡါယၤ 62:4

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

လံာ်ယံးရမံယၤ 32:41

ယကသးခုသးမုာ်လၢ ယမၤတၢ်မၤဂ့ၤတဖၣ်လၢ အဝဲသ့ၣ်အဂီၢ်, ဒီးယကဒုးအိၣ်ဂၢၢ်ဆိးကျၢၤ အဝဲသ့ၣ်လၢထံကီၢ်အံၤအပူၤလၢ ယသးဒီဖျၢၣ်ဒီး ယသးတုၤအလၢာ်န့ၣ်လီၤ.

လံာ်စဖါနယၤ 3:17

ယွၤ, နကစၢ်ယွၤန့ၣ်အိၣ်ဒီးနၤလီၤ. အစိအကမီၤဟ့ၣ်နၤတၢ်မၤနၢၤလီၤ. ယွၤကသးခုလၢနဃိ ဒီးလၢအတၢ်အဲၣ်အဝဲကဟ့ၣ်နၤတၢ်အိၣ်မူအသီလီၤ. အဝဲကသးဝံၣ်တၢ်ဒီးသူၣ်ဖှံနသးညီလၢနဃိ,

လံာ်တၢ်ဂံၢ် 13:27

အဝဲသ့ၣ်စံးဘၣ်စီၤမိၤၡ့, “ပလဲၤဃုထံၣ်သ့ၣ်ညါတ့ၢ်ကီၢ်န့ၣ် ဒီးပထံၣ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲလီၤ. ဒီးအအံၤမ့ၢ်အတၤသူတၤသၣ်တနီၤန့ၣ်လီၤ.

လံာ်တၢ်ဂံၢ် 16:14

နတလဲၤဆှၢဘၣ်ပှၤဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်အိၣ်ဝဲအပူၤ နီၢ်နီၢ်ဘၣ်. ဒီးနတဟ့ၣ်ပှၤစံာ်ပျီတဖၣ်ဒီးစပံးသၣ်အလီၢ်တဖၣ်ဒ်ပတၢ်န့ၢ်သါ အသိးဘၣ်. ဒီးခဲအံၤနကျဲးစၢးလၢနကလီန့ၢ်ပှၤလီၤ. ပတဟဲဘၣ်.”

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

လံာ်သိၣ်လီၤသီလီၤတၢ် 10:15

မ့မ့ၢ်ယွၤအတၢ်အဲၣ်လၢသုမိၢ်ပၢ်ဖံဖုလၢပျၢၤတဖၣ်အဂီၢ်န့ၣ်, ဆူၣ်ဝဲဒိၣ်မးတုၤဒၣ်လဲာ်, အဝဲဒၣ်ဃုထၢသု, လၢပှၤဂီၢ်မုၢ်အဂုၤအဂၤတဖၣ်အလီၢ်န့ၣ်လီၤ. ဒီးသုမ့ၢ်ဒံးဒၣ်အဝဲအပှၤဂီၢ်မုၢ်လၢအဃုထၢဝဲန့ၣ်လီၤ.

လံာ်စီၤယိၤၡူ 14:12

လၢတၢ်န့ၣ်အဃိ, အခဲအံၤဟ့ၣ်လီၤယၤလၢကစၢၢ်န့ၣ်လၢယွၤအၢၣ်လီၤတ့ၢ်ယၤတနံၤဃီ ဖဲယၤဒီးယပှၤတဖၣ်ပပာ်ဖျါက့ၤတၢ်ဂ့ၢ်န့ၣ်တက့ၢ်. ပစံးဘၣ်တ့ၢ်သုလၢပှၤ အနီၢ်ဒိၣ်လၢအဘၣ်တၢ်ကိးအီၤလၢပှၤဧနးဖိတဖၣ်အိၣ် ဖဲန့ၣ်လၢဝ့ၢ်တဖၣ်လၢအအိၣ်ဒီးအခိၣ်ဒူဖးဒိၣ်အပူၤန့ၣ်လီၤ. ယွၤမ့ၢ်အိၣ်ဒီးယၤဒီးယကဟီထီၣ်ကွံာ်အဝဲသ့ၣ်ဒ်ယွၤစံးဘၣ်တ့ၢ်အသိးန့ၣ်လီၤ.”