လံာ်တၢ်ဂံၢ် 14:44 - Sgaw Karen Common Bible

⁴⁴ အန့ၣ်ဒၣ်လဲာ်, အဝဲသ့ၣ်လိာ်ဒူအသးလၢကလဲၤထီၣ်ဆူကီၢ်လၢတၢ်လူၢ် ဒီခိၣ်, ဖဲယွၤအတၢ်အၢၣ်လီၤအီလီၤအတလါမ့ၢ်ဂ့ၤစီၤမိၤၡ့မ့ၢ်ဂ့ၤ တဟးထီၣ်ဒၣ်လဲာ်လၢသူၣ်ဒဲလီၢ်ပူၤဘၣ်အခါန့ၣ်လီၤ.

လံာ်တၢ်ဂံၢ် 14:44 Iomraidhean Croise

လံာ်တၢ်ဂံၢ် 10:33

ဖဲပှၤဂီၢ်မုၢ်ဟးထီၣ်ကွံာ်လၢစံၤနါကစၢၢ်စီဆှံန့ၣ်, အဝဲသ့ၣ်လဲၤတၢ်သၢသီလီၤ. ယွၤအတၢ်အၢၣ်လီၤအီလီၤအတလါစီဆှံလဲၤတၢ်လၢအဝဲသ့ၣ်အမဲာ်ညါ တဘိယူၢ်ဃီဒ်သိးကဃုန့ၢ်တၢ်လီၢ်တတီၤလၢအဝဲသ့ၣ်ကသူၣ်အဒဲအဂီၢ် န့ၣ်လီၤ.

လံာ်တၢ်ဂံၢ် 14:43

ဖဲသုကွၢ်ဆၢၣ်မဲာ်ပှၤဧၤမလ့းဖိဒီးပှၤကနၤဧၣ်ဖိတဖၣ်န့ၣ်သု ကသံလၢတၢ်ဒုးအပူၤလီၤ. ယွၤတအိၣ်ဘၣ်ဒီးသုဘၣ်. အဂ့ၢ်ဒ်အံၤ, မ့ၢ်လၢသုဂ့ၢ်လိာ်လၢသုကပိာ်အခံအဃိန့ၣ်လီၤ.”

လံာ်တၢ်ဂံၢ် 15:30

ဘၣ်ဆၣ်ဒီးပှၤတဂၤလၢ်လၢ်လၢအမၤတၢ်ဒဲးဘးလၢတၢ်တိာ်သူၣ်ပာ်သး အပူၤန့ၣ်, အဝဲမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤ, အတၢ်ကမၣ်အိၣ်လၢအမၤတရီတပါယွၤသတးဒီးကဘၣ်တၢ်မၤသံကွံာ်အီၤ န့ၣ်လီၤ.

လံာ်တၢ်ဂံၢ် 31:6

စီၤမိၤၡ့ဆှၢလီၤအဝဲသ့ၣ်ဆူတၢ်ဒုးတၢ်ယၤအပူၤလၢပှၤလုၢ်တၢ် အခိၣ်စီၤအလၤဧစၢ်အဖိခွါစီၤဖံၤနဃၣ်အတၢ်ပၢတၢ်ဆှၢအဖီလာ်, ပှၤတဂၤလၢအကွၢ်ထွဲတၢ်စီဆှံအပီးအလီတဖၣ်ဒီးကွဲၤတဖၣ်လၢ ကဟ့ၣ်ထီၣ်တၢ်ပနီၣ်တဖၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 1:43

ယတဲဘၣ်တ့ၢ်သုတၢ်လၢယွၤစံးတ့ၢ်ဝဲတဖၣ်, ဘၣ်ဆၣ်ဒီးသုတပာ်ကဲ အီၤနီတစဲးဘၣ်. သုပူထီၣ်တၢ်ထီဒါယွၤ, ဒီးလၢသုတၢ်ပာ်ထီၣ်ထီသးအပူၤန့ၣ်သုလဲၤထီၣ်ဆူကီၢ်လၢအပှဲၤ ဒီးတၢ်လူၢ်တၢ်တြီၤအပူၤလၢသုကဒုးတၢ်အဂီၢ်န့ၣ်လီၤ.