လံာ်တၢ်ဂံၢ် 14:40 - Sgaw Karen Common Bible

⁴⁰ လၢမုၢ်ဆ့ၣ်ထီၣ်တနံၤဂီၤဂီၤန့ၣ်အဝဲသ့ၣ်စးထီၣ်ဟးထီၣ်လၢက လဲၤနုာ်ဒုးကီၢ်လၢတၢ်လူၢ်ဒီခိၣ်ဒီးစံးဝဲဒၣ်, “ခဲအံၤပအိၣ်ကတဲာ်ကတီၤပသးလၢပကလဲၤဆူတၢ်လီၢ်လၢယွၤစံး ဘၣ်တ့ၢ်ပှၤလၢအဂ့ၢ်န့ၣ်လီၤ. ပအၢၣ်လီၤလၢပမၤတ့ၢ်တၢ်ဒဲးဘးလီၤ.”

လံာ်တၢ်ဂံၢ် 14:40 Iomraidhean Croise

လံာ်ပှၤစံၣ်တဲၤတဲလီၤတၢ် 9:3

ဘူၣ်တီၢ်တမံၤဃီတုၤအိၣ်ပှၤခဲလၢာ်, ဒီးတၢ်အံၤကမၣ်ဒၣ်ဒ်တၢ် တမံၤဂ့ၤတမံၤဂ့ၤလၢအမၤသးလၢဟီၣ်ခိၣ်ချၢအံၤန့ၣ်လီၤ. ဖဲပှၤကညီအိၣ်မူဒံးအကတီၢ်န့ၣ်, အသးပှဲၤဒီးတၢ်အၢဒီးတၢ်သူၣ် တထံသးတဆးဒီးသတူၢ်ကလာ်အဝဲသ့ၣ်သံဝဲလီၤ.

လံာ်တၢ်ဂံၢ် 15:30

ဘၣ်ဆၣ်ဒီးပှၤတဂၤလၢ်လၢ်လၢအမၤတၢ်ဒဲးဘးလၢတၢ်တိာ်သူၣ်ပာ်သး အပူၤန့ၣ်, အဝဲမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤ, အတၢ်ကမၣ်အိၣ်လၢအမၤတရီတပါယွၤသတးဒီးကဘၣ်တၢ်မၤသံကွံာ်အီၤ န့ၣ်လီၤ.

လံာ်တၢ်ဂံၢ် 22:34

စီးဘံးလၣ်စံးဆၢဝဲ, “ယမၤတၢ်ဒဲးဘးလံ. ယတသ့ၣ်ညါယဲလၢနဆၢထၢၣ်လၢကျဲပူၤဒ်သိးနကတြီယၤအဂီၢ်န့ၣ် ဘၣ်. ဘၣ်ဆၣ်ဒီး, ခဲအံၤ, နမ့ၢ်ဆိကမိၣ်လၢယကလဲၤဆူညါအဂီၢ်န့ၣ်ကမၣ် လၢယဂီၢ်ဒီး, ယကက့ၤကဒါက့ၤဆူဟံၣ်လီၤ.”

လံာ်လူၤကၣ် 13:25

တုၤဟံၣ်ကစၢ်ဂဲၤဆၢထၢၣ်ဒီးကးတံာ်တြဲၤလံန့ၣ်, သုကအိၣ်ဆၢထၢၣ်လၢတၢ်ချၢ, ဒီးဖဲသုဒိတကျိာ်တြဲၤဒီးစံးသုဝဲ, ‘ကစၢ်ဧၢ, အိးထီၣ်တြဲၤလၢပဂီၢ်တက့ၢ်.’ န့ၣ်, အဝဲဒၣ်ကစံးဆၢသု, ‘သုဟဲဖဲလဲၣ်န့ၣ်ယတသ့ၣ်ညါယဲဘၣ်.’

လံာ်သိၣ်လီၤသီလီၤတၢ် 1:41

သုစံးဆၢက့ၤလၢ, စီၤမိၤၡ့ဧၢ, ပမၤတ့ၢ်တၢ်ဒဲးဘးထီဒါယွၤ န့ၣ်လီၤ. ဘၣ်ဆၣ်ဒီးခဲကနံၣ်ပကလဲၤထီၣ်ဒုးတၢ်, ဒ်ယွၤ, ပကစၢ်ယွၤမၤလိာ်တ့ၢ်ပှၤအသိးန့ၣ်လီၤ. အန့ၣ်တစု, ပှၤတဂၤစုာ်စုာ်ကတဲာ်ကတီၤထီၣ်အသးလၢကလဲၤထီၣ်ဒုးတၢ် အဂီၢ်, မ့ၢ်လၢသုဆိကမိၣ်လၢတၢ်လဲၤထီၣ်ဒုးကီၢ်တဘ့ၣ်လၢအပှဲၤဒီးတၢ်လူၢ်တၢ်တြီၤန့ၣ်, ကမ့ၢ်တၢ်လၢအညီအဃိန့ၣ်လီၤ.

လံာ်သိၣ်လီၤသီလီၤတၢ် 1:43

ယတဲဘၣ်တ့ၢ်သုတၢ်လၢယွၤစံးတ့ၢ်ဝဲတဖၣ်, ဘၣ်ဆၣ်ဒီးသုတပာ်ကဲ အီၤနီတစဲးဘၣ်. သုပူထီၣ်တၢ်ထီဒါယွၤ, ဒီးလၢသုတၢ်ပာ်ထီၣ်ထီသးအပူၤန့ၣ်သုလဲၤထီၣ်ဆူကီၢ်လၢအပှဲၤ ဒီးတၢ်လူၢ်တၢ်တြီၤအပူၤလၢသုကဒုးတၢ်အဂီၢ်န့ၣ်လီၤ.