လံာ်တၢ်ဂံၢ် 14:35 - Sgaw Karen Common Bible

³⁵ ယဆိၣ်တၢ်လၢယကမၤတၢ်အံၤဆူသျုဝဲပှၤတတီတလိၤတဖၣ်, ပှၤလၢအပာ်ဖှိၣ်ထီၣ်အသးထီဒါယၤအဂီၢ်န့ၣ်လီၤ. လၢပှၢ်မုၢ်ကနၢအံၤအပူၤသုဝဲကိးဂၤဒဲးကသံဝဲလီၤ. ယၤ, ယွၤကတိၤလံတၢ်လံ.”

လံာ်တၢ်ဂံၢ် 14:35 Iomraidhean Croise

စံးထီၣ်ပတြၢၤ 78:33

မၤသးဒ်န့ၣ်ဒီး, အဝဲမၤလၢာ်ကွံာ်အဝဲသ့ၣ်အမုၢ်နံၤတဖၣ် လၢတၢ်ကလီကလီအပူၤ, ဒီးအနံၣ်အလါတဖၣ်လၢတၢ်ကိၢ်တၢ်ဂီၤအပူၤလီၤ.

လံာ်တၢ်ဟးထီၣ်ကွံာ် 23:21

ဒိကနၣ်အီၤဒီးစူၢ်အကလုၢ်တက့ၢ်. ပူထီၣ်တၢ်ထီဒါအီၤတဂ့ၤ. အဂ့ၢ်ဒ်အံၤ, ယဆှၢလီၤအီၤဒီးတၢ်ပူထီၣ်ဒ်န့ၣ်အသိးန့ၣ်တမ့ၢ်အဝဲကဝံသးစူၤဘၣ်လီၤ.

လံာ်ယဃ့းစက့လး 20:36

ခဲကနံၣ်အံၤယကစံၣ်ညီၣ်ဃၣ်သု, ဒ်သိးဒၣ်ယစံၣ်ညီၣ်ဃၣ်တ့ၢ် သုပၢ်တဖၣ်လၢကစၢၢ်စံၤနါအပှၢ်မုၢ်ကနၢပူၤအသိးန့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်စံးတၢ်န့ၣ်လီၤ.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်တၢ်ဂံၢ် 26:65

ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.

1 ကရံၣ်သူး 10:11

တၢ်သ့ၣ်တဖၣ်အံၤခဲလၢာ်မၤအသးဒီးအဝဲသ့ၣ်ဒ်သိးအကကဲ ထီၣ်တၢ်အဒိအတဲာ်လၢပှၤဂၤတဖၣ်အဂီၢ်ဒီးဘၣ်တၢ်ကွဲးနီၣ် ကွဲးဃါအီၤဒ်သိးအကကဲထီၣ်တၢ်ဟ့ၣ်ပလီၢ်လၢပဂီၢ်လီၤ. အဂ့ၢ်ဒ်အံၤ, ပအိၣ်မူပဝဲဖဲဆၢကတီၢ်လၢတၢ်အကတၢၢ်ဘူး ကတုၤအိၣ်ပှၤလံန့ၣ်လီၤ.

1 ကရံၣ်သူး 10:5

ဘၣ်ဆၣ်ဒီးအန့ၣ်ဒၣ်လဲာ်, ကစၢ်ယွၤတဘၣ်သူၣ်ဘၣ်သးအဝဲသ့ၣ်အါဒၣ်တၢ်တက့ၢ်, ဒီးလၢတၢ်န့ၣ်အဃိ, အဝဲသ့ၣ်အစိၣ်တဖၣ်အိၣ်ပြံပြါလၢပှၢ်မုၢ် ကနၢအပူၤလီၤ.

ဧ့ၤဘြံၤ 3:19

လၢတၢ်န့ၣ်အဃိပထံၣ်ဘၣ်လၢအဝဲသ့ၣ်လဲၤနုာ်ဆူကီၢ်ပူၤ တသ့ဘၣ်, မ့ၢ်လၢအတၢ်တစူၢ်တနာ်အဃိလီၤ.

လံာ်စီၤယိၤၡူ 5:6

အဂ့ၢ်မ့ၢ်လၢ, အံၣ်စရ့လးဖိတဖၣ်လဲၤတၢ်အနံၣ်လွံၢ်ဆံ လၢပှၢ်မုၢ်ကနၢအပူၤ တုၤလၢပှၤသုးဖိလၢအဟးထီၣ်လၢကီၢ်အဲၤကူပတူးသံကွံာ်ဝဲခဲလၢာ်မ့ၢ်လၢအဝဲသ့ၣ်တစူၢ်ဘၣ်ကစၢ်အကလုၢ်အဃိန့ၣ်လီၤ. ယွၤဆိၣ်လီၤအသးလၢအတပျဲအဝဲသ့ၣ်ကထံၣ်ဘၣ်ကီၢ်တဘ့ၣ်လၢအယွၤဝဲ ဒီးတၢ်နုၢ်ထံဒီးကနဲစီလၢယွၤဆိၣ်လီၤတ့ၢ်အသး လၢအကဟ့ၣ်အဝဲသ့ၣ်အမိၢ်ပၢ်ဖံဖုလၢပျၢၤန့ၣ်ဘၣ်.