လံာ်တၢ်ဂံၢ် 14:31 - Sgaw Karen Common Bible

³¹ သုစံးလၢသုဖိတဖၣ်ကဘၣ်တၢ်ဖီၣ်န့ၢ်အီၤလီၤ. ဘၣ်ဆၣ်ဒီးယကလဲၤကိးအီၤဆူကီၢ်လၢသုဂ့ၢ်လိာ်ကွံာ်အီၤန့ၣ် အပူၤဒီးတၢ်န့ၣ်ကမ့ၢ်အဝဲသ့ၣ်အဟံၣ်အဃီန့ၣ်လီၤ.

လံာ်တၢ်ဂံၢ် 14:31 Iomraidhean Croise

လံာ်တၢ်ကဲထီၣ်အခီၣ်ထံး 25:34

တုၤနုၤတစု, စီၤယၤကိာ်ဟ့ၣ်အီၤကိၣ်ဒီးသဘ့ကသူထံတနီၤလီၤ. စီၤဧ့ၡီၤအီၣ်တၢ်အီတၢ်ဝံၤဒီးဂဲၤဆၢထၢၣ်ဟးထီၣ်ကွံာ်ဝဲလီၤ. တၢ်န့ၣ်မ့ၢ်စီၤဧ့ၡီၤပာ်ကဲဖိဝဲၢ်ကိတၢ်န့ၢ်သါအတၢ်ဆိၣ်ဂ့ၤ ထဲလဲၣ်အဂ့ၢ်လီၤ.

လံာ်စီၤနဃ့မယၤ 9:24

အဝဲသ့ၣ်မၤနၢၤကွံာ်ကီၢ်ကနၤဧၣ်ဒီးနမၤနၢၤကွံာ် ပှၤအိၣ်ဖဲန့ၣ်တဖၣ်န့ၣ်လီၤ. နဟ့ၣ်နပှၤဂီၢ်မုၢ်လၢတၢ်စိတၢ်ကမီၤလၢကမၤ ကီၢ်ကနၤဧၣ်အပှၤဂီၢ်မုၢ်ဒီးအစီၤပၤတဖၣ် ဒ်အသးဒၣ်ဝဲအသိးန့ၣ်လီၤ.

စံးထီၣ်ပတြၢၤ 106:24

အန့ၣ်ဝံၤဒီး, အဝဲသ့ၣ်ညိကွံာ်ထံမုာ်ကီၢ်ပၢၤမ့ၢ်လၢ အဝဲသ့ၣ်တနာ်ကစၢ်ယွၤအတၢ်အၢၣ်လီၤအီလီၤအဃိလီၤ.

တၢ်ကတိၤဒိ. 1:25

သုညိကွံာ်တ့ၢ်ယတၢ်ဟ့ၣ်ကူၣ်ခဲလၢာ်, ဒီးယကဘှီဂ့ၤဘှီဘၣ်သု န့ၣ်သုတသူၣ်အိၣ်သးအိၣ်ပျဲယၤဘၣ်.

တၢ်ကတိၤဒိ. 1:30

သုတသးလီတ့ၢ်ယတၢ်ဟ့ၣ်ကူၣ်နီတစုဒီးတပာ်ကဲတ့ၢ်ယတၢ်ဘှီဂ့ၤ ဘှီဘၣ်သုနီတမံၤဘၣ်န့ၣ်လီၤ.

လံာ်ယဃ့းစက့လး 20:18

အခိၣ်တလိာ်ယဟ့ၣ်ပလီၢ်ပှၤသးစၢ်တဖၣ်လၢအဝဲသ့ၣ်အကျါလီၤ. တိၢ်န့ၢ်ဟံးဃာ်တၢ်သိၣ်တၢ်သီတဖၣ်လၢသုမိၢ်ပၢ်ဖံဖုလၢပျၢၤ တဖၣ်ဒုးအိၣ်ထီၣ်အီၤန့ၣ်တဂ့ၤ. ပိာ်ထွဲအဝဲသ့ၣ်အလုၢ်အလၢ်တဖၣ်မ့ၢ်ဂ့ၤ, မၤဘၣ်အၢလီၤသုသးလၢအဝဲသ့ၣ်အတၢ်ဂီၤတၢ်ဖီၣ်မ့ၢ်ဂ့ၤန့ၣ်တဂ့ၤ.

လံာ်တၢ်ဂံၢ် 14:3

ဘၣ်မနုၤလၢယွၤဆှၢပှၤဆူကီၢ်အဝဲန့ၣ်အပူၤလဲၣ်. ပကဘၣ်တၢ်မၤသံပှၤလၢတၢ်ဒုးတၢ်ယၤအပူၤ, ဒီးပမါတဖၣ်ဒီးပဖိတဖၣ်ကဘၣ်တၢ်ဖီၣ်န့ၢ်အီၤလီၤ. တဂ့ၤဒိၣ်လၢပက့ၤကဒါက့ၤဆူကီၢ်အဲၤကူပတူးဘၣ်ဧါ.”

လံာ်တၢ်ဂံၢ် 26:6

စီၤဃ့စရိာ်ဒီးစီၤကၢ်မံၤန့ၣ်လီၤ. ဒူၣ်ထၢတဖၣ်အံၤအိၣ်ဒီးပှၤပိာ်ခွါအနီၣ်ဂံၢ်လွံၢ်ကလးသၢကထိနွံကယၤသၢဆံဂၤန့ၣ်လီၤ.

လံာ်တၢ်ဂံၢ် 26:64

ပှၤတဖၣ်လၢစီၤမိၤၡ့ဒီးစီၤအၤဟရိၣ်ကွဲးလီၤတ့ၢ်အမံၤလၢတၢ် ထၢဖှိၣ်ကွဲးနီၣ်အခီၣ်ထံးတဘျီဖဲစံၤနါအပှၢ်မုၢ်ကနၢန့ၣ် အမံၤတအိၣ်တ့ၢ်လၢတၢ်ကွဲးနီၣ်အံၤအပူၤနီတဂၤလၢၤဒၣ်လဲာ်ဘၣ်.

လံာ်မးသဲ 22:5

ဘၣ်ဆၣ်ဒီး, အဝဲသ့ၣ်တပာ်ဒိၣ်တၢ်ကွဲမုာ်အံၤဘၣ်ဒီး, လဲၤဝဲဆူတၢ်လီၢ်အဂုၤအဂၤတဖၣ်လီၤ. တဂၤလဲၤဆူအစံာ်ပျီပူၤ, ဒီးအဂၤတဂၤလဲၤဝဲဆူအပနံာ်တၢ်ကၤတၢ်အလီၢ်လီၤ.

မၤတၢ် 13:41

‘ပှၤကတိၤဒုၣ်ဒွဲၣ်တၢ်သ့ၣ်ဧၢ, ကွၢ်, ကမၢကမၣ်ဒီးဟးဂီၤတက့ၢ်. အဂ့ၢ်ဒ်အံၤ, တၢ်မၤလၢယမၤယဲဖဲ သုစိၤသုဆၢကတီၢ်ဒၣ်ဝဲအံၤန့ၣ်, မ့ၢ်တၢ်တမံၤလၢပှၤတဂၤဂၤမ့ၢ်တဲနၢ်ပၢၢ်သုလၢ အဂ့ၢ်ဒၣ်လဲာ်, တမ့ၢ်လၢသုကစူၢ်ကနာ်အီၤဘၣ်န့ၣ်လီၤ.’ ”

လံာ်သိၣ်လီၤသီလီၤတၢ် 1:39

အန့ၣ်ဝံၤဒီးယွၤစံးဘၣ်ပဝဲကိးဂၤဒဲး, သုဖိတဖၣ်လၢ, အသးစၢ်ကဲာ်ဆိးဒံးလၢကနီၤဖးတၢ်အဘၣ်ဒီးတၢ်တဘၣ်အဆၢ, သုဖိတဖၣ်လၢသုစံးလၢကဘၣ်တၢ်ဖီၣ်န့ၢ်အီၤလၢသုဒုၣ်သုဒါ တဖၣ်ဧိၤန့ၣ်ကလဲၤနုာ်လီၤဘၣ်ဆူကီၢ်န့ၣ်အပူၤလီၤ. ယကဟ့ၣ်လီၤကီၢ်န့ၣ်ဆူအဝဲသ့ၣ်အအိၣ်ဒီးအဝဲသ့ၣ်ကမၤန့ၢ်အီၤ န့ၣ်လီၤ.

လံာ်စီၤယိၤၡူ 5:7

ပှၤသ့ၣ်တဖၣ်အံၤအဖိခွါတဖၣ်တဘၣ်တၢ်ကူးတရံးအီၤနီတဘျီ ဒံးဘၣ်, ဒီးပှၤလၢစီၤယိၤၡူကူးတရံးအီၤတဖၣ်မ့ၢ်ပှၤအသီ တစိၤအံၤတခီန့ၣ်လီၤ.