လံာ်တၢ်ဂံၢ် 14:29 - Sgaw Karen Common Bible

²⁹ သုကသံဒီးသုစိၣ်တဖၣ်ကဘၣ်တၢ်ရၤလီၤအီၤသကုၤပှၢ်မုၢ်ကနၢအံၤ န့ၣ်လီၤ. မ့ၢ်လၢသုကဒူးကဒ့ၣ်တၢ်ထီဒါတ့ၢ်ယၤအဃိ, ပှၤလၢသုကျါလၢအသးပှၢ်န့ၢ်အနံၣ်ခံဆံတဖၣ်တနုာ်ဘၣ်ဆူ ကီၢ်န့ၣ်အပူၤနီတဂၤဘၣ်.

လံာ်တၢ်ဂံၢ် 14:29 Iomraidhean Croise

စံးထီၣ်ပတြၢၤ 106:26

လၢတၢ်န့ၣ်အဃိ အဝဲဒၣ် ဟ့ၣ်လီၤအဝဲသ့ၣ်လၢ တၢ်ဟ့ၣ်ပလီၢ်လီၤတံၢ်လီၤဆဲးတမံၤ လၢကမၤသံကွံာ်အဝဲသ့ၣ်လၢပှၢ်မုၢ်ကနၢ,

စံးထီၣ်ပတြၢၤ 78:33

မၤသးဒ်န့ၣ်ဒီး, အဝဲမၤလၢာ်ကွံာ်အဝဲသ့ၣ်အမုၢ်နံၤတဖၣ် လၢတၢ်ကလီကလီအပူၤ, ဒီးအနံၣ်အလါတဖၣ်လၢတၢ်ကိၢ်တၢ်ဂီၤအပူၤလီၤ.

လံာ်ယဃ့းစက့လး 20:38

ယကဟံးထီၣ်ကွံာ်ပှၤတဖၣ်လၢအပူထီၣ်တၢ်ဒီးမၤတၢ်ဒဲးဘးလၢသု ကျါန့ၣ်လီၤ. ယကထုးထီၣ်ကွံာ်အဝဲသ့ၣ်တဖၣ်လၢကီၢ်တဖၣ်လၢအဝဲသ့ၣ်အိၣ်ဆိးဝဲ လၢအပူၤခဲကနံၣ်အံၤ, ဘၣ်ဆၣ်ယတပျဲအဝဲသ့ၣ်က့ၤကဒါက့ၤဆူကီၢ်အံၣ်စရ့လးလၢၤဘၣ်. အန့ၣ်ဒီးသုကသ့ၣ်ညါလၢယၤ, ယမ့ၢ်ယွၤန့ၣ်လီၤ.”

လံာ်တၢ်ဂံၢ် 26:64

ပှၤတဖၣ်လၢစီၤမိၤၡ့ဒီးစီၤအၤဟရိၣ်ကွဲးလီၤတ့ၢ်အမံၤလၢတၢ် ထၢဖှိၣ်ကွဲးနီၣ်အခီၣ်ထံးတဘျီဖဲစံၤနါအပှၢ်မုၢ်ကနၢန့ၣ် အမံၤတအိၣ်တ့ၢ်လၢတၢ်ကွဲးနီၣ်အံၤအပူၤနီတဂၤလၢၤဒၣ်လဲာ်ဘၣ်.

လံာ်တၢ်ဂံၢ် 26:65

ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.

1 ကရံၣ်သူး 10:5

ဘၣ်ဆၣ်ဒီးအန့ၣ်ဒၣ်လဲာ်, ကစၢ်ယွၤတဘၣ်သူၣ်ဘၣ်သးအဝဲသ့ၣ်အါဒၣ်တၢ်တက့ၢ်, ဒီးလၢတၢ်န့ၣ်အဃိ, အဝဲသ့ၣ်အစိၣ်တဖၣ်အိၣ်ပြံပြါလၢပှၢ်မုၢ် ကနၢအပူၤလီၤ.

လံာ်သိၣ်လီၤသီလီၤတၢ် 2:14

တၢ်အံၤမ့ၢ်ဖဲပဟးထီၣ်ကွံာ်လၢဝ့ၢ်ကၤဒ့ၣ်ဘၢ်န့အကီၢ်အလီၢ်ခံ သၢဆံဃိးနံၣ်န့ၣ်လီၤ. ကယဲၢ်ပှၤဒုးတၢ်ယၤတၢ်ဖိလၢပှၤတစိၤန့ၣ်သံလၢာ်လံဝဲဒ်ယွၤစံး တ့ၢ်လၢပဝဲသ့ၣ်ကဘၣ်သံအသိးန့ၣ်လီၤ.

ဧ့ၤဘြံၤ 3:17

ပှၤလၢအဘၣ်ကစၢ်ယွၤအတၢ်သးထီၣ်လၢအနံၣ်လွံၢ်ဆံအတီၢ်ပူၤ န့ၣ်မ့ၢ်မတၤတဖၣ်လဲၣ်. မ့ၢ်ပှၤလၢအမၤတၢ်ဒဲးဘးဒီးလီၤဃံၤသံဝဲ လၢပှၢ်မုၢ်ကနၢအပူၤတဖၣ်တမ့ၢ်ဘၣ်ဧါ.

လံာ်စီၤယိၤၡူ 5:6

အဂ့ၢ်မ့ၢ်လၢ, အံၣ်စရ့လးဖိတဖၣ်လဲၤတၢ်အနံၣ်လွံၢ်ဆံ လၢပှၢ်မုၢ်ကနၢအပူၤ တုၤလၢပှၤသုးဖိလၢအဟးထီၣ်လၢကီၢ်အဲၤကူပတူးသံကွံာ်ဝဲခဲလၢာ်မ့ၢ်လၢအဝဲသ့ၣ်တစူၢ်ဘၣ်ကစၢ်အကလုၢ်အဃိန့ၣ်လီၤ. ယွၤဆိၣ်လီၤအသးလၢအတပျဲအဝဲသ့ၣ်ကထံၣ်ဘၣ်ကီၢ်တဘ့ၣ်လၢအယွၤဝဲ ဒီးတၢ်နုၢ်ထံဒီးကနဲစီလၢယွၤဆိၣ်လီၤတ့ၢ်အသး လၢအကဟ့ၣ်အဝဲသ့ၣ်အမိၢ်ပၢ်ဖံဖုလၢပျၢၤန့ၣ်ဘၣ်.

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.