လံာ်တၢ်ဂံၢ် 14:18 - Sgaw Karen Common Bible

¹⁸ ‘ယၤ, ယွၤအံၤသးဒိၣ်ထီၣ်ကီ, ဒီးယဒုးနဲၣ်တၢ်အဲၣ်တၢ်ကွံ အဒိၣ်အမုၢ်ဒီးတၢ်သူၣ်တီသးလိၤဒီးပျၢ်တၢ်ဒဲးဘးဒီးတၢ်ပူ ထီၣ်န့ၣ်လီၤ. အန့ၣ်ဒၣ်လဲာ်, ယတလီၤတူာ်လီၤကာ်ဘၣ်ဒ်သိးယကစံၣ်ညီၣ်ဖိတဖၣ်ဒီး လံၤတဖၣ်တုၤပှၤသၢစိၤတစိၤဒီးလွံၢ်စိၤတစိၤလၢအမိၢ်အပၢ် တဖၣ်အတၢ်ဒဲးဘးတဖၣ်အဃိန့ၣ်ဘၣ်.

လံာ်တၢ်ဂံၢ် 14:18 Iomraidhean Croise

လံာ်စီၤနဃ့မယၤ 9:17

အဝဲသ့ၣ်ဂ့ၢ်လိာ်ဝဲလၢကစူၢ်တၢ်, အဝဲသ့ၣ်သးပ့ၤနီၣ်ကွံာ်တၢ်လၢနမၤတ့ၢ်ခဲလၢာ်လီၤ. အဝဲသ့ၣ်သးပ့ၤနီၣ်ကွံာ်လံတၢ်လီၤလးတဖၣ်လၢနမၤတ့ၢ်ဝဲ န့ၣ်လီၤ. လၢအတၢ်ပာ်ထီၣ်ထီသးအပူၤန့ၣ်အဝဲသ့ၣ်ဃုထၢအခိၣ်အနၢ်တဂၤလၢ ကဆှၢကဒါက့ၤအဝဲသ့ၣ်ဆူတၢ်မၢကဲကုၢ်အလီၢ်လၢကီၢ်အဲၤကူပတူး အပူၤန့ၣ်လီၤ. ဘၣ်ဆၣ်နမ့ၢ်နဲကစၢ်ယွၤတဂၤလၢအပျၢ်တၢ်ကမၣ်, နပှဲၤဒီးတၢ်ဘျုးတၢ်ဖှိၣ်ဒီးတၢ်အဲၣ်, ဒီးနတသးထီၣ်ညီကဒၣ်ဘၣ်. နတၢ်သူၣ်ကညီၤသးကညီၤန့ၣ်ဒိၣ်ဝဲဒီးနတလဲၤသဒၣ်အဝဲသ့ၣ်ဘၣ်.

လံာ်စီၤယိၤဘး 21:19

သုစံးသုဝဲလၢကစၢ်ယွၤစံၣ်ညီၣ်ဖိတဂၤလၢအပၢ်အတၢ်ဒဲးဘး တဖၣ်အဃိန့ၣ်လီၤ. တမ့ၢ်ဘၣ်. မ်ကစၢ်ယွၤစံၣ်ညီၣ်ပှၤတၢ်ဒဲး ဘးဖိတဖၣ်ဒၣ်ဝဲ, ဒီးပာ်ဖျါထီၣ်လၢအမၤတၢ်အံၤမ့ၢ်လၢအဝဲ သ့ၣ်အတၢ်ဒဲးဘးတဖၣ်အဃိန့ၣ်တက့ၢ်.

စံးထီၣ်ပတြၢၤ 103:8

ယွၤသူၣ်ကညီၤသးကညီၤတၢ်ဒီး သူၣ်အိၣ်သးအိၣ်တၢ်, အသးထီၣ်ကီဒီးအတၢ်အဲၣ်ဂၢၢ်ကျၢၤ အိၣ်ဝဲအါမးလီၤ.

စံးထီၣ်ပတြၢၤ 108:4

အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤဒိၣ်ဝဲလၢမူခိၣ်အဖီခိၣ်, နတၢ်သူၣ်တီသးလိၤ ပၢၢ်တုၤလၢတၢ်အၢၣ်တဖၣ်န့ၣ်လီၤ.

စံးထီၣ်ပတြၢၤ 109:14

မ်ယွၤသ့ၣ်နီၣ်ထီၣ်က့ၤ အပၢ်လၢပျၢၤတဖၣ်အတၢ်အၢ, ဒီးအမိၢ်တဖၣ်အတၢ်ဒဲးဘး သုတဘၣ်တၢ်ပျၢ်ကွံာ်အီၤနီတစုတဂ့ၤ.

စံးထီၣ်ပတြၢၤ 145:8

ယွၤသူၣ်ကညီၤသးကညီၤတၢ်, ဒီးသူၣ်အိၣ်သးအိၣ်တၢ်, ဒီးအသးထီၣ်ကီ, ဒီးအဘျုးအဖှိၣ်အိၣ်ဒိၣ်နီၢ်မးလီၤ.

စံးထီၣ်ပတြၢၤ 78:38

ဘၣ်ဆၣ်ကစၢ်ယွၤသူၣ်ကညီၤသးကညီၤအပှၤဂီၢ်မုၢ်လီၤ. အဝဲပျၢ်ကွံာ်အဝဲသ့ၣ်အတၢ်ဒဲးဘး ဒီးအဝဲဘိးဃၣ်ကွံာ်အတၢ်သးထီၣ်အါစုအါဘျီ ဒီးဘိးဃၣ်ကွံာ်အတၢ်သးဒိၣ်လီၤ. ဒီးတထိၣ်ဂဲၤထီၣ်အတၢ်သးကဲၤထီၣ်ဘၣ်.

စံးထီၣ်ပတြၢၤ 86:15

ဘၣ်ဆၣ်ဒီး, နဲဒၣ်ကစၢ်ယွၤဧၢ, နမ့ၢ်ကစၢ်တဂၤလၢ အသးကညီၤတၢ်ဒီးသးအိၣ်တၢ်, သးထီၣ်ကီဒီးအိၣ်ဒီးတၢ်အဲၣ်ဂၢၢ်ကျၢၤလၢအအါ, ဒီးအသူၣ်တီသးလိၤန့ၣ်လီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်တၢ်ဟးထီၣ်ကွံာ် 20:6

ဘၣ်ဆၣ်ဒီးယဒုးနဲၣ်ယတၢ်အဲၣ်ဆူပှၤတဖၣ်လၢအအဲၣ်ယၤဒီးစူၢ်ယတၢ် မၤလိာ်, အစိၤလၢအကထိတဖၣ်န့ၣ်လီၤ.

လံာ်ယံးရမံယၤ 23:2

တၢ်အံၤမ့ၢ်ယွၤ, အံၣ်စရ့လးအကစၢ်ယွၤစံးတၢ်ဘၣ်ဃးပှၤ ပၢတၢ်တဖၣ်လၢကြၢးကဟုကယာ်အပှၤဂီၢ်မုၢ်အဂ့ၢ်န့ၣ်လီၤ. “သုတကဟုကယာ်ယပှၤဂီၢ်မုၢ်ဘၣ်. သုမၤလီၤပြံလီၤပြါကွံာ် အဝဲသ့ၣ်ဒီးနီၣ်ထီၣ်ဟီထီၣ်ကွံာ်အဝဲသ့ၣ်လီၤ. ခဲအံၤယကစံၣ်ညီၣ်သုလၢတၢ်အၢတၢ်သီလၢသုမၤတ့ၢ်ဝဲအဃိန့ၣ်လီၤ.

လံာ်ယံးရမံယၤ 32:18

နဒုးနဲၣ်တ့ၢ်တၢ်အဲၣ်တထံၣ်ဃီဆူ ပှၤအကထိတဖၣ်, ဘၣ်ဆၣ်ဒီး နစံၣ်ညီၣ်စ့ၢ်ကီၤပှၤဂီၢ်မုၢ်လၢ အမိၢ်အပၢ် တဖၣ် အတၢ်ဒဲးဘးတဖၣ်အဃိန့ၣ်လီၤ. နမ့ၢ်ကစၢ်ယွၤ လၢအဒိၣ်နီၢ်မးဒီး အစိအကမီၤဒိၣ်နီၢ်မးတဂၤန့ၣ်လီၤ. နမ့ၢ်ယွၤသ့တၢ်လၢာ်တဂၤလီၤ.

လံာ်သးသယုၢ်တၢ် 5:7

ပမိၢ်ပပၢ်လၢပျၢၤတဖၣ်မၤတ့ၢ်တၢ်ဒဲးဘးဘၣ်ဆၣ်ခဲအံၤအဝဲသ့ၣ် သံလၢာ်လံ. ဒီးပတူၢ်ဘၣ်တၢ်လၢအဝဲသ့ၣ်အတၢ်ဒဲးဘးတဖၣ်အဃိလီၤ.

လံာ်ယိၤနါ 4:2

အဝဲဘါထုကဖၣ်တၢ်ဆူယွၤအအိၣ်ဒီးစံးဝဲ, “ယွၤဧၢ, အဝဲအံၤတမ့ၢ်ဘၣ်တၢ်လၢယစံးတ့ၢ်ဖဲယအိၣ်လၢယကီၢ် အပူၤဘၣ်န့ၣ်ဧါ. လၢတၢ်န့ၣ်အဃိဒီးလၢအခီၣ်ထံးန့ၣ်ယဃ့ၢ်ကွံာ်ဆူဝ့ၢ်တၢ်ၡံၣ်, အဂ့ၢ်ဒ်အံၤ, ယသ့ၣ်ညါလၢနမ့ၢ်ကစၢ်ယွၤလၢအသးအိၣ်တၢ်ဒီးသးကညီၤတၢ်, သးထီၣ်ကီဒီးလၢဝဲပှဲၤဝဲဒီးတၢ်အဲၣ်ဂၢၢ်ကျၢၤဒီးနပာ်နသးလၢ နကသးကညီၤက့ၤတၢ်ဒီးတသိၣ်ဃီၣ်ဘၣ်တၢ်ဘၣ်န့ၣ်လီၤ.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်တၢ်ဂံၢ် 14:17

လၢတၢ်န့ၣ်အဃိ, ခဲကနံၣ်အံၤယွၤဧၢ, ယဘါထုကဖၣ်တၢ်, ဒုးနဲၣ်ပှၤလၢနစိကမီၤဒီးမၤတၢ်လၢနအၢၣ်လီၤတ့ၢ်ဖဲနစံး,

လံာ်တၢ်ဂံၢ် 23:21

ယထံၣ်ဆိပာ်တၢ်လၢကီၢ်အံၣ်စရ့လးအတၢ်အိၣ်မူဆူညါတဟဲစိာ်န့ၢ် အီၤတၢ်တတၢးတနါမ့တမ့ၢ်, တၢ်ကီတၢ်ခဲနီတမံၤန့ၣ်ဘၣ်. ယွၤ, အဝဲသ့ၣ်အကစၢ်ယွၤန့ၣ်အိၣ်ဒီးအဝဲသ့ၣ်လီၤ. အဝဲသ့ၣ်ကိးထီၣ်ဘိးဘၣ်သ့ၣ်ညါဝဲလၢယွၤမ့ၢ် အဝဲသ့ၣ်အစီၤပၤန့ၣ်လီၤ.

ရိမ့ၤ 5:21

လၢတၢ်န့ၣ်အဃိ, ဒ်တၢ်ဒဲးဘးပၢတၢ်ခီဖျိတၢ်သံ အသိးန့ၣ်, ကစၢ်ယွၤအဘျုးအဖှိၣ်ပၢစ့ၢ်ကီးတၢ်ခီဖျိ တၢ်ပာ်တီပာ်လိၤပှၤ, ဒီးဆှၢပှၤဆူတၢ်မူအထူ အယိာ်ခီဖျိပကစၢ်ယ့ၣ်ၡူးခရံာ်န့ၣ်လီၤ.

လံာ်သိၣ်လီၤသီလီၤတၢ် 5:10

ဘၣ်ဆၣ်ဒီးယဒုးနဲၣ်ယတၢ်အဲၣ်ဆူပှၤအစိၤလၢအကထိတဖၣ်အအိၣ်လၢ အအဲၣ်ယၤဒီးစူၢ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်လီၤ.

လံာ်သိၣ်လီၤသီလီၤတၢ် 5:9

တီၤလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါမ့ၢ်ဂ့ၤ, ဘါထီၣ်အီၤမ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယမ့ၢ်ယွၤ, သုကစၢ်ယွၤလၢအသးက့ၣ်တၢ်န့ၣ်လီၤ. ယဟဲစိာ်တၢ်စံၣ်ညီၣ်လၢကယဲၢ်ပှၤတဖၣ်လၢအသးဟ့ယၤအလိၤဒီးလၢ အဝဲသ့ၣ်အစၢၤအသွဲၣ်တဖၣ်အလိၤတုၤလီၤလၢပှၤသၢစိၤတစိၤဒီး လွံၢ်စိၤတစိၤန့ၣ်လီၤ.

လံာ်သိၣ်လီၤသီလီၤတၢ် 7:10

ဘၣ်ဆၣ်ဒီးအဝဲတမၤယံာ်မၤနီၣ်ဘၣ်အသးလၢကစံၣ်ညီၣ်ပှၤတဖၣ်လၢ အသးဟ့အီၤန့ၣ်ဘၣ်.

လံာ်သိၣ်လီၤသီလီၤတၢ် 7:9

သ့ၣ်နီၣ်ထီၣ်က့ၤလၢယွၤ, သုကစၢ်ယွၤမ့ၢ်ကစၢ်ယွၤထဲတဂၤဧိၤ, ဒီးလၢအဝဲမ့ၢ်ပှၤလၢအကလုၢ်တီန့ၣ်တက့ၢ်. အဝဲကဟံးဃာ်အတၢ်အၢၣ်လီၤအီလီၤဒီးဒုးနဲၣ်အတၢ်အဲၣ်အထူအယိာ် ဆူပှၤတဖၣ်လၢအအဲၣ်အီၤဒီးစူၢ်အတၢ်မၤလိာ်, တုၤလီၤလၢပှၤအစိၤတကထိန့ၣ်လီၤ.