လံာ်တၢ်ဂံၢ် 14:14 - Sgaw Karen Common Bible

¹⁴ အဝဲသ့ၣ်ကတဲဘၣ်တၢ်အံၤဆူပှၤဂီၢ်မုၢ်လၢအအိၣ်လၢကီၢ်တဘ့ၣ်အံၤ အပူၤလီၤ. ပှၤဂီၢ်မုၢ်အံၤနၢ်ဟူတ့ၢ်လံလၢနၤ, ယွၤ, အိၣ်ဒီးပှၤ, လၢနအိၣ်ဖျါလီၤတံၢ်လီၤဆဲးဖဲနတၢ်အၢၣ်အထူၣ်အိၣ် ကတီၢ်လၢပဖီခိၣ်ဒီးနလဲၤဆိတၢ်လၢပမဲာ်ညါလၢတၢ်အၢၣ်အထူၣ် တထူၣ်အပူၤလၢမုၢ်ဆါခီဒီးလၢမ့ၣ်အူထူၣ်တထူၣ်အပူၤလၢမုၢ်နၤ ခီန့ၣ်လီၤ.

လံာ်တၢ်ဂံၢ် 14:14 Iomraidhean Croise

လံာ်တၢ်ကဲထီၣ်အခီၣ်ထံး 32:30

စီၤယၤကိာ်စံးဝဲ, “ယထံၣ်ဘၣ်လံကစၢ်ယွၤမဲာ်သကိးမဲာ်, ဒီးယမူဒံးယဲလီၤ.” အန့ၣ်ဒီးကိးန့ၢ်တၢ်လီၢ်န့ၣ်အမံၤလၢ ပနံၤအ့လးလီၤ.

လံာ်စီၤနဃ့မယၤ 9:12

ဒီးလၢမုၢ်ဆါန့ၣ်နဆှၢအဝဲသ့ၣ်လၢတၢ်အၢၣ်ဒီးလၢမုၢ်နၤန့ၣ် နမၤကပီၤထီၣ်အကျဲဒီးမ့ၣ်အူန့ၣ်လီၤ.

လံာ်စီၤနဃ့မယၤ 9:19

ဘၣ်ဆၣ်နတလဲၤသဒၣ်အဝဲသ့ၣ်ဖဲန့ၣ်လၢပှၢ်မုၢ်ကနၢအပူၤန့ၣ်ဘၣ်. အဂ့ၢ်ဒ်အံၤ, နတၢ်သးကညီၤဒိၣ်ဝဲနီၢ်မးန့ၣ်လီၤ. နတဟံးထီၣ်ကွံာ်တၢ်အၢၣ်မ့ၢ်ဂ့ၤ, မ့ၣ်အူမ့ၢ်ဂ့ၤ လၢအဒုးနဲၣ်အဝဲသ့ၣ်ကျဲလၢမုၢ်နံၤဒီးမုၢ်နၤန့ၣ်ဘၣ်.

စံးထီၣ်ပတြၢၤ 105:39

ကစၢ်ယွၤသလၣ်ထီၣ်တၢ်အၢၣ်လၢ အပှၤဂီၢ်မုၢ်အဖီခိၣ်ဒီး ဟ့ၣ်လီၤအီၤ မ့ၣ်အူလၢ မုၢ်နၤဒ်သိးကဟ့ၣ်အဝဲသ့ၣ်လၢတၢ်ကပီၤန့ၣ်လီၤ.

စံးထီၣ်ပတြၢၤ 78:14

လၢမုၢ်ဆါယွၤဆှၢအဝဲသ့ၣ်လၢတၢ်အၢၣ်, ဒီးသီတနၤကျၢၤလၢမ့ၣ်အူအတၢ်ကပီၤန့ၣ်လီၤ.

လံာ်တၢ်ဟးထီၣ်ကွံာ် 15:14

ပှၤကလုာ်တဖၣ်နၢ်ဟူဝဲဒီးအဝဲသ့ၣ်ကနိးကစုာ်လၢတၢ်ပျံၤတၢ်ဖုး အပူၤလီၤ. ပှၤဖလ့ၡသးဖိတဖၣ်ဘၣ်တၢ်စှီၤတံၢ်အီၤလၢတၢ်ပျံၤ တၢ်ဖုးလီၤ.

လံာ်တၢ်ဟးထီၣ်ကွံာ် 33:11

ယွၤကကတိၤတၢ်ဒီးစီၤမိၤၡ့မဲာ်သကိးမဲာ်မၤသးဒ်သိးပှၤတဂၤ ကတိၤသကိးတၢ်ဒီးအတံၤသကိးန့ၣ်လီၤ. အန့ၣ်ဝံၤဒီး, စီၤမိၤၡ့ကဟဲက့ၤဆူတၢ်သူၣ်ဒဲအလီၢ်လီၤ. ဘၣ်ဆၣ်ဒီးပှၤသးစၢ်တဂၤလၢအမၤစၢၤအီၤ, စီၤနိၣ်အဖိခွါစီၤယိၤၡူန့ၣ်အိၣ်တ့ၢ်ဖဲယွၤအဒဲစီဆှံအပူၤန့ၣ်လီၤ.

လံာ်တၢ်ဟးထီၣ်ကွံာ် 33:16

နမ့ၢ်တလဲၤဃုာ်တၢ်ဒီးပှၤဘၣ်န့ၣ်ပှၤတဂၤဂၤသ့ၣ်ညါဝဲ လၢနဘၣ်သူၣ်ဘၣ်သးလၢနပှၤဂီၢ်မုၢ်ဒီးယၤအံၤကသ့ဒ်လဲၣ်. နတၢ်အိၣ်ဆိးဒီးပှၤအံၤကဒုးလီၤဆီပှၤဒီးပှၤဂုၤပှၤဂၤလၢ ဟီၣ်ခိၣ်ချၢအံၤန့ၣ်လီၤ.”

လံာ်တၢ်ဟးထီၣ်ကွံာ် 40:38

ဖဲအဝဲသ့ၣ်ဟးဝ့ၤဝီၤဝဲအဆၢကတီၢ်ဒီကတီၢ်န့ၣ်အဝဲသ့ၣ်ထံၣ်ဘၣ် ယွၤအိၣ်ဝဲဆိးဝဲအတၢ်အၢၣ်လၢဒဲစီဆှံအဖီခိၣ်လၢမုၢ်ဆါကတီၢ်, ဒီးမ့ၣ်အူကပီၤထီၣ်လၢအဖီခိၣ်လၢမုၢ်နၤအကတီၢ်န့ၣ်လီၤ.

လံာ်တၢ်ဂံၢ် 10:34

တုၤအဝဲသ့ၣ်လဲၤဆူညါလၢတၢ်သူၣ်ဒဲအလီၢ်တတီၤဘၣ်တတီၤန့ၣ်ယွၤ အတၢ်အၢၣ်အိၣ်လၢအဝဲသ့ၣ်အဖီခိၣ်လၢမုၢ်ဆါအကတီၢ်န့ၣ်လီၤ.

လံာ်တၢ်ဂံၢ် 12:8

မၤသးဒ်န့ၣ်ဒီးယကတိၤတၢ်ဒီးအီၤမဲာ်သကိးမဲာ်, ဖျိဖျိဖျါဖျါဒီးတမ့ၢ်လၢတၢ်ပှိၤပှံပှိၤပှီၢ်တဖၣ်အပူၤဘၣ်. အဝဲထံၣ်ဘၣ်ဒၣ်လဲာ်ယက့ၢ်ယဂီၤန့ၣ်လီၤ. သုကတိၤထီဒါယခ့ယပှၤစီၤမိၤၡ့န့ၣ်ဘူၣ်ဝဲဒ်လဲၣ်.”

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 14:9

ယ့ၣ်ၡူးစံးဆၢတၢ်ဒီးစံးဝဲ, “စီၤဖံလံးပူးဧၢ, ယအိၣ်ဒီးသုယံာ်တ့ၢ်ထဲအံၤညါ, အန့ၣ်ဒၣ်လဲာ်သုတသ့ၣ်ညါ ယၤဘၣ်ဧါ. ပှၤလၢအထံၣ်ယၤန့ၣ်, မ့ၢ်အထံၣ်လံပၢ်န့ၣ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိလၢနစံး, ‘ဒုးထံၣ်ပှၤလၢပၢ်န့ၣ်လဲၣ်.’

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.

လံာ်သိၣ်လီၤသီလီၤတၢ် 1:19

ပမၤတၢ်လၢယွၤ, ပကစၢ်ယွၤမၤလိာ်တ့ၢ်ပှၤန့ၣ်လီၤ. ပဟးထီၣ်ကွံာ်လၢကစၢၢ်စံၤနါ, ဒီးလဲၤခီဖျိပှၢ်မုၢ်ကနၢဖး ဒိၣ်ဖးလဲၣ်ဒီးလီၤပျံၤလီၤဖုး, လၢပတၢ်လဲၤကျဲဆူပှၤဧၣ်မိၣ်ဖိတဖၣ်အကီၢ်လၢအပှဲၤဒီးတၢ်လူၢ်တၢ်တြီၤန့ၣ်လီၤ. ဖဲပလဲၤတုၤလၢဝ့ၢ်ကၤဒ့ၣ်ဘၢ်န့န့ၣ်,

လံာ်သိၣ်လီၤသီလီၤတၢ် 34:10

လၢကီၢ်အံၣ်စရ့လးအပူၤဝံတဂၤဒ်စီၤမိၤၡ့အသိးလၢယွၤကတိၤ တၢ်ဒီးအီၤမဲာ်သကိးမဲာ်န့ၣ်တအိၣ်ဘၣ်နီတစုနီတဂၤဘၣ်.

လံာ်သိၣ်လီၤသီလီၤတၢ် 5:24

ယွၤ, ပကစၢ်ယွၤဒုးနဲၣ်ပှၤလၢအတၢ်ဒိၣ်တၢ်မုၢ်ဒီးအလၤကပီၤ, ဖဲပနၢ်ဟူဘၣ်အဝဲကတိၤတၢ်ဒီးပှၤလၢမ့ၣ်အူအကျါန့ၣ်လီၤ. တနံၤအံၤပထံၣ်ဘၣ်လံလၢ, ကစၢ်ယွၤမ့ၢ်ကတိၤတ့ၢ်တၢ်ဒီးပှၤတဂၤ ဒၣ်လဲာ်န့ၣ်, အဝဲအိၣ်မူဝဲဆူညါသ့ဒံးကစီဒီန့ၣ်လီၤ.

လံာ်သိၣ်လီၤသီလီၤတၢ် 5:4

ဖဲန့ၣ်လၢကစၢၢ်ဒီခိၣ်န့ၣ်, ယွၤကတိၤတၢ်ဒီးသုမဲာ်သကိးမဲာ် လၢမ့ၣ်အူအကျါလီၤ.

လံာ်စီၤယိၤၡူ 5:1

ဖဲပှၤအမိၢ်ဖိအစီၤပၤခဲလၢာ်လၢ အအိၣ်လၢထံကျိယၢ်ဒ့ၣ်အမုၢ်နုာ်, ဒီးပှၤကနၤဧၣ်ဖိအစီၤပၤခဲလၢာ်လၢအအိၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်အနံၤ, နၢ်ဟူဝဲလၢကစၢ်မၤလီၤသံးကွံာ်ယၢ်ဒ့ၣ်အထံတုၤလၢပှၤအံၣ်စရ့ လးဖိခဲလၢာ်ခီဂာ်တၢ်သ့သတးဒီး, အဝဲသ့ၣ်အသးလီၤစၢ်ဝဲဒီးတၢ်သူၣ်ဒူ သးဒူတအိၣ်လၢၤလၢအပူၤလၢပှၤအံၣ်စရ့လးဖိ တဖၣ်အဃိန့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.