လံာ်တၢ်ဂံၢ် 14:11 - Sgaw Karen Common Bible

¹¹ ယွၤစံးဘၣ်စီၤမိၤၡ့, “မ့ၢ်ပှၤဂီၢ်မုၢ်အံၤကညိကွံာ်ဒံးယၤ ဆံးယံာ်လဲၣ်. ယမၤတ့ၢ်တၢ်လီၤလးအါမံၤလၢအဝဲသ့ၣ် အကျါဒၣ်လဲာ်, ကဂ့ၢ်လိာ်တၢ်လၢတနာ်ယၤအဂီၢ်န့ၣ်ဆံးယံာ်ဒံးလဲၣ်.

လံာ်တၢ်ဂံၢ် 14:11 Iomraidhean Croise

စံးထီၣ်ပတြၢၤ 106:24

အန့ၣ်ဝံၤဒီး, အဝဲသ့ၣ်ညိကွံာ်ထံမုာ်ကီၢ်ပၢၤမ့ၢ်လၢ အဝဲသ့ၣ်တနာ်ကစၢ်ယွၤအတၢ်အၢၣ်လီၤအီလီၤအဃိလီၤ.

စံးထီၣ်ပတြၢၤ 78:22

အဂ့ၢ်ဒ်အံၤ, အဝဲသ့ၣ်တအိၣ်ဒီးတၢ်နာ်လၢယွၤအပူၤနီတစဲးဘၣ်, ဒီးတနာ်ယွၤအတၢ်အုၣ်က့ၤခီၣ်က့ၤ အစိအကမီၤန့ၣ်ဘၣ်.

စံးထီၣ်ပတြၢၤ 78:32

လၢတၢ်အံၤတဖၣ်ခဲလၢာ်အဃိဒၣ်လဲာ် အဝဲသ့ၣ်မၤဒံးတၢ်ဒဲးဘး, ဒီးလၢယွၤမၤလီၤလးတဖၣ်အဃိဒၣ်လဲာ် အဝဲသ့ၣ်တနာ်ဘၣ်အီၤဘၣ်.

စံးထီၣ်ပတြၢၤ 95:8

“မၤကိၤထီၣ်သုသးတဖၣ်ဒ်သိး သုမိၢ်ပၢ်ဖံဖုလၢပျၢၤဖဲမရံၤဘါ, ဒ်မုၢ်တနံၤဖဲအဝဲသ့ၣ်အိၣ်လၢ ပှၢ်မုၢ်ကနၢမၤစၤအခါအသိးန့ၣ်တဂ့ၤ.

လံာ်တၢ်ဟးထီၣ်ကွံာ် 10:3

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးစံးဘၣ်အီၤ, “ယွၤ, ပှၤဧ့ၤဘြံၤဖိအကစၢ်ယွၤစံးဒ်အံၤ, ဒ်သိးနသုတဆီၣ်လီၤနသးလၢယဖီလာ်တဂ့ၤဒီးနကဂ့ၢ်လိာ်ဆံးယံာ် ဒံးလဲၣ်. ပျၢ်ယပှၤဂီၢ်မုၢ်ဒ်သိးကလဲၤဘူၣ်ထီၣ်ဘါထီၣ်ယၤတက့ၢ်.

လံာ်တၢ်ဟးထီၣ်ကွံာ် 16:28

အန့ၣ်ဒီးယွၤစံးဘၣ်စီၤမိၤၡ့, “မ့ၢ်သုကဂ့ၢ်လိာ်လၢသု ကစူၢ်ယတၢ်မၤလိာ်တဖၣ်ဆံးယံာ်ဒံးလဲၣ်.

လံာ်တၢ်ဟးထီၣ်ကွံာ် 23:21

ဒိကနၣ်အီၤဒီးစူၢ်အကလုၢ်တက့ၢ်. ပူထီၣ်တၢ်ထီဒါအီၤတဂ့ၤ. အဂ့ၢ်ဒ်အံၤ, ယဆှၢလီၤအီၤဒီးတၢ်ပူထီၣ်ဒ်န့ၣ်အသိးန့ၣ်တမ့ၢ်အဝဲကဝံသးစူၤဘၣ်လီၤ.

လံာ်တၢ်ဟးထီၣ်ကွံာ် 32:9

ပှၤဂီၢ်မုၢ်အံၤအခိၣ်ကိၤထဲလဲၣ်န့ၣ်ယသ့ၣ်ညါယဲလီၤ.

တၢ်ကတိၤဒိ. 1:22

“ပှၤဟးဂီၤဖိသ့ၣ်ဧၢ, မ့ၢ်သုအဲၣ်ဒိးဟးဂီၤဒံးဆံးယံာ်လဲၣ်. သုကမုာ်လၤသးခုလၢတၢ်မၤတရီတပါတၢ်သ့ၣ်ညါဆံးယံာ်လဲၣ်. မ့ၢ်သုတမၤလိလၢၤတၢ်နီတစုဘၣ်ဧါ.

လံာ်ယံးရမံယၤ 13:10

ပှၤဂီၢ်မုၢ်လၢအအၢအသီတဖၣ်အံၤတစူၢ်ယၤဘၣ်. အဝဲသ့ၣ် အခိၣ်ကိၤဒီးအၢဝဲသီဝဲဒၣ်ဒ်အမၤညီနုၢ်ဝဲလၢညါအသိးဒီးဘူၣ်ထီၣ် ဘါထီၣ်ဒီးမၤကစၢ်အဂၤတဖၣ်အတၢ်လီၤ. လၢတၢ်န့ၣ်အဃိဒီး, အဝဲသ့ၣ်ကကဲထီၣ်ဒ်ဖျီၣ်ခံအဖုၣ်တဖၣ်အံၤလၢအတဂ့ၤလၢၤဘၣ် အသိးန့ၣ်လီၤ.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ယဃ့းစက့လး 20:13

ဘၣ်ဆၣ်လၢပှၢ်မုၢ်ကနၢအပူၤဒၣ်လဲာ်န့ၣ်အဝဲသ့ၣ်ခီၣ်ဆၢယၤလီၤ. အဝဲသ့ၣ်လုၣ်သ့ၣ်ခါပတာ်ကွံာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးစူးကွံာ်ညိကွံာ်ယတၢ်မၤလိာ်တဖၣ်လၢအဟဲစိာ် တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ. အဝဲသ့ၣ်မၤဘၣ်အၢဘၣ်သီမုၢ်အိၣ်ဘှံးအနံၤလၢာ်လၢာ်ဆ့ဆ့ န့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ် အဝဲသ့ၣ်လၢယတၢ်သးဒိၣ်ထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤဟးဂီၤကွံာ်အဝဲသ့ၣ်န့ၣ်လီၤ.

လံာ်ဟိၤၡ့ 8:5

ယသးဟ့ဂီၤဖံးထူလၢၡၤမရံအပှၤဂီၢ်မုၢ်ဘါထီၣ်အီၤန့ၣ်လီၤ. ယသးကဲၤထီၣ်အဝဲသ့ၣ်န့ၣ်လီၤ. တချုးလၢအဝဲသ့ၣ်စူးကွံာ်ညိကွံာ်အတၢ်ဂီၤတၢ်ဖီၣ်တဖၣ်န့ၣ်တၢ် ဆၢကတီၢ်ကယံာ်ဒံးဆံးယံာ်လဲၣ်.

လံာ်စကၤရယၤ 8:14

“ပျံၤတၢ်တဂ့ၤ.” ယွၤစံးဝဲဒၣ်, “ဖဲသုမိၢ်ပၢ်ဖံဖုလၢပျၢၤတဖၣ်မၤသးဒိၣ်ထီၣ်ယၤန့ၣ်, ယကူၣ်ကျဲၤတ့ၢ်တၢ်တတၢးတနါလၢအဝဲသ့ၣ်အဂီၢ်, ဒီးယတလဲလိာ်ယသးဘၣ်ဒီး, မၤထွဲယတၢ်ကူၣ်ကျဲၤတဖၣ်န့ၣ်လီၤ.

လံာ်တၢ်ဂံၢ် 14:23

အဝဲသ့ၣ်တနုာ်လီၤဘၣ်ဆူကီၢ်လၢယအၢၣ်လီၤအီလီၤတ့ၢ်ဒီး အမိၢ်ပၢ်ဖံဖုလၢပျၢၤတဖၣ်န့ၣ်လ့ၤတက့ၤဘၣ်. ပှၤလၢအညိကွံာ်ယၤတဖၣ်န့ၣ်တလဲၤနုာ်ဘၣ်ဆူကီၢ်န့ၣ်နီတဂၤဘၣ်.

လံာ်တၢ်ဂံၢ် 32:10

ယွၤအသးဒိၣ်ထီၣ်ဖဲမုၢ်တနံၤန့ၣ်, ဒီးမၤတၢ်အၢၣ်လီၤအီလီၤတမံၤဒ်အံၤလီၤ.

လံာ်မးသဲ 17:17

ဒီးယ့ၣ်ၡူးစံးဆၢတၢ်ဒီးစံး, “ပှၤတစိၤလၢအတၢ်နာ်တအိၣ်ဘၣ်ဒီးအနၢ်က့ၣ်သ့ၣ်ဧၢ, ယကဘၣ်အိၣ်ဒီးသုဆံးယံာ်ဒံးလဲၣ်. ယကဘၣ်ဝံသးစူၤသုဆံးယံာ်ဒံးလဲၣ်. ဟဲစိာ်ပိာ်ခွါဖိဆူယအိၣ်ဖဲအံၤတက့ၢ်.”

လံာ်မၢ်ကူး 9:19

ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”

လံာ်ယိၤဟၣ် 10:38

ဘၣ်ဆၣ်ယမ့ၢ်မၤအီၤဒီး, သုမ့ၢ်တနာ်ယၤဒၣ်လဲာ်, နာ်တၢ်လၢယမၤတဖၣ်ဒ်သိးသုကသ့ၣ်ညါဒီးနၢ်ပၢၢ်လီၤတံၢ်လၢ ပၢ်အိၣ်လၢယပူၤဒီးယအိၣ်လၢပၢ်အပူၤန့ၣ်တက့ၢ်.”

လံာ်ယိၤဟၣ် 12:37

ယ့ၣ်ၡူးမၤတၢ်လီၤလးတဖၣ်အံၤလၢအဝဲသ့ၣ်အမဲာ်ညါ ထဲထဲအံၤသနာ်က့, အဝဲသ့ၣ်တစူၢ်က့ၤနာ်က့ၤအီၤဘၣ်.

လံာ်ယိၤဟၣ် 15:24

တၢ်မၤတဖၣ်လၢပှၤဂၤတမၤနီတဂၤဘၣ်န့ၣ်, ယမ့ၢ်တမၤဘၣ်လၢအဝဲသ့ၣ်အကျါဘၣ်ဒီး, တမ့ၢ်လၢအဝဲသ့ၣ်အတၢ်ဒဲးဘးကအိၣ်ဘၣ်. မ့မ့ၢ်ခဲအံၤ, အဝဲသ့ၣ်ထံၣ်တၢ်လၢယမၤတ့ၢ်ဒီး အဝဲသ့ၣ်သးဟ့ယၤဒီးယပၢ်, ခံဂၤလၢာ်န့ၣ်လီၤ.

လံာ်သိၣ်လီၤသီလီၤတၢ် 1:32

ယတဲတ့ၢ်သုဒ်န့ၣ်ဘၣ်ဆၣ်, သုတနာ်ဒံးဘၣ်ယွၤဘၣ်.

ဧ့ၤဘြံၤ 3:16

ပှၤလၢအနၢ်ဟူကစၢ်ယွၤအကလုၢ်ဒီးထီဒါအီၤန့ၣ်မ့ၢ် မတၤတဖၣ်လဲၣ်. မ့ၢ်ပှၤခဲလၢာ်လၢအဘၣ်တၢ်ထုးထီၣ်အီၤလၢ စီၤမိၤၡ့လၢကီၢ်အဲၤကူပတူးအပူၤတဖၣ်လီၤ.

ဧ့ၤဘြံၤ 3:18

ပှၤလၢကစၢ်ယွၤဆိၣ်လီၤအသးလၢအတလဲၤနုာ်ဘၣ်ဝဲဆူ အတၢ်အိၣ်ဘှံးအပူၤလ့ၤတက့ၤဘၣ်န့ၣ်မ့ၢ်မတၤတဖၣ် လဲၣ်. မ့ၢ်ပှၤလၢအတဒိကနၣ်တၢ်တဖၣ်တမ့ၢ်ဘၣ်ဧါ.

ဧ့ၤဘြံၤ 3:8

တဘၣ်မၤကိၤသုခိၣ်ဒ်သုမိၢ်ပၢ်ဖံဖုလၢပျၢၤတဖၣ် မၤဝဲဖဲအဝဲသ့ၣ်ထီဒါယွၤအကတီၢ် ဖဲအဝဲသ့ၣ်အိၣ်လၢပှၢ်မုၢ်ကနၢ ဒီးမၤကွၢ်ယွၤအသိးန့ၣ်တဂ့ၤ.