လံာ်တၢ်ဂံၢ် 14:10 - Sgaw Karen Common Bible

¹⁰ ပှၤဂီၢ်မုၢ်ဒီဖုမၤပျံၤမၤဖုးအဝဲသ့ၣ်လၢကကွံာ်သံအီၤလၢ လၢၢ်, ဘၣ်ဆၣ်သတူၢ်ကလာ်န့ၣ်ပှၤဂီၢ်မုၢ်ထံၣ်တၢ်ကပီၤ ကပြုၢ်ကပြီၤဟဲလၢယွၤအိၣ်ဝဲဆိးဝဲအဒဲစီၤဆှံအဖီခိၣ်လီၤ.

လံာ်တၢ်ဂံၢ် 14:10 Iomraidhean Croise

လံာ်တၢ်ဟးထီၣ်ကွံာ် 16:10

တုၤစီၤအၤဟရိၣ်ကတိၤတၢ်ဆူပှၤဒီဒူၣ်ဒီထၢန့ၣ်, အဝဲသ့ၣ်ဃၣ်ဃီၤအသးဆူပှၢ်မုၢ်ကနၢလီၤ. ဒီးသတူၢ်ကလာ်န့ၣ်ယွၤအတၢ်ကပီၤကပြုၢ်ကပြီၤအိၣ်ဖျါဝဲလၢတၢ်အၢၣ်အလိၤန့ၣ်လီၤ.

လံာ်တၢ်ဟးထီၣ်ကွံာ် 16:7

လၢမုၢ်ဂီၤန့ၣ်သုကထံၣ်ဘၣ်ယွၤအိၣ်ဝဲဆိးဝဲအတၢ်ကပီၤကပြုၢ် ကပြီၤန့ၣ်လီၤ. အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤလီၤ. မ့ၢ်သုထီဒါအီၤလီၤ. အဂ့ၢ်ဒ်အံၤ, ထဲပဝဲဒၣ်ဧိၤပမ့ၢ်ပှၤလၢအမၤတၢ်ဒ်အတၢ်မၤလိာ်တဖၣ်အသိးန့ၣ်လီၤ.”

လံာ်တၢ်ဟးထီၣ်ကွံာ် 17:4

ဒီးစီၤမိၤၡ့ဘါထုကဖၣ်တၢ်ဆူယွၤအအိၣ်သပှၢ်ပှၢ်ဒီးစံး, “ယကမၤပှၤဂီၢ်မုၢ်အံၤဒ်လဲၣ်. အဝဲသ့ၣ်အိၣ်ကတဲာ်ကတီၤလံအသးလၢကကွံာ်သံယၤလၢလၢၢ်န့ၣ်လီၤ.”

လံာ်တၢ်ဟးထီၣ်ကွံာ် 40:34

တုၤနုၤတစုတၢ်အၢၣ်ကးဘၢဒဲစီဆှံ, ဒီးကစၢ်ယွၤအိၣ်ဝဲ ဆိးဝဲအတၢ်ကပီၤကပြုၢ်ကပြီၤန့ၣ်မၤပှဲၤအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:23

ဒီးစီၤမိၤၡ့ဒီးစီၤအၤဟရိၣ်လဲၤနုာ်ဆူတၢ်ဘူၣ်ထီၣ်ဘါထီၣ်ယွၤအဒဲပူၤ, ဒီးဖဲအဝဲသ့ၣ်ဟဲက့ၤထီၣ်ဝဲန့ၣ်ဆိၣ်ဂ့ၤဝဲပှၤဂီၢ်မုၢ်ခဲလၢာ်လီၤ. ဒီးယွၤအိၣ်ဖျါထီၣ်ဝဲဆူပှၤဂီၢ်မုၢ်ခဲလၢာ်န့ၣ်လီၤ.

လံာ်တၢ်ဂံၢ် 16:19

အန့ၣ်ဝံၤဒီးစီၤကိၤရးပာ်ဖှိၣ်ထီၣ်ကမျၢၢ်ဒီဒူၣ်ဒီထၢ, ဒီးအဝဲသ့ၣ်ဆၢထၢၣ်ဃၣ်အမဲာ်သၣ်ဆူစီၤမိၤၡ့ဒီးစီၤအၤဟရိၣ် အအိၣ်ဖဲဒဲစီဆှံအကျဲစၢၤန့ၣ်လီၤ. သတူၢ်ကလာ်န့ၣ်ယွၤအိၣ်ဝဲအတၢ်ကပြုၢ်ကပြီၤအိၣ်ဖျါထီၣ်ဆူ ကမျၢၢ်ဒီဒူၣ်ဒီထၢ,

လံာ်တၢ်ဂံၢ် 16:42

တုၤအဝဲသ့ၣ်ပာ်ဖှိၣ်ထီၣ်တ့ၢ်အသးလၢကထီဒါစီၤမိၤၡ့ဒီးစီၤ အၤဟရိၣ်ဝံၤန့ၣ်, အဝဲသ့ၣ်ဃၣ်ကဒါအသးဆူဒဲစီဆှံ အအိၣ်ဒီးထံၣ်ဘၣ်ဝဲလၢတၢ်အၢၣ်ကျၢၢ်ဘၢအီၤဒီးယွၤအိၣ်ဝဲအတၢ် ကပီၤကပြုၢ်ကပြီၤန့ၣ်အိၣ်ဖျါထီၣ်ဝဲလီၤ.

လံာ်တၢ်ဂံၢ် 17:7

အန့ၣ်ဝံၤဒီးစီၤမိၤၡ့ပာ်ကယဲၢ်နီၣ်ထိးဘိတဖၣ်န့ၣ်လၢဒဲစီ ဆှံအပူၤဖဲယွၤအတၢ်အၢၣ်လီၤအီလီၤအတလါအမဲာ်ညါန့ၣ်လီၤ.

လံာ်တၢ်ဂံၢ် 20:6

စီၤမိၤၡ့ဒီးစီၤအၤဟရိၣ်သုးကွံာ်အသးလၢပှၤဂီၢ်မုၢ်အအိၣ်ဒီးဆၢ ထၢၣ်လၢဒဲစီဆှံအကျဲစၢၤန့ၣ်လီၤ. အဝဲသ့ၣ်တီၤလီၤအိၣ်ဝဲဒီးအမဲာ်သၣ်ကျးလီၤအသးဆူဟီၣ်ခိၣ် ဒီးယွၤအိၣ်ဝဲဆိးဝဲအတၢ်ကပီၤကပြုၢ်ကပြီၤအိၣ်ဖျါထီၣ်လၢ အမဲာ်ညါလီၤ.

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

မၤတၢ် 7:59

ဖဲအဝဲသ့ၣ်ကွံာ်အီၤလၢလၢၢ်အဖၢမုၢ်န့ၣ်, စီၤစတ့းဖၣ်ဃ့ဘါထု ကဖၣ်ကစၢ်ဒီးစံး, “ကစၢ်ယ့ၣ်ၡူးဧၢ, တူၢ်လိာ်ဘၣ်ယသးတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 30:6

ခဲအံၤစီၤဒၤဝံးန့ၣ်အိၣ်လၢတၢ်ကီတၢ်ခဲဖးဒိၣ်အပူၤလီၤ. အဂ့ၢ်ဒ်အံၤ, အပှၤခဲလၢာ်အသးဆါခၣ်ဒိၣ်ဒိၣ်ကလဲာ်လၢအဖိအမါတဖၣ် လီၤမၢ်ကွံာ်အဃိန့ၣ်လီၤ. ဒီးအဝဲသ့ၣ်မၤပျံၤမၤဖုးစီၤဒၤဝံးလၢကကွံာ်သံအီၤလၢလၢၢ်လီၤ. ဘၣ်ဆၣ်ဒီးယွၤ, အကစၢ်ယွၤဟ့ၣ်အီၤလၢတၢ်သူၣ်ဒူသးဒူန့ၣ်လီၤ.