လံာ်တၢ်ဂံၢ် 13:31 - Sgaw Karen Common Bible

³¹ ဘၣ်ဆၣ်ဒီးပှၤတဖၣ်လၢအလဲၤဃုာ်တ့ၢ်တၢ်ဒီးစီၤကၤလ့းစံးဝဲ ဒၣ်, “တမ့ၢ်ဘၣ်. ပဂံၢ်ပဘါတလၢ, လၢပကလဲၤထီၣ်ဒုးအဝဲသ့ၣ်အဂီၢ်ဘၣ်. ပှၤအိၣ်ဖဲန့ၣ်တဖၣ်အဂံၢ်အဘါဆူၣ်ဒိၣ်န့ၢ်ပှၤတက့ၢ်လီၤ.”

လံာ်တၢ်ဂံၢ် 13:31 Iomraidhean Croise

လံာ်တၢ်ဂံၢ် 13:30

စီၤကၤလ့းဒုးအိၣ်ဘှီၣ်ပှၤဂီၢ်မုၢ်လၢအကဒူးကဒ့ၣ်တၢ်ထီဒါ စီၤမိၤၡ့ဒီးစံးဝဲဒၣ်, “ပကြၢးလဲၤထီၣ်ဒုးတၢ်ခဲအံၤဒီးမၤန့ၢ်ကီၢ်န့ၣ်လီၤ. ပဂံၢ်ပဘါအိၣ်လၢလၢပှဲၤပှဲၤလၢပကမၤနၢၤအီၤအဂီၢ်လီၤ.”

လံာ်တၢ်ဂံၢ် 32:7

သုမၤသးဟးဂီၤကီၢ်အံၣ်စရ့လးအပှၤဂီၢ်မုၢ်လၢကခီဂာ်ထံကျိ ယၢ်ဒ့ၣ်ဒီးလဲၤနုာ်ဆူကီၢ်တဘ့ၣ်လၢယွၤဟ့ၣ်အဝဲသ့ၣ်အဂီၢ်န့ၣ် ဘူၣ်ဝဲဒ်လဲၣ်.

လံာ်တၢ်ဂံၢ် 32:9

အဝဲသ့ၣ်လဲၤတ့ၢ်ဝဲယံၤတုၤလၢအ့ၡကိၤလးအတၢ်တြီၤပူၤဒီး ထံၣ်ဘၣ်တ့ၢ်ထံကီၢ်န့ၣ်, ဘၣ်ဆၣ်ဒီး, ဖဲအဝဲသ့ၣ်ဟဲက့ၤန့ၣ်အဝဲသ့ၣ်မၤဟးဂီၤပှၤဂီၢ် မုၢ်အသးလၢကလဲၤနုာ်လီၤဆူထံကီၢ်တဘ့ၣ်လၢယွၤဟ့ၣ်လီၤတ့ၢ် အဝဲသ့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 1:28

ဘၣ်မနုၤအဃိပကဘၣ်လဲၤဖဲန့ၣ်လဲၣ်. ပပျံၤတၢ်လီၤ. ပှၤလၢပဆှၢလီၤတ့ၢ်အီၤတဖၣ်တဲဘၣ်ပှၤလၢ, ပှၤဂီၢ်မုၢ်ဖဲန့ၣ် တဖၣ်အဂံၢ်အဘါဆူၣ်န့ၢ်ပှၤဒီးအနီၢ်ထီန့ၢ်ပှၤတက့ၢ်, ဒီးလၢအဝဲသ့ၣ်အိၣ်ဆိးလၢဝ့ၢ်တဖၣ်လၢအိၣ်ဒီးအခိၣ်ဒူလၢ အကစီၤထီၣ်ထီတုၤဝဲဆူမူခိၣ်န့ၣ်လီၤ. အဝဲသ့ၣ်ထံၣ်ဘၣ်ပှၤဧနးဖိတဖၣ်လၢအနီၢ်ဒိၣ်နီၢ်သွါဖဲန့ၣ်လီၤ.

လံာ်သိၣ်လီၤသီလီၤတၢ် 9:1

ဒိကနၣ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. တနံၤအံၤဘူးထီၣ်လၢသုကခီဂာ်ဘၣ်ထံကျိ ယၢ်ဒ့ၣ်ဒီးမၤန့ၢ်ကီၢ်လၢအဘၣ်ဃးဒီးပှၤကလုာ်တဖၣ်လၢအဒိၣ်န့ၢ် သုဒီးအစိကမီၤအါန့ၢ်သုန့ၣ်လီၤ. အဝဲသ့ၣ်အဝ့ၢ်တဖၣ်န့ၣ်ဒိၣ်ဝဲဒီးအိၣ်ဒီးအခိၣ်ဒူတဖၣ်လၢအကစီၤ ထီၣ်ထီဝဲတုၤဆူမူကပိာ်လိၤန့ၣ်လီၤ.

ဧ့ၤဘြံၤ 3:19

လၢတၢ်န့ၣ်အဃိပထံၣ်ဘၣ်လၢအဝဲသ့ၣ်လဲၤနုာ်ဆူကီၢ်ပူၤ တသ့ဘၣ်, မ့ၢ်လၢအတၢ်တစူၢ်တနာ်အဃိလီၤ.

လံာ်စီၤယိၤၡူ 14:8

ဘၣ်ဆၣ်ပှၤလၢအလဲၤတၢ်ဒီးယၤတဖၣ်မၤပျံၤမၤဖုးပပှၤဂီၢ်မုၢ်န့ၣ်လီၤ. မ့မ့ၢ်ယဲယစူၢ်ယွၤယကစၢ်ယွၤလၢလၢပှဲၤပှဲၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:33

စီၤစီလူးစံးဆၢဝဲဒၣ်, “တသ့ဝဲဘၣ်. နဒုးအီၤကသ့ဒ်လဲၣ်. နမ့ၢ်ဒံးဒၣ်ဖိသၣ်တဂၤ, ဒီးအဝဲမ့ၢ်တ့ၢ်ပှၤသုးဖိတဂၤလၢအသးသမူဒီစိၤညါန့ၣ်လီၤ.”