လံာ်တၢ်ဂံၢ် 13:29 - Sgaw Karen Common Bible

²⁹ ပှၤဧမၤလ့းဖိတဖၣ်အိၣ်လၢကီၢ်န့ၣ်အကလံၤထံးတခီ, ပှၤဃ့ၤသးဖိ, ပှၤယဘူၣ်ဖိ, ပှၤအမိၢ်ဖိတဖၣ်အိၣ်လၢကီၢ်အတၢ်လူၢ် ဒီခိၣ်ဒီးပှၤကနၤဧၣ်ဖိတဖၣ်အိၣ်လၢပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အဃၢၤဒီးထံကျိယၢ်ဒ့ၣ်အကၢၢ်နံၤဒီတရဲၣ်ညါန့ၣ် လီၤ.”

လံာ်တၢ်ဂံၢ် 13:29 Iomraidhean Croise

လံာ်တၢ်ကဲထီၣ်အခီၣ်ထံး 14:7

ဒီးဟဲက့ၤကဒါက့ၤဝဲ, ဒီးဟဲက့ၤဆူဝ့ၢ်ကၤဒ့ၢ် (လၢအကတီၢ်ဖဲ န့ၣ်ဘၣ်တၢ်သ့ၣ်ညါအီၤဒ်ဝ့ၢ်ဧ့ၣ်မံးၡပး) န့ၣ်လီၤ. အဝဲသ့ၣ်မၤနၢၤပှၤဧမၤလ့းဖိအကီၢ်ဒီဘ့ၣ်ညါဒီးပှၤ အမိၢ်ဖိလၢအအိၣ်အဆိးလၢဝ့ၢ်ဃၤစစိၣ်တါမၢ်အပူၤန့ၣ်လီၤ.

လံာ်စီၤနဃ့မယၤ 9:8

နထံၣ်တ့ၢ်လၢအဝဲမ့ၢ်ပှၤသးတီဒီးနၤ ဒီးနမၤတၢ်အၢၣ်လီၤအီလီၤတမံၤဒီးအီၤန့ၣ်လီၤ. နအၢၣ်လီၤတ့ၢ်လၢနကဟ့ၣ်အီၤလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤယဘူၣ်ဖိ, ဒီးပှၤကံၣ်ကၣ်ဖိတဖၣ်အကီၢ် လၢကမ့ၢ်ကီၢ်တဘ့ၣ်လၢအဝဲအစၢၤအသွဲၣ်တဖၣ်ကအိၣ်ဝဲဆိးဝဲန့ၣ် လီၤ. နဟံးဃာ်ဂၢၢ်ကျၢၤနတၢ်အၢၣ်လီၤမ့ၢ်လၢနကလုၢ်တီဝဲ အဃိန့ၣ်လီၤ.

စံးထီၣ်ပတြၢၤ 83:7

ကံးဘလး, ဧၣ်မိၣ်, ဒီးဧမၤလ့းအပှၤဂီၢ်မုၢ်, ပှၤဖလ့ၡသးဖိဒီးပှၤစိၢ်ဖိ,

လံာ်တၢ်ဟးထီၣ်ကွံာ် 3:17

ဒီးယပာ်လီၤတ့ၢ်လံယသးလၢယကထုးထီၣ်ကွံာ်အဝဲသ့ၣ်လၢကီၢ် အဲၤကူပတူး, တၢ်လီၢ်ဖဲအဝဲသ့ၣ်ဘၣ်တၢ်မၤအၢမၤနးအီၤ နးမးဒီးကဆှၢအီၤဆူပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အကီၢ်, ကီၢ်တဘ့ၣ်လၢအယွၤဝဲဒီးတၢ်နုၢ်ထံဒီးကနဲစီန့ၣ်လီၤ.

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်တၢ်ဂံၢ် 13:17

ဖဲစီၤမိၤၡ့ဆှၢလီၤအဝဲသ့ၣ်န့ၣ်အဝဲစံးဘၣ်အဝဲသ့ၣ်, “လဲၤတၢ်ဖဲအံၤဆူကလံၤစိးတခီတုၤဆူကီၢ်ကနၤဧၣ်န့ၣ် အကလံၤထံးအပူၤဝံၤဒီး, လဲၤဆူကီၢ်အိၣ်လၢတၢ်လူၢ်ခိၣ်တဖၣ်အဒီခိၣ်တက့ၢ်.

လံာ်တၢ်ဂံၢ် 13:30

စီၤကၤလ့းဒုးအိၣ်ဘှီၣ်ပှၤဂီၢ်မုၢ်လၢအကဒူးကဒ့ၣ်တၢ်ထီဒါ စီၤမိၤၡ့ဒီးစံးဝဲဒၣ်, “ပကြၢးလဲၤထီၣ်ဒုးတၢ်ခဲအံၤဒီးမၤန့ၢ်ကီၢ်န့ၣ်လီၤ. ပဂံၢ်ပဘါအိၣ်လၢလၢပှဲၤပှဲၤလၢပကမၤနၢၤအီၤအဂီၢ်လီၤ.”

လံာ်တၢ်ဂံၢ် 14:25

လၢခဲအံၤအတၢ်လူၢ်တၢ်တြီၤအပူၤ, ပှၤဧမၤလ့းဖိတဖၣ်ဒီးပှၤ ကနၤဧၣ်ဖိတဖၣ်အိၣ်ဆိးဝဲန့ၣ်လီၤ. ခဲမုၢ်ဆ့ၣ်တနံၤန့ၣ်ဃၣ်ကဒါက့ၤဒီးလဲၤနုာ်ဆူပှၢ်မုၢ်ကနၢလၢ ကျဲလဲၤဆူအၤကဘၢ်အပီၣ်လဲၣ်က့ၣ်ကွီၤန့ၣ်တက့ၢ်.”

လံာ်တၢ်ဂံၢ် 14:43

ဖဲသုကွၢ်ဆၢၣ်မဲာ်ပှၤဧၤမလ့းဖိဒီးပှၤကနၤဧၣ်ဖိတဖၣ်န့ၣ်သု ကသံလၢတၢ်ဒုးအပူၤလီၤ. ယွၤတအိၣ်ဘၣ်ဒီးသုဘၣ်. အဂ့ၢ်ဒ်အံၤ, မ့ၢ်လၢသုဂ့ၢ်လိာ်လၢသုကပိာ်အခံအဃိန့ၣ်လီၤ.”

လံာ်တၢ်ဂံၢ် 14:45

တုၤနုၤတစု, ပှၤဧမၤလ့းဖိတဖၣ်ဒီးပှၤကနၤဧၣ်ဖိတဖၣ်လၢအအိၣ် လၢတၢ်လီၢ်ဖဲန့ၣ်, ဒုးအဝဲသ့ၣ်ဒီးမၤနၢၤကွံာ်အဝဲသ့ၣ်ဒီးလူၤထွဲ အဝဲသ့ၣ်ယံၤတုၤလၢဃိၢ်မါန့ၣ်လီၤ.

လံာ်တၢ်ဂံၢ် 24:20

အန့ၣ်ဝံၤဒီး, လၢအတၢ်ထံၣ်လၢညါခီအပူၤန့ၣ်စီၤဘံးလၣ်ထံၣ်ဘၣ် ပှၤဧမၤလ့းဖိတဖၣ်ဒီးအဲးထီၣ်အထးခိၣ်လၢဝံအကျိာ်ဒ်အံၤလီၤ. “ကီၢ်ဧမၤလ့းမ့ၢ်ပှၤတကလုာ်လၢအဂံၢ်အဘါဆူၣ်ကတၢၢ်လၢပှၤ ကလုာ်ခဲလၢာ်အကျါ, ဘၣ်ဆၣ်ဒီးလၢခံကတၢၢ်န့ၣ်ကဟးဂီၤ လီၤထူလီၤယိာ်လီၤ.”

လံာ်သိၣ်လီၤသီလီၤတၢ် 20:17

ကယဲၢ်ပှၤဂီၢ်မုၢ်ခဲလၢာ်လၢအမ့ၢ်, ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိန့ၣ် မၤဟးဂီၤကွံာ်အီၤစီဖ့ကလ့ၤဒ်ယွၤဟ့ၣ်လီၤတ့ၢ်အကလုၢ်လၢသု ကဘၣ်မၤအီၤန့ၣ်တက့ၢ်.

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

လံာ်စီၤယိၤၡူ 10:5

အန့ၣ်ဒီး, ပှၤအမိၢ်ဖိအစီၤပၤယဲၢ်ဂၤလၢအမ့ၢ်ဝဲစီၤပၤတဖၣ်လၢဝ့ၢ် ယရူၤၡလ့ၣ်, ဃ့ဘြိၣ်, ယၢ်မူသး, လၤကံၣ်ဒီးဧ့းကလိၣ်ပာ်ဖှိၣ်အသုးမုၢ်တဖၣ်, ကဝီၤဃာ်ဝ့ၢ်ကံးဘိၣ်ဒီးဒုးအီၤန့ၣ်လီၤ.

လံာ်စီၤယိၤၡူ 10:6

ဒီးပှၤကံးဘိၣ်ဖိတဖၣ်ဆှၢလီၤတၢ် ကစီၣ်ဆူစီၤယိၤၡူလၢအသူၣ်ဒဲလၢဝ့ၢ်ကံးလကၤလးအအိၣ်ဒီးစံး ဝဲ, “တဘၣ်ပာ်တီၢ်ပှၤတဂ့ၤ. ဟဲတဘျီဃီဒီးမၤစၢၤပှၤတက့ၢ်. ဟဲမၤပူၤဖျဲးပှၤလၢပှၤအမိၢ်ဖိအစီၤပၤလၢအအိၣ်လၢကစၢၢ်ခံကလိ လိၤလၢအပာ်ဖှိၣ်အသးဒီးဒုးတၢ်ဒီးပှၤတဖၣ်အစုပူၤတက့ၢ်.”

လံာ်စီၤယိၤၡူ 3:10

ဖဲသုလဲၤထီၣ်ဆူညါဒီး, အဝဲကနီၣ်ထီၣ်ကွံာ်ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ, ဒီးပှၤယဘူၣ်ဖိတဖၣ်သပှၢ်ကတၢၢ်န့ၣ်လီၤ. ဒီးသုကသ့ၣ်ညါလၢကစၢ်ယွၤလၢအမူဝဲတဂၤအိၣ်လၢသုကျါ,

လံာ်စီၤယိၤၡူ 5:1

ဖဲပှၤအမိၢ်ဖိအစီၤပၤခဲလၢာ်လၢ အအိၣ်လၢထံကျိယၢ်ဒ့ၣ်အမုၢ်နုာ်, ဒီးပှၤကနၤဧၣ်ဖိအစီၤပၤခဲလၢာ်လၢအအိၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်အနံၤ, နၢ်ဟူဝဲလၢကစၢ်မၤလီၤသံးကွံာ်ယၢ်ဒ့ၣ်အထံတုၤလၢပှၤအံၣ်စရ့ လးဖိခဲလၢာ်ခီဂာ်တၢ်သ့သတးဒီး, အဝဲသ့ၣ်အသးလီၤစၢ်ဝဲဒီးတၢ်သူၣ်ဒူ သးဒူတအိၣ်လၢၤလၢအပူၤလၢပှၤအံၣ်စရ့လးဖိ တဖၣ်အဃိန့ၣ်လီၤ.

လံာ်စီၤယိၤၡူ 9:1

အံၣ်စရ့လးအတၢ်မၤနၢၤအံၤဘၣ်တၢ်သ့ၣ်ညါအီၤလၢစီၤပၤတဖၣ်လၢ ထံကျိယၢ်ဒ့ၣ်အမုၢ်နုာ်လၢကစၢၢ်ကလိတဖၣ်, လၢကစၢၢ်ခီၣ်ထံးတဖၣ်, ဒီးလၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အဃၢၤ, ဒီးလၢကလံၤစိးန့ၣ်ယံၤဝဲတုၤလၢလဘၤနိၣ်, လၢအမ့ၢ်ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိ အစီၤပၤတဖၣ်အအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:5

လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်အိၣ်ဝဲဆိးဝဲလၢပှၤကနၤဧၣ်ဖိ, ပှၤဃံၤဝံဖိ, ပှၤအမိၢ်ဖိ, ပှၤပရးစၤဖိဒီးပှၤယဘူၣ်ဖိတဖၣ်အကျါန့ၣ်လီၤ.

လံာ်ပှၤစံၣ်ညီၣ်ကွီၢ် 6:3

တဘျီလၢ်လၢ်ဖဲပှၤအံၣ်စရ့လးဖိတဖၣ်သူၣ်လီၤဖျးလီၤတၢ်ချံတမံၤမံၤန့ၣ်, ပှၤမံးဒယၣ်ဖိတဖၣ်ဟဲဃုာ်ဒီးပှၤဧမၤလ့းဖိဒီးပှၤအဒူၣ်တဖၣ် လၢအအိၣ်လၢမဲးမုၢ်ခိၣ်, ဒီးဒုးအဝဲသ့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:48

အဝဲဒုးတၢ်ဒူဒူဃိၤဃိၤဒီးမၤနၢၤကွံာ်ဒၣ်လဲာ်ကီၢ်ဧမၤလ့း အပှၤဂီၢ်မုၢ်န့ၣ်လီၤ. အဝဲမၤပူၤမၤဖျဲးပှၤအံၣ်စရ့လးဖိတဖၣ်လၢကယဲၢ်တၢ်ဒုးတၢ်ယၤ ထီဒါတၢ်တဖၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:8

အကတီၢ်ဖဲန့ၣ်, စီၤဒၤဝံးဒီးအပှၤတဖၣ်လဲၤဒုးပှၤဂီၢ်မုၢ်လၢ ဝ့ၢ်ကၡူၢ်, ဝ့ၢ်က့စ့ၢ်, ဒီးကီၢ်ဧမၤလ့းလၢအအိၣ်ဖဲန့ၣ်ယံာ်တ့ၢ်လံ န့ၣ်လီၤ. စီၤဒၤဝံးဂုာ်ဆူၣ်အဝဲသ့ၣ်အကီၢ်တုၤလၢဝ့ၢ်ၡူၢ်ဒီး ကျဲဒီဘိပၢၢ်လၢကီၢ်အဲၤကူပတူး,

လံာ်စီၤၡမူၤအ့လးအခီၣ်ထံးတဘ့ၣ် 30:1

ခံသီပူၤကွံာ်အလီၢ်ခံစီၤဒၤဝံးဒီးအပှၤတဖၣ် က့ၤတုၤကဒါက့ၤဆူဝ့ၢ်စံကလးလီၤ. ပှၤဧမၤလ့းဖိတဖၣ်ဟဲဂုာ်ဆူၣ်ပျိဆူၣ်ကီၢ်ယူဒၤ ကလံၤထံးဒီးဒုးဝ့ၢ်စံကလးလီၤ. အဝဲသ့ၣ်ဆူးကဲၤထီၣ်ကွံာ်ဝ့ၢ်န့ၣ်လၢမ့ၣ်အူ,

လံာ်စီၤၡမူၤအ့လးအခီၣ်ထံးတဘ့ၣ် 7:14

ဝ့ၢ်ကိးဝ့ၢ်ဒဲးလၢပှၤဖလ့ၡသးဖိတဖၣ်ဒုးန့ၢ်တ့ၢ်ဝဲလၢဝ့ၢ် ဧ့ကြိၣ်ဒီးဝ့ၢ်ကၤသးအဘၢၣ်စၢၤတဖၣ်ဘၣ်တၢ်ဟ့ၣ်က့ၤအီၤဆူကီၢ် အံၣ်စရ့လး, ဒီးလၢတၢ်န့ၣ်အဃိကီၢ်အံၣ်စရ့လးမၤန့ၢ်က့ၤကယဲၢ်အထံအကီၢ်အလီၢ်အကျဲလီၤ. ဒီးတၢ်ဃူတၢ်ဖိးအိၣ်ဝဲစ့ၢ်ကီးလၢပှၤ အံၣ်စရ့လးဖိတဖၣ်ဒီးပှၤကနၤဧၣ်ဖိတဖၣ်အဘၢၣ်စၢၤန့ၣ်လီၤ.