လံာ်တၢ်ဂံၢ် 13:22 - Sgaw Karen Common Bible

²² အဆိကတၢၢ်အဝဲသ့ၣ်လဲၤဆူကီၢ်န့ၣ်အကလံၤထံးတကပၤ တုၤဆူဝ့ၢ်ဃ့ဘြိၣ်, တၢ်လီၢ်ဖဲစီၤအဃံမ့ၣ်, စီၤၡ့ၤၡဲ, ဒီးစီၤတးလမဲအဒူၣ်ထၢတဖၣ်ပှၤဟဲလီၤစၢၤလၢပှၤတကလုာ်လၢအနီၢ် ဒိၣ်နီၢ်သွါတဖၣ်လၢပှၤကိးအီၤလၢပှၤဧနးဖိအိၣ်ဝဲဆိးဝဲအလီၢ်န့ၣ်လီၤ. (ဝ့ၢ်ဃ့ဘြိၣ်န့ၣ်ဘၣ်တၢ်သူၣ်ထီၣ်အီၤဆိန့ၣ်ဝ့ၢ်စိၤဧၢ်လၢကီၢ် အဲၤကူပတူးအပူၤနွံနံၣ်န့ၣ်လီၤ.)

လံာ်တၢ်ဂံၢ် 13:22 Iomraidhean Croise

လံာ်တၢ်ကဲထီၣ်အခီၣ်ထံး 13:18

မၤသးဒ်န့ၣ်ဒီး, စီၤအၤဘြၣ်သုးအဒဲဒီးသူၣ်လီၤအတၢ်အိၣ်တၢ် ဆိးအလီၢ်ဘူးဒီးမးမရ့အသ့ၣ်စီဆှံတဖၣ်လၢအအိၣ်ဖဲဝ့ၢ်ဃ့ ဘြိၣ်န့ၣ်လီၤ. ဒီးမၤထီၣ်ဝဲတၢ်လုၢ်လီၢ်တခါလၢယွၤအဂီၢ်ဖဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:1

တၢ်အံၤဝံၤအလီၢ်ခံ, စီၤဒၤဝံးသံကွၢ်ယွၤ, “ယဘၣ်လဲၤမၤန့ၢ်ဒီးပၢၤဃာ်ကီၢ်ယူဒၤအဝ့ၢ်တဖျၢၣ်ဖျၢၣ်ဧါ.” ယွၤစံးဆၢဝဲဒၣ်, “မ့ၢ်လီၤ.” စီၤဒၤဝံးသံကွၢ်ဝဲ, “ဝ့ၢ်လၢလဲၣ်တဝ့ၢ်လဲၣ်.” ယွၤစံးဝဲဒၣ်, “ဝ့ၢ်ဃ့ဘြိၣ်” လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:11

ဒီးအဝဲပၢတၢ်လၢဝ့ၢ်ဃ့ဘြိၣ်လၢကီၢ်ယူဒၤအပူၤနွံနံၣ်ဒီး ဃုလါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:16

ပှၤဖးဒိၣ်တဂၤလၢအမံၤမ့ၢ် စီၤယံၡဘနိးလၢအစိာ်ဘီတိၢ်ဘီလၢအတယၢၢ်ဃၢဝဲၡက့လးသၢကယၤ, ဒီးသိးဃာ်နးအသီတဘ့ၣ်န့ၣ်, ဆိကမိၣ်ဝဲလၢအမၤသံစီၤဒၤဝံး ကန့ၢ်န့ၣ်လီၤ.

စံးထီၣ်ပတြၢၤ 78:12

လၢအပၢ်တဖၣ်အမဲာ်ညါန့ၣ်, ကစၢ်ယွၤမၤတၢ်လီၤလးတဖၣ် လၢကီၢ်အဲၤကူပတူးအပူၤ, ဒီးစိၤဧၣ်အပျီပူၤန့ၣ်လီၤ.

စံးထီၣ်ပတြၢၤ 78:43

ဒီးအမၤတၢ်အဒိၣ်ဒီးတၢ်ပနီၣ်လီၤလးတဖၣ် လၢကီၢ်အဲၤကူပတူးအပူၤဒီး လၢစိၤဧၣ်အပျီပူၤန့ၣ်လီၤ.

လံာ်ယၡါယၤ 19:11

ဝ့ၢ်စိၤဧၣ်အခိၣ်အနၢ်တဖၣ်မ့ၢ်ပှၤအပျုၢ်တဖၣ်လီၤ. ကီၢ်အဲၤကူပတူးအပှၤကူၣ်သ့ကတၢၢ်တဖၣ်ဟ့ၣ်ကူၣ်တၢ်လၢတၢ် သးတဆးအပူၤလီၤ. အဝဲသ့ၣ်တဲစီၤပၤလၢအဝဲသ့ၣ်မ့ၢ်ပှၤ လီၤစၢၤလီၤသွဲၣ်လၢပှၤကူၣ်သ့ဒီးစီၤပၤလၢပျၢၤတဖၣ်ဘူၣ် ဝဲဒ်လဲၣ်.

လံာ်ယၡါယၤ 19:13

ဝ့ၢ်စိၤဧၣ်ဒီးဝ့ၢ်မဲဖံးအခိၣ်အနၢ်တဖၣ်မ့ၢ်ပှၤဟးဂီၤဖိတဖၣ်လီၤ. အဝဲသ့ၣ်ကဘၣ်ဆှၢအပှၤကလုာ်, ဘၣ်ဆၣ်ဒီး, အဝဲသ့ၣ်ဆှၢကမၣ်အီၤလီၤ.

လံာ်ယၡါယၤ 30:4

အဝဲသ့ၣ်အထံကီၢ်ခၢၣ်စးတဖၣ်မ့ၢ်လဲၤတုၤလံဆူပှၤအဲၤကူပတူး ဖိအဝ့ၢ်တဖၣ်လၢအမ့ၢ်ဝဲစိၤဧၣ်ဒီးဃါန့ၤဒၣ်လဲာ်န့ၣ်,

လံာ်တၢ်ဂံၢ် 13:17

ဖဲစီၤမိၤၡ့ဆှၢလီၤအဝဲသ့ၣ်န့ၣ်အဝဲစံးဘၣ်အဝဲသ့ၣ်, “လဲၤတၢ်ဖဲအံၤဆူကလံၤစိးတခီတုၤဆူကီၢ်ကနၤဧၣ်န့ၣ် အကလံၤထံးအပူၤဝံၤဒီး, လဲၤဆူကီၢ်အိၣ်လၢတၢ်လူၢ်ခိၣ်တဖၣ်အဒီခိၣ်တက့ၢ်.

လံာ်တၢ်ဂံၢ် 13:28

ဘၣ်ဆၣ်ဒီးပှၤဂီၢ်မုၢ်လၢအအိၣ်ဖဲန့ၣ်တဖၣ်အဂံၢ်အဘါဆူၣ်ဝဲ, ဒီးအခူအဝ့ၢ်တဖၣ်ဒိၣ်ဝဲဒီးအခိၣ်ဒူအိၣ်ကျၢၤဝဲဂ့ၤဂ့ၤလီၤ. အၢန့ၢ်အန့ၣ်ဒၣ်လဲာ်ပထံၣ်တ့ၢ်ပှၤနီၢ်ဒိၣ်နီၢ်သွါအစၢၤအသွဲၣ် တဖၣ်ဖဲန့ၣ်လီၤ.

လံာ်တၢ်ဂံၢ် 13:33

ဒီးပထံၣ်ဒၣ်လဲာ်ပှၤနီၢ်ဒိၣ်နီၢ်သွါတဖၣ်ဖဲန့ၣ်, စီၤဧနးအစၢၤအသွဲၣ်တဖၣ်န့ၣ်လီၤ. ပကွၢ်လီၤပသးလီၤဂာ်မးဒ်ဒွဲၣ်ဖိတြၤဖိတဖၣ်ဒီးပကဖျါလီၤဂာ် စ့ၢ်ကီးဒ်န့ၣ်, လၢအဝဲသ့ၣ်အမဲာ်ညါန့ၣ်လီၤ.”

လံာ်သိၣ်လီၤသီလီၤတၢ် 9:2

ပှၤဂီၢ်မုၢ်တဖၣ်အနီၢ်ကစၢ်ဒၣ်ဝဲအနီၢ်ထီဒီးအဂံၢ်အဘါဆူၣ်ဝဲဒၣ် လီၤ. အဝဲသ့ၣ်မ့ၢ်ပှၤနီၢ်ဒိၣ်နီၢ်သွါတဖၣ်ဒီးသုနၢ်ဟူတ့ၢ်လၢပှၤ စံးဝဲလၢပှၤဆၢထၢၣ်ထီဒါအဝဲသ့ၣ်တန့ၢ်နီတဂၤဘၣ်န့ၣ်လီၤ.

လံာ်စီၤယိၤၡူ 10:36

တၢ်အံၤဝံၤဒီး, စီၤယိၤၡူဒီးအသုးမုၢ်ဟးထီၣ်လၢဝ့ၢ်ဧ့းက လိၣ်ဆူဝ့ၢ်ဃ့ဘြိၣ်ဒီးဒုးအီၤန့ၣ်လီၤ.

လံာ်စီၤယိၤၡူ 21:13

လၢဝ့ၢ်ဃ့ဘြိၣ် (တၢ်ပူၤဖျဲးအဝ့ၢ်အကျါတဝ့ၢ်) အမဲာ်ညါ, ဝ့ၢ်လၢလာ်တဖၣ်အံၤဘၣ်တၢ်ဟ့ၣ်လီၤတ့ၢ်အီၤဆူပှၤလုၢ်တၢ်အခိၣ် စီၤအၤဟရိၣ်အစၢၤအသွဲၣ်တဖၣ်န့ၣ်လီၤ. လံးဘနၤ,

လံာ်ပှၤစံၣ်ညီၣ်ကွီၢ် 1:10

ဒီးအဝဲသ့ၣ်လဲၤထီၣ်ထီဒါပှၤကနၤဧၣ်ဖိအိၣ်လၢဝ့ၢ်ဃ့ဘြိၣ်လၢ တၢ်ညီနုၢ်ကိးအီၤလၢဝ့ၢ်ကံးရယးအၢ်ဘၤန့ၣ်လီၤ. ဖဲန့ၣ်, အဝဲသ့ၣ်မၤနၢၤကွံာ်စီၤၡ့ၤၡဲအဒူၣ်, စီၤအဃံမ့ၣ်အဒူၣ်ဒီး စီၤတၤလမဲအဒူၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:31

ဒီးဆူဝ့ၢ်ဃ့ဘြိၣ်လီၤ. အဝဲဆှၢလီၤတၢ်န့ၣ်ဆူကယဲၢ်တၢ်လီၢ်ကိးပူၤဒဲးဖဲအဝဲဒီးအတံၤသကိးတဖၣ်လဲၤဟးညီနူၢ်တ့ၢ်ဝဲ န့ၣ်လီၤ.