လံာ်တၢ်ဂံၢ် 12:6 - Sgaw Karen Common Bible

⁶ ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်တၢ်ဂံၢ် 12:6 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 20:7

မ့မ့ၢ်, ခဲကနံၣ်အံၤဟ့ၣ်လီၤက့ၤပိာ်မုၣ်ဆူအဝၤအအိၣ်န့ၣ်တ က့ၢ်. အဝဲမ့ၢ်ဝံတဂၤဒီးကဘါထုကဖၣ်န့ၢ်တၢ်လၢနဂီၢ်ဒ်သိးနသုတသံ တဂ့ၤလီၤ. ဘၣ်ဆၣ်နမ့ၢ်တဟ့ၣ်က့ၤအီၤဘၣ်န့ၣ်ဒီးယဟ့ၣ်ပလီၢ်နၤလၢ နကသံ, နၤ, ဒီးနပှၤဂီၢ်မုၢ်ခဲလၢာ်ကသံဝဲဒၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 28:12

ဒီးမံမီၢ်ဝဲဒၣ်လၢထံၣ်ဘၣ်ဝဲဒၣ်ဃီတဘိပိာ်ထီၣ်အသးလၢဟီၣ် ခိၣ်တုၤဆူမူခိၣ်, ဃုာ်ဒီးမူခိၣ်ကလူးတဖၣ်လဲၤထီၣ်က့ၤလီၤလၢအဖီခိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 28:16

ဒီးစီၤယၤကိာ်ပၢၢ်ထီၣ်ဒီးစံးဝဲ, “ယွၤအိၣ်ဖဲအံၤလီၤ. ယွၤအိၣ်ဖဲတၢ်လီၢ်အံၤဒီးယတသ့ၣ်ညါတ့ၢ်ယဲဘၣ်.”

လံာ်တၢ်ကဲထီၣ်အခီၣ်ထံး 37:5

ဘၣ်တနၤစီၤယိၤသးအိၣ်ဒီးအတၢ်မံမီၢ်တမံၤ, ဒီးဖဲအတဲဘၣ်အဒီပုၢ်ဝဲၢ်ခွါသ့ၣ်တဖၣ်လၢတၢ်ဂ့ၢ်န့ၣ်, အဝဲသ့ၣ်သးဟ့အီၤအါန့ၢ်အလီၢ်လီၤ.

လံာ်တၢ်ကဲထီၣ်အခီၣ်ထံး 37:9

ဒီးစီၤယိၤသးအိၣ်ဒီးအတၢ်မံမီၢ်တဂၤတမံၤဒီးတဲဘၣ်အဒီပုၢ် ဝဲၢ်ခွါသ့ၣ်တဖၣ်, “ယအိၣ်ဒီးတၢ်မံမီၢ်အဂၤတမံၤ, ဒီးလၢယတၢ်မံမီၢ်အပူၤန့ၣ်, ယထံၣ်မုၢ်, လါဒီးဆၣ်တဆံ တဖျၢၣ်သကူးလီၤအသးလၢယမဲာ်ညါန့ၣ်လီၤ.”

လံာ်တၢ်ကဲထီၣ်အခီၣ်ထံး 46:2

ကစၢ်ယွၤကတိၤတ့ၢ်တၢ်ဒီးအီၤလၢတၢ်ထံၣ်လၢညါခီအပူၤဖဲမုၢ် နၤအကတီၢ်ဒီးကိးထီၣ်အီၤ, “စီၤယၤကိာ်ဧၢ, စီၤယၤကိာ်ဧၢ.” ဒီးအဝဲစံးဆၢဝဲ, “မ့ၢ်, ယအိၣ်ဖဲအံၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 7:4

ဘၣ်ဆၣ်ဒီးမုၢ်နၤအဝဲန့ၣ်ယွၤစံးဘၣ်စီၤနၤသၣ်,

လံာ်စီၤပၤအခီၣ်ထံးတဘ့ၣ် 3:15

စီၤၡလိၤမိၤမံပၢၢ်ထီၣ်ဒီးသ့ၣ်ညါဘၣ်ဝဲလၢကစၢ်ယွၤကတိၤတ့ၢ် တၢ်ဒီးအီၤလၢတၢ်မံမီၢ်အပူၤန့ၣ်လီၤ. အန့ၣ်ဝံၤဒီးအဝဲလဲၤဆူဝ့ၢ်ယရူၤၡလ့ၣ်, ဒီးဂဲၤဆၢထၢၣ်ဝဲလၢယွၤအတၢ်အၢၣ်လီၤအီလီၤအတလါစီဆှံအမဲာ်ညါ, ဒီးလုၢ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိးတဖၣ်ဆူ ယွၤန့ၣ်လီၤ. အန့ၣ်ဝံၤအလီၢ်ခံ, အဝဲမၤဝဲတၢ်အီၣ်အမူးတမူး လၢကယဲၢ်အပဒိၣ်ပပှၢ်တဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:5

မုၢ်တနၤဃီန့ၣ်, ယွၤလီၣ်ဖျါထီၣ်အသးလၢအီၤလၢတၢ်မံမီၢ်တခါ အပူၤဒီးသံကွၢ်အီၤ, “နအဲၣ်ဒိးလၢယကဟ့ၣ်နၤတၢ်မနုၤလဲၣ်.”

လံာ်စီၤယိၤဘး 33:15

လၢမုၢ်နၤလၢပှၤကညီမံအခါကစၢ်ယွၤကတိၤတၢ်လၢတၢ်မံ မီၢ်တဖၣ်ဒီးတၢ်ထံၣ်လၢညါခီတဖၣ်လီၤ.

လံာ်စီၤယိၤဘး 4:13

ဒီးဒ်တၢ်မံမီၢ်ပျီၢ်သီအၢအသိးမၤတံာ်တာ်ယတၢ်မံန့ၣ်လီၤ.

စံးထီၣ်ပတြၢၤ 105:15

“မၤဘၣ်ဒိဆါယခ့ယပှၤလၢ ယဃုထၢအီၤတဖၣ်တဂ့ၤ. ထိးဘူးယဝံတဖၣ်တဂ့ၤ”

စံးထီၣ်ပတြၢၤ 89:19

လၢပျၢၤ, နကတိၤတၢ်ဒီးနပှၤတီပှၤလိၤတဖၣ်လၢ တၢ်ထံၣ်လၢညါခီအပူၤ, ဒီးနစံး, “ယဟ့ၣ်လီၤလံပှၤသုးဖိ မံၤဟူသၣ်ဖျါတဂၤလၢ တၢ်မၤစၢၤ, ယဟ့ၣ်လီၤလံလီၢ်ပစိာ်ဆူပှၤတဂၤ လၢယဃုထၢအီၤလၢ ပှၤဂီၤမုၢ်အကျါလံ.

လံာ်တၢ်ဟးထီၣ်ကွံာ် 7:1

ဒီးယွၤစံးဘၣ်စီၤမိၤၡ့, “ယကဒုးကဲထီၣ်နၤလီၤဂာ်ဒ်သိး ကစၢ်ယွၤလၢအဲၤကူပတူးအစီၤပၤအဂီၢ်ဒီးနဒီပုၢ်ဝဲၢ်စီၤအၤ ဟရိၣ်ကကတိၤတၢ်ဒီးအီၤဒ်ဝံတဂၤအသိးန့ၣ်လီၤ.

လံာ်ယံးရမံယၤ 23:25

တၢ်လၢဝံတဖၣ်လၢအကတိၤလီတၢ်လၢယမံၤအပူၤစံးတ့ၢ်ဝဲန့ၣ်, ယသ့ၣ်ညါယဲလီၤ. အဝဲသ့ၣ်စံးဝဲလၢယဟ့ၣ်အီၤယတၢ်ကစီၣ် တဖၣ်လၢအတၢ်မံမီၢ်အပူၤန့ၣ်လီၤ.

လံာ်ယံးရမံယၤ 23:28

ဝံတဂၤလၢအအိၣ်ဒီးတၢ်မံမီၢ်တမံၤန့ၣ်, ကြၢးစံးဝဲလၢတၢ်အံၤ မ့ၢ်ဒၣ်တၢ်မံမီၢ်ဧိၤန့ၣ်လီၤ. ဘၣ်ဆၣ်ဒီးဝံတဂၤလၢအနၢ်ဟူတ့ၢ် ယတၢ်ကစီၣ်န့ၣ်, ကြၢးစံးဘၣ်တဲဘၣ်တၢ်ကစီၣ်အဝဲန့ၣ်လၢတၢ်သးတီအပူၤန့ၣ်လီၤ. တၢ်ထိၣ်သတြီၤဘုလီၢ်ဒီးဘုကၠူၣ်န့ၣ်ကမၤဂ့ၤတၢ်မနုၤလဲၣ်.

လံာ်ယဃ့းစက့လး 1:1

လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်ဒၤနံးယ့လး 10:8

ယအိၣ်တီၢ်တ့ၢ်ဖဲန့ၣ်ထဲတဂၤဧိၤဒီးကွၢ်ကီတၢ်ထံၣ်လၢညါခီလၢ အလီၤလိၢ်လီၤလးအံၤန့ၣ်လီၤ. ယဂံၢ်ယဘါလၢာ်ကွံာ်ဝဲ, ဒီးယမဲာ်သၣ်အက့ၢ်အဂီၤလဲလိာ်ကွံာ်အသးတုၤဒၣ်လဲၣ်ပှၤကွၢ် နီၣ်ယၤတဘၣ်လၢၤနီတဂၤဘၣ်.

လံာ်ဒၤနံးယ့လး 2:19

ဒီးလၢမုၢ်တနၤဃီအပူၤန့ၣ်တၢ်ခူသူၣ်အဒိၣ်အယိာ်ဘၣ်တၢ်လီၣ် ဖျါထီၣ်တ့ၢ်အီၤဆူစီၤဒၤနံးယ့လးအအိၣ်လၢတၢ်ထံၣ်လၢညါ ခီအပူၤန့ၣ်လီၤ. ဒီးစီၤဒၤနံးယ့လးစံးထီၣ်ပတြၢၤတ့ၢ်ကစၢ် ယွၤလၢမူခိၣ်န့ၣ်လီၤ.

လံာ်ဒၤနံးယ့လး 7:1

ဖဲစီၤဘ့ၤလၡါစၢ်ပၢကီၢ်ဘၤဘူၤလိၣ်အခီၣ်ထံးတနံၣ်န့ၣ်, စီၤဒၤနံးယ့လးမံမီၢ်တ့ၢ်တၢ်တမံၤဒီးထံၣ်တၢ်ထံၣ်လၢညါခီလၢ မုၢ်နၤအကတီၢ်န့ၣ်လီၤ. ဒီးကွဲးလီၤတ့ၢ်ဝဲတၢ်မံမီၢ်န့ၣ်, ဒီးစံးတ့ၢ်ဝဲတၢ်ဂ့ၢ်လၢတၢ်ပာ်ဖှိၣ်ဖုၣ်ဖုၣ်အပူၤန့ၣ်လီၤ.

လံာ်ဒၤနံးယ့လး 8:2

လၢတၢ်ထံၣ်လၢညါခီအံၤအပူၤယထံၣ်လီၤက့ၤယသးသတူၢ် ကလာ်လၢယအိၣ်လၢကီၢ်ဧ့ၤလၣ်အဝ့ၢ်ခိၣ်ဝ့ၢ်ၡူၡၣ်အပူၤန့ၣ်လီၤ. ယဆၢထၢၣ်တ့ၢ်ဖဲထံကျိဖးဒိၣ်အူလဲၤအကၢၢ်နံၤန့ၣ်လီၤ.

လံာ်ဟိၤၡ့ 12:11

အန့ၣ်ဒၣ်လဲာ်, တၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤလၢကီၢ်ကံး လဧးအပူၤဒီးပှၤတဖၣ်လၢအဘါထီၣ်အီၤန့ၣ်ကသံဝဲဒၣ်လီၤ. ဂီၤဖံးဖါတဖၣ်ဘၣ်တၢ်လုၢ်ထီၣ်အီၤလၢကံးလကၤလးအပူၤဒီးတၢ် လုၢ်လီၢ်ဖဲန့ၣ်တဖၣ်ကကဲထီၣ်လၢၢ်အပူၣ်တဖၣ်လၢတၢ်ပျီပူၤန့ၣ်လီၤ.”

လံာ်ယိၤအ့လး 3:1

ဒီးယွၤစံးဝဲဒၣ်, လၢအဆၢကတီၢ်ဖဲန့ၣ်, ယကဒုးအီၣ်ကုးအီပှဲၤက့ၤကီၢ်ယူဒၤဒီး ဝ့ၢ်ယရူၤၡလ့ၣ်န့ၣ်လီၤ.

လံာ်စကၤရယၤ 1:8

ယထံၣ်ယွၤအကလူးတဂၤဒိးကသ့ၣ်အဂီၤတဒုလီၤ. အဝဲအိၣ်ကတီၢ်ဝဲလၢသမ့ၤဟဒးအထူၣ်တနီၤ အကျါလၢအအိၣ်လၢတၢ်တြီၤပူၤ, ဒီးလၢအလီၢ်ခံန့ၣ်ကသ့ၣ် ဂီၤ, ကသ့ၣ်ဂီၤဃ့, ဒီးကသ့ၣ်ဝါအဂၤတဖၣ်အိၣ်ဝဲဒၣ်လီၤ.

လံာ်တၢ်ဂံၢ် 24:4

မတၤနၢ်ဟူတၢ်လၢကစၢ်ယွၤစံးဝဲသ့န့ၣ်လဲၣ်. လၢမဲာ်ချံစီၣ်ဝဲၤ ကဲၤတဖၣ်န့ၣ်ယထံၣ်တၢ်လၢသးတမံၤ, တၢ်ထံၣ်လၢညါခီတမံၤလၢအဟဲလၢသ့တၢ်လၢာ်ကစၢ်ယွၤတဂၤ အအိၣ်န့ၣ်လီၤ.

လံာ်မးသဲ 1:20

ဘၣ်ဆၣ်ဒီး ဖဲအဝဲဆိကမိၣ်တၢ်ဂ့ၢ်အံၤအဖၢမုၢ်န့ၣ်, ယွၤအကလူးတဂၤလီၣ်ဖျါထီၣ်အသးလၢတၢ်မံမီၢ်အပူၤဒီးစံးဘၣ် အီၤ, “စီၤဒၤဝံးအဖိခွါစီၤယိၤသးဧၢ, တဘၣ်ပျံၤလၢနကဟံးန့ၢ်နီၢ်မၤရံဒ်နမါအသိးတဂ့ၤ. အဂ့ၢ်ဒ်အံၤအဝဲဒၢထီၣ်ဒၣ်လၢသးစီဆှံအစိကမီၤလီၤ.

လံာ်မးသဲ 2:19

တုၤစီၤပၤဟ့ၤရိာ်သံဝံၤအလီၢ်ခံဒီးယွၤအကလူးတဂၤလီၣ်ဖျါ ထီၣ်အသးလၢစီၤယိၤသးလၢကီၢ်အဲၤကူပတူးအပူၤခီဖျိတၢ်မံမီၢ်ဒီးစံး,

လံာ်မးသဲ 23:31

မၤသးဒ်န့ၣ်ဒီး, သုအၢၣ်လီၤအီလီၤနီၢ်နီၢ်လၢသုဟဲလီၤစၢၤလၢပှၤလၢအမၤသံဝံ တဖၣ်န့ၣ်လီၤ.

လံာ်မးသဲ 23:34

လၢတၢ်န့ၣ်အဃိ, ယစံးဘၣ်သုလၢယကဆှၢလီၤန့ၢ်သုလၢဝံ တဖၣ်, ပှၤကူၣ်ဘၣ်ကူၣ်သ့တဖၣ်, ဒီးသရၣ်သိၣ်လိတၢ်တဖၣ်လီၤ. တနီၤန့ၣ်သုကမၤသံအီၤ, ဒီးတနီၤန့ၣ်သုကပျၤထီအီၤလၢထူၣ်စုညါ အလိၤ, ဒီးအဂၤတနီၤန့ၣ်သုကတီၢ်အီၤလၢဘူၣ်ဘျီၣ်လၢ အမ့ၢ်တၢ်ဘါလီၢ်အပူၤဒီးလူၤမၤနးမၤဖှီၣ်အီၤလၢတဝ့ၢ်ဘၣ်တဝ့ၢ် အပူၤလီၤ.

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်လူၤကၣ် 1:11

ကစၢ်ယွၤအကလူးတဂၤလီၣ်ဖျါထီၣ်အသးလၢအီၤဒီး အိၣ်ဆၢထၢၣ်ဝဲဒၣ်ဖဲတၢ်လုၢ်လီၢ်, လၢတၢ်နၢမူဘၣ်တၢ်ဆိၣ် ကဲၤအီၤလၢအဖီခိၣ်န့ၣ်အစုထွဲတကပၤလီၤ.

လံာ်လူၤကၣ် 1:22

ဖဲအဝဲဒၣ်ဟဲက့ၤထီၣ်ဆူခိန့ၣ်, ကတိၤတၢ်ဒီးအဝဲသ့ၣ်တသ့ဘၣ် သတးဒီးအဝဲသ့ၣ်သ့ၣ်ညါလၢအဝဲဒၣ်ထံၣ်ဘၣ်တ့ၢ်တၢ်ထံၣ်လၢညါ ခီလၢတၢ်လုၢ်ဟံၣ်အပူၤန့ၣ်လီၤ. မ့ၢ်လၢအဝဲဒၣ်ကတိၤတၢ်လၢအထးခိၣ်တသ့ဝဲနီတဘီအဃိ ကတိၤတၢ်ဒီးအဝဲသ့ၣ်ခီဖျိအဒုးနဲၣ်မၤဟူးမၤဂဲၤအစုန့ၣ်လီၤ.

လံာ်လူၤကၣ် 20:6

မ့မ့ၢ်ပမ့ၢ်စံး, ‘ဟဲလၢပှၤကညီအအိၣ်’ ဒီးပှၤကမျၢၢ်ဖဲအံၤခဲလၢာ်ကကွံာ်ပှၤလၢလၢၢ်, အဂ့ၢ်မ့ၢ်လၢအဝဲသ့ၣ်နာ်လၢစီၤယိၤဟၣ်မ့ၢ်ဝံတဂၤအဃိလီၤ.”

မၤတၢ် 10:11

အဝဲထံၣ်ဘၣ်မူခိၣ်အိးထီၣ်အသးဒီးတၢ်တမံၤလၢအလီၤဂာ် ယၣ်ဖးဒိၣ်တဘ့ၣ်ဘၣ်တၢ်စဲၤလီၤအီၤလၢအနၢၣ်လွံၢ်နၢၣ်ဆူဟီၣ်ခိၣ် လီၤ.

မၤတၢ် 10:17

ဖဲစီၤပ့းတရူးကွၢ်ဆိကမိၣ်ဝဲဘၣ်ဃးကစၢ်သးအိၣ်စံးဘၣ်အီၤ တၢ်မနုၤခီဖျိတၢ်ထံၣ်တၢ်လၢညါခီတမံၤအံၤအဖၢမုၢ်န့ၣ်, ပှၤလၢစီၤကန့လံးဆှၢလီၤဝဲတဖၣ်ဃုသ့ၣ်ညါဒီးထံၣ်န့ၢ်လံစီၤၡံမိၣ် အဟံၣ်, ဒီးအိၣ်ဆၢထၢၣ်ဝဲခဲကနံၣ်အံၤဖဲကျဲစၢၤအမဲာ်ညါန့ၣ်လီၤ.

အ့းဖ့းစူး 4:11

အဝဲမ့ၢ်ပှၤလၢအဟ့ၣ်ပှၤဟီၣ်ခိၣ်ဖိလၢတၢ်ဟ့ၣ်တဖၣ်လီၤ. ပှၤတနီၤန့ၣ်, ဟ့ၣ်ဒုးကဲဝဲလၢတၢ်မၢဖိ, အဂၤတနီၤလၢဝံ, အဂၤတနီၤပှၤစိာ်တၢ်သးခုအကစီၣ်, အဂၤတနီၤတၢ်အိၣ်ဖှိၣ်သရၣ်ဒီးသရၣ်သိၣ်လိတၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 18:15

အခိၣ်တလိာ်, အဝဲကဆှၢလီၤန့ၢ်သုဝံတဂၤလၢအလီၤဂာ်ဒီးယၤလၢ သုပှၤဂီၢ်မုၢ်ဒၣ်ဝဲအကျါ, ဒီးသုကဘၣ်စူၢ်အီၤန့ၣ်လီၤ.

လံာ်သိၣ်လီၤသီလီၤတၢ် 18:18

ယကဆှၢလီၤန့ၢ်အဝဲသ့ၣ်လၢဝံဒ်သိးနၤတဂၤလၢအဝဲသ့ၣ်အပှၤဂီၢ် မုၢ်ဒၣ်ဝဲအကျါလီၤ. ယကတဲဘၣ်ဝံန့ၣ်တၢ်လၢကဘၣ်စံးဝဲ, ဒီးအဝဲကတဲဘၣ်ပှၤဂီၢ်မုၢ်တၢ်ခဲလၢာ်လၢယမၤလိာ်အီၤန့ၣ်လီၤ.

ဧ့ၤဘြံၤ 1:1

လၢပျၢၤန့ၣ်, ကစၢ်ယွၤကတိၤတ့ၢ်တၢ်ဒီးပမိၢ်ပၢ်ဖံဖုလၢပျၢၤ တဖၣ်ဘၣ်ထွဲတၢ်အါမံၤအါကလုာ်ဒီးအါဘျီခီဖျိဝံတဖၣ်လီၤ.

လံာ်လီၣ်ဖျါ 11:10

ပှၤအိၣ်ဝဲဆိးဝဲလၢဟီၣ်ခိၣ်ချၢတဖၣ်ကသူၣ်ခုသးခုဝဲ လၢပှၤခံဂၤအံၤအတၢ်သံအဃိလီၤ. အဝဲသ့ၣ်ကမုာ်လၤသးခုသကိးဝဲဒီးဆှၢလီၤတၢ်ဟ့ၣ်ဆူတဂၤဒီး တဂၤအအိၣ်, မ့ၢ်လၢဝံခံဂၤအံၤဒုးအိၣ်ထီၣ်တ့ၢ်တၢ်တူၢ်ဘၣ် တၢ်နးတၢ်ဖှီၣ်အဒိၣ်အအါလၢပှၤဟီၣ်ခိၣ်ဖိတဖၣ်အဂီၢ် အဃိန့ၣ်လီၤ.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 3:15

စီၤၡမူၤအ့လးအိၣ်လၢလီၢ်မံခိၣ်တုၤလၢမုၢ်ဆ့ၣ်ဝါလီၤ. ဝံၤဒီးဂဲၤဆၢထၢၣ်ဝဲဒီးအိးထီၣ်ယွၤအဟံၣ်အတြဲၤတဖၣ်လီၤ. အဝဲပျံၤတၢ်လၢကတဲစီၤဧ့လံၤဘၣ်ဃးဒီးတၢ်ထံၣ်လၢညါခီအဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:21

ယွၤလီၣ်ဖျါထီၣ်ဒံးအသးဆူညါလၢဝ့ၢ်ၡံလိၤအပူၤတၢ်လီၢ်ဖဲ အလီၣ်ဖျါထီၣ်တ့ၢ်အသးဆူစီၤၡမူၤအ့လးဒီးကတိၤတ့ၢ်တၢ်ဒီး အီၤအလီၢ်န့ၣ်လီၤ. ဒီးဖဲစီၤၡမူၤအ့လးကတိၤတၢ်န့ၣ်အံၣ်စရ့လးဒီကီၢ် ဒိကနၣ်အီၤလီၤ.