လံာ်တၢ်ဂံၢ် 12:13 - Sgaw Karen Common Bible

¹³ လၢတၢ်န့ၣ်အဃိစီၤမိၤၡ့ကိးထီၣ်ဆူယွၤအအိၣ်, ဒီးစံးဝဲဒၣ် “အိ, ကစၢ်ယွၤဧၢ, မၤဘျါအီၤတက့ၢ်.”

လံာ်တၢ်ဂံၢ် 12:13 Iomraidhean Croise

လံာ်တၢ်ကဲထီၣ်အခီၣ်ထံး 20:17

မ့ၢ်လၢတၢ်မၤတ့ၢ်အသးဒီးစီၤအၤဘြၤဟၣ်အမါ, နီၢ်စၤရါအဃိဒီး, ယွၤမၤတ့ၢ်ဝဲဒ်သိးပိာ်မုၣ်တဂၤလၢ်လၢ်လၢ စီၤအဘံၤမ့လ့းအနူၢ်ပူၤစီၤပူၤန့ၣ်အိၣ်ဒံၣ်အိၣ်ဖိသုတသ့ တဂ့ၤန့ၣ်လီၤ. လၢတၢ်န့ၣ်အဃိစီၤအၤဘြၤဟၣ်ဘါထုကဖၣ်တ့ၢ်တၢ်လၢစီၤအဘံၤမ့လ့းအဂီၢ်, ဒီးကစၢ်ယွၤမၤဘျါအီၤလီၤ. အဝဲမၤဘျါစ့ၢ်ကီးစီၤအဘံၤမ့လ့းအမါ, ဒီးအကုၢ်ပိာ်မုၣ်တဖၣ်ဒ်သိးအိၣ်ဒံၣ်အိၣ်ဖိကသ့အဂီၢ်လီၤ.

လံာ်စီၤပၤအခီၣ်ထံးတဘ့ၣ် 13:6

စီၤပၤရၤယၤဘၣ်စံးဘၣ်ဝဲ, “ဝံသးစူၤဘါထုကဖၣ်န့ၢ်တၢ်လၢ ယဂီၢ်ဆူယွၤ, နကစၢ်ယွၤအအိၣ်ဒီးဃ့လၢအဝဲကမၤဘျါက့ၤယစုန့ၣ်တက့ၢ်.” ဝံဃ့ဘါထုကဖၣ်တၢ်ဆူယွၤအအိၣ်ဒီးစီၤပၤအစုဘျါက့ၤဝဲဒၣ် န့ၣ်လီၤ.

စံးထီၣ်ပတြၢၤ 30:2

ယွၤ, ယကစၢ်ယွၤဧၢ, ယကိးထီၣ်နၤလၢတၢ်မၤစၢၤအဂီၢ်, ဒီးနမၤဘျါက့ၤလံယၤလံ.

စံးထီၣ်ပတြၢၤ 41:4

ယစံး, “ယွၤဧၢ, ယမၤတ့ၢ်တၢ်ဒဲးဘးထီဒါလံနၤလံ. သူၣ်ကညီၤသးကညီၤယၤဒီးမၤဘျါယၤတက့ၢ်.”

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်တၢ်ဟးထီၣ်ကွံာ် 4:7

ဒီးယွၤစံးဝဲဒၣ်, “ဒၢနုာ်ကဒီးနစုဆူနဆ့ကၤအပူၤတက့ၢ်.” ဒီးစီၤမိၤၡ့ဒၢနုာ်ကဒါက့ၤအစုဆူအဆ့ကၤအပူၤန့ၣ်လီၤ. ဒီးဖဲအထုးထီၣ်က့ၤအစုန့ၣ်အစုဘျါက့ၤဝဲဒီးကဲထီၣ်က့ၤ ဝဲဒ်အဖံးအညၣ်အဂၤတဖၣ်အသိးန့ၣ်လီၤ.

လံာ်ယၡါယၤ 30:26

လါအတၢ်ကပီၤကဆှံဝဲဒ်မုၢ်အတၢ်ကပီၤအသိး, ဒီးမုၢ်အတၢ်ကပီၤန့ၣ်ကကပီၤအါထီၣ်နွံစးအါ န့ၢ်ညီနုၢ်မၤအသး, လီၤဂာ်ဒီးနွံသီအတၢ် ကပီၤလၢအကပီၤထီၣ်ဝဲလၢတနံၤဃီအတီၢ်ပူၤန့ၣ်လီၤ. တၢ်သ့ၣ်တဖၣ်အံၤခဲလၢာ်ကမၤအသး, ဖဲယွၤဘိၣ်ဘံထီၣ်ဒီးမၤဘျါက့ၤတၢ်ပူၤလီၢ်ပူၤကျဲတဖၣ်လၢ ယွၤမၤဘၣ်ဒိဘၣ်ထံးတ့ၢ်ဘၣ်အပှၤဂီၢ်မုၢ်အခါန့ၣ်လီၤ.

လံာ်ယံးရမံယၤ 17:14

ယွၤဧၢ, မၤဘျါယၤတက့ၢ်. ဒီးယကဘျါက့ၤလၢလၢပှဲၤပှဲၤန့ၣ်လီၤ. မၤပူၤမၤဖျဲးယၤတက့ၢ်. ဒီးယကပူၤဖျဲးလၢလၢပှဲၤပှဲၤန့ၣ်လီၤ. နမ့ၢ်ပှၤတဂၤလၢယစံးထီၣ်ပတြၢၤအီၤန့ၣ်လီၤ.

လံာ်တၢ်ဂံၢ် 11:2

ပှၤဂီၢ်မုၢ်ကိးပသူထီၣ်ဆူစီၤမိၤၡ့အအိၣ်လၢတၢ်မၤစၢၤအဂီၢ် လီၤ. စီၤမိၤၡ့ဘါထုကဖၣ်တၢ်ဆူယွၤအအိၣ်ဒီးမ့ၣ်အူလီၤပံာ် ကွံာ်ဝဲန့ၣ်လီၤ.

လံာ်တၢ်ဂံၢ် 12:12

တဘၣ်ပျဲအဝဲကဲထီၣ်ဒ်တၢ်တမံၤလၢအအိၣ်ဖျဲၣ်အသံအိၣ်ဒီး အညၣ်တဝာ်လၢတၢ်အီၣ်ကွံာ်အီၤန့ၣ်တဂ့ၤ.”

လံာ်တၢ်ဂံၢ် 16:41

မုၢ်ဆ့ၣ်ထီၣ်တနံၤန့ၣ်ပှၤဂီၢ်မုၢ်ဒီကရူၢ်ညါကဒူးကဒ့ၣ်တၢ်ထီ ဒါစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “သုမၤသံတ့ၢ်ယွၤအပှၤဂီၢ်မုၢ်တနီၤလီၤ.”

လံာ်လူၤကၣ် 23:34

ယ့ၣ်ၡူးစံးဝဲ, “ပၢ်ဧၢ, ပျၢ်အဝဲသ့ၣ်အတၢ်ကမၣ်တက့ၢ်. အဝဲသ့ၣ်မၤတၢ်မနုၤလဲၣ်န့ၣ်တသ့ၣ်ညါဝဲဘၣ်.” အဝဲသ့ၣ်နီၤဖးလီၤအဝဲဒၣ်အကူအသိးလၢအသကိးဒၣ်ဝဲ အကျါခီဖျိအဖီၣ်တၢ်ဖးလီၤ.

လံာ်လူၤကၣ် 6:28

ဆိၣ်ဂ့ၤပှၤသ့ၣ်တဖၣ်လၢအဆိၣ်အၢသု, ဒီးဃ့ဘါထုကဖၣ်တၢ်လၢ ပှၤမၤအၢမၤသီသုတဖၣ်အဂီၢ်တက့ၢ်.

မၤတၢ် 7:60

အန့ၣ်ဝံၤအဝဲဒၣ်ချံးလီၤအခီၣ်ဒီးကိးပသူထီၣ်လၢအကလုၢ်ဖးဒိၣ်, “ကစၢ်ဧၢ, ပျၢ်လၢ်အဝဲသ့ၣ်အတၢ်ကမၣ်အံၤတက့ၢ်.” အဝဲဒၣ်စံးတၢ်အံၤဝံၤအသးဟးထီၣ်ဝဲဒၣ်လီၤ.

ရိမ့ၤ 12:21

တဘၣ်ပျဲတၢ်အၢတၢ်သီမၤနၢၤသုတဂ့ၤ. မ့မ့ၢ်တခီ, မၤနၢၤတၢ်အၢလၢတၢ်ဂ့ၤန့ၣ်တက့ၢ်.

ယၤကိာ် 5:15

တၢ်စူၢ်တၢ်နာ်အတၢ်ထုကဖၣ်အံၤကမၤဘျါက့ၤပှၤဆါတဂၤ န့ၣ်လီၤ. ကစၢ်ကဟ့ၣ်က့ၤအီၤတၢ်အိၣ်ဆူၣ်အိၣ်ချ့, ဒီးတၢ်ဒဲးဘးလၢအမၤတ့ၢ်လံဝဲတဖၣ်ကဘၣ်တၢ်ပျၢ်ကွံာ် အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:11

“ယသးအုးလၢယဒုးကဲထီၣ်ဘၣ်စီၤစီလူးလၢစီၤပၤတဂၤအဃိ န့ၣ်လီၤ. အဝဲဃၣ်ကွံာ်အသးလၢယအိၣ်ဒီးတစူၢ်ဘၣ်ယတၢ်မၤလိာ်တဖၣ်ဘၣ်.” စီၤၡမူၤအ့လးအသးဒိၣ်ဝဲဒီးသီတနၤကျၢၤန့ၣ်ဃ့ကညးတၢ်လၢ ယွၤန့ၣ်လီၤ.