လံာ်တၢ်ဂံၢ် 12:11 - Sgaw Karen Common Bible

¹¹ စီၤအၤဟရိၣ်စံးဘၣ်စီၤမိၤၡ့, “ဝံသးစူၤ, တၢ်ဒိၣ်ဧၢ, တဘၣ်ဒုးတူၢ်ပှၤလၢတၢ်စံၣ်ညီၣ်အံၤလၢပတၢ်ဒဲးဘးအမၢး အဃိတဂ့ၤ.

လံာ်တၢ်ဂံၢ် 12:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:19

ဒီးစံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, ဝံသးစူၤသးပ့ၤနီၣ်ကွံာ်တၢ်ကမၣ်လၢယမၤတ့ၢ်အီၤဖဲမုၢ်တနံၤ လၢနဟးထီၣ်ကွံာ်လၢဝ့ၢ်ယရူၤၡလ့ၣ်န့ၣ်တက့ၢ်. စၢဃာ်ယတၢ်ကမၣ်မ့ၢ်ဂ့ၤ, ဆိကမိၣ်လၢၤလၢအဂ့ၢ်မ့ၢ်ဂ့ၤန့ၣ်, တဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 24:10

ဘၣ်ဆၣ်ဒီးဖဲစီၤဒၤဝံး မၤတၢ်ဂံၢ်ဒီးတၢ်ကွဲးနီၣ်ကွဲးဃါအံၤဝံၤအလီၢ်ခံန့ၣ်, အဝဲအသးလၢအသ့ၣ်ညါဒၣ်တၢ်, စးထီၣ်ဘၣ်ဒိဘၣ်ထံးဝဲ, ဒီးအဝဲစံးဘၣ်ယွၤ, “ယမၤတ့ၢ်တၢ်ဒဲးဘးလီၤပျံၤလီၤဖုးတမံၤလၢယမၤတၢ်အံၤအဃိန့ၣ်လီၤ. ဝံသးစူၤပျၢ်ယတၢ်ကမၣ်တက့ၢ်. ယမၤယသးဒ်ပှၤအမၢးတဂၤအသိးန့ၣ်လီၤ.”

လံာ်စီၤပၤအခီၣ်ထံးတဘ့ၣ် 13:6

စီၤပၤရၤယၤဘၣ်စံးဘၣ်ဝဲ, “ဝံသးစူၤဘါထုကဖၣ်န့ၢ်တၢ်လၢ ယဂီၢ်ဆူယွၤ, နကစၢ်ယွၤအအိၣ်ဒီးဃ့လၢအဝဲကမၤဘျါက့ၤယစုန့ၣ်တက့ၢ်.” ဝံဃ့ဘါထုကဖၣ်တၢ်ဆူယွၤအအိၣ်ဒီးစီၤပၤအစုဘျါက့ၤဝဲဒၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

လံာ်တၢ်ဟးထီၣ်ကွံာ် 12:32

ဟံးန့ၢ်သုသိတဖၣ်, မဲာ်တဲးလဲးတဖၣ်ဒီးဂီၤဖံးတဖၣ်ဒီးဟးထီၣ်ကွံာ်တက့ၢ်. ဒီးဃ့ဘါထုကဖၣ်န့ၢ်စ့ၢ်ကီးလၢယတၢ်ဆိၣ်ဂ့ၤတမံၤအဂီၢ်တက့ၢ်.”

တၢ်ကတိၤဒိ. 30:32

နသးမ့ၢ်တဆးတုၤဒၣ်လဲာ်လၢနကပာ်ထီၣ်ထီနသးဒီးကူၣ်အၢတၢ်န့ၣ်, အိၣ်ကတီၢ်ဒီးဆိကမိၣ်တၢ်တက့ၢ်.

လံာ်ယံးရမံယၤ 42:2

ဒီးစံးဘၣ်ယၤ, “ဝံသးစူၤမၤတၢ်လၢ ပမၢနၤန့ၣ်တက့ၢ်. ဃ့ထုကဖၣ်တၢ်လၢ ပဂီၢ်ဆူယွၤပကစၢ်အအိၣ်တက့ၢ်. ဃ့ထုကဖၣ်တၢ်လၢ ပဝဲလၢ အအိၣ်လီၤတဲာ်ခဲလၢာ်အဂီၢ်တက့ၢ်. တဘျီန့ၣ် ပအိၣ်အါဂၤလီၤ. ဒ်နထံၣ်နဲသ့အသိး, ခဲအံၤပအိၣ်လီၤတဲာ်ဒၣ်ထဲစှၤဂၤလီၤ.

လံာ်တၢ်ဂံၢ် 11:2

ပှၤဂီၢ်မုၢ်ကိးပသူထီၣ်ဆူစီၤမိၤၡ့အအိၣ်လၢတၢ်မၤစၢၤအဂီၢ် လီၤ. စီၤမိၤၡ့ဘါထုကဖၣ်တၢ်ဆူယွၤအအိၣ်ဒီးမ့ၣ်အူလီၤပံာ် ကွံာ်ဝဲန့ၣ်လီၤ.

လံာ်တၢ်ဂံၢ် 12:12

တဘၣ်ပျဲအဝဲကဲထီၣ်ဒ်တၢ်တမံၤလၢအအိၣ်ဖျဲၣ်အသံအိၣ်ဒီး အညၣ်တဝာ်လၢတၢ်အီၣ်ကွံာ်အီၤန့ၣ်တဂ့ၤ.”

မၤတၢ် 8:24

စီၤၡံမိၣ်စံးဆၢက့ၤစီၤပ့းတရူးဒီးစီၤယိၤဟၣ်, “ဝံသးစူၤဃ့ထုကဖၣ်ကစၢ်လၢယဂီၢ်, ဒ်သိးတၢ်လၢသုစံးတ့ၢ်တဖၣ်အသုတဟဲဘၣ်ယၤနီတမံၤတဂ့ၤန့ၣ် တက့ၢ်.”

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:19

ဒီးအဝဲသ့ၣ်စံးဘၣ်စီၤၡမူၤအ့လး, “တၢ်ဒိၣ်ဧၢ, ဝံသးစူၤဘါထုကဖၣ်ဆူယွၤ, နကစၢ်ယွၤအအိၣ်လၢပဂီၢ်ဒ်သိးပသု တသံတဂ့ၤန့ၣ်တက့ၢ်. ခဲအံၤပသ့ၣ်ညါလီၤတံၢ်လၢ, ပတၢ်ဒဲးဘးအဂၤခဲလၢာ်အမဲာ်ညါန့ၣ်ပမၤတ့ၢ်တၢ်ဒဲးဘးခီဖျိ ပဃ့န့ၢ်စီၤပၤတဂၤအဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.